難得係閒日可以忙內偷閒, 唔需要湊小朋友. 當然要同老公去食好西. 因為要方便大家放工可以即時去, 所以揀左旺角區的神輿日本料理 刺身有好多款，三文魚、希靈魚、赤貝、甜蝦......等，新鮮肥美，爽口鮮甜 三文魚厚度剛好，溫度依然保持住凍凍的 甜蝦大大隻，同樣地鮮味無比，當中的確帶有甜味 北寄貝是媽媽我的最愛，因為口感十分爽口呢! 壽司、卷物方面, 款式不算是創新配搭, 但穩陣款式亦做得非常出色~ 火灸三文魚壽司、火灸左口魚壽司 火灸令迫出魚油, 令口腔充滿魚油香, 而且每件壽司飯都是細細件, 吃多幾件都唔會咁快飽 最驚喜係有海膽壽司任食, 海膽口感CREAMY, 又唔腥, 食多兩件直頭已經回本 另外焗虎蝦都係我推介必食之一, 雖然食完有點膩, 但味道真係正, 特別個沙律醬汁, 要俾個LIKE. 芝麻雞翼 - 雞翼醃得入味外皮烤得香脆， 熱辣辣仲有芝麻喺面, keep到有肉汁, 唔會太乾身 鹽燒海蝦，海蝦彈牙，灑上少許鹽巴，十分惹味 牛肉串，味道比得上響泰國餐廳食既串燒，醃得夠入味又好腍！ 最後食番啲甜品，叫左綠茶雪糕受和菓子, 份量細細的, 勝在唔夠喉可以再order.
枱上的紙有教學摺紙鶴, 可以重拾兒時樂趣.

老公喜歡辣，就算我唔係「辣妹」，都捨命陪君子！ 辣吧位於尖沙咀，地點方便，早早book位，因為星期五晚通常多人食飯。 餐廳主要食麻辣海鮮火鍋，都有即燒串燒，個人覺得價錢普遍比較貴。 整個環境好有東北菜館的味道， 坐位間有一定距離，完全唔局促～ 餐具都好有玩味風，自己找亮點吧！ 是晚連同朋友一齊食飯，所以叫了每人二百幾價錢的麻辣海鮮鍋，而且選了小辣。 鐵鍋上枱後再加辣湯， 對於不太能吃辣的我，小辣已經是我的大辣。 而老公及友人都話呢個小辣已經是普通菜館的中辣，大家就自己看著辦吧！ 整體海鮮都很新鮮，食到海鮮本身的鮮甜味。 不過鍋內的海鮮全部是預先整熟再放上面，比我預期所想的食法有岀入。 而且加入鍋內的湯只有微暖，鍋底雖然有火温熱住，但真的只有温熱功能，根本不足以令到鍋內的湯沸騰，由頭到尾，海鮮都浸係温熱的湯內，好影響口感。 味道雖然不錯，但整個鍋卻完全無特色，對我來説，食一次就夠。

較早前入左元朗探朋友, 除左品嚐左美味的上海菜, 我地仲連甜品都唔放過.
難得山長水遠來到玩朗這個美食之區, 又點可以錯過任何一個食好野的機會.
朋友再推介我地去食特色甜品小糖鈕小糖鈕位於置唔算難搵, 如果你知大坑渠B仔的位置, 直直向前行就會找到.
店內環境雖然唔算,大但就充滿童話色彩.急不及待要睇下有什麼與別不同的甜品其實餐牌上的款式不算多, 但每款甜品都很精緻, 也很特別. 賣相完全是酒店級水準, 未食已經好期待.天氣太熱的情況下, 先單點左2杯特色飲品. 分別是MOJITO(無酒精) HK$32 和 ICED YUZU PLUM TEA HK$32
2款飲品加左乾冰, 有噴煙的效果, 未飲但視覺上已經覺得有透心涼的效果.
MOJITO(無酒精): 薄荷味重,口感清新
YUZU PLUM TEA: 味道是酸酸甜甜的, 很解渴, 也令人感覺很開胃

在每樣都想試的情況下, 我地幾經商討後,決定點餐廳的皇牌小糖鈕特選拼盤 HK$198.當中會有餐牌內5款主打甜品+3款神秘甜品
整個甜品賣相相當好, 而且跟酒店內的甜品賣相有得比, 完全感受到是用心製作.
食之前, 店員都會好細心每款口味介紹俾我地知.

