10月份是男朋友的生日月份, 一大班朋友早早就約定要同壽星仔食飯慶祝.

平時喜歡食香口野既壽星仔早就揚言要食韓燒, 所以朋友仔就BOOK左炑八韓烤試新店. 聽講呢間店唔係開業好耐. 而且圍住個爐有爐邊蛋燒.雖然爐邊蛋唔係咩新鮮野, 但香港唔係間間韓燒店都有.
星期日夜晚間鋪好FULL, 就算BOOK左位7點, 都要等差唔多30mins. 原本BOOK左6位, 臨時加多一位. 雖然佢都係俾6人位我地, 加多張櫈都唔會話好迫.

入到去, 張枱已經放左2 sets前菜有醃蘿白、泡菜、牙菜同綠色菜(我唔知叫咩名). 前菜味道好味, 而且泡菜可以無限Refill. 其他前菜就唔知有無得限Refill, 因為我地無試過.我地選擇order左個HK$ 868 既4人餐再額外散叫其他食物. 因為我地計過咁樣最抵. 而且4人餐內的食物差唔多都係必點item.以下係跟餐既食物, 有D食完先醒起要影相. 所以未必有齊相.五花腩- 餐牌寫明係厚切五花腩, 但事實唔係. 對比係韓國食過既厚切五花腩, 佢只係人地1/2厚.
單單只食五花腩, 食起上黎口感不足,但 包住生菜食就岩岩好既秘製雞肉- 雞肉一早用醬汁醃製, 所以燒完唔需要額外加調味料, 而且仲醃得好入味.好好食.
推介ITEM之一.特級豬頸肉- 豬頸肉油份分佈平均,燒完食個時好JUICY. 而且豬頸肉本身就已經好有咬口, 所以沾少少醬油食一流.
燒既時候要好好睇實, 時不昤要翻一下, 唔係就好易燶.大醬湯- 跟餐的湯品揀左大醬湯, 我只可以用2個字去形容: “好鹹”
味道真係好一般

豬排骨- 唔知係未因為豬排骨夠厚身, 燒完一d都唔乾好juicy, 而且包住生菜同泡菜一齊食. 好好味.
海鮮煎蔥餅- 呢個我100%推介, 真係十個好食. 一上枱秒速被清晒. 好誇張.
石頭飯同炒年糕 – 不過不失. 單點的話應該唔會選擇.

我地仲額外單點左:牛舌- 牛舌好新鮮, 燒完一D都唔”騷”牛笑臉- 唔知係牛邊既一部分, 肉有筋膜連住., 而且一早用醬汁醃製, 所以食落爽爽的, 有咬口. 好味. 另一推介ITEM之一.豬皮- 我太唔喜歡豬皮個口感, 食落黏牙, 好核突. 但味道是還可以的.
如果ORDER左, 店員會教你如何燒豬皮, 原來燒豬皮都有學問, 就係要用生菜放係豬皮面,, 遮住黎燒.如果唔係, 佢D油會彈到周圍都係, 仲會塊豬皮周圍彈.

最後埋單7個人都係HK$ 1581, 而且仲要好飽. 呢個質素, 我覺得算抵食.
 

適逢男友就快生日,所以先來一個預祝晚餐.
因為佢於荃灣返工, 收工時間好晏.我地又想淺嚐當造的大閘蟹, 所以選擇稻香小菜晚饍.
當晚去稻香食飯的人好多, 而食小菜同打邊爐的枱是於同一個區域. 所以整晚被隔離枱的煙整到由頭到腳都係邊爐味.
小菜晚餐選擇不多, 我地就點左一個雙拼套餐、3個小食同2隻大閘蟹.
首先是小食:
雞絲粉皮 HK$ 28.00
賣相很不錯, 但入口就真係……滴汗.
花生醬汁好杰, 雞絲無味. 入口好似漿糊咁黏住個口. 而且內面半碟都係水, 搞邊科?!陳醋雲耳 HK$28.00
雲耳雪得夠凍而且非常爽口, 陳醋汁調教到剛剛好, 又不太酸.
而且食醬汁中加左少少芥末, 所以好開胃.七味炸豆腐HK$28.00
上碟時剛炸到熱辣辣, 外圍包住炸粉, 所以豆腐是外脆內滑的. 加上七味粉味道, 超好味. 推介.雙拼套餐: 松露鮮菌蒸元貝 + 例牌 燒鵝皇 HK$ 128.00
例牌 燒鵝皇
燒鵝上碟時完全是凍的, 即使碟底有兩個小爉燭熱住, 但就憑兩個勁細火的爉燭仔不足以令到燒鵝溫熱. 我諗爉燭仔只係裝飾吧.
撇除燒鵝是凍的, 肉質味道是不錯的. 不過燒鵝皮完全係唔連肉, 而且仲好韌.我唯有淨係食肉唔食皮.
松露鮮菌蒸元貝
元貝(帶子)上有松露鮮菌, 而元貝底就放有粉絲吸汁. 味道清清地不錯.幸好松露的味道唔係太濃, 唔會蓋住元貝的鮮味.
元貝食得出好新鮮, 因為有海產的鮮甜味.而且蒸得剛剛好, 不會太老.
*但我仍是喜歡傳統的蒜蓉蒸比例好味.老三陽大閘蟹 HK$ 38.00/只
大閘蟹只有手掌般大, 其實算細隻. 不過呢個價錢又唔可以挑剔咁多.
當造的大閘就係美味, 雖然蟹身細細只, 但蟹膏都幾多. 而且是鮮甜蟹肉結實.
對於我呢種對蟹沒有太大要求既人, 其實已經好ok同美味.

