今日入到黎元朗試新野，點解話係試新野，專食窯燒雞同窯燒惹味骨，咁樣燒嘅雞都係第一次食，雞同骨係主食，另外仲有幾款小食 去到時睇到地方吾大，佢地主要做外賣生意，但多人起上嚟 真係會一個位都冇嫁。我緊係叫左窯燒雞同惹味骨啦😎試哂兩款，唔好話我大食啊😂我嬲嫁 窯燒雞～雞係用大磚瓦爐窯，呢個招牌雞真係好好食，皮燒得超脆，又多肉汁😋 食到雞胸骨位會有輕微嘅香草味，雞用迷迭香，香草醃製，將調味料打成碎汁，掛上風乾櫃風乾，最後放入窯內高溫燒。雞冇乜脂肪肥膏，食落好香口，任何部位都好嫩又滑，我都竟然會食雞胸肉😳 惹味骨～燒排骨味濃，帶D甜味，骨會燒到好輕微燶，肉更加有焦香味，調味料做到入肉入骨，好入味 仲叫左幾款小食，我自己最鍾意食泡椒魚皮、蕃茄仔同豬手。魚皮夠爽脆，仲要用我最鍾意嘅泡椒汁去調味，啲娃娃菜同魚皮一樣切到幼條，菜同魚皮一樣咁脆，好掂🥰豬手酸酸甜甜，凍食彈牙，天氣咁熱，真係好開胃。蕃茄仔，用桂花糖去漬，加入桂花多咗份清香，食落冰冰涼涼透心涼 支持小店！大家去試吓啦

失蹤幾個月終於出現返☺️大家幾好嗎？今日黎到土瓜灣既天神食堂， 係日式串燒居酒屋，睇得出舖頭用咗好多心機佈置，好多影相位 首先章魚小丸子，外皮炸得酥酥，佢既小丸子醬我都鍾意，真係好夾。個天神玉子燒，鍾意呢個玉子燒吾太甜仲可以伴埋京蔥一齊食 跟住黎個雜錦天婦羅，有南瓜番薯、左口魚裙邊同龍躉粒粒。當時心諗嘩～天婦羅都食到龍躉好犀利😆天婦羅炸粉平均都薄，係左口魚裙邊會厚D。當食龍躉或者左口魚裙邊時我都沾柚子鹽食，加以調味，味道突出😋 再黎係串燒～雞肉棒配埋蛋黃汁令美道更加香濃好味，食時會咬到軟骨，有咬口，唔怪得叫脆脆棒啦。燒白鱔夠厚肉好肉嫩亦燒得好香口。雞皮金黃薄脆 封門柳既肉味都幾濃，我自己重口味，就加埋岩鹽一齊食👍 厚切豬鞍滑蛋丼丼飯～塊豬鞍大塊又厚肉，豬鞍本身冇調味，味道係黎自嗰啲鰻魚汁，滑蛋真係滑蛋嚟㗎，有汁嫁 最後食埋蘋果金寶～呢個甜品等咗15分鐘，店舖繁忙，不過都值得，入面除咗有蘋果餡仲有蔓越莓😳更加好食。上面有球雲呢拿雪糕，每啖都冷熱交融🤤 飲品叫咗天神特飲同埋草莓荔枝噴泉，自己偏愛草莓荔枝噴泉，係碳酸飲品，天氣又熱，一飲好似上腦咁醒哂😂飲到後期雪糕溶晒會冇氣

A4黑毛和牛壽喜燒定食～黑毛和牛配上壽喜燒汁及蛋，口感昇華。湯底鮮甜都包住牛肉，仲有唔少嘅蔬菜，食材都吸盡濃甜惹味既湯汁😋味道豐富 吉列豬扒滑蛋丼～豬扒外酥既口感再加上滑蛋，兩樣色彩都配搭得超好👍仲有勁好食嘅洋蔥🧅加上飽滿嘅飯粒，令我胃口大開 提拉米蘇白玉窩夫～即刻打卡📸窩夫紮實，將窩夫沾上提拉米蘇味醬汁，配上生果，再加埋抹茶雪糕，口感同味道都勁豐富 呢個lunch真係好豐富，平時我超少食和風Cafe，今日終於一嘗滋味😃

