私房菜的其中一個特點就是人情味濃。今晚除了感受到濃濃的人情味外，高質素的菜式同樣令人難忘！餐廳的暖色系格局令人放鬆，帶有家的感覺，而角落擺有不少護膚品及自家設計的袋可供售賣。自家煲的桑杏茶解渴潤喉！第一道菜式就是醉香南非鮑魚(冷盤)，一上枱已聞到好香濃的酒味。鮑魚頗厚身，有咬口，而且很入味。湯未到，先捧上湯渲。雞腳及豬肺簡簡單單蘸上豉油已經好好味。由於南北杏預先搗碎後才煲，所以令到湯的杏味更易滲出。豬肺洗得乾淨，所以完全沒有異味，再加上蝴蝶腩、雞腳等材料，每一口都嚐到鮮甜味道。第一次試江南百花雞，果然有驚喜。原來百花就是蝦膠，將蝦膠釀入雞內，表面看根本察覺不到有異樣，但側面看，就可見到一粒粒釀蝦膠！蝦膠十分彈牙，夾着薄薄的雞皮一齊食，雞味及蝦味並重，好味道！元蹄的份量真的很大，可以用「入口即化」去形容！軟腍的元蹄入味可口，而且吃得多飽都好，有梅菜汁自然能吃多兩碗飯！飄香荷葉飯的材料加有雞塊、冬菇、木耳等，味道很清淡，剛好配搭味濃的燒元蹄，實在好味！這裡每碟餸菜都很大份，連菜都大碟過人！蟲草花上湯浸時蔬清清淡淡，減輕剛才元蹄的滯膩感。平常不太愛好吃鱔，但這個百花蜜脆鱔卻不錯！鱔大塊而肉厚，口感一流！炸後的鱔用蜜糖塗勻，吃落甜脆可口。嫩滑的海皇豆腐上鋪滿蟹絲及葱絲，味道淡，如喜歡吃葱的話，會覺得葱味香濃，但卻有點兒搶去蟹絲的風頭。

餐廳打理人非常健談，不時介紹菜式特點及煮法，聽落都知背後實在要花很多心機及功夫才令大家吃得滿足又開心！

之前聽朋友說過跑馬地有一間名字好獨特嘅中菜館, 叫壹玖捌叁
而且菜色很有水準, 最近終於抽到時間同男朋友去試下餐廳環境及氣氛相當好, 而且乾淨舒適
看得出餐廳是走高檔的路線坐低之後侍應先奉上話梅合手瓜小食, 味道比較一般食飯點菜可以從IPAD內選擇, 而且菜色已分門別類
圖片吸引之外, 使用IPAD更簡單快捷地找到想食的種類先來一客開胃菜 薑汁陳醋雲耳
這個小食超讚, 沒有想過薑味同陳醋可以好夾, 同平時食開的有點不同
薑味很出, 陳醋的酸味調較到剛剛好, 不會過酸
而雲耳選用貓耳朵品種, 爽口爽脆. 真係好好味. 推介!!再來一款涼拌, 夏天食涼拌感覺消暑一點
這款有牛蒡同蟲草花, 兩種口感各有分別. 牛蒡比較爽脆, 而蟲草花盯比較軟身, 但混合一齊進食口感相當不錯.
不過調味看似比較重手, 味道較酸, 將食材的味道都蓋過了, 所以有點失色.平時最愛食鹹蛋黃, 所以一定要試下呢款金沙肉排
這款肉排味道相當好, 每一件肉排外圍都被鹹蛋黃包裹住
而肉質仍保持軟腍同有肉汁, 一點都不會嚡.
一碟有8件, 分量不算少. 如果多幾個Share就剛剛好, 唔怕會食滯.另外黑松露又是我其中一個最愛
這款松露野菌不得不說真的是下飯良品, 野菌吸收了燒汁同松露的味道, 所以味道很香
加上醬汁本身帶有少少甜, 所以混和米飯一同進食, 真的很good.如果喜歡煙燻味道的朋友就不可以錯過這個樟茶鴨
樟茶鴨的size不算大, 不過半隻足以2-3人進食
而整碟鴨已經預先起左骨, 只有鴨肉. 單單就這樣食會有點過鹹, 所以夾住饅頭仔食就剛剛好最後幾飽都好, 要食埋甜品.
這個紫薯金沙球一來不會太甜, 另外內里的流沙蛋黃真的無得頂.
連平時不太喜歡甜食的男朋友也說想多吃幾個.
壹玖捌叁整體食物水準很高, 而且實物菜色同餐牌上圖片大多是差不多樣.
對於高檔中菜館而言, 價錢相對不算太貴, 分量也不算少. 所以下次要同家人再來食飯.

