$398 A5宮崎牛（90分鐘 午市限定半放題） A5宮崎牛 厚切牛五花腩6片 真係好厚切，而且唔花腩嘅油花均勻好靚！食落去有入口即溶及溶化嘅感覺好幸福！ 外後腿肉6片 這個比五花腩，更加厚切！色澤鮮嫩，入口嫩滑，質素好高！ 這個半放題仲有沙律🥗小食、漬飯、冷麵、拉麵、甜品同、飲品等等都任食丫！ 吉列廣島蠔，炸皮非常之香脆，一咬落去廣島蠔非常鮮嫩，亦都有蠔汁出嚟！之後一口氣叫咗六隻😃 山賊汁A5宮崎牛米餅，香脆米餅配上和牛咁食好滋味！ 自家製A5宮崎牛餃子👍🏻矜貴嘅黑松露醬配A5和牛去包餃子！矜貴又滋味！ 宮崎辣麵 佢呢啲拉麵份量細細地非常之好，唔會太飽，可以食到好多款宮崎拉麵小小辣配埋雞絲同埋雞蛋好惹味！ A5宮崎牛一之藏牛骨湯拉麵 這個用黃牛去整嘅拉麵牛肉非常之腍，而且牛骨湯味牛味香濃，拉麵夠煙靭！ 甜品仲有柚子雪糕及自家製3.6牛乳奶凍 柚子雪糕🍧酸酸甜甜口味清新非常之開胃解膩，非常啱食完燒肉食！ 自家製3.6牛乳奶凍，奶味香濃非常之滑溜！ 而家餐廳仲做緊優惠星期一至五 Openrice 訂座送甲羅燒🌟🌟 甲羅燒倒上鵪鶉蛋之後燒，燒完之後連埋脆米餅一齊食，味道香濃～米餅又香脆 🍱宮崎肉本舖 (銅鑼灣) 📍📌銅鑼灣糖街25-31號Sugar+ 6樓

自選OYSTER 拼盤😋😋 三款法國生蠔 :🇫🇷 Ostra Regal ~Castle black ~Gillardeau 鮮甜而富有海水味，口感鮮嫩，入口滑溜，這裏的生蠔都很大隻，尤其法國Gillardeau 仲特別大隻㖭~ 南非生蠔(SALDANHA BAY) 南非生蠔🦪質感食落爽口，而且味道鮮甜 全部生蠔都非常新鮮⭐️ 牛肩肉扁意粉，香草，樱桃蕃茄醬汁 $178 扁意粉🍝 粗身，食落好彈牙煙靭！配上櫻桃蕃茄醬汁，幾特別~而且好開胃!! 還有淡淡香草味，麵上落咗好多芝士，增加咗香味同層次，而且同牛肩肉好夾！而牛肩肉肉質好腍，肉量也不少，牛肩肉切到細粒，方便同扁意粉一齊入口，令到每淡都滿滿牛肉香！ 🦪🦪🦪🦪SOOO OYSTER GRILL & PASTA (天后) 📌天后威非路道21號第二十一威菲路酒店地舖

海膽壽司都有得任叫，性價比高放題 $298@20:30pm平日 刺身好多款！叫左三文魚、極品大赤蝦、北海道鮮帶子，全部都好新鮮，買有長腳蟹吃～yummy ～泰式虎蝦也有，好有泰國風！ 海膽軍艦~ 蟹籽軍艦~牛油果醬吞拿~海膽三色塔壽司~花之戀壽司~都有得任叫, 全部細細件唔多飯，可以試多幾款口味，最中意係海膽三色塔壽司和花之戀壽司🍣多鮮又有層次！ 燒榴槤而來，燒過真係非常之香甜～脆炸貓山王也滿口飄香！ 鐵板法式鵝肝多士，香脆，入面嫩！ 鐵板牛油黑松露帶子彈牙～金湯慢煮鮑魚花膠盛夠郁身又腍燒生蠔都任叫任食，好抵🤩 黑蒜油豬軟骨拉麵🍜 拉麵彈牙，又不會太大碗好飽～極尚椰皇燕窩燉蛋白也有，好矜貴～ 啤酒，汽水，咖啡等任飲！爽丫！ 🍱 極尚大喜屋 (旺角) 📌旺角彌敦道625 & 639號雅蘭中心4樓

