大煲皇喺天悅廣埸已經好多年，由小鋪變大鋪，之前小鋪時都已經有幫襯，依家變左大鋪，門面裝修更加美侖美奐。 坐既位置又寛敞，有房間、卡位、大小圓檯，坐得舒服。 食物質素依然保持水準。 蕃茄薯仔牛坑腩鍋 湯味濃郁，成個大煲都係材料，用料十足。 牛腩好入味又夠淋，仲有好多秀珍菇，$128 真係好抵食。 頂級手切鮮肥牛 牛肉色澤紅潤，鮮嫩，油花分怖均勻，牛味香濃亦有油香。叫左一份（小）, 但份量都算多。 牛骨髓 依家唔係好多地方有得食。 本身食材係無咩味，都吸晒d 湯汁，同埋中意軟滑既口感，係我打邊爐必食之選。 足料水餃 水餃脹卜卜，超足料，餡料鮮蝦既比例係比較多，所以味道好鮮味，加上餡料多，好有口感，味道一絕。 豬粉腸 脆爽嫩滑又夠粉。 蝦滑/墨魚滑雙併 材料夠新鮮，一定好食，無得輸。 口感好爽滑，又夠鮮味。。 兩個人食左大概$800，飽到攬住個肚，依個價錢食到咁好味同咁優質既食材，坐得又舒服，值回票價。

依度裝修好有格調，有酒吧feel, 空間感超大，同朋友傾計食野好適合。 食物種類好多選擇，有打邊爐，串燒同泰國菜。 首先歎左個雞煲先，服務員細心幫我地均勻炒熟雞肉。醬料味濃好惹味，麻麻辣辣，雞肉嫩滑。 食完雞煲，加湯打邊爐… 麻辣鴨血，鋒巢豆付可以免費任食。 本地肥牛 牛肉新鮮，份量有夠大，肥瘦均勻，少少油花，食落去有油香兼牛味好重，好有口感。2百幾蚊真係好抵食。 海鮮桂花蚌 新鮮，味道鮮甜 串燒牛舌心 燒得岩岩好，不會太乾，好有風味, 口感好爽，濃厚牛舌味，仲好油香好惹味。 泰式炸蝦餅 即叫即制，熱辣辣，外皮香脆蝦肉鮮甜彈牙，配上甜酸醬，好惹味。 洛神花茶，夠晒涷，用料十足煲出黎，味道好濃，甜酸度岩岩好。 最好仲送左每人1盅既楊枝金露，一樣出色。 食物選擇真係繁多好，用料好新鮮，仲有好其他款式都好想食，加上服務員既服務態度都係超好，價錢又抵食，真係有賓至如歸既感覺。

成日以為銅鑼灣食野好貴，今日行過依間冰室，入面裝修光彩奪目，寛敞衛生。食物質素好，款式好多，有港式茶餐，中式小菜，鐵板餐...等，除左一般茶餐廳飲品，仲有多款特飲。勝價比非常高。 1. 海南雞半隻，配中湯白飯 中湯好香濃，無味精。 黃油雞肥美多肉，無骨啖啖肉，雞味濃有油香，雞肉及皮都好滑，沾上個微辣既醬汁，好惹味，味道更加豐富。 2. 酸菜魚份量超足料，除左魚片之外，仲有萵筍、菇菌、雲耳、酸菜😍。 湯底酸辣度剛剛好， 魚肉肉質嫩滑鮮味，湯底充滿鮮甜。 3. 鐵板牛柳(5成熟）黑椒汁 羅宋湯香濃仲有好多菜，加埋個微熱既牛油餐包, 牛扒外面有煎到有焦香，生熟度岩晒心水，牛柳中間係粉紅色，但肉質好嫩滑好juicy, 肉味好濃厚，加埋黑椒汁提升味道，認真唔錯 ，仲有焗薯同蔬菜，好豐富。 充滿港式扒餐既情懷。 4.雪糕紅豆冰 雪糕香滑 ，有椰味及奶味，原粒紅豆但非常腍，甜度適中，真的非常好飲。