上星期打算去香港大學幫朋友拍生活照, 因為想要影黃昏時段, 所以我們打算約早一點在附近食個lunch才進行.
於是上openrice找到Tulsi & Wine的食評, 好多人都大讚是間有水準的餐廳, 而且又是米芝蓮餐廳推介的, 所以決定去呢間啦.
我地跟住openrice的建議由HKU站出口, 但原來由HKU行過去要10分鐘. 正確是由西營盤站出口,腳程才2-3分鐘.餐廳位於斜路上, 而且很容易找到. 從外面以及內面的裝潢都以黑色調為主, 給人一種型格高尚的感覺. 可以想像晚間於餐廳內進食應該好有情調.再看看午市套餐, 選擇多, 而且價錢真的不貴呀. 還包有餐湯/沙律及餐茶. 如果以西區地段及餐廳環境來說, 真的是很抵食.
朋友是大胃王, 所以我們各人點了一個lunch set再散叫一些小吃齊齊Share.而且另有酒類Menu, 喜歡於飯局喝點酒的朋友就最適合你們.是日跟餐的餐湯是粟米湯, 個人很喜歡這個湯, 因為湯內的粟米不是完全攪拌碎, 可以食到有粟米渣, 雖然比較嚡口, 不過我覺得有口感.
而沙律也很新鮮, 咬落是爽脆的.燒牛肉沙律
這個沙律味道整體不錯, 酸酸辣辣的, 醬汁不會調得過辣, 而搶了牛肉的味道. 不過牛肉則燒得有點太熟, 所以食落有點韌.香蒜燒蠔
單看賣相已經無得輸 而且熱辣辣時上枱真的很吸引.未食已經流晒口水.蠔的SIZE不算大,剛剛好一啖食落口. 而這個燒蠔的蠔味較淡, 不過配上香蒜連汁一起進食, 真的很美味JUICY. 喜歡燒蠔的朋友可以試下.每次食泰國菜我都一定要點燒豬頸肉, 因為是我最愛的菜式.
而這個豬頸肉食落很爽口, 而且豬頸肉的外層是以蜜燒的方法去做, 所以食落蜜甜香口, 真的很正. 如喜歡可配上醬汁更能帶出另一種風味. 超推介~套餐點了黑松露意大利飯, 這個飯未入口已經聞到很香的黑松露味道.
而且意大利飯內主要是以雜菌為主, 所以黑松露的味道不會被其他材料蓋過.而米飯煮得更合我胃口, 不會太生米也不會過份軟綿. 所以個人很喜歡.
建議如可以跟朋友一齊SHARE, 因為一個人食感覺會很膩, 影響吃其他菜的食慾.另一款套餐點了香煎魚扒配他他醬. 這個魚扒的魚肉嫩滑不嚡, 而且切開是一梳梳的魚肉不容易散開, 好方便進食. 而他他醬味道就像是蛋黃沙律醬. 以魚肉沾少少分量的他他醬同時進食味道更佳.

而薯條則是用啡色的紙袋裝住另上(啡紙袋是買雞蛋仔那種的). 因為實在摸不著頭腦, 所以問了餐廳, 原來以這個方法另上是減少薯條上的油分, 讓客人吃起上來不會感覺太油膩. 原來如此~
這個是粗身薯條, 而且面上撒有調味粉, 感覺就像M記的Shake shake薯條, 不過味道是不錯的.