依家我就介紹一下比較喜歡的幾款甜品啦!!這個是富士蘋果撻, 用了烹調過的富士蘋果鋪底, 所以口感有點微暖, 上面就是雲呢嗱雪糕, 雪糕質感厚實, 兩者同時入口時, 有一冷一暖的交替效果, 很有層次感. 味道不算太甜.綠茶奶凍, 這個是其中我最喜歡的甜品, 因為奶凍口感香濃綿密, 有濃郁的綠茶香, 配上紅豆蓉同食, 是不敗的組合. 另外兩支脆棒是用腐竹做成的, 完全看不出. 口感香脆蜜甜, 不錯.喜歡黑松露香味的朋友注意, 千萬不要錯過這個黑松露燉蛋.
首先燉蛋很幼滑, 入口時會先品嚐到濃濃的蛋香, 緊隨其後黑松露的香味就會湧出來, 而且於口腔內漫延, 就算食完之後, 黑松露香味也能於口腔內久久不能散去. 真的很味美.
而裝飾的蘑菇是用蛋白做成, 外型相當神似, 味道也不會太甜. 整個甜品精緻又有內涵, 推介給大家.伯爵茶奶凍, 口感同樣綿滑, 但茶味不會太濃, 配上新鮮果肉一齊食, 有一種清新的感覺.
 

我家婆婆祖藉潮洲, 所以由細到大接觸潮洲菜機會很多, 而潮洲話更略懂幾句.
是晚跟媽媽來到一直都想試的心夜來潮.
之前有旺角店的時候已經想去, 後來得知荃灣也開了分店, 捨遠就近, 就來了新店啦.當晚食飯時已經是晚上9點, 但店內仍然有好多人
餐廳環境及佈置很有農家味, 枱櫈都選用木材質料就連餐牌也很古色古香,整個給人的感覺就像在農村人家吃飯
餐牌內的款式選擇不多, 但潮州特色菜茶、肉丸、醃蟹、生蝦都會有.小米餃 HK$22
這個米餃size細細, 剛好是一口一粒. 外皮煙煙韌韌, 而內里包住新鮮豬肉和大地魚乾加上特製醬做成的肉餡, 味道有點像魚皮餃, 鮮味十足, 回味無窮.土魷蒸肉餅HK$28
還記得小時候婆婆常常要做這個肉餅, 土魷的鹹香加上豬肉的厚實口感, 是佐飯的開胃菜.這個土魷蒸肉餅口感很糊口, 而且入口就知道粟粉很多, 不結實, 味道雖然不錯, 但口感真的很一般.紅燒醬香骨 HK$36
用上一字排, 肉質比較爽口有嚼勁, 而醬汁內有濃濃的南乳香, 其實就是南乳燜排骨. 味道濃郁, 略厭醬汁收得不夠乾身.香辣魚仔炒蜆 HK$68
選用花甲, 蜆肉肥美鮮甜, 份量也不少.不過辣味偏重, 如果不喜辣的朋友可以要求少辣.鍋燒肉 HK$48
這個鍋燒肉先用南乳醃製, 再用油炸. 外層香脆, 內層油香滿口. 因為一整塊鍋燒肉有八成都是肥肉, 而且很爽口, 非常甘香. 醬鹵鵝 HK$98
淨看賣相已經知道味道相當濃郁, 這不是一般的五香鹵鵝, 少了花椒八角的味道, 多了醬油的鹹香.鵝肉燜得很入味, 而且相當軟稔, 入口即散, 所以很惹味. 用來配米飯真的是一流.主角就是這一窩粥, 砂鍋粥底分為大HK$300/小HK$160. 因為製作需時, 人多的時候大概要等30-45分鐘, 建議早點下單.選了細粥底, 外加了膏蟹(小) $120/隻、蟶子 $60/份、 $40/隻、鮮蝦$60/份
但一窩份量很大, 足夠3-4人食用
選擇的材料全都是新鮮的海鮮, 鮮味十足一看就見到粥料好足, 整窩粥充滿海鮮的香味. 看住滿滿的海鮮粥, 真的抵擋不住誘惑, 令人食指大動. 海鮮的精華完全溶入粥底內, 不需要任何調味也相當的鮮甜.
也食得出海鮮很新鮮, 真的值得推介.

無論味道或價錢都十分不錯, 是近年吃過算是很正宗的潮州菜. 下次也會選擇再來..

