在平淡的生活中, 總會有一天心中突然想放縱, 找尋平凡生活中的一點刺激~ 剛好從友人那得知在家附近的盛貿飯店現在已成為香格理拉旗下的集團酒店, 而盛貿飯店中的馬來一的水準十分高, 據說chef都師承正宗的馬來西亞高廚, 所出品的食物水準非常好, 是很值得在香港一試的優質東南亞餐廳。而其中一個很值得推介的原因, 是價錢實惠: 差不多80%的食物, 包括主菜, 都在$100以下!  既然朋友大讚, 而今天正巧需要一些味覺上的衝擊, 一於訂位放工後去大吃特吃!! 

盛貿飯店位於西環西寶城附近, 酒店附近主要是一些住宅和小店, 如果不是住在附近的來客可能會覺得不方便, 但其實在中環有小巴可以直達酒店門口, 十分方便。

酒店門口並不明顯, 和諧地融合在這個小區。 酒店的裝潢平實簡潔, 沒有香格里拉集團酒店一貫那種堂皇的氣派, 但是這反而令人有種實在和輕鬆的感覺, 至少我這種身穿簡單牛記的來客不會被顯得失禮或格格不入。 突然很期待快快到2樓享受一番呢!!

電梯門一打開, 嘩嘩, 一陣有鑊氣的香辣味己率先使我肚皮大叫! 我們立即被侍應安排到近餐廳旁邊的二人座位坐下, 並放下2本menu後再送上2杯温水。由於朋友一早推介了幾個菜色, 我們很快便點好菜, 等了5分鐘左右, 第一道主菜便熱騰騰的送上: 

檳城炒貴刁 $85 這道炒貴刁, 可以用香辣, 惹味, 刺激來形容!   廚師炒得十分有鑊氣, 香氣十足, 材料也頗豐富, 有大蝦, 臘腸片等芽菜等。一上菜時我已急不及待夾了一注貴刁食左先! 這看似油多的貴刁竟然沒有油油的感覺! 入口後最先感覺到的是貴刁的微妙辣味, 非常醒胃, 接著是大蝦的鮮甜彈牙, 臘腸的適中咸香, 而漸漸地會開始發現那貴刁的辣味緩緩滲出, 這種滲出的辣味是温柔的,不霸道且有層次的, 刺激得來又很舒服!
多咀嚼幾下後,發現其中最有驚喜的是芽菜! 在辣味中間中咬到那爽脆香甜的芽菜時, 竟令這香辣的菜色有清新的感覺! 其後再細心看看芽菜, 這肥肥短短的芽菜不似是一般在市面上買到的吧! 在我吃了幾注後打算再看清楚時, 發現最後一注已經俾人ko埋了...oh.... 唔夠喉呀! 頭先都唔覺得份量細呀.... (不過呢, 因為那辣度十足, 我食完都飲左2杯水呢, 要讚下waitress加水加得好頻密呢!抵讚! 果然是香格理拉級的服務水平!)

在我在"仇視"對面食得咁快時, 剛好下一道菜已上來了:
牛肉沙爹串燒 $72 6條 自從食過泰國的街頭串燒後, 一直都有鋪串燒癮, 這串燒雖然不及泰國街頭那麼有風味, 也沒有那些香, 但很明顯用料優良得多! 首先, 先試下原味牛肉, 牛肉有牛味, 調味很輕手已經很好味, 有肉汁, 最重要的是牛肉是有嚼頭的, 不是那種用soda拿到淋唒的那些牛肉可以相比!  附帶的還有些米糕(甜甜的軟軟的), 青瓜粒和洋蔥片。在食完上一道香辣食物後食粒清甜青瓜, 感覺很清爽, 也有清清味蕾的作用!  出色的還有那花生醬汁, 牛肉沾上有粒粒花生的醬汁後, 牛肉的味道多了幾分層次呢! 結果我們為那裝著醬汁的小碗清得一乾二淨呢! 我覺得下次如果再叫一打, 都係分2次叫, 咁d醬會有2份呀~ 哈哈