餐廳整體都在水準之上, 而且菜式定價合理, 環境氣氛舒適, 感覺好適合情侶約會談心. 而侍應效率高, 也會主動收拾用具時細心詢問客人對菜式意見. 以這個價錢及服務質素, 還有是多國菜的選擇, 我會選擇再來.

荃灣區甜品店特別多, 有韓式、中式、日式、西式以及台式都有. 真係多到眼花花, 令你心大心細唔知點揀.
成日出沒係荃灣區,但就唔知原來近荃灣廣場附近有間咁正嘅韓式甜品店. 多得好朋友介紹, 所以拉左老公一齊去試下.呢間甜品店叫冰雪公主, 起初以為係用迪迪尼個FROZON- ELSA做主題. 原來只係名字有D似.
店內裝修跟韓式café一樣, 環境光鮮, 裝修有格調. 而且更提供免費wifi.到處都掛滿雪花圖案, 營造冰同雪的效果
而店內地方寬敞, 座位之間相隔一定的距離, 所以整體感覺不局促.如果一大班朋友想搵個地方吹下水或聚會, 我會建議到呢間餐廳. 因為佢地有一張可以容納多過12人的長枱, 另外更有4人方枱同圓枱, 組合可以自己安排.店內免費提供咭Game或益智玩具, 可供大小顧客玩.照顧到不同年齡的階層.呢喥雖然主打係甜品, 但都有正餐粉麵飯同小食供應.
而且食物質素同樣好好.睇餐牌見到有花茶提供, 喜歡飲花茶嘅我當然必Order啦, 價錢仲好優惠.我點的是洛神花杞子茶(HK$38),一壺花茶容量都算多, 可以斟到4杯.
喜歡洛神花的酸味, 飲完暖笠笠又開胃, 仲可以解膩. 因為對上一餐食太飽.被韓式泡菜醬炸雞翼(HK$48)個名吸引住, 所以叫左一客試下.
首先雞翼醃得很入味, 醬料唔係只停留係表面. 無外鹹內淡的問題出現 而剛炸起的雞翼熱辣辣, 咬落有肉汁.
仲有泡菜醬味濃, 而且只帶有微辣.如果喜歡泡菜又怕辣的朋友一定會喜歡.再來就係OPENRICE網上大家推薦一定要食的爆谷雪糕(HK$42), 淨睇個樣已經相當吸引.以為個雪糕會好甜?? 你就錯啦.外層雖然係有爆谷+焦糖醬, 但其實店內採用的是乳酪雪糕. 所以雪糕有點微酸, 剛好與焦糖醬的甜中和左.
爆谷唔係平時戲院內買到的細細粒種類, 而係比較大同脆口. 配合乳酪雪糕一同進食, 真係超。級。正呀!! 私心推介俾大家, 一定要試.超級綠茶控嘅老公, 就單點左個綠茶雪花(Small HK$38). 一上枱全綠色的外觀已經令到老公好興奮.原以為呢個綠茶雪花只係原味雪花上加左綠茶粉、綠茶雪糕同年糕.
不過只要掏深一點, 就會有更大驚喜.原來結構係有一層雪花冰、一層鍊奶、一層綠茶、一層紅豆同有一球綠茶雪糕.
整個味道配合得太好了啦!! 綠茶味濃, 配上紅豆蓉同年糕, 成個組合真係無得輸. 連平時挑挑剔剔嘅老公都大讚下次可以再Encore. 無諗過所以食物都有驚喜.

後記:
波子棋, 兒時的最愛.
唔知有幾耐無同人對玩過, 今次總算通快地玩個3,4個回合.

