久仰大名,於是趁放假去試試.

我地叫咗共14樣壽司,包括好貴的和牛,但唔好食,肉味好淡,好多筋.
吞拿魚腩入口好creamy~

其他都ok既,不過又唔覺得呢個價錢.

總括黎講係1般.食物新鮮度唔算超級,次次都要叫先有人黎加茶.我地等咗1個半鐘,下次寧願去monster,起碼唔使等咁耐,仲平d添.

基本上呢間糖水舖大部分都試過晒了.
雪白甜如筒- 椰汁的外皮包住紅豆蓉,豆蓉好香,唔算過甜,但外皮冇乜椰汁味,亦有可能係紅豆蓉搶晒d味,因為豆蓉分量相對多d,建議加強椰汁味.
香芒黑糯米芝麻卷- 1向芒果都係整甜品的大熱,因為甜中帶少少酸可以刺激味蕾,口感清新.呢個甜品配搭得好好,有芒果配襯,黑糯米食落唔會好滯.
芒果涼粉- 幾時都話芒果+椰子味係絕配,好香甜爽口.
朱古力燉奶- 好香奶味,估唔到加朱古力味都唔會好漏.而且質地好軟滑,大推介.
芒果刨冰/香芋刨冰- 香芋蓉好香甜;芒果則1貫出色.個人幾佩服佢1直用既芒果質素都好好,唔會出現過酸的情況,相反許留山呢個以芒果為主要材料作甜品既舖頭都失過手,有好幾次d芒果都好酸><順帶1提,西瓜刨冰不過爾爾.
杏仁糊/芝麻糊- 好香杏仁同芝麻味,同屋企整有得揮. 起碼我食唔出佢係開粉果d差劣製成品. 目前為止都仲好滿意佢既糊類.
近期試埋杏汁燉木瓜,2個人叫咗中量級size,黎到個木瓜原來都好細,不過好好味.杏汁好香(我的最愛),有少少西米响入面.如果另加其他甜品,或者之前已經食到好飽,2個人都夠食.
桂花糕- 個糕本身冇乜桂花味,普通.

總結:雜果類既冇試過,因為唔吸引.整體質素都唔錯,不過太少款了.而家已經好少去,有食黎食去都係果d既感覺.

又到lunch,但諗唔到食乜,於是有同事提議食齋.結果1大班人浩浩蕩蕩出發,之前未食過都唔知間舖咁的式的.

我地叫咗5個飯/麵及1個湯.

乾炒牛河- 好油,d"肉片"d味麻麻.
波蘿咕嚕肉飯- 賣相幾似真咕嚕肉,口感都ok,話晒d麵根炸過,都幾難唔似.
鰻魚飯- 好油....
牛扒飯- 個樣係漢堡扒個樣,咬開睇塊扒個樣真係有d似喎
星洲炒米- 可以接受,但同茶餐廳冇得比
牛肉湯- d牛肉好似貓糧果d肉碎咁,老實講有d食唔落口.不過個味都ok既.

總結:我會話佢係1間唔合格的素食館,不過價錢好平.個人覺得做素食館就算全部菜係實實在在既素都冇問題,因為素菜都可以好好食.但千奇唔好做扮葷既菜,因為呢d係高難度之作.如果做得唔好真係會好 好 好 難食.

我地是日晚餐就响呢度解決,第1次食,感覺唔錯~

酸辣小黃瓜,唔錯,唔太辣,作為頭盤幾開胃.
小籠包,d肉有d"梅",呢個唔得.
擔擔麵,ok,不過不失.
抄手,ok.
蝦炒飯,1般.
餛飩湯麵,好淡,好1般.
芥蘭,好食,剛剛熟,好清爽.
荔芋包,大推介!!個人認為最好食係佢,芋蓉好食,唔太甜,令芋頭的香氣更突出.我地連續叫咗2籠.
豆沙包,1般過1般,好甜,食過荔芋包就唔會想食佢.