食哂這不辣的串燒清了清味蕾後, 上來的是睇落唔係好似個名的:
椰醬飯  $82睇個樣, 我估佢係辣的, 個紅色的醬應該似係紅咖哩之類, 隻蛋個邊係濃得好脆的那種, 那麼蛋黃都好可能太熟了吧... 咁好喇, 混合所有野食左佢吧。
沒想到, 我錯了(我錯得好開心, 因為 首先, 隻蛋黃係流的! 一插入去, 蛋汁立即話咁快流入飯中! 混合所有配料後試一啖, 唔!!!!!好得意呀! 係甜甜地咸咸地但又好惹味的! 那個有蛋汁的飯混合了脆邊蛋白+ 香脆花生和甜魚仔, 再加上紅色醬內較軟身的小魚, 在口中食到一種温香的蝦醬味, 把所有材料的特性很巧妙的混在一起而同時上產生和諧感。正覺得奇怪呢, 說好的椰呢時候, 來了來了, 在咀嚼到快要吞噬時, 那淡淡的椰香很輕柔的滲出來, 把之前的惹味感覺提昇了! 如何說好呢 ?　這是用料優質還是大廚的技巧呢！

食到而家我地已經飽飽地，本來想食甜品，但係，有個待應行過問我地滿意與否時，我們說起那客炒貴刁真的很出色時，女待應表示她最愛的是炒蘿蔔糕！　既然係咁，我們決定用食甜品的quota來食埋呢樣野! 

 炒蘿蔔糕  $65 雖然我們不知道我們為了這客炒蘿蔔糕而錯過了些什麼令我們著迷的甜品, 但是這炒蘿蔔糕一到來, 我已不後悔了!  一上來已香氣撲鼻, 立即食一粒, oh! 好香辣可口呀! 令人忍不住要一件接一件咁放入口! 食左幾件後, 發現入面除了有見到的肥短芽菜外, 仲有切得好碎的菜莆, 再配以餐廳特製的辣醬, 味道配合得真的很合拍! 好奇問下侍應得知, 原來那些芽菜是由馬來西亞運來香港的, 而且是有機種植的, 難怪味道如此清甜爽口! 果然是用優質食材的好餐廳!

食唒4道菜後, 我地2個都飽到上心口, 埋單時被告知, 用中銀卡有85折! 埋單不用$300 (即不用$150一位)  ! 以這種價錢食到這高質素的東南亞美食, 真的十分滿足。

一直都覺得outback的ribs 同beef burger係幾好食的, 但dinner一份要近200元似乎貴了些, 所以好開心它的lunch set 有ribs, 仲要唔貴, 只要$68-$78, 包salad, 黑糖包, 湯, 和一杯drink, 所以一ribs同burger癮一起就會出銅鑼灣食 (我覺得呢間分店係比較good in quality的, 比尖沙咀那間好得多~)

今次去到, 發現它的set lunch menu 轉了..... 沒有beef burger or ribs, burger 得番炸雞burger, salad等 (定價$89), 另外有些pasta set (已忘記價錢)和outback special (六安士牛扒)(定價$106), 因為本來想食的都沒有on menu, 所以我地決定order "outback special", 要medium rare

落左order一陣就有野食喇, 先來軟熟的黑糖包配鮮奶油, salad和湯, 味道是對味的: 
黑糖包: 熱辣辣, 表面是脆的, 分開2份再搽香滑鮮奶油, 真好味! 唯一可惜的是只有一小隻包... 如果有得refill 就好喇 (唔知其實有冇呢?　聽講lunch冇得refill)
salad: 一般, 幸好新鮮爽脆, 菜是西生菜加少少羅文生菜,車厘茄和少少sauce, 但未停乾水... 哎呀... 都好, 至少知道係有洗到的~
湯: 有飽肚感的粟米茸湯, 啖啖纖維, 但味道較淡, 加番少少pepper即刻好味左~ 話哂都係outback special, 我唔多唔少都對份牛扒有些期望, 食哂上面的食物後, 等左近10分鐘份牛先到~ 一睇, 吓？　咁．．．．　細．．．．　０既．．．其實六安士係幾多呢? 件牛來到時我覺得佢似俾人食左一大半, 我都唔知係我預計錯定真係細左．．．　唔通佢的specialty係:特別細?　幸好牛肉係做到medium rare的, 肉質尚算嫩, 也有肉汁, 可惜有筋
飯真係少左d, 也淡左d, 好彩, 我有pepper! 自己調味! 不消15分鐘已ko哂成份午餐, 原因係, 味道不錯但份量少, 所以食得好有效率! 

