同MAY MAY行完柏架山走到這頭搵食 見晚餐牌有十多款SET選擇 有湯有包 有餐飲 價格也不太貴 於是一試
推門入內 黑黑暗暗 地方也不是很大 但內裡客人經已滿滿 女友人又想試下於是等了一陣
可惜要跟別人搭枱 四人枱坐埋一起 還以為大家相識 因為完全冇分隔 像茶記坐埋一個卡無異
我們點了兩SET 一份是紅酒牛尾飯 另一個是芝士焗雞扒天使麵
牛尾入口鬆軟 份量不少 而味道惹味 天使麵煮得一般 芝士雞扒味道也不夠濃郁 一般OK
餐湯是羅宋湯 入口沒驚喜 而自家餐包有微溫 但不太香脆 
餐飲熱啡作結 比錢後 轉戰到北角翠苑食糖水

 

同波友打完波走去西九食TEA 諗起這裡既酥皮湯
入去太多客 我地三人被店員安排我地搭一張六人枱
好迫下 同埋四圍D聲浪很嘈 感覺麻麻
點上酥皮蘑菇湯套餐
酥皮較薄但做到鬆化(食到一枱碎濕濕)及滿有牛油香
湯底時而稀時而稠 今日水準OK 都有蘑菇粒
主角焗肉醬意好熱辣辣 味道香濃又佈滿肉醬粒 汁底剛好不太膩
反而熱啡普普通通 一般貨仔

 趁天氣良好 就約埋宇哥,阿柏去魔鬼山操山 5點完成
順道走到大本型搵食先回府..
久不久也來 比對下此食店食品較其他分店水準高 人流暢旺
尼段時段當然不用等有卡位直入
叫了多款壽司都新鮮
自己就推選炸野菜小烏冬

 

近日有空閒 趁天氣清涼 就與宇哥去針草操山 四點半完成
走到愉景新城搵食先回府..
裝修了一段時間 食店開始復現眼前 加入不少新食店及連鎖中檔店子
這時見夢見屋不是太多客 隨意入去試下 不過門外沒有侍應招呼
餐牌應該是全日供應 主菜另加錢會跟是日餐湯及飲品 再加一
我點了白汁煙肉蛋黃醬意粉 份量同相片出入很大 少意粉 少煙肉 唯價錢不變
味道一般 無特別 餐湯是忌廉粟米湯 香香甜甜 普普通通
凍咖啡 都是奶少糖水多果種
友人點了芝麻醬雜菌雞肉意粉 份量同樣少得可憐  行完山添更加不飽
熱咖啡 無特別
主菜要加湯加飲品(加二十八蚊 每人成佰元埋單食下午茶 不值

剛踏入羊年既人日,祝大家生日快樂,健健康康,食得是福!!恭喜恭喜
送馬迎羊之前 約左幾位全男班既好友 走入深涌重遊..
入到西貢天氣超好 係附近找上這間茶記食早餐
店子已FULL爆 老闆娘叫我們稍等 好快已安排入座
六個人點了六份早餐 約$30-35不等一SET 當然凍飲另加$
來到份量很足 味道都不錯
雖然是普通既通粉但不會煮得爛或淋
碗內也放有雜豆 美味
我選配既餐肉煎蛋 前者都有兩片 仲熱辣辣煎上 不會整定放涼夾比客
餐包不熱但軟熟 OK
心水餐飲熱奶茶也不賴 茶夠熱 合口味
食飽晒 大滿足 飛快趕坐小巴入白沙澳進發向深涌走!!

