因訂座平台有5折, 所以中午走去吃,
點知去到佢話佢地已經不再在訂座平台
咁我問係咪照有5折? 佢話係.
點了一個捲餅($60), 一杯mojito($38), 一份雞咖哩連薄餅($75), 一杯芒果lassi($38),
捲餅很辣, mojito得兩三塊5毫子、1毫子咁細的薄荷葉, 沒有汽的, 用普通凍水來沖,
雞咖哩的咖喱是稀的, 好像湯水, 然後入面得三塊一蚊銀咁細的雞肉
--咖喱仲要幾乎一點配料都冇, 只係得兩三條好似菠菜絲的物體
最重要是埋單時, 全單$221,
佢話收我210算, 我話乜唔係食品半價咩~
咁佢重覆話已不在訂座平台, 收$200la
我叫佢畀單我, 佢話冇紙, 叫我影底收銀機屏幕
~~~~~
點知行出門口, 見到佢已在訂座平台tick了我已經出席,
我回去質問, 佢重覆話冇咁做 (咁都得?!因為系統係不會話我出席的, 除非佢選了我出席)
咁我叫佢畀返菜式半價我,
佢話冇,
我話報警,
佢話: 已經畀了折扣, 又話我叫食物不在a la carte,
大話一個接大話,
奉勸仍堅持要上門搵食的, 要小心佢找錢啱唔啱~!:
i booked tribes express via booking platform, which should have 50% on food, however the owner or staff there didn't give us 50% discount. he first said they are not on the booking platform anymore, then he said he would offer me the discount anyway.
at the end it was $221
he said he would receive $ 200 only, for the discount.
I want to get the receipt but he said the printed paper ran out. I did take a photo on his computer.
then I found out he already pressed the button as I did attend on booking platform I knew I had been fooled

then I went back and confronted him he said the food I ordered is not on a la carte

(there's no lunch set , we did order on a la carte)
be careful of this restaurateur. he is dishonest.

btw the chicken curry we ordered , the curry was waterlly and it had only very small three chicken meat.

第一次來吃下午茶 一碗燒鵝瀬粉加熱飲為40元。 份量細到一個點 燒鵝係唔錯 皮也是香的 但得3舊有厚肉 其餘都係冇乜肉 個湯底就好唔掂 睇落冇乜顏色 顏色混濁 乜渣都冇 相信由類似普通即食麵的湯包開出來

之前來過這間吃下午茶， 有一款下午茶非常抵食，大概是40至50元(忘了)有我最喜歡吃的紫菜飯卷(a+b餐，有雞肶或其他選擇，仲有特飲)，及任吃前菜。不過今天再來吃下午茶，發現此餐已經取消。 由於感冒未清，所以今次只能點這個雞扒蛋包飯， 蛋包飯ok，但是雞扒沒有什麼味道。42元不包飲品但有湯。 價錢相宜，職員沒有什麼禮貌，都是預咗的了。 下午茶在兩點半，但是你如果在2點29分去到，他們仍然要你在門口等待。 餐廳內有大量座位，而他們仍要把客人塞在你面前。 這樣的待客之道，我應該也不會再幫襯了。銅鑼灣實在有很多選擇。 仲有大家要小心他們的餐具。 之前我就放了一個之前客人使用過的匙羹在口中已經成為我的惡夢。 加上任吃前菜的下午茶已經取消，就不會再來了。

牛頭角工廠區冇什麼餐廳選擇， 最就腳是這一間，因此此餐廳已成為我的飯堂。 即使我已在早上11時入座， 餐廳有近60個空置座位， 通常我在離開前(1140前)仍有40個空置座位， 他們仍指使你的座位，有時明明有十張空枱(不是座位)仍把客人硬塞在你的位置。 但由於真的這區冇乜選擇， 翠華又非常貴， 唯有都是選擇這一間。 另外，為了快點清枱，他們像其他茶餐廳一樣不會問你，就會收取你的碟。 客人多，他們不在乎。 不過，今天我終於有了一個原因把它列在黑名單。 就是我平常在茶記吃早餐，有炒蛋的時候， 都會要求要少少茄汁，加在炒蛋十分好吃， 以前他們會提供，但今天去過，現在要加5元才可有茄汁。 如今唯有練下腳力去遠少少吃飯吧，無論點餐或付款，不想再受氣。

#絕對要試!!! 終於一嚐大熱的芝士撻, 每個$22, 如果買6個是$120, 算是芝士撻的高價,
但我建議各位食家, 除非6個人一齊現身店舖, 否則買回家給親友, 不如算了!~因為這些是都新鮮出爐的芝士撻, 要熱食才好吃, 最好在店內立食~!!