接住飲埋杯coffee就埋單, 跟住去左宜家食肉丸

總括來說, 我要再找其他地方來止我的ribs和burger癮了, 大家有冇好介紹?

自從多年前去過日本食過當地的食堂大戶屋的燒魚後, 我便對香港這間大戶屋的燒物情有獨鍾, 只因一直夾唔到時間, 結果約在7月1日這個cwb逼爆封路的日子來到這間位於某大廈內, 感覺和外面熱洪洪情緒完全不同的寧靜日本餐廳食dinner。

一出lift已到, 一到餐廳已有人大喊"易媽多e媽些", 我估係welcome咁解, 有個笑容幾好的女人把我們安排到窗旁的2人位, 一會再放下menu和熱茶, 跟住行開, 直至我地招手才過來落單, 完全沒有催我們的感覺 (現在很多餐廳, 特別是貴租的地方, 都生怕人客多留一會, 一坐低就預你要立即點菜... 人地都要睇下menu諗下架...), 感覺很悠閒, 這樣不急不忙食飯先會吸收和消化得好d, 

其實我心底一直都記掛著大戶屋的燒魚, 那微微的焦香, 爽脆的魚皮, 多汁嫩滑的魚肉, 以及那啖啖肉的豐富口感, 正正是我最愛的大戶屋set, 所以我們都點了這個餐, 侍應也在點餐時告知約需時10-15分鐘~~

那10多分鐘的等待令我的肥肚叫了好多次呢, 幸好有味道不錯的玄米茶陪我地傾計, 傾傾下個即叫即燒花魚餐就送到我們面前了:真係好香! 條魚係大過隻碟的, 而且明顯剛燒出來, 還有些許肉汁在滲出來, 賣相很好, 各樣都放得很仔細呢! 由於真的餓了, 影完相立即急急開動: 我唔客氣了!

即叫即燒的魚是特別不同的, 那香脆的魚皮真是極品, 火喉剛剛好, 令魚皮在香和脆之間, 只有淺淡的焦香, 送飯真係一流; 魚肉不用說是一如以往的好, 鮮味多汁又少骨; 醋漬配菜也不錯, 碗蛋也頗滑, 是對味的!

特別要提一下那碗飯, 是煙韌彈牙的, 是日本米的飯香嗎 ? 但我不管了, 一口魚肉一口飯, 真是最好的享受! 食食下, 碗飯食哂了..... 唔該添飯呀! 可以添飯真是我這飯桶最開心的事! 結果這魚令我intake了2碗飯的卡路理呢! 

食飽後,好快有人把東西拿走, 再替我們加茶, 直至我們傾夠計埋單走

也許, 最吸引的, 是這餐廳的"態度": 希望食客能有一餐安樂茶飯的理念吧

7月係老公的生日, 咁我地又有好理由四周圍揾食!  由於有張$100 cash voucher 做生日禮物, of coz 要用左佢, 正所謂食得唔好嘥丫~

星期六在銅鑼灣食dinner真係唔易揾位, 雖然一早book左位, 但7:30到達時嚇了一跳:至少有50人在等位!!! 那時立即擔心會唔會訂左位都要等好耐呢! 好彩確認了身份後立即有得入坐, 行入去時感覺到後面那50多人的眼神有很強的怨念呢

我們被安排在window side 的一張二人sofa位, 坐得好舒服, 仲幾有私隱度, 坐下不久就有人拿menu和茶給我們, 跟住我向waitress 詢問那張cash voucher 有沒有限制, 係唔係只有a la carte先有得減, 佢竟然答我: 當然係全張單減喇, 唔會你叫咩樣樣都減100架喎...