星期六晚 係大角咀打完波 班波友介紹來這商場新開不久既ITAMOMO+PLUS
這店子設計較寬敞及暗黑 有別於他舊有既分店感覺
來到七點鬆 門外開始有客等 四條友等了十五分鐘有位 比左個四人卡座我地 
各自點一份餐 我點青芥醬煙肉意大利飯 比對其他意樂,意八分店質量
這飯量偏少 意大利飯做得好濕 煙肉切得又細粒又少  唯味道一樣好
友人點晚餐既海皇青口飯 好香噴噴 青口都好味 嫌份量太少 男士絕不夠喉..
跟餐既雜菜Salad幾新鮮 美味
另一道雜扒鐵板都幾正常味道及份量 薯條好脆好香口 熱騰騰
最後一份是焗豬扒飯 彈豬扒肉質較淋  讚焗汁是意大利蕃茄醬既味道 酸酸甜甜幾易入口
問了侍應 單點食品可半價加基本飲品 晚餐就跟熱飲 凍另加$
點了兩杯凍O檳 普普通通
反而另外兩杯凍奶茶 比想像好 奶滑濃郁 茶不削 希望KEEP 住水準
我會再來 加油!!
 

約了住附近既友人晚飯 放工早D 拿拿淋搵位搵地方 由我選
沿地鐵口上到屋村平台 隨意走入和亭食日本菜 6:35到 無咩客 尚早
先按門鈴 女侍應馬上問多少人 即招待入內  今晚我地三條友仔 
坐下 剛才女侍應已經取來熱茶 好好(出面真係有點寒)
佢地7:00到 叫落單 這女子又來寫單 看來樓面員工只有二,三人 而她是比較勤快既一位
望了Meun 原先已不多選擇既菜式 現在比已往更少款
大部份Meun為鍋物 其他是壽司 同幾款碗飯 甜品及飲品自助BAR$12/位
我地點了二份大$38滑蛋豬柳飯,章魚餅,一個細$48牛骨湯豚肉鍋,散點12件壽司
三客自助吧(好少款,主打汽水,另見有一樽柚蜜放台及凍齋啡機一部給客自溝 :upset 有點失望
食物大致OK 豬柳飯底好大碗 不過豬柳件頭細 好在還有洋蔥蛋洋撈飯
牛骨湯底幾好 但豚肉太少只得四,五片  伴菜尚可以..後來見還剩湯底追加了烏冬,雞亦,南瓜
壽司質數 飯細兼無鮮味 又凍又實 TOO BAD
總括來說 熱食較好
若然你不介意侍應不得閒加茶 你也願意慢慢享用食物 這裡也是個好地方   

工作關係途經這裡 被雞蛋仔既香氣吸引住
排隊是我最不喜歡的 見只得6-7人在排 就比小小時間等..
我買了一底原味雞蛋仔$15 熱騰騰夠新鮮
聞落香味較淡 咬下都嫌佢淡口 唔夠蛋香及甜度 比已往失色..
讚賞它外面脆口 但內裡唔夠鬆軟

好耐無寫食評 忙是藉口 玩APP就廢寢忘餐 一般香港人既通病
今次約左四位好友驅車入粉嶺食素兼玩影相
天氣超好 這裡地方好 食物也好
是日不太多人 但總要按她們安排搭檯坐
點左三碟 因為這裡碟頭大 曾叫多了 浪費了(之後當然識點)
見價格又起了 最平的也要收七十 人多不怕 但對一個客仔來吃如何點菜??
這裡不收加一 茶水自斟 白粥白飯任添
最喜歡五柳素仙斑 用上五柳煮既甜酸汁當然味美
自選雙拼 炸春卷及素鴨 前者皮脆香口餡又足  後者就嫌佢口感太淋
雜錦上素 味道唔差 嫌冬菇太少 太多粟米芯
吃下一碗白粥一碗白飯 滿口米香 大滿足

約了波友'大健'係尼頭打波 就近入了祥榮食TEA先
好一段時間無來 內裡有種回到過去既感覺 這裡裝潢仍然懷舊兼黑暗暗
當下是下午茶時間 裡面已經坐滿了街坊老友 然而伙計沒多個 揚了多次手才落到單  
我點選焗迷你豬扒飯 賣相不差  汁味甜而帶酸幾開胃  反而豬扒掛上美極味not good
友人點既楊州炒飯 好少料又無咩味道 唔係幾得
各自點了熱奶茶及凍奶茶 我既熱奶茶都可以 但奶多茶味少..
凍既味道就偏淡..
坐落下 發覺好似無開冷氣定點 好侷促 食住焗飯出晒汗添