荃灣可說是美食天堂, 而且美味的小店何其多. 數得出的美食都可以在荃灣找到 我最喜歡的蕃茄通粉, 就有好幾家可以選擇
樓下冰室是其中一間百吃不厭的餐廳 一般的冰室給於人老舊的感覺 而樓下冰室則是走新派裝修, 傳統風味的一家 店內環境十分好, ,座位舒服, 以卡位為主 裝飾方面保留傳統的風味, 令人食客很有親切感 先來一個店內主打必食的推介 蕃茄濃湯螺絲粉配牛乳炒蛋套餐(HK$48), 湯粉可以選通粉、螺絲粉、意粉、米線、公仔麵或湯飯.價錢都是一樣的.  還可以選辣或不辣, 選擇上比傳統冰室更有彈性 蕃茄濃湯湯底食得出是真材實料, 每一口都有新鮮的蕃茄肉. 而蕃茄味非常突出, 酸度剛好.
炒蛋份量不算多, 但食得出滑蛋的蛋香味. 跟餐選擇有很多, 當然選了餐廳另一招牌瑞士汁雞脾. 瑞士汁味道十分濃郁, 而且味道完全滲入雞脾內. 雞脾肉質有彈性, 每一口都有滿滿濃香味,這個重口味道我最愛. 焗鮮茄豬扒飯 HK$53 只從大X樂的焗豬不復當年勇的時候, 我已經好久係食過焗豬扒飯 這個原本是老公叫的, 但最後我比他食得更多. 豬扒份量十分足夠, 而且醬汁也很多. 蛋炒飯飯底夠乾身, 米飯粒粒分明, 所以當醬汁也很足夠時, 整個焗豬真的不是講笑, 味道真的很好.一隻雞脾不夠喉, 再來一碟瑞士汁雞翼HK$30(三隻) 個人喜歡瑞士汁雞翼多一點, 因為肉質更嫩滑. 來冰室不當然少不得一杯紅豆冰 忌廉紅豆冰HK$ 28 和話梅柑桔蜜都是不錯的選擇,可以試一試.

大肚婆最近對食牛的意慾很大, 一星期至少要食一餐牛. 愛上牛肉後, 對燒牛肉特別情有獨鍾. 所以朋友推介不得不試一下這家和牛燒肉-純 聽朋友狂讚, 店內的和牛真的無得頂,跟在日本食的質素基本上差不多 我就趁星期日午市時間去嚐一嚐 餐廳環境很有格調, 完全走日系風格,而且感覺很有檔次 看了餐牌, 我們選了豪華燒肉二人餐 這個單看套餐的食物都已經十分吸引 午餐都有附送咖啡或紅茶, 或加$12改為日本汽水 而我跟老公額外點了Asah HK$48 和 乳酸梳打 HK$55 豪華燒肉套餐有包裝沙律、前菜、日本白飯和麵鼓湯 不要說我怪, 但我真心覺得碗白飯超好味,飯粒柔軟飽滿, 而且很有米飯的香味. 沙律菜方面雖然簡單, 但配上了柚子酸汁,食落十分開胃, 而且是食得出的新鮮 之後就上美味的牛肉海鮮拼盤, 單單是賣相就十分討好,令人垂涎三尺. 盤上有特選和牛牛排肉、和牛上牛排肉、和牛壺漬牛排、 日本產雞腿肉、大蝦、魷魚和帶子 同一時間燒左特選和牛牛排肉、和牛上牛排肉 兩款肉質都十分柔軟, 只撒上少少的黑椒粒已經十分美味. 個人覺得特選和牛牛排肉味道更勝一籌, 和牛雪花細緻豐腴、肉味香濃油脂適中又不會太油太膩. 再燒和牛壺漬牛排, 本身這款牛排已經有調味 所以味道會較濃郁, 燒完不需要蘸任何醬汁,牛味也很濃, 瘦肉多而沒有太多油脂, 但入口同樣入口肉嫩多汁, 令人食指大動. 之後就開始燒其他海鮮及蔬菜. 我將帶子放上鐵網上直接燒, 這樣雖然外層會焦香一點,但肉質就會因為太熟而有點韌, 浪費了食材. 建議可以連殼一齊放上鐵網燒, 可以令帶子保持鮮味,也會更嫩滑. 魷魚本身味道比較淡, 但口感不韌, 反而軟腍有鮮味,蘸上燒汁食剛剛好. 大蝦尺寸不細,開邊蝦肉, 燒起上來特別易熟.肉質厚肉彈牙,鮮味十足, 而蝦頭也不要放過,蝦膏也很多,香濃惹味. 日本產雞腿肉, 味道是出乎意料的美味.雞腿肉已經事先調好味 就算燒完, 雞肉仍然十分嫩滑,調味適中, 配以飯食真的一流.

