麥記終於重推久違了近十年的米漢堡「飯TASTIC」。仲記得之前推出時，只係個初入職場嘅小子，面對比其他套餐貴嘅飯TASTIC，真係唔捨得買黎食。之後，麥記一直無再重推，直至近日重推，仲crossover日本人氣卡通角色梳乎蛋推出【親子蛋飯TASTIC】。雖然現在仍然只不過係一個窮忙打工仔，但起碼已經唔需要好似以前咁。要取捨貴D嘅限定餐，還是庶民嘅普通餐....... 親子蛋飯TASTIC + 中薯條 + 中飲料 @ $38
包身就是由米飯加香菇再加豉油麻油壓製。
飯包夾埋脆炸雞塊、粟米蛋餅，再配以荷蘭醬及蛋其醬而成，外觀尚算同官方宣傳照分別不大。但兩層「飯皮」很油膩，得油味同咸而冇飯味，食完成個鐘，油膩嘅感覺仍未散去。

整體味道一般，但真係太油膩。唔會再試。

因為飯TASTIC帶俾我回憶嘅關係，我俾OK。
但單純以食物評分計係喊

早前興起一陣蜂巢雪糕熱，但因為太多人，而且覺得有D貴，所以一直未試。
到今日熱潮已經減退很多，加上雅虎有半價coupon，所以買左張試下。

蜂巢雪糕 @ $21  (原價$42)軟雪糕牛奶味重，質感細滑，挺好。
但未落雪糕前已經加左一層蜜糖係杯上
而並非加雪糕後才放蜜糖
令蜜糖只聚在杯底，所以食到尾聲才可吃到蜜糖
令味道大打折扣。

蜜糖亦只是百花蜜貨色，味道一般
蜂巢軟熟，淋淋的，頗黏牙，個人不太喜歡。
蜂巢本身很甜，要和大量雪糕一起吃才可。

整體黎講雪糕是好吃的，唯蜂巢蜜糖比較失色。
團購價是可以的，正價就唔太值得食。

M記出左個美式手撕雞堡，因為一個餐成$40咁濟
一直都諗緊搏唔搏下。
無錯，係搏下，唔係試下，
因為M記D新包，伏味一向都幾高
但因為有同事食左，話味道OK，所以就試一試吧。
點知同廣告slogan一樣，Surprise我
不過唔係味道，而係份量。

 手撕雞堡 + 中薯條 + 中飲料 @ $38
      坦白講，價錢唔算特別貴。不過開盒見到個包份量後，就覺得好唔值。

手撕雞堡以紙盒來盛載，打開紙盒另有一張黃色包裝紙包住，一貫麥記貴價漢堡包的包裝。
紙盒印上官方宣傳照，當然理想跟現實就是差很遠，這是常識吧！今次包裝紙有特別摺法，可以攝隻手入去揸實個包嚟食，設計有點心思！
賣相方面，當然預咗D配料會叠得東歪西倒。今次M記用手撕雞代替雞扒，成為漢堡包的主菜
配料有炸洋蔥圈、菜絲及芝士，拌上烤雞風味醬

味道黎講，手撕雞醬的確係惹味既，甜甜地帶微辣
炸洋蔥圈仲保持到香脆
但手撕雞份量少之餘，而且同菜絲醬汁混為一體，所以食落其實得番野菜味，無乜雞味
完全唔覺有雞絲成份。

最差係份量，一打開，咦...點解咁細既 ，同平時魚柳包果SIZE差唔多大細，
我開盒前已經預左同官方宣傳照有分別。
但實際比想像中更加細喎。

總括黎講，呢個包，味道OK, 但其他各方面都唔合格。
負皮

上周日本九州熊本縣發生7級地震及餘震，造成破壞及多人傷亡。

吉野家不單在日本向災民派發丼飯，香港吉野家亦一連兩日把「一番巨丼」嘅營業額在不扣除成本下，全數捐予熊本縣政府賑災和重建之用。

知道此消息後，今日收工便立刻去食，醫肚兼做善事。

一番巨丼餐 @ $52
喜野家嘅牛肉飯，因為水準唔穩定，所以都好耐沒幫襯。
一番巨丼其他只係一個加大牛肉飯而已。
牛肉及洋蔥兩款材料，鋪在熱熱的珍珠飯上。
跟餐送一杯汽水。

