好想食biscotti但唔想自己整(懶)
上網睇到starbucks有真係感動天
almond & raisin biscotti
十三蚊比我想像中便宜
size比自己做的大得多厚得多
但那種乾脆既感覺尚在
肉桂味很濃
每一口都好香
甜度ok
可能有d raisin帶起左佢主要既甜
而且更帶d煙韌既口感
杏仁有焗完之後既味道
同很脆啦當然

如果有其他味就正

好白癡呀想食壽包好耐架la其實
諗住農曆生日就買左兩隻食下
本來想試大既不過真係好大同貴左d
also個機會成本太大
壽包(三蚊)
其實食兩個細既都夠飽
我買既係冷卻左個d
一夾上手好硬有d驚
不過第二日翻蒸原來冇事
包既質感好軟熟
塊皮好煙韌有彈性最好味
蓮蓉屬自家製作
比一般得深色d實色d
通常越透明代表溝左越多油
而且佢d蓮蓉好有拉力@@
睇相都知
味道當然夠純厚la~~
整體幾good既

一號係我正日生日
當然係
留番俾家人啦
去邊食飯當然我話事啦
舖壽司癈發作所以去板長
因為金水實爆多人唔想等太耐
不過七點幾八點去到都要拎飛
八點半左右開飯
今次重點講有相個兩款
壽司盛
好似係新野
有八件唔同款既壽司
食左和牛個件
生食都好好有油香
同埋易咬得開
生蝦好鮮甜爽口
仲有食舊和牛壽司左手邊個件
唔識分咩魚
只覺得魚油味好濃同上面個一篤酸酸地既醬好夾
刺身盛
有四款唔同既刺身
帆立具好甜加檸檬汁好fresh
蝦依舊都好喜愛
媽同sis食左個炸蝦頭
話好多蝦膏好正
蝦頭格黎有一款唔知咩既刺身
我嫌腥左dd
仲有食個個極上海鰻
好大條但飯唔會好多
飯暖暖地加埋d燒汁好好食
如果有得單出鰻魚飯就爽
仲有食醬油漬三文魚
好抵食都係3蚊件
屯門呢間好食過荃灣既板前
可能同來源地不同有關
仲有玉子壽司
比我想像中好食
完全唔係擦膠黎架
好有蛋香同適中既甜仲有少少汁
普遍黎講d野都幾新鮮
服務都ok la
不過有好多款都好似好快賣哂咁..(e.g. uni)

朋友替我預祝生日
我想食韓燒但唔想去景福宮
上OR決定黎呢間
BOOK左七點
上到去人唔算多
一坐低朋友們送左禮物之後就拿拿臨出去拎野食先
炸鏝頭同咖哩角望落麻麻冇要到
由熟食講起la~
腐皮sushi
舊飯唔太大
腐皮ok甜甜地帶少少汁
卷物
係食到尾聲無聊整燒壽司
燒完外脆內軟好正不過唔知係咩卷黎既@@
泡菜
辣得黎唔嗆
唔會死咸
好爽脆
有一碟係有木耳粉絲椰菜
冇乜味木耳太淋
仲有芽菜同兩款菜都好好味
幾新鮮
不過好有趣三樣野一樣味
係麻油味xddd
燒既野食款唔算多~不過refil得好快
魷魚鬚
一開波就吃呢個
好快就熟
好彈牙而且個醃醬幾香辣
牛俐
原來我唔拎大家就唔會想食
話驚核突{咁但係又唔怕食豬紅!!}
不過我幫手燒完之後好快就'賣晒'
因為好juicy
不過要睇緊d
一過左龍就韌架la~
雞腎
又係我唔夾冇人食個種
椒鹽好惹味充滿油香
雞腎原來幾噤燒
燒耐左都唔會難食
好有d街邊串燒既感覺
雞排
雞排睇到冇落鬆肉粉
但依然好嫩滑
不過咸左dd
青口
青口幾新鮮燒完顏色好靚
食落夠爽身
多春魚
得我食
d人話驚見到個頭= =
多春魚冇乜調味普普通通la
鯖魚
好彩夾得不多得我食
魚肉結實好易起晒成條肉出黎
腩味有甘味
牛肉
牛肉我記得都有成幾款
不過大部份都好食
都keep到肉汁
係西冷就差
唔夠肥會乾
豬潤
冇name tag都係抱住試下既心態去食
燒既時候會有血水出
質感同飲湯個d唔同
多左d脆既感覺
入面就粉粉地
雞翼
食左一隻
佢幫妳開埋邊快d熟
不過不失la
蝦
好大隻
幾鮮甜wor~
羊排
都係我食
其他人係牛魔
羊排我嫌肥左d
有鬆肉粉肉淋得不合情理
冇左陣蘇味食咩羊姐?
冇乜點食甜野
係無聊食左個雪耳糖水
唔太甜
不過木瓜未夠熟冇味
仲有西瓜都好似好正
d fd狂食話好甜又起晒沙