丼飯的火熱最近不斷蔓延, 跟隨就是專食丼飯的餐廳越來越多.
不過要數比較吸引我的, 還是位於灣仔的弘CHIRASHI這個享丼丼套餐, 是我吃過眾多丼飯之中最豐盛,也是比較推介的. 如果你是點享丼丼套餐的話, 記住要閱讀一下背面的食法.

因為丼飯下層飯底可以單食或要求餐廳提供清湯熱食. 有幾款食法.餐廳環境不算大, 不到八點就已經滿座,建議不想排隊者, 可以早點過來.享丼丼套餐足夠2人份量, 直徑有30cm,松葉蟹是我的”飛佛”, 這次也是因為有蟹的丼飯才吸引我.
店員說最好先由淡味的刺身開始食, 最後才品嚐濃味的松葉蟹.先吃海膽豆腐,豆腐跟海膽的配搭清新, 是不錯的開胃菜.刺身方面要數帆立貝最有驚喜, 鮮甜味十足, 入口軟滑,口感柔軟細緻.最後到松葉蟹, 蟹身已經拆開, 而且有不少蟹膏,蟹肉味道濃郁, 鮮味十足.
松葉蟹腳已經事先剪開, 可以用筷子或餐廳提供的工具輕易拆出蟹肉食完的蟹殼放於專用的碗內就可以啦!下層就是蟹膏壽司飯, 單看樣子已經十分吸引.飯內有蟹子、蟹肉、玉子. 將所有材料與飯拌勻, 蟹膏的香味完完全全地散發出來.你可以冷食也可以問店員取熱湯加入飯內變泡飯.

蟹膏味道香濃, 入口甘香,十分出色.

有日妹妹跟我說, 她發現了一間意大利餐廳, 餐廳主理人就是謝霆鋒的助手表哥. 已經BOOK好枱過兩天會去食, 我聽完即時好奇心起, 決定厚住面皮加入妹妹跟友人的飯局. (其實她的朋友我也認識,好不好!)16 Shell位於炮台山和天后中間, 位置都算容易找.餐廳裝修好有格調, 店內燈光比較昏暗, 環境舒適和有情調, 很適合情侶拍拖撐枱腳.餐牌上的封面玩味十足, 是一位蒜頭廚師黑炭黑蒜蓉包 $45
墨黑色的黑炭黑蒜蓉包, 上枱時沒有即時散發蒜香味, 賣相跟普通黑炭包無異.麵包剛剛烘起, 熱辣辣的, 咬落口感鬆脆, 黑炭味不突出,但蒜香味濃, 更帶有微甜. 少了大蒜的辛辣味道. 這個味道很好, 不消一會兒就被極速清空.Olio style 無骨雞脾 HK$138
這個外貌有點似港式避風塘系列, 意粉面上鋪有很多炸至香脆的蒜粒. 味道十分濃郁惹味.雞肉用煎的做法, 雞皮煎至金黃色和帶點微焦, 而雞肉則保留鮮嫩, 口感軟滑有肉汁, 完全不嚡口.
拌住意粉同食, 口感豐富有嚼勁.煙肉洋蔥白酒煮蜆 HK$80

剛送上枱時已經聞到濃濃酒香味, 未食已經流晒口水, 賣相十分吸引
每一隻蜆肉質都非常飽滿及鮮甜. 而且完全沒有砂, 可以安心食用.
煙肉洋蔥和酒香真的是非常配合的味道, 令人不停嘴地密密食. 很推介!海鮮意大利麵配蒜蓉汁 HK$188

這個意大利麵可以用"滿到瀉"來形容材料的份量. 一整碟的意粉, 有一半都是海鮮, 當中有大蝦、魷魚、青口及蜆.食的時候可以落少少鮮檸檬汁, 可以提鮮之餘, 也可以令意粉味道更佳. 不過要小心檸汁份量, 如果太多反而會變酸, 每次加少少, 比較容易控制酸度.海鮮肉質鮮甜彈牙, 特別是蝦肉, 採用新鮮蝦肉, 蝦味重. 配合其他海鮮, 更看得出是用心之作.整道菜都是靠海鮮提鮮, 蒜頭增加香味, 味道不算太濃. 而意粉軟硬度適中, 我比較喜歡, 值得推介.

中環區的夜生活多姿多彩, 就連餐廳選擇都特別多.

就如AMAZAKE為例, 營業時間更是去到凌晨時分.皆因餐廳帶點西日MIX的概念.餐廳裝潢好有格調, 有濃濃的日式風格, 氣氛也令人感到舒服燈光比較暗, 相當有情調.
每月也會轉換一次菜單, 令食客時常有新鮮感, 難怪有不少捧場客.跟朋友一起用餐, 好處就是可以多吃幾款不同的菜色. 這次也試了不少特別菜色.