哈哈我估之前應該有人咁問過佢, 所以佢心中已有一個咁ge答案! 不過幾秒後佢load 到我個問題, 立即答番我, 哈哈, 一段幾好笑的小插曲

講番食物, 雖然張coupon冇限制, 但佢d set 唔係我想食的, 所以最終都係散叫左
(1) 三文魚刺身飯: 份量不多, 三文魚很薄切, 唔鮮甜... 飯比較濕, 冇咩醋味... 認真麻麻...
(2) 滑蛋豬扒飯: 這個比較合乎預期, 豬扒是中等厚度, 雖然有汁液和蛋, 但仍有脆口的部分, 肉質也是嫩的, 有肉汁, 味道也不錯

食左2個飯後, 點知唔夠飽......結果要再加碼叫左個三文魚牛油果卷, 我覺得牛油果味太搶, 三文魚味唔出, 同時, 份量係比較少的食完仲唔夠，再叫多2個甜品先飽, 一個係雪糕芭菲, 一個係心太軟耐green tea 雪糕心太軟竟然有水準, 流心得很, 又不會死甜, 加埋少少甘的green tea 雪糕, 真的頗滿足呢~ 
雪糕芭菲則是正常的, 但食到最底有surprise呢, 原來最底係有少少酒的, 這點酒亦為這餐加了不少分數

總括來說, 這是一次愉快的用餐經驗, 值得一個笑的~

雖然今日打風, 但係返左一整日工真係唔想煮飯，所以打電話去問今晚set dinner 睇下啱唔啱食, 嘻嘻, 好明顯今次係好啱我口味, 所以又出去食

今晚有: 
老火湯：青紅羅白豬骨湯
小菜有6款, 有蒸魚有雞有班腩煲等等, 而最愛小朋友餸的我地叫左以下2個：
1) 滑蛋炒蝦球（真係大隻蝦球，唔係蝦仁喎, 仲要有鮮味, 又唔會死咸, 仲有好多韮黃, 蛋又滑, 大大啖塞舊蛋入口, 又香又滑, 好幸福唷!!）
2) 蒜香雞翼併南乳一字骨 (呢個雙併餸好少見, 好夠味, 即叫即炸好好味, 外脆內嫩! 最特別係南乳一字骨, 南乳味道是慢慢滲出的, 調味不錯)
菜係椰菜, 可惜是涼的, 可能打風冇咁多人, d菜放耐左d

食完再加杯消脂茶（係茶包）

以$44一個set來說, 這個餐真是十分抵食, quality也拍得住附近的酒家呢又是滿足的一餐

呢個lunch buffet 係得星期六先供應的, $165一位, 訂枱時已有人告知這是主打東南亞食品, 所以不會有西式食物, 至於刺身同H記雪糕都仍然會供應, 飲品也跟平日的一樣自助的~

12:00準時到達, 走了一圈, 一般來說午餐的熱食會比晚餐較不豐富和吸引, 只是沒想到會差頗多。當天供應的有餃子, 雞肉串, 雞扒, 豬肉排, 秋刀魚, 咖哩牛肉, 茄汁意粉和白飯... 說好的東南亞呢?　本來以為可能會有炒貴刁，青咖哩，棷汁甜品之類的東南亞食品／味道／風味呢．．．　 不過, 如果撇開風味的考慮, 味道是不錯的, 特別是豬肉排和咖哩牛肉, 有肉汁也味道濃郁, 而雞肉串和秋刀魚則味道一般, 可以不吃。

冷盤方面則較出色 (但要注意, 這個午餐不提供涷海鮮)，最好味的是青木瓜沙津是比較對味的，另外有一個海鮮柚子沙津，其實主要都是涷蝦，柚子的份量太少了，而且一點也不香／spicy... 可惜呀...

結果，主要的食物是魚生和甜品, 幸好品質是保持水準呢~ 依然肥美三文魚生, 夠味tiramisu, 再加上好味焦糖蛋和大量的H記雪糕已經夠我吃得捧著肚子走了~~ 可惜, 沒有心太軟.... >,<以$165(不用加一) 一位的價錢, 那些食物已經值回票價了~

早放工又唔想煮飯, 突然想食咸豬手, 但又唔想洗太多錢 (因為剛填完稅表, 睇住個數, 再諗下到底個政府做左d咩, 個人就down左... ) 所以平平地去尼斯食個set, 叫做滿足下口慾~~

我地一行二人坐卡位, order了一個羊膝伴香飯餐($76)和德國咸豬手餐($84)

