都好耐冇去SUZUKI開餐喇，本來都唔係揀來呢到食，都係因為原本想去的餐廳冇位，之後一諗就諗到呢到，所以就來啦。 雖然多年沒來，我地一行三人食完都尚算滿意嘅。 呢日下午點了： ① 冰滴咖啡 Iced Drip Coffee ($43) ② 鈴木獨家調配 SUZUKI House Bled ($42) ③ 鈴木水 (Santa Vittoria 意大利有氣礦泉水) ($16) ④ 蕃茄他他多士 Brushetta ($48) ⑤ 日式雜菜搽茶冷麵 Japanese Mixed Vegetables Matcha Soba ($76) ⑥ 羽衣甘藍南瓜沙律 ($78) ⑦ 清酒味噌煮海蜆 Sea Clam with Sake & Miso ($52) ⑧ 野菌三文魚比薩 ($62) Sub Total = $417 10% Service Charge Total = $459 蕃茄他他多士：多士面有少少香草又香脆，蕃茄他他有橄欖片好清新酸酸地好食。 羽衣甘藍南瓜沙律：好清爽健康，羽衣甘藍脆脆的，軟軟的南瓜加上紅腰豆同松子一齊配黑醋汁好味。 清酒味噌煮海蜆：海蜆細細隻都幾清甜美，清酒味噌汁味道帶咸連同豆腐一齊食都唔錯。 日式雜菜搽茶冷麵：冷麵嘅麵質彈牙，雖然茶味唔太出，但撈左個汁好食，加上有三色椒腐皮同蠶豆，口感好好。 野菌三文魚比薩：餅底薄到比餅乾更薄，好鬆脆； 冰滴咖啡：咖啡味普通，香味也沒有，只有少少甘味。 鈴木獨家調配蒸餾咖啡：香濃且芳香，酸度剛好。

已經好耐冇來HABITU開餐喇，呢晚本來揀了另一間Cafe，但睇完Menu見冇野啱食及有限時90分鐘用餐，即時唔想幫襯。跟手就即刻諗起呢間HABITU，打電話問過有冇限時用餐時間，職員話有90分鐘，但如果唔係繁忙的話，可以繼續用餐。唔講咁多，即刻過去啦。
可能係平日關係，店內仍有3分1吉枱，我地都好快搵到目標叫野食。其實以前來過用餐都幾滿意嘅，唯一可惜嘅係已經冇左愛爾蘭咖啡，比較失望，希望日後Menu可以加返落去啦。

① Pure 65% Chocolate Cake ($38)
② Domaine de l'Ecu Muscadet ($62)

③ Barbera d'Alba Tre Vigne 2012 ($76)

④ Grilled Chicken Quesadillas 香烤墨西哥雞肉薄餅 ($98)

⑤ Blue and Gold Nachos 香辣肉醬焗雙色粟米片 ($88)
⑥ King Prawn Super Bowl with Cranberry Vinaigrette 大蝦牛油果藜麥沙律 ($98) 

Sub Total = $460

10% Service Charge Total = $506



Pure 65% Chocolate Cake：小小纯朱古力蛋糕 Rich ＆ Decaden，面層光滑蛋糕層厚而不重，係嘴裡融化，中間好軟，味道好。 (左) Barbera d'Alba Tre Vigne 2012：聞落有紫羅蘭香氣，酒體圓潤順柔易入口，有櫻桃香味，酸度清爽，唔錯。(右) Domaine de l’eau Muscadet：有蘋果同桃味，入口酸度清爽有帶果香，有少少花香氣，幾好。香烤墨西哥雞肉薄餅：薄餅香脆，包着烤雞同菠菜茴香調味配酸忌廉同牛油果醬好開胃，好味道，只是略嫌烤雞太大件，如果將之手絲平均分佈更好。香辣肉醬焗雙色粟米片：份量都幾大，原味同藍粟米片交疊，我就覺得藍粟米片比較厚硬且脆，係好食過原味D嘅；係粟米片上有一層厚厚溶了的芝士在肉醬上，熱熱的係好味嘅，只係耐左令粟米片淋哂就難食D；另頂層有2款醬係牛油果醬和Cream Cheese，２款都好味，我較鍾意Cream Cheese，順滑Ｄ，整體係OK嘅。
大蝦牛油果藜麥沙律：睇落份量唔多，夠一位女士食用嘅；食過呢到嘅沙律一直都幾唔錯，呢個同樣讚，大大隻烤蝦好新鮮，肉質唔韌且香。羽衣甘藍同藜麥當然好夾，用紅莓果醬調製的果醋汁配牛油果都幾好食，總好過用芝麻醬咁膩。