整體好好
不過可能角落位冇咩server睇住
五個人加埋又九折quopon
就可以當唔使比加一個份$
變番原價~~~~

細個去呀麻家成日食
大個左少黎呢邊都忘記有呢樣野食
朱古力曲奇
樣子同以前一樣大小也是
不過就多左塊膠片防止癡住其他曲奇
味道
同以前食既一樣
朱古力用料依然是死甜+帶一點可可香
兩塊曲奇中間既黃梅果醬酸酸地中和番d朱古力
曲奇鬆而不散{xdd}充滿牛油香
邊邊位更有少少{火農}{火農}地味好香口
so gd
而且個度野食比以前多左
有豆沙~蛋黃~同皮蛋酥

我係呢度寫過幾次
睇番原來都有一年
今日係老豆農曆牛一
就黎突破四字關口喇!!cool man!!!!
訂蛋糕呢d野當然由我黎
最好就跟埋我口味tim
訂左紅桑子芝士蛋糕
我嫌佢冇撻底好普通
好奇問可唔可以轉
原來得架
價錢同普通紅桑子芝士蛋糕一樣唔會變
太好喇^^
今日去拎個陣都覺好鬼重呀又
味道當然好ok
不過custard好似比以前少了
但老豆d fd都話個餅好味道
happy birthday~

好瘋癲呀為左食可以晨早流流出cwb@@
呢度位置有d僻未去過好彩唔係自己黎~~~
去到都差不多滿座la要搭檯
well有個客用左其中一張凳放野所以我地冇得用
當sis問有冇多張凳
有個staff好似好唔gur咁話{有架喇!}定唔知咩
總之好唔nice la
當時咁多客唔知佢地個刻有咩感想?
算la叫野食lu要左個早餐set飲熱奶茶
火腿通
火腿象徵式有兩片仔
來貨冇咩可以講
通粉唔會煮淋晒很好
湯底據聞加左奶
又好似比平時thick一點
感覺應該冇味精
飲左兩啖都冇口渴之感
仲有呀加左麻油香好多
炒蛋+油多
佢好似漏左我單
一催即到天呀
唔係蛋治所以冇三寸
但都有layer同蛋汁食到wor~
加胡椒粉就正晒
多士很厚烘得好好
外脆內軟冇乾晒
牛油唔算多
仲好我唔係牛油愛好者
不過佢用既牛油幾香唔膩~~~
整體ok la
不過地方很逼要同隔離檯肩並肩身貼身
下次有機會的話我挑戰蛋治~!
anyway多謝sis又請我食野

最近收到餅卡好高興有嫁女餅食
綠豆蓉酥
好重手呀~
一切開好酥呀個皮好脆弱呀
皮幾薄
拎上手冇油
餡咸咸甜甜好強勁
有麻油香同有d唔知係南乳定咩既味道
仲有d白芝麻tim
係個外皮既收尾有d厚同硬
我自己都食左半個
紅綾蓮蓉酥
外皮同豆蓉酥一樣脆弱的很
每一塊碎片薄得透光
蓮蓉感覺比x心月餅d蓮蓉冇咁甜
仲幾綿滑tim
食完唔覺漏~~~~~

不過要買黎食好看似有d貴呀
都係等人結婚吧la

去親補習都想黎breadtalk
麵包超人
唔使再講係紅豆包
size ok
第一問題係d餡嚴重傾斜
側埋一邊
我一開始食係第二邊冇乜餡
仲以為咁節省
食到一半先見到紅豆
幾清甜
之後當然其實餡都多既
不過側埋一邊令一邊包皮好薄
應該唔會再食

買個陣有個身光頸靚既女人喪揀!!!!
夾完一個睇唔岩放番入去又揀過
我一路望住佢佢都冇收手
好衰
d 年輕staff見到又唔出聲><

my sis好死好人知我中意食甜野
所以去開個頭就買左合桃酥比我
合桃酥
今朝忍唔住開左個黎食
打開個袋好香好吸引呀
見佢個個size不一
我諗應該係人手做la
仲好食埋手工
外表金金黃黃好靚仔
咬落當然鬆脆la
如果要同奇趣比
我覺得呢個既碎會大粒d似粗沙粒
奇趣會幼細d粉狀d
味道整體當然唔錯
有驚喜比到既係佢既表面
佢掃左層蛋汁先焗
而焗完之後仲保留到蛋香
好強!!
又唔會甜膩同癡牙nice