年廿八，洗邋遢。洗完之後已經成身散晒，決定同老公食好嘢慰勞吓。朋友之前喺上環食過呢間餐廳，覺得唔錯，不過上環店已經結業，而家喺尖沙咀開新店，推介我嚟食。餐廳裝潢好Modern，走型格路線，同一般日式燒肉店好唔同，水吧位帶點酒吧嘅感覺。坐位方面，餐廳設有幾間房間，最適合一大班朋友gathering。另外，亦有4-6人坐嘅圓/長方枱，同埋二人吧枱位，間隔都算好闊落。餐牌列出嘅牛肉款式同埋其他熟食款式，價錢都算接受到。侍應向我哋推介「二人用和牛盛合」，會跟7款牛肉。不過同老公商量咗，都係決定散叫。頭盤叫咗個298牛油生菜沙律先，牛油生菜好新鮮，好爽脆，個汁帶少少酸甜，好開胃，而且份量都幾大。我好少食牛舌，間中只係去燒味鋪買，嗰啲牛舌好多時都係厚身得黎比較韌，而且比較嚡。但今次食完呢碟牛舌後，令我愛上咗。牛舌切得薄薄，侍應教我哋，話每邊大概燒1分鐘左右就已經食得。燒好嘅牛舌，爽口又煙韌，好味！呢個A5和牛西冷，真係無．得．輸！油脂分布好平均，每邊大約燒兩分鐘就可以啦。侍應服務態度好好，有時我哋掛住食，唔得閒出手翻肉時，佢會出手幫我哋，仲幫手剪開和牛，令到牛肉四邊都燒到。一擺落口，完全係入口即溶嘅感覺。肉汁混合甘香嘅油脂，一下子充滿整個口腔！推介之作！又係另一值得推介之作。和牛崩沙腩醃得好入味，好Juicy，而且肉質好腍身，食落冇渣。燒肉配啤酒，是常識吧！黑豚腩肉一層肉，一層脂肪，一層有咬口，一層帶油香。肉質不嚡不韌，醃得入味，比牛肉少一份肉香，卻多一份清甜。豚肉的脂肪較含蓄，不會溢出油脂，只有在咀嚼之間，約隱吃到被咬出來的油香。不及熱情奔放的牛肉驚豔，認同NO BEEF NO LIFE，但沉實穩重的豚肉，不會致敏，才能跟我長相斯守。啲油一路滴，一路聽到「滋滋」聲，令人忍唔住流口水。腩肉係薄切嘅，燒完之後，邊位燒得脆脆，一啖咬落去，脆口得嚟肉質不嚡。不過，由於已經食咗以上3款出色嘅牛款，呢款腩肉即時被比下去。對於一啲「牛」迷，可能真係NO BEEF, NO LIFE!下次有機會，會上嚟試下個Lunch set。

