今日同班冇見一班ge同事響太古坊唔知依咩好，遊吓遊吓就遊左o黎「誠壽司」。小弟lunch鍾意食日本野，所以響各區都食過唔少。 依間野絕對唔係難食，之不過有比較就確係遜色左d 套番讀大學business class果時成日聽果句:「stuck in the middle」，就係依間野ge情況啦~

主菜:鰻魚飯 ---------- 整體係可以ge~ 不過d醬味就咸左d，蓋過鰻魚味啦。又鰻魚份量少，本來我都好讚成「貴精不貴多」ge，可惜材料只係普通野，用濃醬係補唔番ge~ 飯係典型珍珠米熟成ge，一粒粒有召頭，好唔好食就睇口味啦

跟餐食物、面豉湯 ---------- 中規中矩啦~

餐飲: 芒果紅茶 ---------- 熱飲以芒果味入茶，有新意，值得一讚!

P.S. 明碼實價，冇加一，「誠」也~

總結，如果唔想食成個set lunch，又想食日本野ge話，依個價錢食到附近Misocool ge 主菜嫁啦~ 建議餐廳ge老闆搞多d新意思，唔好走平凡路線啦~

星期日行街街之前同個 guy friend 去漢和涮餐勁ge。 二年冇o黎啦，但依舊抵食，兼食物質素過得去。 不枉我o地專程o黎捧場! 由於冇咩人，座得好闊落吓
都係果句，一分$一分貨，依度野就冇可能係上等嫁啦，不過食完都冇事而味道又ok都算係咁! 唔只食咁少，但淨講比較好食ge，排名分先後:
多春魚 ---------- 我食左成10條8條
墨魚仔 ---------- 食極都唔厭! k 左 10 X 隻
薄切豬肉片 ---------- 冇淹料，記住要揀肥瘦肉相間ge~
魚柳 ---------- 云云濃味中ge「清淡」但一d 都唔斎，宜先食。
醬汁雞扒 ---------- 出面食果d 「照燒雞扒」咁味，不過人地一份都charge 你幾十蚊咁解
醬汁薄牛扒 --------- 好食過切片ge肥牛。又係同日本餐廳果d「薄燒牛肉」差唔多。

唔好食ge有:
炒飯
卷物
豬耳等涼菜
火腿 --------- 勁咸
三文魚骨腩 --------- 凍冰冰ge
豆醬 (唔建議飲因怕傷腸胃)
雪糕 (同上)
Overall, 依度ge熟食係唔掂ge，除左少訐甜品、生果之外唔建議試。我地由二點食到四點半，燒左勁多野食，相信我己去街市買都未係依個價law!

果日同班同事OT練表演，成9點先到 mk 開飯 一出地鐵站就比人sell，上左去依間樓上店。 大家都冇咩好主意未聽天由命law~

松板牛柳粒元貝 ---------- 用料係「中國牛」，肉質鞋口、牛肉味亦一般，又應驗左「食牛平價冇好」依句小弟ge金句。元貝又係行貸，冇咩味。Overall，碟o野偏咸，個廚師就咁將d野加調味料炒埋就算，因索價不高，勉勉強強啦~

海南雞 ---------- 送ge。 雖然得6舊，但係貴精不貴多，有水準

三色串燒 ---------- 特價叫的。 燒功恰到好處，肉料亦鬆軟多汁，值得一試

總結，依間野各方面都好「正路」吓。 如果想食西餐，又唔想有驚喜/失望，或頹食/破費ge話，可以考慮食依間咩都「中規中矩」ge。

P.S. 個set 連埋餐包、湯、飲品。 食滿每$100 有 $10 coupon 下次洗。

星期一同事打完波，一行四人去又一城試吓我個friend 推介ge意大利菜。 小弟其實唔係咁識食意大利野，不過見依餐都食得幾開心 所以寫上o黎留個紀念。我地見個family set 幾抵食(2大人2細路)，但驚唔夠飽，所以再加左個意粉tim。 點知食唔晒 side晒!

Baked Dough Balls ---------- 特色ge 頭盤~ 不過d 麵包球本身冇味，而三款醬味都比較淡口。 下次都係叫番Garlic Bread 穩陣~