今日行過嚟將軍澳南呢個海邊，見到一個藍色白色主題，有啲希臘感覺嘅餐廳度食飯～ 晚餐 二人套餐$398 / 位 前菜 八爪魚沙律 呢個店員推介係佢哋嘅signature沙律，就試一試八爪魚嘅份量有好多，口感比較腍身 ，最特別佢有啲酸酸甜甜嘅醬同埋切到正正方方嘅薯仔好特別嘅煮法，薯仔好好味！ Cold cut 另一個就叫咗Cold cut，有好多唔同嘅Hams ，每一片都唔同口味，試到好多款，仲有好多火箭菜沙律喺下邊！ 主菜 叫咗一個澳洲牛扒五成熟，肉質好腍最正係佢已經切開好一片片完全唔使自己切非常方便！仲配有好香脆嘅薯條，又再有沙律好健康！ 另一個主菜係蕃茄味嘅pizza， 呢個蕃茄味嘅Pizza好惹味上邊仲有唔少嘅芝士增添咗口感！ 佢嘅份量真係好大，我老公食咗一半都唔夠就已經飽咗，要拎返屋企繼續食🤭 配菜 我另外再有一碗配菜，所以份量真係好多佢嘅薯條係非常之好切外面香脆中間腍，好好食！另外一個就係蔬菜配菜有好多西蘭花蘿蔔咁，亦都有做調味，健康又好食！ 仲有甜品添，唔可以喺出邊嘅甜品櫃任揀佢嘅蛋糕超級多款啊！我哋食咗一個蘋果批係用新鮮蘋果整幾好食，另一個係朱古力蛋糕佢係非常之香濃，但係又做到唔太甜上面再有朱古力粉，岩晒我呢個朱古力怪！ 🍱Crust Sorrento (將軍澳) 🍝將軍澳澳南海岸唐俊街23號MONTEREY Place 地下G05號舖

冬之鍋物$398@位 極尚鯛魚湯 極尚鯛魚湯湯底是用上多種不同鯛魚的魚頭及魚骨去熬製的湯底~~味道淡雅清甜，同時又夠品嚐到不同魚種的獨特鮮味🤩 極上五點刺身盛 五點刺身有三文魚~拖羅魚~ 甜蝦~ 油甘魚~ 帆立貝！魚刺身肉厚而魚味濃郁，油脂分布均勻，帆立貝就又爽又鮮甜！ 時令海鮮八點盛盒 海鮮盛盒有一隻龍蝦、兩隻扇貝、兩隻蠔、兩隻鮑魚、四片石斑、兩隻蟶子、好多蝦和好多蜆，全想好新鮮，二人份已好豐富！鮑魚一爽上手仲識郁添😳😳 安格斯肉眼、美國牛側腹、西班牙豚肉 肉既份量都唔少！最中意係安格斯肉眼，有濃厚肉味，回味無窮～ 自家製蝦滑、自家製墨魚滑 新鮮自家製蝦滑墨魚滑，配上蟹籽，提升咗好多層次同鮮味！ 精選野菜盛合 蔬菜種類繁多，有娃娃菜，生菜，粟米，豆腐，蒟蒻，日本菇，新鮮又健康～菜吸晒啲鯛魚湯，好正！ 稻庭烏冬/御飯 稻庭烏冬口感Q彈😋 御飯係珍珠米😚 雪糕 雲呢拿雪糕🍧食到飽飽仲，有一大球雪糕，非常滿足！ 🍱醉忘魚屋 (銅鑼灣) 📍📌銅鑼灣登龍街28號永光中心13樓

今日過金鐘搵朋友食飯，朋友介紹呢間泰國菜，係金鐘PP 算比較性價比高既lunch set，而且已經喺呢個商場有好多年了，我就特登過嚟試一試！ Coconut 🥥 soup 朋友嗰餐叫咗椰子湯，有淡淡清甜嘅椰子香～都算唔錯 Tom Yum Kung 我嘅餐湯就揀咗冬陰功都唔錯，佢酸酸地又唔算太辣易入口，仲有大蝦喺入邊添，幾開胃！ Thai WagyuBeef Boat Noodles 🍜 $218 呢個和牛泰式船麵，佢嘅湯底好濃，有滿滿牛肉香！而且牛肉仲有好多片，和牛肉味香濃，唔算太硬同韌，都幾好食。 Phad Thai with Pork $188 我就叫咗豬肉Phad Thai，入邊仲有啲芽菜同蛋食落都幾香口，同埋呢一碟份量都幾大，性價比都幾高。 Dessert 🍨 呢個甜品幾特別有啲似楊枝甘露加咗西米，幾清新～ Ice Lemon 🍋 tea🍵 餐茶揀咗凍檸檬茶～都幾提神解渴～ 🍱餐廳：Apinara 📍📌地址：金鐘金鐘道88號太古廣場2樓205號舖

身為貓奴嘅我，見到貓貓cafe梗係即刻撲上去搵❤️😺， 食埋個靚餐先走！ 除咗貓貓吸引， 食物也相當有水準！ 🍴set dinner 1 南瓜餐湯 好香滑，南瓜味濃~ 2 主菜 ～香煎挪威三文魚扒 7安士 配鮮蘆筍 三文魚好新鮮 ，不會散開，魚肉有 質感。 ～鮮蟹肉蟹膏意大利粉🦀 蟹肉蟹膏足料 ,仲有蟹醬增加口感 ,意粉軟硬度適中 ,唔錯!! ～carbanara 蛋黃汁卡邦尼意大利粉 蛋汁幾濃稠，食落唔會太鹹，意粉混有煙肉碎，增加鹹香同口感 3 精選甜品 ～雲呢拿雪糕配士多啤梨 ～軟心巴斯克焦香芝士蛋糕🧀 軟林既 cheese cake上面有層厚皮 ,有口感 好味🤤 4 ～ 柚子梳打 ～ 荔枝梳打 ～ 冰mocha咖啡 小食 ＾蜜糖柚子雞翼四隻 柚子醬汁酸酸甜甜好惹味 ，雞翼又炸到 外脆內軟 ＾香蕉雜果朱古力窩夫伴雪糕 ．窩夫有啲驚喜，有輕微鬆脆感， 內裡亦夠軟腍 ．配料都算幾多，豐富層次感 ．賣相幾靚 🔍Meowtini Cat cafe & Bar (旺角) 📍旺角砵蘭街215號朗晴坊7樓