兩個女仔食飯食咩好呢?
約左好朋友飯聚,而朋友於佐敦返工. 所以順理成章就於附近搵野食. 而因為我地兩個女仔對食都無咩主見, 所以就上網搵下有咩放題好介紹. (食放題的好處就是最適合有困難選擇性的女生)經過一輪後宮佳麗咁挑選, 最終揀左三木日本料理.因為上網睇到餐廳環境還蠻舒服的, 好適合聊天呀!!三木只有兩個時間挑選, 第一輪(晚上6:00-8:15PM), 第二輪(晚上8:30-10:45PM)
而星期一至三的價錢會稍稍便宜一點, 而我們一早BOOK左星期二晚上第二輪時間進食, 每人HK$238(成人不連加一)當晚入座率只有半成, 所以環境比較安靜同舒適首先要先Order刺身吧. 三木的刺身好有水準, 當晚食既刺身好新鮮同大件.
而帆立貝更有我兩個手指頭大, 真的很大粒同鮮味. 而order的甜蝦更是巨型到同平時海蝦一樣大隻. 太誇張啦~
而另一推介是魷魚鬚, 勁爽脆. 其他三文魚、八爪魚、榮螺片等等都好好食. 最緊要有我最愛的北寄貝. Yummy!!之後叫個沙律開開胃
番茄沙律同豆腐沙律都不錯, 細細一碟. 兩個女仔食就岩岩好.另外開始食其他小吃:
清酒煮蜆: 無咩味道, 可以不用試
牛油粟米: 必order的item, 呢個牛油味重. 好食.
香辣魚餅: 同係泰國鋪食到的魚餅一樣, 有好重香茅味,. 配以泰式甜辣醬一齊食. 味道OK
燒八爪魚丸: 外皮有少少脆, 配以木魚碎食…好好味!!我地食到一半先記得叫野飲. 飲品方面以汽水為主, 特別的款式只有Fuze Tea Lemon(右一) Fuze Tea Apple(右二).
而湯品方面就超推介呢個黑松露野菌忌廉湯. 因為勁香黑松露味道之餘, 切到細細粒的野菌都好有咬口.而發現三木有日式茶碗蒸蛋, 唔係喥喥地方都有得食.
蒸蛋雖然好滑, 但同朋友一致覺得比較鹹. 可以不用再試.熱愛火炙壽司既我, 梗係要order一兩件試下啦. 4款的火炙壽司(黑松露帆立貝、左口群邊、三文魚腩、海鰻)都係水準之作, 而且每件都係細細., 一啖一件. 可以試多幾個款.因為太好奇咩叫餃子雞翼, 所以就叫左一件試下. 原來就係拆左骨既雞翼內里塞滿豬肉餡而已. 雖然味道唔錯, 不過好膩…下次可以skip左佢.好多時放題整既蒜香一口牛柳粒都會太硬, 不過呢個就岩岩好. 但就鹹左少少.
而牛俐都唔韌, 可以re-order一次.燒物有我喜愛的菠蘿同蕃薯仔, 不過菠蘿比較酸. 而燒海蝦就明顯不太新鮮. 肉是散開的. 明太子茄子就一般般啦, 比較乾.因為我同朋友都唔太喜愛食炸物,所以只係叫少少試下. 不推介食蟹忌廉薯餅, 薯餅內面是空心的而且只食到炸粉. 而一口炸芝士都唔錯, 其他還可以, 上枱時剛炸起, 所以不會差得去邊啦.雖然已經好飽, 但最後當然要食返個甜品先夠完美. 三木的甜品選擇算是比較多款, 而且味道不錯.
北海道3.6牛乳奶凍(左上角) 好濃郁既奶香味, 正. 推介
法式焦糖燉蛋(右上角) 燉蛋整得口感比較實, 不過都係好味
泡芙真係好一般, 可以唔洗試. 而意大利芝士餅好正宗, 食落有驚喜, 而且好香滑.

最後我地一人叫左杯雪糕(豆腐同抹茶味), 三木既雪糕應該係事先裝好左連碗一齊去雪. 所以食既時候發現雪糕雪得有點過硬, 要好辛苦先”不”到黎食.

整體我覺得今次放題係水準之作, 除左食物款式選擇多, 又新鮮之外. 侍應服務態度良好同工作效率高. 更沒有漏單情況出現, 最重要係環境食得舒服. 以呢個價錢同質素,我會選擇再光臨三木.

同朋友到銅鑼灣shopping後，朋友就帶我黎L Square食晚飯，呢幢大廈好多選擇，朋友就推介這間西餐。 海膽釀北海道赤魷魚意大利飯 $198 將意大利粉釀在魷魚筒內，非常考功夫，每粒意大利飯都有觧甜的海膽味，而且飯粒煙韌，，魷魚燒得香口，而且彈牙。 龍蝦蛋黃醬菠蘿大蝦薄餅 $138 薄餅材料有菠蘿和大蝦，配上龍蝦蛋黃醬非常惹味，薄餅入口香脆，餅底厚薄適中，口感及味道相當不錯。 加$52可轉套餐，套餐包括龍蝦湯或忌廉黑松露野菌湯及$32或以下飲品 龍蝦湯味道濃厚，夠哂creamy 一口西多士 (榛子醬)配雪糕 $88 跟平時食的西多分別就係個醬，一般西多係用花生醬，今次呢個甜品用上榛子醬，唔會太甜，亦唔會太膩，配埋雪糕感覺仲正。