We go mall 地下一入去有間東南亞主題既餐廳，裝修精緻有東南亞風情，座位寛敞，樓底高有空間感，想食得舒適慢慢嘆美食，真係一個好選擇。 Open kitchen 廚師笑容滿面歡迎你。 菜單上都有好多選擇，除左泰國菜，仲有新加坡同越南既菜式。 1. 海南雞半隻 黃油雞肥美多肉，無骨啖啖肉，雞味濃有油香，雞肉及皮都好滑，點埋豉油辣醬薑蓉，味道更加豐富。 油飯充滿雞油味，好香但不算油膩。 2. 厚切香茅豬扒喇沙 喇沙湯底好濃好香， 金邊粉好爽滑，索晒d湯濃而不咸味道有層次。豬扒好夠香茅味，厚厚的，好有口感。 3. 炸蝦餅 即叫即制，熱辣辣，外皮香脆蝦肉鮮甜彈牙，配上甜酸醬，好惹味。 4. 黃咖哩炸軟殼蟹配薄餅 黃咖哩微辣好香滑，軟殼蟹炸得好乾身，外脆內嫩。 薄餅鮮制，沾上咖喱一齊食，好香口好味。 5. 青檸梳打，甜度好適中，夠凍好refreshing。

馬鞍山區既上海菜都食過好幾間，依一間都一次黎食，味道環境都有驚喜。 環境方面，裝修別緻，地方寬敞舒適，空間感夠大。 1 . 川香酸菜魚 酸辣度剛剛好，酸味不會嗆喉, 魚肉去左骨，肉質嫩滑鮮味。 2. 雞絲粉皮 涼伴小食溫度係好重要，依個溫度合適，粉皮爽滑, 麻醬剛剛可以撈晒材料，加埋爽脆既青瓜，口感既層次同味道都一流。 3. 上海小籠包 熱辣辣上檯，小籠包真係皮薄餡靚，晶瑩通透，可以望到皮入面灌有好多湯汁，要灘一陣先好放入口，事關真係超爆汁既小籠包，湯汁鮮味。 4. 上海炒粗麵 上海粗麵好彈牙，有冬菇絲，椰菜同肉絲，炒得好有獲氣，味道唔錯，不會太咸。 6. 煎鮮肉窩貼 皮薄多餡，皮底煎得好脆估唔到窩貼都好多湯汁，超好味。 7. 紅油抄手 皮薄肉鮮，醬汁甜甜辣辣，不油不膩又惹味。

天寒地涷，兩個人搵間抵食打邊爐放題就最好不過。依度裝修有特色，古式古香，座位寬敞。 價錢亦算大眾化，啤酒汽水同雪糕都係任飲任食。 今日叫左蒜香酸菜烤魚火鍋放題 ，食完烤魚，仲可以追加50款火鍋料。湯底味道好香濃，酸酸辣辣，有成條脆炸烤魚，外面香脆但魚肉依然嫩滑。 鍋裡面仲有好多配料，薯粉豆卜同芽菜。 另外，仲叫左金菇，蟹黃湯包，魷魚，魚皮，牛肉，即炸響鈴，蔬菜，落單後上菜速度好快，材料新鮮。 鮮蝦雲吞, 皮薄多饀，口感豐富。 $168澳洲M6和牛，肥瘦均勻，少少油花，食落去有油香兼牛味好重，好有口感。 最後溶入所有牛肉同食材既湯底，配上青菜，不需任何調味，都已經好夠味。

天氣涷左，想搵間地道小店打邊爐，佐敦個頭比較多依類型既食店。 火鍋食物款式多，亦有佐酒小食及串燒，牛肉款式亦都有好多款，有我至愛的潮汕牛，今日叫左雪花，中意肉味香濃亦有油花。 今日叫左個招牌湯底酸辣金湯：入面有酸菜南瓜，味道好香濃，酸酸辣辣，但都唔會搶走肉既鮮甜味。 手打三寶丸：有鯪魚滑丸，蝦丸，墨魚丸，新鮮，口感彈牙鮮味 豬腰：刀功很好，切腰花,新鮮爽滑, 沒有腥味。 鮮蝦雲吞：皮薄多饀，口感豐富 海鮮桂花蚌/脆鯇片：：新鮮，味道鮮甜 最後溶入所有牛肉同海鮮既湯底，配上青菜，不需任何調味，都已經好鮮味。 價錢大眾化；服務員親切殷勤既態度，都值得一讚。

