喺旺角開嘅時候已經係常客 最近喺佐敦開咗分店當然要來捧場 新店環境更加靚，成個裝修好有歐陸式風格 鮮茄焗豬扒飯 份量超級多，成大塊豬扒配搭下面嘅炒飯底，雖然鮮茄汁偏鹹但係整體依然咁好食，最鍾意係芝士面烤至香脆 瑞士汁雞翼撈丁常餐 瑞士汁雞翼超級入味配搭埋公仔麵一流！ 驚唔夠喉頂多分三份三文治，火腿蛋治烘底，炒蛋做得超級滑好香牛油味，麵包外脆內院而且又用牛油抹過，一啲都唔馬虎！ 呢度果然值得我作為飯堂，以後食晏又多一間聚腳點

已經是第二次到訪 上一次生日來吃午餐印象非常不錯 今次再帶朋友來吃多一次 同樣吃午餐選擇了兩個lunch set 餐廳的招牌菜式由餐廳店員推介 八爪魚料理得相當腍，一點也不會像咬擦子膠一樣，用刀子一切容易切開，配旁的醬汁不單止好看，而且紅菜頭醬汁相當之特別 主菜 低溫煮羊肉，羊肉用低溫烹調非常之腍而且入味，咖喱酸酸辣辣的，不能夠吃辣的人都必定能吃到，看到有少許三色椒和蕃茄配料烹調而成，陪着印度米一起吃非常清爽 咖喱魚也是第一次吃，沒想到魚肉是非常之嫩！咖喱汁是偏向椰香味的，一點也不會辣，這醬汁與印度薄餅非常匹配 另外最值得大贊的是奶油印度薄餅，一人份量的也配有兩大片超級足夠，烤至金黃色而且滿滿的奶油香 特別喜歡喝這裏的芒果乳酪飲品，喝得出用新鮮芒果製作，而且不會過甜

香港終於有平價天丼😍😍仲要全部可自選！ 天婦羅勁多選擇，淨係魚都4、5款，有穴子、鰻魚、喜知次等 蔬菜都好多！我哋就揀咗蘆筍、冬菇、茄子、南瓜、金菇、蓮藕 餐廳開放式廚房坐吧枱可以即時睇到師傅炮製，超級新鮮而且最令我驚訝嘅係油煙味唔算好犀利 上到嚟真係超級大份！仲要好靚仔好新鮮 當中最鍾意係鰻魚，鰻魚仲keep住超級Juice而且軟腍，仲保持住鰻魚嘅黏稠感 喜知次真係好出色！因為喺其他地方好少有得食，二來喺呢度食真係好抵 蔬菜方面金菇都做得好好，炸很好鬆化，全部金菇都可以散開唔會黐埋一舊 南瓜好甜，好棉好好食 另外仲叫咗其他小食，雞皮餃子一定要叫！超下酒，個雞皮炸得好香 有時自己一個人諗唔到食乜呢一度絕對係一個好選擇

清酒煮蜆 分量雖然睇落唔多但係其實裏面每一隻蜆都好大隻好肥美，一飲啖湯係驚嘆左，除咗鮮甜之外我諗唔到另一個方法形容，佢哋除咗用清酒煮之外仲好特別落咗奶油，所以飲落去鮮甜得來好cream好滑，真係好特別好出色 燒牛舌 燒五花腩 五花腩嘅肥膏位燒得好香，完全唔會覺得肥膩，配搭埋面頭嘅日本洋蔥好解膩，好香 台灣燒白鱔 白鱔皮燒完之後口感好Q好脆，白鱔亦都好新鮮，肉質好結實 免治雞肉棒 用咗日本三黃雞製造，蛋黃蓉無菌雞蛋，呢一道料理算係我食親居酒屋都一定會叫嘅嘢，免治雞肉連同雞軟骨非常之有咬口，調味亦都剛剛好 粟米天婦羅 呢一個好特別平時食天婦羅都好少會有粟米嘅元素，粟米粒同粉漿撈埋一齊炸，鹹鹹甜甜咁好好食，而且炸得好好好脆好新鮮

一直好鍾意食嘅蘇媽竟然同酒吧結合，呢件事真係好有趣 串燒拼盤 落單嘅時候店員已經叮囑我哋問我哋食唔食得辣😂😂好彩我哋都算食得辣所以照叫！ 每一款都好惹味好好食，果然真係有啲辣道，食唔到辣嘅人千祈唔好挑戰 炸雞皮做得好出色，一啲都唔乾而且好酥脆 油鴨脾配煙燻香腸 份量估唔到都幾大，有鴨做得好出色一啲都唔柴好滑，特別喜歡旁邊嘅炒菜同薯蓉，炒菜好濕潤有鑊氣，千層忌廉薯蓉超級好味！勁cream 調酒都好出色 分別叫咗佢哋店舖Signature Lemon Tree 加入左檸檬汁同Gin味道酸酸甜甜好開胃 嘢食嘢飲都咁出色下次一定會再嚟