牛肉算是煮得軟諗，牛肉肉味濃郁,而且份量也十分多
但因為太耐沒吃，忘了要求店員多加牛肉汁。
因此整個飯食落有少少乾。

吉野家牛肉飯其實都沒甚麼評價了，反正大家都應該略知味道如何
今次呢餐，都可以話維持到我對吉野家嘅評分。

出食評主要係讚揚吉野家善舉，順便提提大家下次食牛肉飯要叫多汁呀

假期訓到晏一晏至同女友行街，行街前決定食少少野先。
諗緊食咩時, 醒起之前響希慎搭扶手電梯時見到間食南亞菜嘅餐廳LED招牌。
所以決定試下。

今次點咗：
海南雞拼喇沙套餐 @ $108
鮮蝦炒貴刁套餐 @ $88
另以特價加兩款小食
素菜春卷 @ $26
香草炸蝦球 @ $38

結論 :
整體食物質素不錯，套餐價錢唔算太貴。但加錢點嘅炸蝦球就貴左少少, 唔係好抵。

海南雞拼喇沙套餐：
喇沙湯底椰漿微辣， 配料有豆卜， 蝦， 蛋同芽菜。配料足，但略嫌椰漿味唔夠，食落唔夠惹味。
海南雞外皮薄嫩，而且肉質滑溜，肉質鮮甜無雪味，肉嫩兼帶雞鮮。另有三款醬料，包括黑醬油、薑蓉同辣醬。油飯中的雞油，份量是適中，唔會太膩。

以雙拼套餐計，份量足，抵食！ 鮮蝦炒貴刁套餐：
顏色看起來頗深香氣夠，配料有大蝦、臘腸、芽菜等等
有鑊氣，味道夠。但食落感覺太似乾炒牛河。 薏米水：
跟餐飲品，味道偏淡，唔太甜，薏米份量幾多，淡淡而解渴。

素菜春卷：
餡料充足，調味適中唔太濃。
春卷炸得香脆

 香草炸蝦球：
蝦球炸得香脆，蝦夠大隻，充滿香草味。應該是店家製作出品，但價值略為貴了點服務：
上菜算快，一般服務，唔差，但亦不算好好招呼。

環境：
裝修簡約，牆身及佈置有地道特色。餐廳用大公雞餐具，幾特別。
餐廳座位排得適中，跟鄰桌嘅距離唔會太密。

雖然住響呢區多年，但都係第2次黎呢間菜館，因為食過2次水準都唔錯，所以推薦一下。

今次點咗：
椰青 @ $25
椰汁西米冰 @ $15
串燒雞/豬(半打) @ $68
菠蘿炒飯 @ $85
炒椰菜苗 @ $58
乾咖哩軟殼蟹 @ $88

點評：
串燒雞/豬：
串燒配上香濃沙爹汁，很惹味，而且肉嫩唔乾。

菠蘿炒飯：
味道不錯，都算材料，海鮮有青口,八爪魚。可惜炒飯有少少油膩。

炒椰菜苗：
味道中規中矩，唔算好突出，而且菜有少少老。

乾咖哩軟殼蟹：
味道好好，軟殼蟹香脆，好熱，但咖哩汁令蟹身好快變淋。食第2件時已開始變淋，而且淋後很吸汁，以致食後覺得好膩。有興趣試的朋友記緊盡快食。

服務：態度唔錯，推介食物時亦算詳細。

環境：分上下2層，閣樓的坐位空間比地下寬闊。

TOTAL: $373

今日班同學吃晚飯，因為兩年前食過幾好，於是便介紹去好時沙嗲吃。
先列出叫左咩食：
加多加多 @ $40
炒芥蘭 @ $35
福建蝦湯麵 @ $50
串燒(一打) @ $80
喇沙 @ $40
咖喱蝦 @ $75
白飯X2 @ $12
結論 :
整體感覺食物不錯，所有沙嗲、咖喱味道微辣帶甜，適合怕辣人士。整體食物質素只是普通，比兩年前吃時水準下降，不過在尖沙咀仍算便宜之選。
加多加多：份量幾足的一個印尼沙律, 可是面頭最上的蝦片好像受潮般淋掉了。
醬汁味道很濃，甜甜的。配料有青瓜.雞蛋.什菜.薯仔等

