下午做到3點幾先記得自己未食飯,就試下新嘢la!
開頭我都怕叫一個餐唔送,所以一打去就問清楚先..其實我只係叫一個tea set,要人為$25走過尼有d唔好意思..

叫咗個小食拼盤,揀薯角,魷魚圈,沙律
個沙律細咗少少,但話明小食嘅話算過得去la.佢隻沙律係撈黑醋,唔知問佢可唔可以轉沙律醬..下次再問下
薯條幾好味!一送到尼嗰陣熱到辣親條脷
魷魚圈最好味,入面條魚1d都唔求其,幾彈牙,值得番叮

嘢飲叫咗coke light,外賣唔加錢..值得一提嘅係打完電話2-3個字已經送到..我住南洋酒店嗰邊都唔洗咁快啊

總之呢間小食店值得我再叫..唔錯唔錯

本來想同朋友去蘭芳園試奶茶,但多人到嚇親..於是諗住轉住勝香園食檸蜜脆脆,點知人龍竟然過之而無不及..唔想用咁多時間等只好去對面比較少人排既九記

尼九記梗係食佢最出名既牛腩河.我叫清湯,友人叫咖喱.服務一般(阿叔們粗聲粗氣又唔多想理你..)然而效率奇快,果頭叫呢頭上.
清湯牛腩河真係好好食!牛腩夠腍,傳說中既"食腩有腩味"..清湯亦都不俗,食得出唔係普通味精湯
咖喱腩河朋友連d湯都飲埋

美中不足既係..太細碗!我係女仔都食唔飽..

之前出$10優惠果陣已經成日食..最中意食sour cream同蜜糖芥末
衣家冇左$10一杯薯條,取而代之既係$15既鴛鴦味

鴛鴦芝士:芝士味好重!愛芝一族之選,但有少少芝士還芝士,薯條還薯條既感覺
蜜糖芥末x酸瓜沙律:2個味都好好食,特別係酸瓜沙律酸酸地同薯條好夾.

而薯條亦係即叫即炸,一食落去會"辣口",好脆好飽肚

要同連鎖快餐店比較的話,瘋薯既薯條真係嬴好多班!希望佢出多d唔同既味道同優惠啦

住附近成日都尼食.

蘑菇雜菌risotto:veggie菜式,有好多蘑菇.risotto濕得尼冇正宗咁濕,比較易入口.佢煮完之後會倒橄欖油,成個飯香晒..但食完勁口渴
蕃茄意粉:同樣係veggie菜式,但我覺得用既蕃茄好酸..

如果加埋野飲大約50蚊左右.佢既咖啡好滑,每一杯拉花都拉得好靚.但expresso冇decaf都略嫌唔夠濃.

之前用紅色膠椅非常唔好坐,衣家轉左椅舒服好多.佢唯一既缺點係上菜好慢,幾乎整完一樣先到另一樣..如果想等埋一齊食尼先果d已經凍晒.但under $40就有個risotto/意粉(唔包野飲)係呢一區算係平價,好食我就唔要求咁多啦

3個人叫左1個窩飯,2個拉麵同幾件壽司..