Nostrana ---------- 上錯野! 我地叫ge係 Grand Chicken Caesar。點菜個女同事一睇就知唔係啦 不過錯有錯著，碟野整得唔錯ge牛油同雞肉好夾，連一向麻麻地鍾意食沙律ge我都覺得ok !
Parma ---------- 我叫ge~ 味道同想像中一樣咁正 依種火腿咸肉味濃烈(有d似金華火腿)，有來夾麵包 / 餅乾，或者食少少凍肉頭盤效果都唔錯，而家加落pizza度都一樣掂! 份量亦足，4-6個人食就fit 啦~
Spaghetti alla Carbonara ---------- 雖然食左條pizza先試佢，但碟意粉依然係好食到停唔到口 忌廉汁混有香科同煙肉，味咸香。d 意粉係幼身ge，烹熟時間恰到好處，軟硬適中。
Lasagne Pasticciate ---------- 比較遜色ge一道。雖然千層面製法較為複習，但味一般。千層麵本身冇味，而茄醬味淡，肉碎又唔夠香同口感。
Chocolate Fudge Cake ---------- 雪糕同cake本身係夾ge，不過朱古力就確係甜左d。其實仲有d cheese cake 雪糕 tim ge，味道唔錯，但就cake而言，始終難以同大酒店比媲。跟餐食冇所謂，但散叫就唔建議啦~
Tomato juice --------- Standard 野，不過加冰太多淡晒啦。 建議改用「冰鎮」或雪凍，同加多1/4一舊青檸仔就正啦
總結，以百幾蚊一位ge消費，依度都算值啦! 而且氣氛唔錯，又有藍色燭光，同吓男/女朋友談心都ok ge
P.S. 有個女同事想話叫杯"off-menu" ge熱檸蜜。雖然吧冇整，但個waiter好好咁攞杯熱檸水加多盒honey 上比佢，仲係當餐飲計tim~ 如果唔係之前上錯沙律，service 一定比滿分!

出糧請食飯。因為我o地家族鍾意食自助餐，所以聽佢地話去左依間。
去「日航」食，唔多唔少都有d 「和食」ge expectation。老實講依餐ge野食就冇咩日本feel la，有d失望 ~ 不過話晒係尖東食buffet lunch，依度ge索價同食物素質都算合理。
之前ge食評都講過，食放題/任食最緊要係食得「有層次」。見到咩想食就攞盞食緊咩都唔知。以下之序係小弟ge小小心得:
湯品 ---------- 中西湯均有，但切記試飲一款(半碗)好啦。一舨西湯都離唔開忌廉湯ge變化體，比較穩陣。小弟都揀左西湯，唔錯ge
海鮮(冷)及冷盤 ---------- 簡簡單單，款式唔多但各類俱有。水準standard，只是其中「燒牛肉」比較出色。
刺身 ---------- 雖只有三款但選料新鮮、上乘。三文魚尤佳。如果唔係魚生fans，每款一兩片就夠了。Btw, 只有魚生飯冇壽司食令人失望
海鮮(熱) ---------- 做得最好ge一味係焗蠔。良庖「因材施製」，新鮮ge生蠔梗係「生食」啦，所以依度ge「焗蠔」選料較次亦在情理之中。焗得啱啱好，醬汁亦能帶出蠔味，必食之選
肉類熱葷 ---------- 好多buffet都有Sunday roast 式 ge 牛扒、豬柳、火雞等烤肉供應，但依度「冇扒切」 雖然「鐵板燒」由風趣印度廚師主理，加番唔少分，但係可以燒ge 野就比較「下價」啦 其他熱葷亦較同價buffet 遜式，無疑係最弱ge一環。
關東煮 ---------- 算係特色野啦 關東熟比較清淡，最好係食完濃味ge熱葷之後食佢兼飲少少湯清清口腔雜味。依度ge 「蝦餅」ok ge，夾多件白蘿蔔同兩片牛展就夠啦~
泡飯 ---------- 選料自由配搭，小弟揀左元具、蝦仁、雲吞等，不過不失啦~ 兩個人share一鍋就夠晒啦~
甜味 ---------- 款式及賣相均比較遜式。 小弟只試左半件cheese cake，味道還可以。
生果及餐茶 ---------- Standard 水準。

總括來講，依度唔係冇野食，烹調方法亦可以ge，但係食材方面就普通左d啦。 如果唔係位處尖東酒店區，唔值依個價(就算東亞卡有75折)law~ 相信有排都唔會去，建議Café Serena集中火力，搞好d有日本等特色ge菜系好過啦! 期待進步

前排同個 guy friend 兩條麻甩去和民「把酒言歡」，因為唔記得用BEA 信用卡Book位，所以足足等左9個字 但以佢地ge質素同價錢，值得ge! 兩隻餓鬼叫左5餸1酒，食大佢:　

魷魚軟骨燒 ---------- 佐酒佳品! 魷魚軟骨有嚼頭又夠惹味，原來成條魷魚最正係佢

明太子芝士玉子燒 ---------- 「明太‧子」即係「鱈魚‧籽」咁解。依道既玉子雖然夠厚身，但係同「明太子」兩者本身都冇咩味，淡口左d 如果用番d濃味少少既調味去製作咁就好食啦!

鰹魚刺身伴柚子醋汁沙律 ---------- 新奇ge開胃配搭，應該第一道菜上! 記住要連蔥帶一齊食呀!

海鮮忌廉pizza ---------- 成個PizzaHut 個普通批咁大 味道偏淡但海鮮足料，做發介乎日式與西式pizza之間。因份量太大，我地兩條友食嘴啤啤 建議起碼有4個人先好叫。

豪華壽司盛合 ---------- 又係創作壽司來的! 食落OK ge，但係賣相似乎比味道更吸引。

Refines Sake (Cold) ---------- Sake 好多人都唔鍾意飲，原因好可能係佢地叫左熱ge，同埋飲得太大啖。凍Sake ok 細細啖飲別有一番風味嫁!