對上一次食咖啡弄已經係5月尖沙咀個間分店, 當時無派籌安排, 只有排隊等. 經歷過3小時漫長等待之後, 我發誓我以後都唔會再食 但....女人係善變的. 我又走左去食啦 今次就轉左食銅鑼灣個間.

星期日同男友&爸爸出左銅鑼灣, 諗住晏晝搵間好D既餐廳食個LUNCH...點知搵極都搵唔岩心水. 而男友爸爸好喜歡試新野同食甜品, 所以就膽粗粗去咖啡弄睇下多唔多人排隊.

當時我去到已經係12:45PM, 籌號排NO.26. Staff話仲未開始嗌籌...咁豈不是要等最少1個鐘.不過我都係個日先知原來依家轉左有得拎籌同打電話問排到幾多號. 有進步 因為我地實在太肚餓, 就走左去對面馬路間鼎泰豐食住D野先. 過左1個鐘我再打電話去咖啡弄, 一問之下已經叫到22號籌.所以就拿拿淋埋單走人.

去到咖啡弄等左5分鐘就有位俾我地啦, 真係爽...唔洗好似以前咁要企係喥等位咁慘, 彈性高D. 個喥要求每人最低消費叫一杯飲品, 仲之就係你一定要叫野飲, 唔可以話淨叫野食. 呢個限制我又係當日先知. 男友爸爸唔鐘意飲野, 所以我地每人都局住要叫3杯飲品.我就叫左最愛的冰鮮果茶, 喜歡佢酸酸甜甜的味道. 好香百果味男友同爸爸就叫左冰抹茶歐蕾同芒果冰沙.
*冰抹茶歐蕾- 奶味重, 只有淡淡綠茶味. 味道一般般.
*芒果冰沙 - 用鮮芒果打的冰沙, 甜度剛剛好. 而且有大大粒的芒果肉, 不過芒果有點酸.之後就Order左推介的玉米里肌起士可頌,牛角包烤得香硊, 加上芝士醬及火腿真的配合得很好. 而且有沙律菜伴住食, 可以減低肥膩感覺. 甜品來一客草莓冰淇淋鬆餅, 賣相非常吸引. 而內在也美味無比. 因為staff落單時好貼心提我地甜品最好後上, 所以食完鹹點再上甜點就剛剛好. 而且佢地整到鬆餅外硊內軟, 蛋味香濃. 再配上吉士醬同草莓雪糕, 真心覺得好味.

一直聽朋友說葵芳葵青劇場有一間很好吃的餐廳, 心癢癢想試. 難得星期日有空就先去葵涌廣場shopping再去食個tea.

當日同男朋友去到牧羊少年咖啡．茶．酒館時已經係下午2:00pm. 好彩等位既人唔算多,只有3、4檯人. 因為知道等室內有可以要等差唔多1小時, 所以我地決定坐戶外. 而戶外位只需要等15分鐘就可以入座.

我一心只係想食All day breakfast, 所以好快手已經鎖定目標.

首先送黎係跟餐的新鮮生果配乳酪. 生果新鮮, 而配上原味乳酪剛剛好.之後就輪到我的主菜, 我額外加左一份斑戟, 所以看上去好大份. 一個女仔未必食得完. 整體味道不錯, 不過就略厭蕃茄太生, 可以熟一點比較好.男朋友就點左個蘑蘑闊條麵, 醬汁CREAMY. 味道都很不錯, 而且佢加十幾蚊跟左杯coffee. 拉花真的好靚.我地個午餐埋單一共用左121蚊, 超抵. 因為坐戶外, 全單共有88折.

今日係我同男朋友拍拖一年半ge大日子....所以想搵一間又好食又特別ge地方慶祝....
之前睇左雜誌介紹店舖及食物已經覺得好吸引...所以夜晚8點等埋男朋友收工就出發去....
我地去到個陣已經差唔多9點...店舖都幾多人下....有8成枱有客人...
不過間舖無我想中大...多數係二人位...如果一大班人去ge話就可能難d搵位
我地一坐低就有人拎個前菜青瓜同埋醬汁黎....個青瓜其實好酸....唔好食.
上菜時間都幾快....我地叫左:
特價大頭蝦: 以$1黎講其實都唔會有咩期望...個燒蝦好乾....好似油炸咁唔似燒ge
西冷牛扒: $2x 燒得半成熟,有肉汁,必食之選
大墨魚咀: 真係好好好鹹....除左鹹之外就只可以講:真係唔好食
燒菠蘿: $9 酸酸甜甜都幾開胃...而且價錢ok
燒冬菇:$10 冬菇用燒汁黎燒都幾好味...而且冬菇都幾厚肉...值得試完再試
燒多春魚: $1x 好普通....好淡味
燒象拔蚌:$ 3x 有少少硬...味道都唔錯...而且幾鮮味,不過最應歸功於個蒜蓉汁...個醬汁好味
燒扇貝:$3x 全晚最好食就係呢個...又鮮甜又夠水準...
我諗如果大家抱住試新野ge心態去食...咁可能會覺得食物都OK...但如果抱住想食好野ge心態去就可能會比較失望(就好似本人咁)
我地好似食左好多野,但每樣食物都好細份,男朋友食完都唔飽,要再係出面買其他野食.