其實今次係我第一次幫襯，話說一晚去完睇戲之後唔知去邊好，又落雨，咁經過呢間ＥＸＰ竟然冇人等位喎，好朋友就提議去試o下喇，哦~~ 咁去囉！！
就係咁好隨意就入o左去幫襯，可能唔使等位即係冇乜人啦，環境坐位都算不錯，幾舒服，因為我地坐係店子後面，唔係對住門口或冰場果邊，所以都唔係好嘈，第一感覺幾好。
睇本Menu都好多野選擇，飲品、麵、飯、小食、薄餅、意粉、沙律、甜品...等等！
我地兩個又唔係大食，又多選擇，真係令我地好眼花撩亂架，慢慢續頁睇....我地都揀o左好耐先決定叫o左：
兩杯飲品- 西柚Soda和我的薑汁Soda，西柚鮮蝦蕎麥麵、柚子蝦沙律、海鮮+檬粉米紙卷餅和酥炸魷魚

最快到的當然係飲品，都好飲喎，我鍾意食薑，所以點o左杯薑汁Soda，好味，如果再多Ｄ汽就更Fit喇。
再唻o既已經係＜西柚鮮蝦蕎麥麵＞，一上枱時，我地都你眼望我望嘩o左一聲！嘩....咁大碟o既！？勁！開頭都怕會食唔哂架，好彩ＤSauce好好味，食哂。
之後到o既係＜柚子蝦沙律＞，oh~ 好味呀！Ｄ柚子唔係流野，唔係一粒粒而係一舊舊架，好足料，上面更有一些果仁更香口，蝦又大隻又新鮮，呢個係呢餐推介啦！！
再唻o既係＜海鮮+檬粉米紙卷餅＞，砌得好靚，咁因為４件上面的海鮮都唔同嘛，所以我每次食前都分開一半，咁我地都可以食齊咁多款啦，同埋我係對越南米紙情有獨鍾的，係唔鍾意食米紙裡面的食材係炸物，即係果Ｄ炸軟殼蟹米紙卷就咪攪我啦。
最後到o既係我地都鍾意食的魷魚，其實我唔鍾意炸物，所以呢碟＜酥炸魷魚＞上枱時油淋淋都幾怕.....同唔多好食，隨了油之外仲要係冇乜味囉。
因為張枱真係太細喇，放到一枱都係野食，我地兩個細食人呢...要慢慢食....好彩真係食到最後都可以食哂o番，冇o徒野！！

到埋單時，o依~~ 叫o左咁多野都唔貴喎，食物同價錢都成正比的，都抵食，有機會一定再Encore。

詳情可到：http://hk.myblog.yahoo.com/hoie-1217

上網睇過＜星座冰室＞要點去？個個食客都話好難搵，要去到美麗華廣場對面的＜大都酒店＞直入到尾見到後樓梯樣子沿樓梯落下一層轉左就見到喇，當我去時都覺得有少少難搵，不過食完離開後發現原來有條簡單的路可直達的。
沿著加拿芬道到42號見到賣萬用刀等雜貨的「協力電業公司」，從入口落幾級樓梯直入到尾轉右就會見到架喇，去＜大都酒店＞搵更遠更難搵的啦。

本來我係想食通粉架，因為係正Ｄ有坑果款係嘛，不過因為上網睇唔到有食評有食過米粉，所以咪想一試而真的叫o左"蕃茄魚片米"囉(唔係我點單架)，及後我聽到樓面同廚房講：「要米線！」，我咪即時叫住佢：「唔該，米線？」我想食米粉嘛，但佢就話唔關我事喎....咪冇再理囉，點知唻到真係比o左米線我，而唔係我想食的米粉呀！！！
慘喇！我唔鍾意米線架，好彩我隔離果個係食通粉，佢又同我講o左幾次話同我調轉啦，所以最後我變o左食"蕃茄魚片通"，而朋友變o左食"蕃茄豬排米線"囉。我都係衰架喇....哈哈哈哈！！

先飲一啖蕃茄湯入口，都好有濃厚的蕃茄味，有茄肉，唔好睇相好似好多蕃茄好濃咁，實際上係稀好多o既，應該係上湯加Ｄ蕃茄煮成，我唔知中環果間"蕃茄牛通"係咪都係呢種濃度？但上網睇過似是蕃茄底同蕃茄都多Ｄo既....。
最好係的都係用上有坑通粉，真係好食Ｄ架，有Ｄ咬口少少彈牙架，如果個湯再濃Ｄ可能會更好添，不過而家都ＯＫ好食！！
唔好睇碗野好似好大，其實同食雲吞麵個碗係差唔多，只不過食得蕃茄湯底的話一定會飲得哂成碗蕃茄湯，所以實會飽哂o者！
雖則話幾好食o者，但略嫌價錢定得比較高，如果以這個份量食材用料來說，＄２０碗就差唔多。

是日２１３５入席，侍應帶到我地埋枱後冇耐就話會先來三碟拼盤，應該係計人頭吧？海鮮拼盤２（有大大隻花竹蝦、翡翠螺、扇貝和蜆）、牛豬拼盤各２碟，望落去都好新鮮份量都幾足。
除了燒烤外，都仲有好多食物選擇如刺身、壽司、手卷、各款串燒、沙律、湯、天婦羅，又有好多熱食如拉麵、蟹粥、烏冬、餃子...等等，剩係點食紙都有六張喇。
我地都叫o左好多野呀，豬牛雞羊菇蔥蒜茄子菠蘿沙律海鮮天婦羅蟹粥烏冬魚餅壽司刺身炒菜.......最勁係全部食哂冇浪費食物，非常好！！
仲有呢，通常呢類用點紙形式的放題，你Click幾多野幾多張紙都好，最後可能只唻６成o既野食，但呢間唔係喎，點乜有乜，真係少有呀。
不過係燒烤之時坐係某座位都幾難頂，咁o岩我坐係被煙吹到的方向，真係煙鬼死，因為呢到冇用抽油煙機嘛....。

燒烤醬料方面只有鹽而已，真是非常Good Good Good，係唔需要油先最正，平時去食韓燒見到係咁落油就已經夠驚啦，都係日式燒烤好，又健康Ｄo者。另外的醬料有豉油同３款不同醬料，我唔知係乜呀，因為本身唔鍾意食醬汁的。

宵夜時段飲品都幾抵，佢地叫o左Asahi生啤$10 12安士，我就要o左150ml 的清酒，都係飲哂，只係冇乜清酒味o者。
係去幫襯之前都有上網睇o下人地的食評意見，見到有好多都話服務唔係好差就麻麻，但我地都唔覺喎，服務都幾好呀，即叫即到即做野
可能宵夜時段唔係太多人，唔係高峰時段o既可能心情好Ｄ對我地顧客咪好Ｄ囉，總括唻講都不俗呀，呢間可以翻轉頭再幫襯喎。

最後我地食到２３２５就埋單走喇，６人食o左＄１３１０。
都ＯＫ啦，真係好飽呀！！
- - - -
MyBlog: http://hk.myblog.yahoo.com/hoie-1217/