餐湯要了紅湯, 料足味水濃, 啖啖菜和牛肉, 是不俗的紅湯羊膝伴香飯: 份量比想像中細, 羊膝只是比一隻雞上脾大少少的, 看上去有點老, 想不到肉質竟然十分嫩滑, 近皮的位置有點羊羶味, 而瘦肉的位置則有肉香, 味道很不錯呢;香飯: 不知是否混合了一少點羊油, 有點惹味, 如果多一點就好了~ 德國咸豬手: 份量不少, 只是表面不夠脆, 幸好香氣及咸味都足夠, 一刀切下去, 肉汁豐富, 肉質也嫩滑, 不錯吃呢 (不過碟底的油多了點, 如果可以先吸油再上碟, 那麼會加很多分呢~餐飲要了涷咖啡, 偏酸及味淡, 不好喝; 而甜品要了雪糕, 正常的味道

總括來說, 這是一個性價比不錯的選擇~

好同事離職, 選了這間在IFC內的日本餐廳吃farewell午餐, 希望她之後一切順利吧~

可能因為人多的關係, 餐廳準備了一間在餐廳盡頭的房間供我們一行9人用餐呢, 畢竟是走高級餐廳的路線, 這裡的環境寬敞, 座位也頗舒適。一坐下侍應便問我們要茶/水, 我們都選了茶(後來才知道原來茶是要收費的, 位位$20)。而由於我們一早已選好食物, 所以坐下不久所有食品都已送上, 不知道如果我們是即時點餐會不會需要等候很久呢~

是日我選了$269一份的三文魚子海膽飯定食, 有前菜沙津和一碗烏冬。 食品味道不錯, 海膽是鮮甜的, 三文魚子的份量也可以, 可是飯的味道淡而不香, 似乎沒有下足夠的壽司飯的醋, 那飯也不太像是日本米, 有點鬆散, 破壞了那一整口鮮甜海膽應帶來的滿足感...可惜可惜
前菜和沙津是一般日本餐廳的質素, 反而烏冬不俗有彈性, 簡單一份烏冬配合清甜的昆布清湯, 清新而富有口感, 為這個餐挽回一些分數

飯後詢問其他同事, 大家都覺得食品不錯, 還可以, 所以都給一個笑臉吧~

放長假去完旅行回來, 特別掛念香港的點心, 難得星期五不用上班, 所以, 一早訂好位食這一個只有周一至周五才有的任食放題, 好好放大胃口盡情享用美味的高質素點心!

前一晚回到香港時已預先在the mira的website 看了當天的點心menu, 沒想到那個原來是不updated 的~ 且中文和英文的用餐時間也不一樣, 對於這個問題, 餐廳最好都是留意一下, 以免有些客人食不到心水的食物而有所不快呀~ 幸好對於我們來說, 不同了的食物是我們更喜歡的, 這個是有驚喜的啊~~

由於小時候對蝦敏感, 長大後不知為何不藥而愈, 導致我對所有有鮮蝦的食物都興趣十足. 試過很多地方的蝦餃, 暫時覺得最有風味和口感最佳的是蓮香居, 有筍香且一口一件SIZE剛剛好, 而之前食過IFC那問國金軒, 印象中感覺還可, 大而不鮮, 爽而不甜, 故本來以為應該不會再有什麼驚喜, 沒想到THE MIRA 這一間竟然齊集" 大 鮮 爽 甜 "於一身! 雖然美中不足是SIZE大了些, 且沒有筍, 但晶瑩剔透的皮加上超好味的蝦肉已經compensate了那不足, 找到對的和好的食物, 真的很開心呢~~ 看到嗎 ? 遠處看都看到蝦肉的質感在超薄的皮中透出來! 大口大口的吃著, 真感覺到幸福得很!
而前面的, 是另一個超讚的蝦餃: 榣柱豆苗蝦餃! 這個點心同樣是皮薄料靚, 吃的時候會吃到一絲絲的鮮味榣柱在彈牙的蝦肉中穿梭, 加上清新的豆苗, 令人真的可以一口氣食十隻八隻都不膩! 吃著吃著就全都被ko了~ 真後悔沒有一次過叫多幾隻 (因為即叫即蒸, 所以都要等上10-15分鐘才蒸好送到)