拉麵普通,豬骨湯都唔錯..家姐反映地獄湯唔夠辣
吉列豬扒有少少淋左,好在唔太油,粉亦只係一般厚
照燒雞個醬同出面食既差唔多,應該係現成醬汁

反而壽司真係麻麻,馬刀貝唔夠爽口,帶子亦唔鮮甜.幸好冇雪味又未至於太差

服務唔錯,媽媽唔飲得茶要飲水都會特登幫佢換,加茶時亦會問一問先加

總括尼講,街坊得閒諗唔到食咩落去食個便飯就ok,但佢既質素未令我想叫貴價刺身食~

好少過尼呢邊..尼到肚餓唔知食咩好,就求其揀間茶餐廳入去啦

一入到去幾闊落幾好坐..諗住野食都ok啦
我叫左白汁海鮮天使麵 跟奶茶
男友叫日式餃子烏冬 跟柚子茶

白汁海鮮天使麵..好細個..雖然係下午茶姐,都唔係細成咁架
個白汁勁淡,淡到水一樣..但又唔太稀
就算麻麻好食,我都餓到食晒為止

男友個日式餃子烏冬 餃子得果3隻,仲要係細既
裡面搵到好多菜..乜日本人咁健康架咩?
烏冬就屋企級數,又係好細份

不過..個重頭戲其實係杯奶茶!
一上果陣杯奶茶已經瀉晒,倒到成隻碟都係,連杯耳都有
杯身痴立立,都唔知點拎起佢好
最過份既係杯上面竟然有唇印!!
大家有留意既都會知道飲熱野個杯邊會有半個咀印+一條流底杯底既痕跡
但我一啖都未飲過..都唔敢飲

埋單$54 野食又唔飽,野食又唔敢飲..搞到我地之後仲要再搵野食!
(可惜我transfer線壞左,所以冇相..但我已經影低晒,絕對冇屈你!)

同朋友係灣仔食餐便飯,於是尼華星試下.

一直聽講係澳牛既翻版,所以特別叫左常餐..$28~

通粉冇乜特別,不過好大碗.呢個份量下叉燒顯得較少~
多士ok.都幾厚,幾香牛油味
炒蛋始終都係澳牛好d.但呢度都唔差.有d蛋汁都好滑

野飲叫左茶走.都幾好味茶走最睇到一間餐廳既水準!試過係一間茶餐廳度飲..真係
佢最好既係唔趕客走!食完都可以坐下傾下計..唔洗好似澳牛咁趕頭趕命.

全程由英文waitress serve我地,不過聽得明廣東話..點菜方面冇問題
叫左一個一人套裝,一個燒肉套餐
一人套餐叫左日式果個汁..好好味!反而食物冇乜特別..都係一般

呢度主要都係食個環境..對住個海既座位靚就靚,但係真係大風得好緊要
tissue,就連salad既菜都吹得走,一個弱質女流去真係頭都痛埋
建議身體較差既sis坐入面仲好.仲可以睇埋live band show~

2個餐+一杯non-alchol飲品共$300左右.話貴又唔係好貴,但呢個價可以食同樣quality既任食韓燒..試完一次就算~

(後記..果位英文waitress完來識講廣東話.但之前全程講英文..好吊詭!)

住了灣仔這麼久 竟然上星期才知有這間餐廳

我叫了芝心丸雞翼芝士撈公仔麵
最讚芝心丸!咬下去真的有濃濃芝士流出來,是會辣親個嘴的
雞翼不像雞翼,如果是我會稱它為雞肉
芝士汁很正!很濃很杰,即使公仔麵份量很少也吃得很飽

下次再試撈"羅絲"粉,感覺上較公仔麵健康!

這間味千一到晚上便會水靜鵝飛,我喜歡靜,剛巧又從灣仔碼頭上來,路過才食.
見到1個卡位冇人但安排我們坐普通枱,要求轉去卡位時被waitress以該區不開放為由拒絕
但10分鐘後有另一對手持名牌袋的食客竟被安排坐卡位,哦原來是不向我們開放,但向名牌袋開放...!!

叫了二人套餐
蟹籽沙律:別說蟹籽,連蟹柳也只有這麼少,整個沙律沒有沙律醬的
豆腐:燶得有苦味的.雖然我努力說服自己不要以貌取人,但我真的抗拒不了像黑衣兜的想法.
拉麵:刀工精細,沒有相當功力也不能把豬肉切得這麼薄!湯油得很緊要,食完會口渴.

明明全晚只有3-4枱客,但要求加水後卻等了足足5分鐘才加水給我!付款時又找錯錢,真的難以想像繁忙時間的食客會有甚麼待遇.