今晚同@noodles.club @mandilovescooking @little_fat_to 食飯，揀左呢間餐廳，仲帶左支紅酒🍷🥰 雞肝醬吐司～作為頭盤餐廳俾咗一大兜雞肝醬😍吐司可以食完再加，雞肝醬搽得滿🈵，食落口感豐富好香吾油膩 手撕牛頰肉醬手工寛意粉～一向鍾意食肉醬意粉嘅我😂👍特別喜愛呢個意粉，真係冇得輸 鮮黑松露手工幼帶意粉～鮮黑松露落左好多好重手，味道好香濃，黑松露香氣極濃郁 慢煮羊架配法式紅酒汁(半熟)～羊架肉質好嫩滑，慢煮既肉帶粉紅色，我吾算太好羊因為怕好重羶味😳但我都鍾意食接受到呢個羊架 甜品叫左Tiramisu，法式焦糖燉蛋，抹茶巴斯克蛋糕～Tiramisu咖啡酒濃烈。法式焦糖燉蛋焦香脆既焦糖糖衣、好味軟滑香脆。抹茶巴斯克蛋糕半溶心，平時食開原味，第一次食抹茶🍵味♥️中間好軟綿既芝士🧀大愛

（黑郎君）黑蒜拉麵🍜 每條拉麵都被濃濃既黑蒜湯汁包裹住，掛湯力強，混雜住厚薄適中既豚肉片加上岩漿般既流心蛋，豐盛既味道充盈口中 （赤郎君）激辛拉麵🍜 食第一啖好似好辣，但辣味好快就散，令你吾經吾覺食哂成碗麵，除咗豚肉片，配菜我都一樣鍾意🥰 唐揚炸雞🍗熱辣辣炸起，鹹酥香脆，肉質滑嫩👍好味 羽根餃子🥟煎得卜卜脆，煙韌有口感 餐廳都有好多位可以影相📸😊餐廳唔多位lunch 時間去都已經坐滿人，出邊仲有人等位

尖沙咀近排新開既壽喜燒·肉屋 叫左兩個餐分別係特選・蕯縻牛壽燒和特上·薩摩牛籌喜燒 兩個餐都有前菜，薯仔沙律🥔，麻醬豆腐，自家製肉丸，入面仲加左雞軟骨，主菜有肉，一碗🍚，一杯飲品 一碗野菜盛合，有豆腐，冬菇，菜，芋絲，大蔥，仲有隻蘭王蛋打發後用嚟點肉食 特上A5薩摩牛油脂雪花較多，特選A 5薩摩牛較瘦，牛味重，呢個牛一轉色就要夾起，吾好燒得耐，肉質容易變靭，我自己比較鍾意食特選A 5薩摩牛🥰 飲品叫左星紫流砂係石榴、益力多、蝶豆花茶和夕燒け係芒果、蜜桃、西柚、四季春。飲品糖漿都係佢地自己溝好自己煮😍吾會死甜

呢間餐廳已經好耐冇嚟食，應該都有一年，近排突然記起就即刻忍唔住約朋友👭去食 明太子蟹肉意粉～呢個蟹肉意粉真係不得了，店員拎出嚟時已經好吸睛🤩成大嚿蟹肉，蟹肉嘅份量真係好多，我亦都好鍾意個醬汁，杰身會有少少漿住過口😚亦都有好多飛魚籽，店舖真係唔孤寒👍俾個讚 黑西哥粟米片～我對呢個粟米片好有印象，第一次嚟到就已經食過，之後每一次都要食，點解呢？因為入面有墨西哥辣椒🌶️😂真係好好味呀～加埋焗好既熱熔芝士🧀️同番茄🍅我成兜清晒🥺雖然好嬲我自己，算啦～橫掂咁耐冇黎😆 可以喝的提拉米蘇～真係好似食緊真嘅提拉米蘇，面頭嗰層係忌廉，雖然比較甜(小妹走開甜)，但唔緊要，因為真係食緊蛋糕麻😃 美國香炸雞翼👍👍👍 牛油果，蘋果，奇異果沙冰👍👍👍呢杯嘢好受歡迎，好多人去到都叫

