唔係為咗粉紅兔兔，絕對唔會食，上次食都係為咗AP鴨... 去到已見有人龍，一心嚟到都排啦，等咗45終於入得，但原來好多款兔兔嘢食都要等30分鐘，結果叫咗人形燒配千層蛋糕及雪糕...一等就35分鐘先上到碟 賣相同圖片都似嘅，千層蛋糕味道ok，cremia雪糕就好重牛奶味好味，P助人形燒就真係唔得，好實又無乜味，咬兩啖唔想食喇 最後埋單又等咗10分鐘 其實哩間嘢嘅食物真係好一般，又唔係平，唔係隻crossover公仔真係唔會食囉

諗住支持吓小店，見食評又唔錯，就試試啦 點知好失望，蕃薯條乾到柴咁樣；蝦醬肉餅配咸蛋醬堡，明明見前post有兩層，我就得一層，仲要好鹹；明太子蝦堡，包底硬硬地，好似隔夜嘅包，又唔係好食到個醬味，好普通；芝士明蝦餅係比較好食，好脆，幾得意。 以$60一個漢堡嚟講，真係好唔值，食一次就夠喇......

早排突然好多西餅鋪同時推出紫薯系列，最愛紫色及蕃薯的我當然要試試啦~賣相唔算吸引，紫薯做咗配角，金薯蓉加上脆的餅底，唔太甜好好味賣相好吸引，紫薯配朱古加蛋糕底，比相像中夾，唔太甜好味紫薯朱古力卷同紫薯蛋糕差唔多；紫薯撻大量紫薯，令人好滿足

喜歡東海堂的紫薯系列，充滿紫薯蓉又唔太甜，蛋糕底又軟熟，價錢亦合理。
 

原來無寫食評有兩年多，因為哩間小店，令我有衝動去寫...
每年都會為生日而去搜尋有咩好哩食，早兩個月生日時就搵到屋子。本身都好喜歡一些小店，屋子確實給我驚喜。
由大圍火車站行約十分鐘，沿路都是茶餐廳、麵店等普通的食店，所以行到去屋子門前都望咗陣，門面同周邊完全不同感覺，入面環境亦很有小店特色。
由於係下午大約四時，只有一枱客人，坐低後慢慢諗吓食乜先。午飯+下午茶的關係，先點了迷你貓丼及熱mocha，一心想試的窩夫款款都想試，選擇困難症下揀了小倉紅豆抹茶味。生日版的窩夫已經加晒分，賣相一流之餘，味道都有驚喜，外脆內軟，好好味~
靜靜的環境，一個不受時間限制的TEA，愛上

一直對屋子念念不忘，之後再相約大圍返工的朋友再去。屋子窩夫真係令我愛上哩間小店，希望可以試齊所有味啦

本身好鍾意食烏冬，見哩間食評唔錯咁，約埋D姊妹嚟試一試兼吹水。第一次睇完戲嚟，因為係星期五同八點幾，成條樓梯都排滿人，結果無食到。第二次放工即刻去搵位，唔洗等。兩位朋友先到所以叫咗個雞腎食住先，無食到，應該OK啩最鍾意蛋嘢，玉子卷當然唔會放過啦，賣相好吸引，味道都唔錯，中間都算滑芝士嘢又係必叫，哩個好好味，滿滿濃濃的芝士，正~吉列豬定食，黑豚貴廿蚊，所以試試哩個平D先，豬扒唔得，好鞋好乾；芝麻可以再多D；飯&菜絲可以免費添一次朋友的吉列雞定食，好味過塊豬扒朋友的鰻魚蛋飯，甜甜的鰻魚汁撈飯，好味

好鍾意食吉列店的椰菜絲，加埋柚子醋可以食到一碗飯，可惜哩度個柚子醋係WASABI味，唔多接受到WASABI味，應該為唔食WASABI味的顧客諗吓囉...