圖中所見就是咬了一口後的芝士撻, 豐厚的半熟芝士, 不是流心, 像泡沫般, 但較泡沫厚實, 質感非常有趣, 咬入口, 勁香芝士味, 有點甜甜鹹鹹的, 但不論甜鹹度都剛好, 皮香脆厚實, 也是一流. 

這天排隊不很久, 等了只5分鐘, 店內還有朱古力蛋糕試吃, 香濃鬆軟, 還好像吃了點酒味, 真的很好,~~$85有5片~~~但我已迷上了芝士撻, 其他要遲點才試啦, 否則要變肥婆了~ 

新開張的餐廳, 一直喜歡生記, 食過鰂魚涌果間分店, 生滾粥很好吃, 無人匹敵了... 
這天晚上回家, 順道吃晚飯, 
點了炒米粉+油菜 -- 居然有我最喜愛的西洋菜!!!!而且很便宜, 只要$15!!
西洋菜以油勺過, 配點點鼓油, 真不是每間都有, 以後會多點去吃
))
btw, 天后以往只有一間粥店, 現在肯肯定比下去了

中午上班時份, 因很多餐廳都擠滿人, 見這間沒太多顧客, 走了入來, 點知真係中伏.. 
現在再看連openrice的食評也不多, 更係中中伏..... 

XXXXXXXXX

叫了一客海南雞飯+檸蜜(要加$2), total: $52
先說飯, 硬、乾... 難吃, 不是水份不夠, 一吃就知是米質不好 
然後是海南雞, 天呀, 點解可以咁乾, 好比雞湯煲完後的湯渣... !   雖然是去骨, 但雞肉很粗, 不要以為是煮得太熟之故, 因部份雞肉仍是過生的, 像圖中的泛紅雞肉..總結來說, 雞肉質素太差了.  

另, 有兩款醬料, 橙紅色果款酸酸地都OK, .. 但薑蓉變成薑葱, 都好求其... 

最好味的, 竟然是湯.. 

因此店在openrice做推廣的關係, 走去試吃. 
叫了一個冷麵, 一個冰珀豚肉, 及相中這碟芝士安東奶奶雞. 

1.冷麵 $58
2.冰珀豚肉$68 
3.芝士安東奶奶雞$94 (原價$188)
白飯$12

1.冷麵很有彈力, 非常爽口, 但份量很少, 不太值這價錢
2.冰珀豚肉, 好像很有特色, 但其實是醬汁較普通的蒜泥白肉
3. 重點是 "芝士安東奶奶雞", 太滯了, 重口味, 芝士+醬汁太鹹太濃, 菜單上沒寫白飯, 問侍應, 原來是有白飯供應的, $12一碗, 連著白飯吃才勉強吃下. 
$94是半隻雞的份量, 但沒吃到雞翼, 整碟約有八塊雞(小塊), 不知誰會以原價$188去買這個小菜? 
建議店主, 芝士安東奶奶雞必須減少醬汁, 或分開上, 最好吃的是青瓜, 可考慮以青瓜及這醬汁弄成一碟前菜. 薯粉應該另上, 我們只吃了幾口就不能再吃下去了, 它滲汁太多, 鹹到阿媽都唔認得! 
另, 餐廳沒有一組座位是兩人都有靠背座椅的, 很不舒服

從北京回來, 吃了一碗酸辣粉, 好正! 然後去工展會小攤位又吃, 都好正. 
於是, 見到傷心酸辣粉咁多人, 便走去試下! 
點知, 好失望. 
我點了套餐, BB辣度的酸辣粉+蒜泥白肉+凍華田 = $59
如果淨叫酸辣粉是$32. 

X    X    X
但呢個套餐, 除了杯華田, 好好味, 其他都是很鹹. 我懷疑個廚師發緊夢, 將鹽放在薯粉內搓. 
湯底OK的, 但不夠熱, 吃了十分鐘已變成淡暖, 於是失去酸辣感. 
最大鑊是鹹, 粉很鹹, 是酸、辣、鹹溝和的味道. 另外, 粉太"淋"了, 令咬食再增困難, 十分難消化. 

蒜泥白肉本身也很鹹, 我喝了華田, 再食都覺得很鹹. 

唔會再幫襯了....~~最衰唔記得工展會果間叫咩名...!

宜家小食部有新產品: 焗芝士三文魚球. 正!

由於已是晚上10時, 故不用排隊.

$9 三粒, 平到爛. 首先, 你使唔使咁精緻? 這粒$3的芝士球, 外面是一層金黃色的鬆脆外皮, 第二層是香氣滿溢的三文魚溶, 核心是菠菜碎(?)混芝士, 嘩.... 手藝簡直拍得住Mo Bar的high tea !
吃起來, 有三文魚香, 芝士香, 咬中芝士的核心層時, 芝士扯得很直, 很挺..... 好味!