先上的是每人一客前菜, 包括有海蜇、海膽蒸蛋及蟹肉, 涼拌海蜇是近月新品, 口感爽脆, 帶點微酸, 相當開胃. 而蟹肉內拌了少少薑汁, 味道不錯.前菜的蒸蛋是我比較喜歡的, 蒸蛋口感很滑溜, 入口即可滑落喉嚨. 質地密度不高, 所以不會有厚實口感.味道清淡. 刺身沙律 HK$138

沙律份量很多, 材料豐富包括有:帶子粒、火炙三文魚粒、魚子配幾款不同的蔬菜.吃的時候只需要將所有材料連同醬汁拌勻即可

味道十分清新, 口感顯得豐富有層次,當中的魚生刺身很鮮味, 所以連同微酸的醬汁同食味道十分好.sashimi carpaccio HK$128-148

左口魚、油甘魚同三文魚刺身（由上至下），分別配上柚子豉油、jalapeno，同埋辣汁, 味道相當清新,而且配搭有驚喜.香烤鹿兒島五花腩HK$120這個五花腩無敵邪惡, 脂肪比例是1/3,所以不會太肥膩,但就滿口油香.
最吸引人之處是五花腩有淡淡的烤香味, 加上柚子醬汁,味道微酸, 有中和油膩感.
味道真的很好, 推介一定要試卷物就單點了鵝肝及吞拿魚海膽卷.個人比較喜歡鵝肝卷, 因為,鵝肝食落入口即溶,油脂於口內散開, 甘香無比. Spicy Beef steak HK$160

這個牛味很重, 而且燒得大概只有7成熟,,所以仍保持到肉質軟稔.
不過上碟後要盡快食, 攤涼了的話, 餘溫會令口感變韌鹿兒島和牛蘑菇鐵板燒，$168

薄片鹿兒島和牛配上蘑菇、蒜片、洋蔥, 加上醬汁及溫泉蛋汁拌勻同食,味道跟壽喜燒有點點相似, 但有微微辛辣.  味道是很好, 但份量不算多, 有點小貴.

天氣就像女人心情一樣反覆無常, 前一秒還陽光普照, 熱得汗流浹背.
下一秒卻是傾盆大雨, 有如開啟了水龍頭一樣.
這天原本約好朋友在灣仔利東街走走, 誰知遇上這場大雨, 唯有找間餐廳坐低 順道避雨.這家餐廳位於街尾, 感覺有點像酒吧.
餐廳環境很好, 相當有情調, 不是因為避雨的關系, 我想應該沒有機會找到這個新地方.有酒吧位, 也有窗台位置. 感覺很像到了外國似的.
下次可以坐窗台位置感受一下無拘無束的感覺.細看餐牌, 食物選擇不算多. 而這裡主打是fusion菜, 有西餐供應之外, 也有越南菜及小食.雖然下雨, 但我們兩位女生都跑得一身汗一身濕.
各要了一杯Mixed berries mocktail HK$58
這杯mocktail 飲落會先嚐到微微的茶澀味道, 之後有清新的莓香, 甜甜酸酸的, 既解渴又透心涼.SMALL BITES: Good Morning Vitnam HK$38
這個小食內有腰果、小魚乾、咖啡豆, 份量不算多. 感覺有點小貴.
整個小食都充滿香茅味道, 最香口的莫過於小魚乾
腰果沒有想像中脆口, 但味道是不錯的
咖啡豆應該是作裝飾吧, 因為甘苦味很重, 單吃會有點奇怪Tofu Fries HK$68
這道菜是由豆腐切成粗條再油炸而成
驟眼看會以為是粗薯條, 因為樣子實在太相似食之前可以加少少青檸汁, 中和油膩感炸豆腐外層香脆, 再撒上椒鹽及黑椒, 增加酥香味.
內層充滿豆香味.口感不錯. 如果豆腐再滑一點會更好.Soft shell crab salad HK$108
沙律份量很多, 而面上鋪有大概兩隻軟殼蟹.
軟殼蟹炸得香脆, 內里仍然保留軟稔肉質, 醬汁味道微酸, 剛好可以中和軟殼蟹的油膩感.
配上新鮮沙律菜更清新, 味道很好.Grilled Lamb Rack HK$178
平時我好少食羊, 因為好怕羊騷味, 但這個羊肉相當肉嫩. 只有8成熟, 很軟稔,
肉質完全不韌, 沾以薄荷醬同食, 更能突出羊肉味