雞沙律芝士意大利軟包 Rosemary Chicken & Swiss Cheese Panini ($29) 
軟包表面有迷迭香，食落軟熟味道滿濃的，包好食；雞沙律餡比較少，雞胸肉有少少咬口，裡面除左瑞士芝士更有芹菜，口感係幾豐富，因為撈左蔬菜，食落冇咁膩添。日式照燒雞肉蕎麥麵沙律 Soba noodle with Teriyaki Chicken ($48) 
本來都覺得幾貴嘅，不過拆開盒睇到材料有蕎麥麵、照燒雞扒、海帶、糖心蛋、沙律菜都幾豐富，咁睇落就OK啦。
整盒最正係糖心蛋，好有蛋味；蕎麥麵冇蕎麥味有點失望；照燒雞扒算幾嫩唔韌；海帶同沙律菜都新鮮，整盒底都用沙律菜墊住，份量都幾多，整體算唔錯。

呢晚因為食完dinner時間尚早，就諗食甜品啦，一諗就想到來呢間食抹茶，本來都諗住多人要等位就唔食架喇，可能時間真係仲早所以去到剛好有位，即刻入去啦，店員帶我地去廚房門前，我坐係到都可以睇到裡面整甜品。入到來，一睇Menu就即時諗到食咩啦~
① 三色雪糕窩夫 Three flavour Waffle Cup ($59) 
② 宇治金時抹茶沙冰 Uji Kintoki Espuma Kabigon ($65) 
Total: $124


三色雪糕窩夫：材料有焙茶雪糕、抹茶雪糕、北海道牛奶雪糕、栗子、白玉、紅豆同榛子窩夫杯以花型窩夫碗載著各種材料，賣相係幾靚嘅！知道呢間Via Tokyo最著名抹茶味雪糕，所以對佢都幾大期望，忍不住第一口嘗抹茶雪糕，奶味重，但帶著抹茶本有的苦澀味，味香醇帶回甘，好食。再嘗3.6牛乳雪糕，奶味真係好濃厚且細滑，密度高，頗甜；再到焙茶雪糕，茶味濃唔苦，少少甜都係好食。睇menu寫係Hazelnut Waffle Cup，但冇榛子味係有少少失望嘅，好在窩夫做得挺薄身只係唔夠脆口。白玉子雖然有白色同綠色，但都係冇味嘅，煙韌不黏牙。紅豆份量少頗甜，糖漬栗子都係好甜。宇治金時抹茶沙冰：呢個一直係我最愛甜品，睇住店員係裡而整，更感期待；當睇住佢係我面前真係幾興奮，好靚呀，同Menu張相一模一樣，讚！沙冰輕軟，沒有小冰粒，刨得好；自製抹茶漿同包住沙冰的抹茶忌廉富抹茶苦澀味，對我愛抹茶味來講，超鍾意。沙冰底層同中層都混有紅豆，可能呢個抹茶苦澀濃郁D，所以同頗甜的紅豆一齊食更覺夾，好食！

要係尖沙咀搵食其實都幾難，想搵間要靜又要啱食嘅對我地更難，有日行開美麗華，見到呢間睇落幾好咁噃，也可以Book位，就一於揀佢啦。約好1930來到，環境暗暗，周圍已經有不少人了，但都唔太嘈，都幾難得喇。呢到有處好係8點前的飲品係Happy Hour有半價。
細選之下最後點了以下食物：① Brooklyn East India Pale Ale ($65)
② Passion Fruit Martins ($65) 
③ 法式白酒煮青口 Mussels Mariniere ($120) 
④ 招牌沙律配烤蝦 Chop Chop Salad (Prawns) ($138) 
⑤ 澳洲草飼牛柳 Aus Grass Fed Tenderloin (9oz) ($288) 