最近太過忙於小朋友的事, 對於出外食飯的時間覺得是有點奢侈。
但忙碌過後, 都係需要好好享受一頓美好的食物去犒賞一下自己, 所以要依, 就食好一點有質素一點。餐廳選址在尖沙咀的金馬倫道赫德道，整家店地方著實不大, 能坐的位置大約只有十多個位。
這次來是聽朋友推介靖的午餐有十二件及九件的高質廚師發辦，而且價錢十分抵食，抱住一試無防的心態就訂位。
跟朋友各自order了廚師精選九貫 HK$270, 當中已包括前菜、沙律、荐碗煎、湯及甜品。前菜是鱈魚燒，鱈魚片燒得香脆，一下子就被清掉，很不錯的餐前小食。
沙律是普通的雜菜沙律，不過雜菜是食得出的新鮮爽甜，配上酸酸甜甜醋汁，很開胃。
仲有角切雜錦魚生沙律，配以芝麻醬，十分夾。
主角來了， 頭一ROUND有3件貝殼類壽司，分別左至加是粒貝、石垣貝同海膽牡丹蝦。
粒貝口感超爽口，入口已經有陣陣的海水味道，加上柚子汁，味道很清新。
石垣貝係我至今食過最鮮甜的貝類之一，口感軟稔得來有著很濃的貝類甜味。
海膽牡丹蝦在香港都巳經算是很普遍的壽司款式, 但當然質素也有參差不齊，蝦肉顏色雪白亦處理得很乾淨, 入口吃得到那份蝦的爽身甜美, 配上海膽同食，個人覺得是不錯的配搭。
池魚入口肉質非常有彈性. 當中的魚味較濃不過油脂不高吃起來好清爽活赤貝體型十分大，入口咬下去爽脆得聽得出來, 貝肉帶點橙黃色澤, 鮮味突出,吃完一件後, 感覺有點不夠喉呢~
師傅先把鮫鰈刺身輕輕灸燒，入口時比一般刺身來得更香口一點, 魚肉輕炙過的關係, 質地更軟棉,更帶起魚味。
這個大拖羅比平常吃到的油脂更少， 看看刺身上的油脂紋理亦不多, 入口果然油脂真的比較少, 肉質吃起來也較硬，感覺一般。
北海道馬糞海膽入口果然是CREAMY的, 而且味道甘甜, 海膽味是非常濃那種, 味道可以形容好味到顛。
平時食左口魚多，經火槍輕輕燒燙過的右口魚裙邊壽司，迫出了不少油油，令魚油和右口魚味道更加豐富。
同樣輕輕炙燒的銀雪魚，魚油十分濃，入口有即溶的感覺。
拖羅碎飯，加上天婦羅碎，令到口感有更有層次感，比起拖羅壽司，我更愛這個。


最後以茶碗蒸、湯及雪糕作結。

這頓壽司午餐價錢真係十分抵，而水準令人相當滿意. 餐廳氣氛不錯, 也不會太拘謹.當中自己比較喜歡的是他們的右口魚壽司、石垣貝及北海道馬糞海膽, 吃罷的確令人印象深刻, 回味無窮。

總覺得香港的泰菜再是好吃，也無法超越泰國當地風味；
當然, 人在香港, 不能奢求太多. 不過觀塘Add Some Thai Restaurant價錢及味道都十分平均，所以一試無妨！

星期六日的下午, 3點過後時段, 環境最舒服, 可以慢慢享受.假日套餐一點都不貴, 可以說是十分抵食, 因為份量是超級大份


招牌泰式無骨海南雞, 雞肉十分嫩滑,雞的份量都幾多，而且中間有層啫喱狀
唔好以為中間的啫喱狀係肥膏，其實是精華所在
油飯有雞油香, 水準很不錯
泰式金邊粉配牛肋條, 粉條足夠乾身不膩口而且韌度十足不會一夾即散。
蝦肉爽口美味, 配上芽菜、青檸汁、碎花生等配料口感十足.


而最有驚喜的是牛肋條, 燘得十分入味.
跟餐會送上蕃茄椰子雞湯, 不過味道略微淡了一點.
香燒沙爹雞串, 串燒的份量真的比預期大很多, 只需$36有兩串, 真心抵.
雞肉厚切, 燒得不會太乾身, 而沙爹味濃, 醬汁內仍保留左花生的顆粒, 很惹味.