蘇媽都算係我喺香港最鍾意食嘅馬來西亞餐廳，由深水埗食到而家開到嚟沙田 蘿蔔糕 第一次喺呢度食蘿蔔糕估唔到做得咁出色，味道好惹味辣辣地，係沙嗲醬嘅味道好香口，配埋蝦乾芽菜等等配料成件事好夾 一字骨肉骨茶 食星馬菜點可以唔食肉骨茶，呢度嘅肉骨茶比較淺色但係食落去一啲都唔會淡，超級濃郁嘅藥材味，完全有回甘嘅感覺好足料，成煲飲晒都一啲都唔會覺得口渴，入面一字骨嘅份量都唔少一共有四件，而且全部都肥瘦適中好好食，最正係呢度都入晒味

天婦羅綜合蔬菜球配特製醬汁 $38 賣相精緻，當中用青瓜絲、蘿蔔絲、黃椒，三原色拼湊成相當鮮艷豐富，配搭店舖秘製的芝麻醬相當開胃而且有營養不單調 四川擔擔麵 $68 味道同樣以花生為主，無論賣相還是味道與一般我們吃到的味道大致相同，唯一較特別的是吃到一股藥材味，相信是為素食者帶來一份養生的感覺，表面同樣灑上花生及芝麻 看上去相當有食慾 桂圓南棗茶 $48 鳥結糖拿鐵 $38 這個很特別坊間很少見，味道不過甜 散發出淡淡的鳥結糖香氣

今日終於嚟呢間之前喺社交平台見到人介紹好出名食炸雞嘅舖頭諗住買返屋企食
餐牌都幾多選擇除咗炸雞之外仲有其他蔬菜類同小食等等
叫咗一份招牌雞扒、炸雞皮、炸蕃薯條
製作時間大概15分鐘左右
全部都可以揀一至兩款調味粉

招牌炸雞扒配麻辣味粉
果然炸得好酥脆唔係乾硬嗰種，雖然拎返屋企都一段時間但係外皮依然係好脆好好食，最令我驚喜嘅係入面雞扒一啲都唔柴，係超級Juice，個調味都好好，雖然揀咗麻辣但係唔會好辣，相信唔食得辣嘅人都可以接受
炸雞皮
呢一個出邊好少地方有得食除咗串燒舖頭，炸雞皮大大塊，而且一啲都唔會有油溢感，送啤酒係一流，就算佢好邪惡我都忍唔住食咗好多

炸蕃薯條
炸蕃薯條雖然唔係啲咩特別嘅食物平時喺出邊都食得到，但係呢度嘅炸番薯條比到驚喜我，佢哋係超級厚切好粗一條，我配咗話梅粉超級好食，外脆內軟入面嘅番薯仲好軟糯，呢個真係超級好食！
下次我一定要試埋佢哋嘅甜不辣同埋炸菇等等

估唔到茶餐廳嘅泰國菜做得咁高質 ！ 今日咁啱咪係咁做嘢喺呢邊附近搵嘢食 下午茶時間嚟到有好多下午茶選擇 泰式豬髀飯 份量超級多一啲都唔似下午茶！豬髀唔係好腍但係有咬口啱啱好，連埋膠質滿滿嘅豬皮食好正，滷水味道都好入味，配搭埋旁邊嘅鹹酸菜食完全可以解膩！ 香茅雞翼 見隔籬枱叫咗呢個香茅雞翼好靚仔於是跟住嗌咗瞓，一份有五隻全部都炸得好酥脆，而且好香香茅味，好彩唔會過鹹因為出邊食過有啲香茅雞翼腌得太犀利導致好鹹 整體性價比超高而且食物上枱快，超級適合放飯時間嚟食

多年前新開幕的時候來過一直印象深刻！ 多年後來沒想到質素依然很好，還試了一杯荔枝味重的手工啤酒，也太好喝了吧！！ 身為不愛啤酒的我深深忍不住一口接一口，不斷追喝，不過雖然味道很順口，一點也不重酒精味，但竟然也有6.5%酒精，喝到最後有點醉意😂😂😂味道重於荔枝果汁香，但又不會過甜，但女生要小心！！ 不過還好點了甜薯條，配著吃就好很多，不經不覺吃很多又喝很多，和朋友聊聊天就過了😁😁朋友點的15號黑啤酒有表示10分讚！