Sub Total = $676

10% Service Charge Total = $744Brooklyn East India Pale Ale：酒精濃度達6.9%嘅佢，口感依然相當清爽，有柑桔香氣，都唔錯。Passion Fruit Martins：我呢杯裡面以Vanilla vodka, passion fruit puree & passion fruit liqueur 勻成，酒味其實唔算好重，帶百香果甜酸味，都幾好飲；店員更係我而前點火，好靚喔～法式白酒煮青口：一鐵板上來有8~9隻，青口大大隻肉厚，唔韌好順滑；見到有蒜蓉、紅蔥頭、香茜同芹菜，雖然係底部的醬汁偏咸，不過都覺得好食的，如果提供少少麵包就更perfect哩。招牌沙律配烤蝦 ：想食沙律不知選那個好，問店員有沒有推介，佢揀呢個比我地，內有火箭菜、羅馬生菜、烤紅菜頭粒、紅甜椒、牛油果、蘑菇、羊奶芝士同水瓜柳，另外加烤蝦，3隻烤蝦肉質實了點；另外也有3款醬汁，最好食係蜜糖芥末醬，整體幾好。澳洲草飼牛柳 (9oz)：說真的，見到呢碟上枱時，我地都覺得賣相有少少失望；牛柳厚厚的，仍然多汁細嫩嘅，側邊的原個蕃茄好食好新鮮好多汗。

已經有幾年冇去茶木，一來見佢成日都係長期要等位，怕左等，二來上次食完好似又冇乜意欲再去，今次都係朋友揀呢間先來。

我地19點20來到，竟然唔使等位，不過職員都有說明用餐時間為90分鐘，都有問我地得唔得先帶我地入坐，態度都幾好。

可能真係隔了一段時間冇來，餐牌上的菜色的確多左好多，不過食完感覺仍然覺得價位稍高，而且係我地的用餐時間差唔多到90分鐘，真係來同我地講差唔多要交枱喇，雖然都係預左要走，但感覺好似被催促咁，呢個感覺麻麻。


為左爭取時間用餐，所以是晚我地好快地點了以下食品：
① 柚子南瓜茸沙律 Mashed Pumpkin Salad with Grapefruit ($68)
② 愛爾蘭咖啡 Irish Coffee ($33)
③ 凍朱古力咖啡 Mocha ($33)
④ 醬燒豬軟骨麵 Marinated Steamed Pork Brisket Bone in Noodle ($66)
Total = $200
10% Service Charge Total = $220


柚子南瓜茸沙律：沙律菜同南瓜茸份量都幾多，只是柚子份量略少，蔬菜新鮮食落好清新，份量剛好飽肚。愛爾蘭咖啡：好老實咁講，可能與我似開的大為不同啦，當我見到呢杯來到係有失望嘅！上面有一球雲尼拿雪糕配朱古力蛋卷，好甜；凍飲冰塊加得太多了，冇左本身的咖啡味，我連應該有的Irish whiskey都飲唔到有味，雖然賣相幾靚，可惜味道都幾失望。咖啡朱古力：有沙冰感覺，朱古力味幾濃，凍似係好味嘅。醬燒豬軟骨麵：湯底睇落好似油淋淋，但實質味道濃郁鹹淡適中，食落唔油嘅，醬燒豬軟骨質地夠腍，也夠入味，麵質一般，整體不錯。

隔左一段長時間冇食米線，順路行過門口，熱熱地見有涼拌小食，就決定來呢到食，是晚只是7點3，職員都好快招呼我地，態度良好。
我地2人點了以下食品：① 辣味蕃茄湯米線+竹笙 ($31)

② 招牌小鍋酸辣米線(小辣)+黑醋豬軟骨 ($34)

③ 涼拌四重奏 ($40)

Total $105

涼拌四重奏： 爽脆墨魚頭，麻辣度夠強勁，估唔到份量都幾多；涼拌木耳同涼拌青瓜醬汁同樣係麻香醬油，幾清爽；和風麻醬玻璃肉以麻醬和柚子絲拌著，食起來甘香不膩，唔錯！招牌小鍋酸辣米線(小辣)黑醋豬軟骨：雖然只點小辣，但酸辣米線湯底還是偏淡了點；黑醋豬軟骨酸酸甜甜滷得入味軟綿，幾好食。辣味蕃茄湯米線：雖然辣味只是來自撒上湯面的辣粉，不過帶酸且有粒粒番茄的蕃茄湯底加上辣味，係更恰到好處嘅；竹笙係湯底裡面被蕃茄湯染成橙紅色，吸收哂蕃茄湯，好食而且份量都算多；芽菜爽口，米線不會過腍，整體唔錯！

呢晚本來想去另一間食西餐，不過睇完menu覺得唔太吸引，所以轉陣來到呢到，曾經Lunch來過都覺得唔錯，我地一同都覺得可以試下晚餐喎！

我地2人7點半來到，餐廳尚未爆滿，有位唔使得，不過其實當時都有幾多人架喇，眼見好多人都係揀Dinner Set，但我唔想叫Set想試下其他野，最後我地點了以下食物：