感想:
份量好細,我地2男3女唔夠飽.
另外,服務好好,好有禮貌.
洗手間簡直超級好,好乾淨,有專人响度幫你開門,我入厠所前佢居然幫我抺個厠板

整體我覺得服務比食物要好.

久仰大名,終於去咗啦.

我叫咗set lunch,有湯,牛扒,飲品,甜品.

湯ok,牛扒質素麻麻,有d鞋,唔夠juicy.甜品係雲尼拿雪糕

食物整體ok,唔可以話超級高質素.

服務唔錯,侍應都係上咗年紀的人士,可敬. 個人覺得最值得再幫襯就係呢1點.

終於試過傳說中的番茄麵.

去之前d同事講到好吸引,所以好有期待.

我叫咗蛋牛番茄牛公仔麵,奶油脆脆,咖央(多士),咸檸7.

後記:
蛋牛番茄牛公仔麵d牛肉超"林",但老實講太"林",完全冇牛肉應有的質感,佢應該係唔知用咩"拿"過d肉 然後公仔麵d味唔似平時响屋企煮果d味,即係冇公仔麵味. 冇乜口感. 另外d湯正如上面果位講,係罐頭番茄湯. 簡單講呢碗只係普通到唔普通的麵,你我都可以輕易做到,重可以做得好食過佢添,唔明佢出名响邊??

奶油脆脆烘得好香,加牛油加煉奶,又香又甜,呢個值得推介

咖央多士普通,椰子味唔夠香.

咸檸7搵笨,有同事話以前佢1樽7喜可以倒2杯8分滿既杯,e+只係分到每杯1半多少少,即係話佢個樽容量少咗 另外果塊咸檸檬皮得手指尾指甲咁大,全程只有7喜味,冇咸檸檬味>< 佢重要俾少1個杯底囉,搞到1杯咸檸檬的分量要幾杯分,本來想同佢講,但果度明顯人手嚴重唔夠,叫人要等最少5分鐘先有人埋黎,所以不了了之.

環境:
差,唔夠位,食食下會有好多人圍,要有人响你頭頂1邊高談闊論1邊等你個位的心理準備,完全係以前舊式茶樓既feel.
家族式經營,唔夠人手,要等好耐先有人幫.同埋冇乜禮貌,粗聲粗氣,好似唔休做咁,感覺唔太良好.

總結:唔會好推介, 但1試無妨

我地叫咗2人餐,食物包括:
泰式併盤(炸魚餅,炸蝦餅,春卷,酸辣鳳爪)-->頭盤
冬陰功-->湯
咖哩雞+薄餅
豬肉粒生菜包
加兩杯飲品(我地要咗冷熱檸茶各1杯)

整體感覺:
量都算多,我地都食唔晒.
以併盤最好食,鳳爪不會太酸,有咬感幾爽口;
湯有d咸但冇鮮味;
咖哩雞d汁算香,唔太辣,但雞肉質好實,又乾,反而薯仔好食過佢><
生菜包麻麻冇驚喜,唔推介;
飲品方面佢用劣質檸檬所以有苦澀味.

戲肉黎啦~
埋單$268加1=$294.8,佢竟然收我地$295!張單寫果$0.2叫做微調!!坦白講冇人會在意果2毫子,但我從來未食過1間餐廳會咁光明正大收人齊頭數既,個人覺得咁做生意好唔老實,而且e+經濟唔好,點解唔索性優惠我地收少8毫子呢?

仲要冇eps! e+好少餐廳冇呢個設備,過份!

最搞笑佢最後俾咗張儲分咭我地,得2個印lor!好心差5蚊就俾夠3個印我地啦~咁都計,仲要有效期得3個月,我唔會覺得响3個月內可以儲齊10幾個印lor!

後記:
呢間餐廳野食同價錢唔算成正比,唔識彈性俾優惠d客,唔會再幫襯。