正在後悔的時候, 有其他點心送到了, 這個是蝦腸粉和另一個好評如潮的鵝肝荔芋角先說蝦腸的size 是較短身的, 皮薄有彈性, 用料也很優質, 蝦是大大隻的蝦球, 一啖一隻, 一條共兩隻, 而且同是鮮味十足,爽口彈牙, 佳品 !! 再說鵝肝荔芋角, 這個是另一大驚喜: 外脆內軟是expected的, 只是, 沒想到本身各有性格的芋頭和鵝肝放在一起十分配合, 鵝肝粒粒分明, 香濃軟滑, 荔芋相比下較清淡, 但正好給了這點心一個平衡接下來的黑松露野菌餃也是出色之作, 松露的香味在青脆爽口的翠肉瓜上更覺突出, 但同時提升了蔬菜的甜味, 令人印象深刻!
小籠包是我其中一個至愛, 這裡的出品想不到會如此優秀! 我覺得其外皮和鼎泰豐的是不相伯仲的! 且肉汁更為鮮味, 可能是用料較好吧! 用這個價格享用到這樣優質的點心真的是超值呀!吃著吃著, 開始有少許飽的感覺, 於是轉吃其他估計會開胃/較清新的食物: 麻辣金錢肚, 沙律炸雲吞, 上湯牛肉球, 燕窩蛋撻等等這些點心上枱時都是熱騰騰的, 香氣十足, 新鮮的食物始終是最好味的, 而且用料十足, 燕窩蛋撻上的燕窩更是絶不吝嗇, 沙律炸雲吞清新又乾身又酥脆可口; 如要挑剔的話, 是金錢肚不夠麻辣, 可能是要遷就大部份香港人的口味吧~

甜品我吃了芝麻卷和楊枝甘露, 前者沒有什麼特別, 沒太有芝麻的香氣, 後者足料, 有香濃芒果味, 但較甜, 若能輕手一點則好, 不過, 我的目的主要是吃點心, 而且有好味的燕窩蛋撻, 已足夠我回味了~

值得一提的是, 這裡的服務真的不錯, 不時有人自動加茶加水, 舉起手5秒左右已有侍應過來, 只是埋單等得較耐, 如果這一點都做好, 這一頓點心午餐就真的是近大幾年來最稱心滿意的了, 真希望可以再找到一個閒日去大吃特吃!

8月時已經食左一次了, 那一次是滿足的, $248一位, 生蠔(雖然不常refill)和長腳蟹等海鮮是任取的, 生果有火龍果和stawberries, blueberries, mango等, 甜品有馬卡龍, 但事隔一個月, 以上所有海鮮都只是一人有一至二件 (二件生蠔, 一隻蟹腳 , 二隻蝦仔), 以上的生果全消失....甜品款式少了至少一半...

我明白物價升左, 減少高價食物種類/數量也是無可厚非, 但是, 任食成變了配給, 這個情況是否也應在book位時講清楚, 再不, 在menu 上講明會serve一個海鮮併盤, 而不是在人家入座後問侍應才講明, 而另外有一抬客嘈呢個情況, 那個manager 就俾多一人一set 海鮮俾佢地

這餐semi-lunch buffet食物的味道不是不好, 只是心情被破壞了, 食龍肉都冇味了, 但要講番, 個海鮮是新鮮的, 只是蠔真的太瘦了, 蟹腳也很幼, 沒什麼鮮味, 蝦仔正常味; 其他食物也很一般, 煙三文魚是正常的, 生果不甜, 連咖啡都很苦.... 最好的是主菜, 我們要了finger steak, medium, 又真的控制得不錯, 只是好像不太有牛味... 唉... 好失望

不過, 最失望的, 是這餐廳的做生意方法和提供的食物種類變化(由有變冇, 由任食到配給 (二件生蠔, 一條蟹腳 , 二隻蝦)), 有重大改變而沒被通知, 到場才知道的話, 食客真的有不高興的感覺, 這一餐食得真的很不爽, 心情也不佳, 結果一張相都唔想影!!!

我想我不會再來了, 也會backlist 佢, bye~