香港人熱愛泰菜，所以各區都有不少隱世之泰菜選擇，好似呢間💁🏻‍♀️蝴蝶 · 泰，就係其中之一，有傳統泰國菜，亦有新派Fusion泰菜既度假風泰國餐廳😋 當然有著數就更受大家歡迎啦，佢2-4人同行，唔理你消費幾多，都會送你隻，係一隻既火焰燒雞，唔係hea你呀，真係成隻同埋喺你面前火焰🔥，真係儀式感滿滿架，呢個時候相機📷要準備好😎 同埋每枱都會送一欖鮮炸蝦片，片片都大大塊架😆 蝦餅我建議大家都不要錯過，蝦餅食得多，入面有原隻鮮蝦真係極小地方有💯💯💯 香辣海鮮漁夫包，外面係全麥包，個汁勁好食，入面有青口、大蝦、魷魚、魚等等海鮮 秘製黃咖喱大頭蝦，全蛋黃咖哩，令咖哩更香，大蝦彈牙，仲好多膏真係超滿足😋 芒果糯米飯，飯後甜品點會小得佢，佢個椰汁調得好好👍🏻 係一間非常值得一試的泰國菜💮 絕對係誠意泰國菜之選！

粵藝館最利害「舊菜新造」，除咗味道，視覺都得到滿足，再加埋呢度望住維港夜景，真係無得輸😆 晚市套餐 $688/位 欖角雞中寶 - 送酒一流 即燒無花果天下第一豬 - 皮脆肉嫩 潮式荷葉翅 - 滿滿既翅 蠓皇原隻鮑魚鵝掌伴菜膽 - 鮑魚超大隻 金榜醬大虎蝦 - 最好食 好彈牙 X.O. 醬美國蘆筍炒北海道帶子 - 帶子蒸得恰到好處 蟹籽海皇炒飯 - 粒粒分明炒飯 蓮子紅豆沙 - 會起沙嘅紅豆沙 無一樣會令你失望，樣樣精緻😋 店內環境以和式設計，燈色柔和有氣派，枱與枱之間鬆動，服務亦好好，主動又有禮貌，喺到真係可以好relax享受晚餐👍🏻

成日見間嘢Full哂，心諗係咪真係咁好食呀？今次特登早D嚟，竟然唔使等位，打正旗號清湯腩，當然要食佢啦😋 招牌清湯腩、巴基斯坦咖喱牛腩飯、蕃茄牛腩河粉，黑白胡椒煨牛尾、咖喱角、豬頸肉樣樣都好食之餘，仲好足料😃 好似咖喱角咁，好大一嚿，不能好似平時咗2兩三啖食哂😂 入面滿滿咖喱，非常香脆 鮮蕃茄牛腩河粉，絕對係連湯都要飲埋，因為佢好似生滾湯咁，真係用新鮮蕃茄滾湯，而牛腩係用新鮮牛，入口即化唔死實，絕對冇渣，呢個價錢唔係用冰鮮牛已經超讚👍🏻 巴基斯坦咖喱牛腩飯 咖喱香味獨特，咖喱之中巴基斯坦我最愛，因為偏辣好開胃🤤 黑白胡椒煨牛尾，我相信極少地方有得食，入味又最胃，都係必食之選😎 豬頸肉配泰式辣汁是無敵的🤤 鹹檸七正正常常，1公升檸檬茶反而好吸睛，實在太大杯😂 雖然清湯腩為主食，但同時都有多種特式美食，唔怪得平時咁多人食啦👍🏻

港島工廈美食必食之選 AGE Cuisine Express，真係唔係朋友帶都唔知有間咁高質既餐廳，多國菜餐廳菜品豐富，環境好，位於鰂魚涌工廈內，平民化的西餐廳 燒美國Prime 級牛扒（8oz） $248 呢個餐好抵食，有餐包、羅宋湯、主菜、甜品及飲品 最出乎意料就係佢個牛扒，佢比起大部份嘅牛扒店都好食，唔信你食吓就知 😎 千島醬豚肉柚子pizza $178 第一次食柚子pizza，好清新好好味，感覺唔會膩，食多兩件都唔怕😃 芝士肉醬焗薯條 $78 薯條大大份，鋪滿芝士肉醬，大愛大愛❣️ 德國酥脆鹹豬手 好好食🤤，外皮非常香脆，肉質嫩滑帶有鹹香，食唔停口😋 New York cheese cake 飯後甜品好緊要，食返個芝士蛋糕，今餐非常滿足 😌