位置係觀塘 亞太中心，好方便又近地鐵站～ 叫左鴛鴦鍋，一邊叫左麻辣，另一邊蕃茄豬骨煲湯底，蕃茄好夠味又香濃！牛駅秘製麻辣鍋，麻辣味好惹味唔係死辣！ Order 左SRF肩胛肉眼 每人$298任食任飲 牛肉有SRF 美國極黑和牛，美國安格斯牛板腱，美國牛肩胛片任食！好腍新鮮有肉味 。還有豬肉，雞等等！ 竟然餐已包海鮮任叫😜 鮮蝦同埋扇貝 ~白沙，都有，叫左好多轉！生料有鴨血同牛柏葉都好爽口 ，雲吞又大粒~另外可自取熟食，泡菜又螺肉也有，還可叫燒乳鴿，芝麻雞翼等等食到好飽！ 最抵係啤酒梅酒都係任飲！！！！ 可樂，紙包，罐裝全可自取！ 甜品成左幾個Häagen-Dazs！ 仲有麻糬，椰汁雪燕等！甜品都好多款～ 🍱餐廳：牛站(駅)麻辣火鍋放題 (觀塘) 📌地址：觀塘觀塘道414號1亞太中心6樓

環境好靚好高尚，好似高級酒店既酒廄，有大大個酒櫃放咗好多唔同嘅酒，場內播放住一啲西式音樂，非常之高雅。加入餐廳已經有人熱情咁樣迎接，立即帶位，服務非常之好！ 鐵觀音 茶位@28 茶壺嘅造型都係非常之靚，係透明嘅！茶味亦都香濃香醇！ 叫咗兩個午市套餐 花膠燉雞湯 個湯份量都幾大，一打開仲非常足料！有超級厚身真材實料花膠大大嚿！入邊嘅雞都非常多！啖湯，嘩！非常之清甜！一嚟到熱辣辣出煙，都忍唔住不停係咁飲😙感覺好養生補身添！ 花膠鮑汁燴飯跟原隻鮑魚（跟燉湯，白飯）$198 一上枱已經氣派十足！！好吸睛！！花膠係超級厚身，亦都炆到好腍配上鮑汁非常之夾！而鮑魚係原隻上，矜貴非常！公司聚餐或者請客真係好啱食呢個！ 黑松露煎雞（跟燉湯，白飯）$158 呢個黑松露煎雞一食落口真係好香黑松露味！而且煎外皮煎到很香脆，中間肉質嫩滑，還有蒜蓉香蔥爆香非常之惹味，回味無窮！朋友話下次會再嚟多次！ 🍱明廚 (銅鑼灣) 📌📍銅鑼灣堅拿道西15號永德大廈地下G8-11號舖

之前過嚟將軍澳南海邊食過一次Pizza Pig覺得佢啲Pizza特別好味，今日約咗朋友帶埋小朋友一齊慶祝生日🎂就諗起嚟呢度一齊食飯！ SIGNATURE PIGGIE招牌鬼馬”豬"意薄餅🍕$198 M 四個人食，叫咗個15吋長嘅中size pizza ，去pizza pig 當然要食SIGNATURE PIGGIE！ 蕃茄醬pizza 上配上招牌手撕豬手~意大利香草肉腸、辣肉腸～火腿、烤燈籠椒、紅洋葱、水牛芝士🧀！水牛芝士食上嚟仲有長長嘅拉絲～平時小朋友淨係食pizza嗰邊，今次佢竟然成塊，連埋啲餡食晒，真係好鍾意食！ SEARED PRAWN & AVOCADO SALAD 香芒牛油果鮮蝦沙律、車厘茄$168 香芒配上牛油果🥑，還有大大隻鮮蝦既沙律！沙律菜火箭菜，仲有車厘茄，酸酸甜甜好開胃清新！ 雙層安格斯芝士漢堡$198 這個雙層安格斯漢堡，真係份量好大！安格斯牛肉嘅份量都好多好厚好有牛肉味，中間夾咗芝士同埋蛋黃醬，蕃茄洋蔥等等，味道惹味同埋好夾！薯條炸得好香脆，感覺同出邊唔同！ TIRAMISU$88 因為朋友生日訂位嘅時候預先已經講定想寫朋友名同Happy birthday加蠟燭！餐廳都有Mark低，叫佢上甜品嗰陣已經準備好晒，非常之靚，好有驚喜！TIRAMISU亦都非常之香滑味道好好！朋友過咗一個好開心嘅生日！ 🍱The Pizza Pig (將軍澳) 📌📍將軍澳澳南海岸唐俊街23號MONTEREY Place 地下G10-11號舖