雜錦吉列定食 5成熟 轉烏冬 吉列定食有A4和牛，帶子，虎蝦，小青椒，呢個和牛係牛腰部位5成熟，牛味好重，油脂豐富，肉質亦比較有彈性。虎蝦鮮味甘甜、帶子肉質細嫩爽滑，口感滑身。小青椒略帶少少甜味。我將飯轉做凍烏冬，冇辦法啦，大熱天時，真係要降溫，涼浸浸之餘，烏冬仲好爽滑彈牙😋食完真係透心涼 不得不提定食既羅白漬物，仲用咗柚子醋去浸😍同平時食嘅好唔同，亦唔會過酸，我仲買咗一樽返屋企食 牡蠣吉列～咬落時會有蠔汁走出黎，炸醬做得鬆脆又夠薄，包圍住飽滿嘅蠔🦪 鶴梅柚子酒～又酸又甜🥰好鍾意呢個味道👅好似飲緊果汁咁，柚子甜味融合埋酒嘅味道，味道有唔同嘅層次 呢到連一舊蘿蔔或者抹手毛巾都係日本運黎，可以睇到店家對於細節同品質既追求

我專程黎食餐廳嘅招牌🧇由餐廳開業至今，喺網上不停見到窩夫相🤤鹹牛肉炒蛋完美組合，上碟時窩夫已經有少量嘅花生醬，我覺得唔洗特別加大多，會遮住鹹牛肉蛋嘅味道，調下味就可以，花生醬窩夫就好似平時食夾餅既味道，仲可以配埋杏仁片同食，加多份香脆酥口感 白酒蒜香蝦意粉配風乾火腿🍝成碟意粉充滿住蒜香味，簡單嘅調味已經好好味😋唔少得意粉嘅主要材料蝦同風乾火腿，柔軟甘香風乾火腿加上蝦蒜香味令意粉更加昇華 自家製迷你蟹餅配蒜香蛋黃醬🦀岩岩炸出嘅蟹餅當點上蛋黃醬，外層香脆，令到蟹餅更香口，咬落每一啖都係蟹肉 抹茶紅豆雪糕塔牛窩夫🧇打卡菜式，當我哋四個拎住手機影相時，側邊嘅食客都望住😂窩夫上有抹茶雪糕，再舖層厚紅豆，最頂係超濃牛奶味忌廉☺️唔好咁減肥住，食咗先啦 自家製朱古力雪糕配摩卡🍫上到枱已經將雪糕放入摩卡，當食到尾聲時😆我已經唔記得咗原來自己飲緊咖啡，濃郁朱古力風味

叫咗個花膠雞湯補下，飲番啖靚湯，勁大塊花膠，半隻雞都大份，雞滑。一碟手切騸牯牛肉，脂肪多油花靚，肉味濃郁。手打豐盛丸拼盤，五款唔同種類嘅丸，最有印象嘅係牛肉丸入邊有芝士🤤自己最鍾意食牛肉丸，加埋最愛嘅芝士🧀️佢哋嘅韭菜餃唔可以唔讚，皮薄餡靚，韭菜味超級超級香，點解我要咁強調呢？🤣以我嘅經驗，因為就算餃子有係韭菜餡都未必濃味或有味。最後就係雜菜拼盤，上枱時有啲震撼，好大盆菜種類多又擺得靚，最後都係食烏冬同菜，加埋花膠雞湯做湯底😋完美呀😘有一個咁好嘅地方俾我哋一齊圍爐取暖食飯傾計💬真係好開心