冰室或茶記從來都係快靚正既選擇，不過生意難做，除咗要有懷舊食物及多選擇重類之外，仲一定要有諗頭，可以打埋卡都係一個重點😎 好似呢個滑蛋鰻魚炸熱狗🌭，大大份非常吸睛，原條鰻魚鋪上面，中間滑蛋滿滿，炸熱狗包夠哂邪惡，一個都飽哂😂 鮮油多最重要當然係厚牛油🧈 佢算高分，但如果可以再大片D就更好🤣同埋記得上枱要即食，小小溶都會影響口感 三眼仔香葉肉碎飯，顧名思義三隻太陽蛋，睇住流出嚟既畫面非常療癒😋 焗牛舌芝士意粉🍝 4大片牛舌又大又厚，巳經唔改講野😎 雪糕紅豆冰從來都係我等冰室必點的🫘 食飽飽仲可出海旁行吓，收工最緊要令自己放鬆chill 吓🥰

飽嘗維港景致與正宗歐陸料理. 位處K11 Musea 內維港海傍的The Mussels，主打青口料理、特色奄列及各式海鮮及牛排等歐陸菜👍🏻 有戶內，更設有戶外藤椅雅座，讓客人能一邊看著維港景色，一邊悠閒慢活地享受美食❣️ 香草白酒汁煮青口 每隻青口的體型雖小，但勝在肉質嫩滑、香濃且飽滿 每枱都會見一定有青口，可配薯條或法包🥖 意大利巴馬火腿蛋餅 喜歡佢既鹹香，蛋餅做得好好✨ 不會死實，中間雞蛋超嫩滑狀態，食起嚟帶有滿滿層次感，非常滋味！ 芝士雲吞 非常香濃，芝士愛好者必選之一 每位服務員都有笑容，有招呼好Nice 👍🏻

位於觀塘一間質素高既私房菜，真係唔係朋友帶都唔知有間咁正既私房菜，價錢非常彈性，可以自己定價要求每位幾錢，好似今餐咁，我哋定價每人$400，已經非常多嘢食及性價比高，尤其是佢嘅極黑豬叉燒，即叫即燒，超級好食又軟淋，第二就係花龍，一開二每人半隻大大隻，仲可選擇兩煮😋 由前菜開始到最後嘅甜品都睇到廚師嘅細心，每樣擺盤都唔錯，甜品係用新鮮雲呢拿籽去做，所以非常香雲呢拿味💯💯💯 今餐飯有驚喜，地方寬敞，又可自帶酒水，值得回頭😎

去開嚟旺角食飯，當然食埋飯後甜品先係我啦，甜品控既我中西甜品都岩我口味，但今日有D趕，無時間再坐低食，唯有買外賣啦🤣 生磨香滑芝麻糊 $30 呢間我每次都必叫兩樣野，就係芝麻糊同埋麥米粥，芝麻糊香味濃厚，口感順滑，養生最好既甜品之一👍🏻 花生糯米麥米粥 $30 第二最愛既麥米粥，安神養顏又健脾，以前酒樓推點心車的年代，糖水車仔一定會有花生麥米粥、紅豆沙、綠豆沙、芝麻糊、花生糊及西米露。 糖水店常有發現上述幾樣，唯獨「花生麥米粥」幾近絕跡，所以呢間我必定會叫嚟食😎 百合香草綠豆沙 $30 綠豆有清熱袪濕之外，加埋香草🌿（臭草）更加可以清熱解毒，冇臭草嘅綠豆沙係唔好食架😁

喺太古返工咁多年，諗食Lunch 巳經諗到頭爆，有時口痕都唔知食咩好，所以西灣河太安樓都係我常會去既地方，新開一間叫識食既店鋪，見咁多人排隊，我又新屎坑試吓先🤣 叫咗一鹹一甜既格仔餅 佢並非平時食開嘅格仔 見佢嘅格仔餅都幾特別 牛油果格仔餅 勁多嘅牛油果出乎意料，$33都算係對得住個價錢😁配上有小小煉奶，當甜品唔錯 柚子雞扒格仔餅 雞扒唔錯，香口厚肉，第一次食格仔餅係配有雞扒🤣，完全唔覺得奇怪仲好飽肚 韓式拉絲魚肉棒棒腸 掛住玩唔記得影低佢個拉絲🤪 芝士愛好者岩哂

大家都知我喜歡食泰國菜，咁啱朋友話灣仔開咗一間幾出色嘅泰國菜，尤其是船麵，所以收工即刻過去試吓，睇吓可唔可以止止我思鄉情先🤣 招牌酸辣風爪 $68 酸辣程度啱我，非常開胃好食，鳳爪份量都不少 泰式肉片濃湯粉 $126 每次去泰國最期待記係食湯底濃厚帶甜味，雖然香港唔係細細碗食十碗八碗，但係一碗大既都一樣啫😁 泰式冬陰功蝦湯粉 $126 大頭蝦係每日新鮮蝦做，所以特別彈牙有鮮味，湯底唔算太濃太辣，湯粉岩哂 芒果糯米飯 $88 椰汁做得好好，甜到適中，糯米夠軟硬適中，芒果是用呂宋芒，特別清甜👍🏻 泰式青檸梳打，泰式奶茶兩杯都好好飲，最後還會送一份小甜品，椰汁千層糕，滿意😎