本來係嚟食烏冬，結果個個都無叫烏冬添，下次再嚟試試先

近排最愛froyo，成日癮起就要去食，同事話九龍城開咗間好靚的froyo店，係openrice搵搵食評，原來係tony wong x shadow的新店，有哩個排頭，當然要去潮聖
門口唔似froyo店，鋪面都幾大，一入去就俾個櫃吸引咗杯杯都好靚好吸引，有shadow搞一搞，froyo都變成藝術品，價錢相對比其也froyo店貴。
要咗杯banana split，坐底慢慢嘆五層的froyo，面頭朱古力+脆脆，因為朱古力凝固咗比較難"畢"到；yogurt都好滑；最鍾意中間的香蕉層，有d脆脆嘢+香蕉醬，好好味；最底層係生果粒，哩層令我扣分，蘋果粒+yogurt感覺口感&味道都唔太夾...
雖然好靚，都算ok，但就未至於會為佢特登走去食，而且價錢真係偏貴，但經過時就一試無防

鍾意周圍食cake，但竟然咁耐都無食過agnes b0既cake，自己都覺得奇怪
去開又一城，順路去買番兩件試試先。
$32件，加咗價喇，睇咗一輪，樣就幾吸引，但都好細件囉，最後揀咗︰blood orange jelly, hazelnut creme brulee, white chocolate mousse, caramel mirror, vanilla sponge cake
睇落好吸引，有晒鍾意食過d嘢，但得個甜字，都唔知咩味咁...失望...vanilla jasmine bavarois, vanilla creme brulee, almond sponge cake
味道唔知想點，無jasmine味，又係得個甜字...家姐個同事請的，個盒同包裝都好靚，但唔鬆脆唔香，同X重奏差好遠

d cake又細又貴又唔好味，真係只係為佢個名，一定唔會再買

回家時順路買咗東x堂芒果系列cake，只係$10件，但好味好多囉

好耐無買過佢d曲奇，如果有機會經開實會買，近排愛上佢個蝴蝶酥，同事或家姐出開去實叫佢地幫我買番包蝴蝶酥 & 川椒榛子曲奇
川椒榛子曲奇係另一隻鍾意的曲奇，好特別，有少少椒味，而且好鬆化，好味蝴蝶酥 & 玫瑰曲奇
玫瑰曲奇係姐姐要買的，我就覺得一般蝴蝶酥
之後忍唔住買咗一盒，以前唔太好蝴蝶酥，但食過四重奏果d之後就愛上咗，好鬆脆好香牛油味，好好味

雖然價錢係比較貴，但咁好味都會捨得買囉

近排食froyo食上癮，間唔中癮起就要去食，出開旺角多數都會去熊貓，froyo唔太酸，可能係用咗北海道3.6牛奶，好滑。
半自助式，店員俾上一杯froyo，配料自己揀，最愛0既配搭係mochi+oreo+crumb，佢0既mochi好軟熟同froyo好夾+埋兩隻餅碎，正~
而且哩個方式比較平，每次都係約$27。每買一杯可以有一個印仔，儲夠十個可以免費一杯。
上個禮拜去食，可能吊癮太耐，食完都唔太夠喉，下次要叫佢加多兩圈先得

聖誕前夕同同事們食番餐，由於臨時臨急搵放題食，即日卜大吉full 咗，惟有試吓哩間食評幾好的雷門。

鋪頭唔係好大，一行七人坐正門口位，一坐底當然係咁叫叫叫啦，都算幾多選擇︰
壽司 - 鰻魚、蝦籽、北寄貝、花之戀、芝士鰻魚卷、軟殼蟹卷...樣樣都唔錯，最正係火炙三文魚腩 & 火炙蟹捧，三文魚腩入口即溶，叫咗幾round，正~
刺身 - 三文魚好薄好細片，麻麻地，甜蝦就話無
串燒 - 粟米、冬菇、煙肉蕃茄、牛舌、牛柳粒、鹽燒雞翼、金菇牛肉卷、雞腎、雞軟骨...樣樣都好味
炸物 - 天婦羅蝦、多春魚、蠔、南瓜、一口豚、雞軟骨...都唔錯，一d都唔覺油
鐵板 - 廣島蠔同事們話好味，凡立貝好細粒，但都好味
生薑豚肉燒、蕃茄沙律、焗金菇、焗雜菇、芝麻八爪魚、螺肉、豆腐...樣樣都唔錯
甜品 - 泡芙，現成嘢，ok；芒果布甸，睇個樣已經唔多掂，同事們話唔得，個個食淨

嘢食真係俾想像中好味，只係刺身有d失望，服務都ok，可惜上菜太太太耐，由於份量細少(其實都好，可以食多幾樣)，成張單畫咗好多樣，樣樣都一兩件/一兩粒咁上，好似食極都唔飽咁，雞肉軟骨棒畫咗兩次都無上，但見隔離枱就有囉，眼見廚房人手不足，諗問都無用...九點半前離座九五折，都唔算貴，口痕想食放題都可以再嚟，但希望會改善吓出食物情況啦