這店的泰式COFFEE，並不是泰國標準超甜口味，反而甘醇美味，濃淡又得宜，超！好！喝！


這個價錢在泰菜來說, 真係很值, 味道都係水準之上, 所以可以再encore~

荃灣都可以享用Omakase? 你無聽錯, 我都無打錯, 係荃灣終於開左間可以食Omakase的日本餐廳福丸水產.浜燒.日本料理 我終於唔再需要山長水遠走入元朗食啦, 趁住間餐廳剛開業仲好新正, 於是早幾日前就訂好位, 今日收工拿拿臨過黎會合朋友食好西.
先講講餐廳門面, 門口佈置極有日本風情畫的感覺, 完全係一個影相位 店員話會不定時更改背景, 營造新鮮感. 因為日本正值櫻花季節, 所以今期主題係日本櫻. 好彩事前已經BOOK好7點的座位,黎到時餐廳仍未算多人.(不過8點後根本上已經差不多滿座) 座位都係以舒適的卡位為主, 設有四人或六人座,另設有包廂房, 包廂房當然需要到最底消費. 其實決定享用Omakase及完成訂位後,餐廳會send個menu俾我地,會詢問是否有對餐牌上的那一種食材過敏或不吃的, 餐廳都會因應客人個別需要作出調整 Omakase日語意思即是廚師發辦, 由餐廳師傅因應當日/當季選用最優質的時令食材作為餐單, 我地今次選左呢個Omakase餐單 前菜五小樣: 青瓜啫喱、麵豉西京海老、南瓜、蒜頭漬物、澤蟹, 每款都是一件一口,相當精緻. 當中蒜頭漬物同澤蟹最得我歡心, 蒜頭漬物完全沒有蒜頭的辛辣味和氣味, 反而爽脆開胃 澤蟹以為細細隻無肉食? 肉就真係無咩, 但竟然有蟹膏. 整隻蟹炸至香脆,入口鬆化 來到我最期待的刺身, 有伊勢海老(龍蝦)、葉血引和大溝貝 今次係我第一次食龍蝦刺身,但唔係講笑, 真係一食愛上. 肉質係超爽口彈牙, 味道清甜鮮味;葉血引都係頭一次食, 顏色呈紅色, 魚油香比較淡, 肉質都比較實,沒咩大驚喜. 最後來到大溝貝, 口感爽口清甜，帶有淡淡海水味道. (左至右)壽司有鱸魚、赤貝和牡丹蝦 最令我印象深刻的應該係牡丹蝦壽司,師傅用回了蝦頭內的蝦膏造成了醬汁, 食落去的香氣真係難而形容,嗰種味道係慢慢融化在口裏, 充滿蝦膏的鹹香, 味道一流. A4和牛薄燒, 薄薄的半熟牛肉片,內裡包裹蒜片及蔥粒, 入口融化,雖然有點油膩, 但真係整得好有水準, 點可以唔食晒.
食完濃味牛肉, 再食返個清清地的毛蟹茄子燒, 即將好清新.  呢道菜唔洗拆殼啖啖肉真係好爽,而佢既蟹肉肉質纖細, 蟹肉超鮮甜, 入口鮮嫩, 配上燒茄子, 味道出奇地十分配合. 姬小鯛、小茄子天婦羅 油甘魚海膽燒 差唔多尾聲,終於來到我最最最期待的黃金蟹膏甲羅燒 呢道菜由店內員工操刀, 首先將石蟹膏、松葉蟹膏、蟹肉、蟹籽、蔥花和鵪鶉蛋於爐火上的松葉蟹蓋內的不停攪拌, 等到沸騰後拎起, 再將法包係爐火上燒兩燒就完成.將蟹膏當醬鋪上法包上, 濃郁蟹膏，細緻豐富的滋味令人滿足 來到尾聲, 送上日本蕃薯豚野菜烏冬, 傳統日本人食Omakase最後都會食飯或麵. 這個湯底十分清淡, 選用吃蕃薯長大的豬肉(蕃薯豚), 油分及肉的比例平均,肉質不會太嚡, 而烏冬煙韌彈牙, 食完真心飽到上心口.
甜品是西海柑伴椰林蕨餅, 以甜甜蜜蜜的甜品為這頓豐富的Omakase作結.