係電影中心睇完戲, 少少肚餓, 朋友就介紹左依間清湯腩啦~~
唔好睇佢門面好似好普通咁, 佢d牛腩真係唔係咁簡單~~~~
首先佢個湯睇落去好似好清, 以為冇乜味
NONONO~~~係好味得黎又唔會令你口乾的!!
證明佢夠真材實料!!
另外, 牛腩就好鬆化. 佢唔係果d腍到冇口感, 用化學方法醃製果種
牛"彊"果個位仲好脆添~~
不得不提嘅仲有湯底入面嘅蘿白, 好香甜!!
價錢又ok, 抵食呀!!

聽朋友講話樂樂冰室嘅牛奶同雞蛋都係本地貨
專程去試試, 叫左2份早餐
雖然選擇唔係好多, 但早餐黎講都算ok~~
一份通粉, 一份火腿蛋
通粉就一般啦~但係佢係有坑果隻通粉(個人覺得比較好食)
雞蛋就唔算好香, 但牛奶就真係好濃啦
而且以小店黎講, 服務態度都算唔錯~~~
值得一試!!

初一流流，諗住食啲唔同啲嘅中菜，去左上海婆婆，絕對係一個錯誤！！

一行五人，等兩張枱，其實都預左要等一陣。唔洗好耐就叫左一張喇。好快又見到有張六人枱走，諗住輪到我地啦。點知佢拆左1中1細，結果仲要只係入左4個客囉。食得新派中菜嘅都知道細枱多過大枱架啦，有大枱走唔入大枱，都唔知咩邏輯？！

最後叫到我地喇，居然問有張沙發位嘅四人枱坐唔坐。你話依啲係咩做生意嘅方式丫？我地唔坐同個知客理論，佢仲黑口黑面喎，仲話我地依家係有枱唔坐。你話，依啲係咩服務態度？！乜講句對唔住唔好意思真係咁難咩？

網友推介澳門粵菜，首推陶陶居，果然無令人失望！星期五晚市人好多，但食物嘅水準一樣咁好！因為我地下晝食得太飽，所以晚飯食得比較清淡。

美食首推蝦子柚皮！平時我唔太食柚皮，唔太中意佢果陣澀味，但依度極到好軟滑，而且一啲澀味都冇，個獻汁好入味，食入口完全唔覺得係果皮類嘅野。而且佢仲有好靚嘅小棠菜伴碟, 簡單健康得黎又有誠意!! 個人覺得依度消費唔算太貴，大約$100位，而且包你食得飽。最重要嘅係，平時好多時候出去食野嘅問題係，味精食到我口乾，但食完食餐我成晚都冇成日要飲水嘅問題，讚呀！

唔好嘅地方係, 個場有啲焗...可能果日天氣凍, 所以冇開冷氣掛...!

去到澳門，又點可以唔食下葡國菜呢？首先，平均消費一定唔止$40-100，差不多要$100-120一位。如果你用香港食野嘅準則，你可能會覺得貴，但國外餐廳食物通常都要上百蚊，而且佢嘅碟頭相當大...所以，如果少人去的話，叫兩個main dish其實都已經好飽喇...

言歸正傳，餐廳環境同氣氛都好好，入左去感覺好似去左歐洲嘅小餐館咁...叫左5樣野：
1) 炸蝦角
2) 免治牛肉碌結
3) 燴海鮮飯
4) 葡國雞
5) 生菜一碟前菜就一般，太多油炸，一開始就食感覺有嘅油膩...基本上佢每位都有一份麪包，唔好睇少一個普通嘅麪包，佢地應該係親手做的，所以小麥嘅味道好突出！！海鮮飯真係名不虛傳，個醬汁好鮮甜，正！

唯一係服務態度方面就，一般啦…多數依啲出名嘅食店，服務態度都係咁上下…

第1次去小南國, 1入到去, 感覺幾唔錯
光猛得黎又幾grand咁
環境幾舒服~

一開頭ge前菜...醬油花生就麻麻地...
花生太硬...
但之後叫ge野食都好好食呀~~
1) 皮蛋豆腐
好有心機咁切到一片片, 好滑, 好香
連平時唔食皮蛋ge我都忍唔到口!!
全晚最正係佢呀~!!
2) xo醬牛肉鬆+叉子燒餅
又一正野~食過幾到ge叉子燒餅
e到最gdgd, 入口係鬆化開ga!!
xo醬一d都唔辣, 好香口
3) 小籠包
反而就一般左d
個湯汁有點太油...
個皮就幾靚ge
4) 砂鍋雲吞雞
特價野, 但一d都唔小野wor
有差唔多半隻雞, 仲要有成10雙雲吞
仲有d餡料好比心機整
d白菜好幼細
5) 豆沙如意糕
個糕唔知用咩做...
口感好鬆, 入口即融....
唔係太甜, 岩岩好~

成餐飯都好好食
但係d服務就唔太得
d侍應成日好似好忙好急咁
但其實又唔算太多人, 好多野做咁wor
有時叫左佢地加水, 行開左又唔記得咁
最衰係我未食哂d野, 仲"but"緊ge時候佢同我收野lo
雖然服務唔多得, 但為左d好味ge野食, 我會再去ga~~呵呵