炒芥蘭：無特別，較油膩。

福建蝦湯麵：湯底好有蝦的鲜味，伊麵底。但成碗得半隻蝦，孤寒左D吧！雖然仲有幾粒肉丸,，不過一D都唔彈牙，成碗麵總分唔合格。

串燒(一打)：豬牛雞各四串，上枱時不熱度不足。雖然少少乾身，但水準尚算不俗。份量好像較一般串燒少。沙嗲醬汁微甜帶酸，不辣

喇沙：幾大碗，很重椰汁味，味道偏甜的，豆腐卜同米粉吸哂個湯，挺入味的！魚蛋唔彈無魚味，只屬一般貨色！

咖喱蝦：咖哩汁不會辣，很香，蝦都算新鮮的

服務：
上菜幾快，但服務一般，要求加水但很久都未有服務，最後要自助加水。

環境：
茶餐廳格局，餐廳座位數量唔多，D枱排得好密，跟鄰桌嘅距離很貼近。但好似店外有加臨時枱。

TOTAL:$365 

在高登上大家都說這個包的賣相不討好，並惡搞一個攝影比賽。
不過欣賞一眾不堪的相片後，反而增加我對它的好奇心。
於是懷著戰戰兢兢的心情去嘗試。

咖哩漢堡餐 @ $32.5
漢堡 + 中薯條 + 中飲料
坦白講，價錢有點貴。

漢堡包以紙盒來盛載，打開紙盒另有一張藍色包裝紙包住，一貫麥記貴價漢堡包的包裝。
其實紙盒是多餘的，而且相當唔環保，但可能麥記以此襯托出貴價包的身份吧！相比攝影比賽中的賣相，還算還過得去的。
不過跟官方宣傳照就差很遠，當然這是常識吧！ 一開始打開包裝紙就被咖哩醬弄髒了雙手，
而且包裝紙上都沾滿了很多咖哩醬，
啡黃色的咖哩醬在藍色的包裝紙襯托下，難免令人引起無限聯想。
難怪被網友賜予「便便漢堡」這個貼切的雅號吧！

味道方面，打開包裝紙便傳來一陣好香的咖哩香味，咖哩辣中帶甜，很惹味。
咖哩醬不會很辣，調味方面做得不錯
足三両牛肉好似比以往薄，洋蔥粒好少。

整體黎講，撇除賣相計，食落其實幾好味。

假期同朋友打波前，同女友決定食少少野至出發，見時間尚早(12:30)，諗住碰碰運氣，試下區內的人氣拉麵店，竟然發現長期排隊的人氣拉麵店門口空無一人，起初仲以為行錯街口。本來想試下限量的青龍拉麵，但原來只會在晚上六時後供應，於是叫左
太極 @ $89選了濃及麵質要了軟。
拉麵特色是以墨魚汁及豚骨湯畫出太極圖案，雖然上枱時只是墨魚汁及豚骨湯分半，但仍是意會當中的意思，賣相幾特別。豬骨味好濃，墨魚汁有陣陣咸鮮味，兩者分開時都很好，可是兩者相加時顯得"兩頭唔到岸"般。
除了粗幼適中的麵條，可能湯底濃郁，掛湯程度令人滿意。第一次選軟麵，原來食落口感都幾好！
配料則有叉燒、玉子、蟹膏及金箔。蟹膏味道鮮甜清新，金箔份量很少，但蟹膏相配，甚有特色，值得一試。

魂 @ $79麵質選了中硬度
豬骨味好濃，味道頗香，即使吃完飲左杯水，結帳出到店外，口腔仍留有陣陣豚骨湯味道
配料有兩塊肥瘦適中的日式叉燒、半隻溏心蛋、一小片嗚門卷、少許蔥花和筍條。另有一大片紫菜置於碗邊。

環境：
店內十分細，環境係比較迫。很日式小店的裝潢，約八個bar位每個座位均設有木板分隔，甚有日本 Feel，另設有一張四人枱.服務：
座位少而上麵速度不太快，令人感到店員真是用心製作，並非粗製濫造及一切預定製作。老闆娘不停為我地添加冰水.而我的球拍袋放在荼水枱的座位，老闆娘竟貼心地為我的球拍袋鋪上一塊紅布，以為沾污，非常細心的服務啊！

同朋友搵食時經過，朋友碰巧想吃拉麵。
而麵屋一平安又有多間分店，於是便懷住期待的心情嘗試。今次點咗：
前菜 @ $10/位
熊本豬骨湯拉麵 @ $62
辣味豬骨湯拉麵 @ $68
茄汁軟殼蟹 @ $65

結論：
前菜：係一客蜆肉，數量幾多，味道還可以的，但由於係店舖強加的關係，覺得呢$20比得唔係咁抵。

熊本豬骨湯拉麵： 湯底豬骨味濃，蛋麵彈牙程度一般，叉燒算幾好, 唔會太靭太乾

辣味豬骨湯拉麵：
同熊本豬骨湯拉麵嘅分別只係多左"劈"辣醬響上面，同湯混和後辣味唔夠

茄汁軟殼蟹
做法特別，食落感覺似咕嚕肉，而且茄汁配合軟殼蟹，令蟹身變淋，失去軟殼蟹應有的脆口感覺，但味道配合是幾特別的。
如改為上菜後自己加茄汁，相信會更好吃。服務：店內部分是日本員工，服務態度良好，員工能聽懂基本廣東話。

環境：日式居酒屋風格，位置闊落，坐得舒服，亦不斷播放音樂，再加上日本籍員工，令整間店和風味十足