湯底有12款，可以雙拼，今日叫左沙爹牛肉拼醉雞。沙爹湯超級濃郁，食左成晚再加湯都仍然好夠味，可以醬汁都唔洗點。醉雞湯好香酒味，入面有雞件豆卜，吸晒湯既精華，雞件嫩滑有酒香。 美國安格斯肥牛，肉色鮮紅好新鮮，肥瘦均勻，用沙爹湯底淥，超好味。 西班牙豬肉片配醉雞湯，味道好夾。 Shake Shake 炸黃金魚皮，有4包shake shake 粉選擇，海苔、芝士、梅子、香辣。魚皮本身原味都已經好好味，質地夠厚香脆。 即食小食有手拍青瓜同麻辣黑木耳，好入味及味道開胃。 海鮮方面，有肥美聖子、蜆、帶子、鱔、鯇魚片，每樣都好鮮甜。 流心芝士牛丸，芝士味濃及彈牙；三寶手打丸，鮮味有口感；鴨血實正得黎但好滑；黑松露墨魚滑, 鮮味爽滑。 出面自助飲品，有好多種類罐裝；自家制飲品有驚喜，味道真材實料。 依度地方好寬敞，檯與檯之間夠晒距離，地方又好清潔衛生。 三百蚊左右又無限時，咁多野食真係好抵食。

樂富新開韓燒，環境都算闊落，裝修好韓風，背景音樂搞到好似去左韓國。抽風系統夠力， 唔會好大油煙。 叫左大君set雖然價錢唔係最貴，但勝在選擇夠多,睇落去新鮮，基本上每樣叫一份都好飽，飲品任飲。坐低一陣店員主動為我哋上醬料、生菜同前菜。我覺得佢地嘅泡菜好好食。 肉類我好味係豬頸肉、LA牛排同牛肋條，三款肉味最濃，肉質軟淋，一啲都唔會韌。肉類款式多，有醃製同未醃製，兩種都好味，以呢個價錢黎講，食到呢啲質素嘅肉類，性價比幾高。雞亦雞肉醃得都好味，肉質嫩滑。 海鮮我哋叫咗蝦同帶子。 兩款海鮮都算大隻，放喺火爐上慢慢烤熟，食落都算鮮甜。 仲有燒鰻魚，燒完熱辣辣，甜甜地，好香口。 我哋都有叫小食，炒粉絲雖然細細份但落足料。另外，海鮮煎餅都好正，煎到塊餅啲邊位好脆。 不得不讚呢度啲店員服務態度好好，見到燒盤燶咗，會主動同我哋更換，而且上菜速度快，即叫即上。呢一餐食得好滿足，對我嚟講係一間CP值好高既嘅韓式燒烤放題。

同朋友聚餐，喺尖沙咀搵左間火鍋店，依度裝修好有特色，旅遊為主題，坐位寬敞，環境衛生企理。 火鍋食物款式多，亦有佐酒小食，牛肉款式亦都有好多款，有我至愛的潮汕牛，中意肉味香濃，依家做緊半價，好抵食。清清地叫個牛肉清湯，唔會搶走肉既鮮甜味。 新鮮手切吊龍半: 依隻肥瘦均勻，牛味好重，好有口感，上佳之選。 本地手地牛頸脊: 依隻牛肉油花多少少，食落有油香，但牛味都濃，另一種享受。 手切切嫩牛肉: 牛肉味好香濃，有肉質口感 白鱔片：新鮮，好肥美，口感爽脆鮮味，魚油好香 潮州牛肉丸：肉質柔嫩，牛肉味濃 潮州牛筋丸：一樣肉味濃，充滿肉汁，爽口彈牙 新鮮黑柏葉：輕輕淥一陣，爽口超脆 活蟶子皇/蕃薯大蜆：新鮮，味道鮮甜 最後溶入所有牛肉同海鮮既湯底，配上青菜同烏冬面，不需任何調味，都已經好鮮味。 服務員親切殷勤既態度，都值得一讚。