① 西班牙蒜片蝦配多士 Garlic Prawns with Toast ($63)
② 晚餐E: 肉眼扒拼大蝦配薯條 Surf & Turf (是日餐湯-羅宋湯) + 一杯紅酒 ($178+$35)
③ 野菌沙律 Mushroom Salad ($53)

Total = $329

10% Service Charge Total = $361.9

餐包：原來係每位客人都會附送一個，本以為只是叫Set才會有，原來又唔係喎！餐包翻熱左，軟熟，味道同茶餐廳食的一樣嘅。是日餐湯-羅宋湯：湯內有蕃茄、芹菜粒、紅蘿蔔同少許牛肉，入口唔太酸，都幾濃稠，唔錯。紅酒：跟餐加$35有50ml份量，都OK啦！！西班牙蒜片蝦配多士：虎蝦被大量橄欖油同蒜片炒香，雖然只有4隻，不過煮的熟度都幾好，伴碟的多士如果可以脆身返少少，吸橄欖油食就更好喇。肉眼扒拼大蝦配薯條(黑椒汁)：我地見到有好多人都係叫扒食喎，友人就叫左呢個，一來到見到個賣相係有少少失望嘅，肉眼扒明顯比鄰座的安格斯牛柳遜色，可幸大蝦煎得十分香口，配菜都唔算十分有味、薯條幼身幾脆口，整體OK啦。野菌沙律：雖然份量唔大，不過野菌份量比蔬菜多，其實都幾飽肚嘅，沙律菜好新新鮮，雞脾菇、香菇、車厘茄同青瓜被沙律汁撈均，微酸幾開胃，好食。

呢晚本來想去食台灣野嘅，可惜餐廳太多人又坐得唔舒服，係街諗緊轉食乜好次時，行經呢間我差唔多日日都經過嘅Cafe，好吧~就去食個包吧！

我地來到廚窗，店員即時介紹有乜三文治，咁我地唔想食得太快，所以都問一問閂門時間，知道有足夠時間，就左以下食品叮喇，見到都係即叫即製，而唔係係雪櫃包裝好嘅貨品。而且呢到係自助形式，店員態度都幾好，叫我地坐沙發舒服D添。

① 蘑菇芝士三文治 Mushroom & Cheese Panini ($26)
② 蟹肉法包 Crab Meat Baguette ($33)
③ 美式咖啡 American (Large $24)
④ Ginger Latte (Large $32)
⑤ 香草杏仁燉蛋 ($42)
Total $157

蘑菇芝士三文治：材料有蘑菇、芝士、黑椒及牛油，拖鞋包烘得夠熱，菇芝士都好食嘅，只略嫌餡料真係少左D啫。蟹肉法包：材料有法包、蟹肉醬(蟹肉、沙律醬、洋蔥、車厘茄、黑椒、芥辣)、九芽菜及牛油，法包烘得唔太熱，材料比另一個包豐富得多喇，蟹肉醬仲調得好好食，九芽菜好新鮮，Good！

香草杏仁燉蛋：我因為見佢係個精緻的半圓體而揀嘅，整個半圓體都係雲尼拿燉蛋，好棉好軟滑，唔會好甜；而底係用牛油同椰絲製成杏仁味的餅底，杏仁味唔太突出，不過都幾脆口，整體係好食嘅。

美式咖啡：不過不失。

Ginger Latte：姜味比奶味重，唔甜，好飲。

青檸曲奇脆脆星冰樂® ($42)
雖然係青檸糖漿，都有青檸香，係偏甜嘅，但青檸味夠濃，面層有大量香脆曲奇脆脆，正！朱古力紅茶伯爵啫喱星冰樂 ($42)
啜一口充滿朱古力味，不過飲落好似唔夠沙，可能太熱溶得太快；伯爵茶啫喱好好食，整口都充滿伯爵茶味又唔甜，好飲。藜麥蘑菇蔬菜酥 ($29)
估唔到呢到都有得食藜麥，雖然唔鍾意食酥皮，不過都要些試下嘅。
批的大細高度適中，翻熱帶微脆香口..油了一點點而已；最上有數片蘑菇好食；裏混入西蘭花和豆角，已經淋哂了食落麻麻；雞蛋裡均入芝士好食；最可惜係蘑菇同藜麥份量最少，但反而用最少份量的材料作菜名，夠可笑吧，不過整體算唔錯嘅。