和民ge managementt 做得真好! 如果上菜可以考慮埋用餐次序就，咁serivice我就比5分啦!

昨晚練完拳同師門一行8人去打邊爐，終於輪到我請啦 真高興!

去到已經9點半了，但係仲要等位10分鐘，可見海皇ge受歡迎程度。火鍋料係自選ge，食材比「放題」式高級之餘，價錢卻平成半! 我地叫左好多野，生野賣相亦冇咩好影，唔逐一介紹啦。總之，推介得果幾款一定係正野，信我!

P.S. 依度ge醬係自己「混」的，可以試吓「混你ge醬」!

賣燒味賣都好似再興咁都算神話! 唔好以為依度咁出名d 野一定貴，其實佢地雙拼飯都係賣廿幾蚊碟。味道雖然唔可以同貴價酒樓比，但係大眾化燒味之中佢都算一流嫁啦

另外一樣小弟好欣賞再興ge 野係，依度ge 伙記服務好親切。 我地果次四個人分左兩枱，食到一半有位果陣，伙記主動咁幫我地group番埋一齊 淨係依一點都抵一食再食啦!

唯一扣分ge地方係店面確係迫左d

中環食飯雖然貴，但卻係名店雲集，堪稱美食天堂。要係依區殺出一條血路，淨係靠門面裝潢同埋將傳統菜系做好係唔夠ge，所以菜色一定要創新。Misocool 就係其中ge表表者!
佢地個Lunch menu 配搭自由度大，菜色以「日菜西做」為主，選擇亦多。今餐試左個豚肉沙薑燒飯 + 前菜餐飲($20)
前菜: 卷物及蒸蛋 --------- 可以五選二。卷物水汪汪咁，無味度，下次唔會叫。蒸蛋係ok ge。
豚肉沙薑燒飯 ---------- 豚肉是豬頸肉，炒得頗夠鑊氣的。新派做法，同其他日本料理ge製作好唔同，鍾唔鍾意就見仁見智啦
奶茶 ---------- 出乎意料地好飲 必叫!
總結，小弟最欣賞MisoCool 「日菜西做」ge 創新精神，雖然食物質素唔算出眾，但仍給個笑面予以鼓勵! 有下次

上星期食公司飯，響金龍擺左幾圍。 衷心感謝升職ge同事，請我地食左如此豐富ge一餐
直入正題，講吓食左d咩先:
白灼海中蝦 ---------- standard水準，蝦隻唔大，但肉質鮮甜。
椒鹽瀨尿蝦皇 ---------- 正野! 選料上乘，椒鹽同瀨尿蝦皇真係最佳拍檔!
蒜蓉蒸大元貝 ---------- 元貝足有手掌大，食落唔韌有但口感，證明蒸功恰到好處。可惜鮮味稍欠。
清蒸鮑魚仔 ---------- standard水準，但size較大。
翡翠炒斑球 ---------- 啖啖肉，炒功用家，堆頭亦甚夠，估計條魚有三斤以上，可惜唔太食到魚ge鮮味。小弟雖然唔出係咩魚，但係比較perfer清蒸，原汁原味好d。
薑蔥炆斑骨腩 ---------- 用起肉後ge魚身做菜冇問題，但係用薑蔥係敗筆。因為本身d骨腩已經冇咩味，所以應該用番d本身有味ge配料，如涼瓜「入一入味」好d。
上湯龍蝦伊麵 ---------- 勁大碟! 第一次食龍蝦食到唔食 估計係澳洲龍蝦來的，size大、多肉，但係肉質就冇咁鮮甜啦。Again，對於本身味道唔夠ge材料，用較濃味ge做法好d i.e. 芝士焗。 如果係上湯製，本地青龍蝦或者波士頓龍蝦則較為合適
滷水墨魚片 ---------- 超大份! 做法同一般打冷店差唔多，ok ge。但其實墨魚一人三兩片就夠，所以做「拼盤」好d。份量多得滯，盞食唔晒。
薑蔥炒大肉蟹 ---------- 又係巨無霸size! d蟹羔多到漏，又夠甘香。果時要聽sharing攤凍左，如果唔係必定係全宴之冠!
咕嚕肉 ---------- Standard 水準
楊州炒飯 --------- Standard 水準
另有魚湯、紅豆沙、汽水及值得一讚ge果盤
總結，依餐淨計海鮮都有9款，而且碟碟大size，我果圍13人都食唔晒，係真正ge海鮮餐。再次多謝請客ge同事!
當然，公司飯唔係掛住食ge，果晚大家都好盡興 不過如果份量少d，而選用d 較鮮味ge同類食材e.g. 本地龍蝦、東星斑(清蒸)、海元貝，咁就perfect啦