擴張重開後第三日當然要嚟試下啦(其實喺以前舖位隔離幾個舖, 即佳寶超市隔離)， 舖位比之前大了一倍有多， 空間大了當然坐得舒服好多， 第一時間要叫番個招牌菜識食炸雞肶飯配黑椒汁， 雞肶味道依然不變一樣咁好食，因為炸到雞皮脆卜卜好香口味道好濃肉汁很多非常Juicy，三個星期冇食真係有啲掛住，必吃推介No.1 ^ ^ 再嚟個孜然羊肉粒煎蛋飯，羊肉keep到同以前一樣軟滑而沒有羊肉嘅騷味，恰當嘅孜然粉又唔會太搶味，食到羊肉嘅朋友可以試試 ^ ^ 凍檸檬茶一貫都係咁大杯，味道OK，檸檬夠新鮮所以好清香 ^ ^ 😋😀👍👍👍

今日吹晒雞叫朋友專程入元朗試老板娘啲撚手嘢， 所以我地一砲試晒所有好味嘅菜色， 餃子自家包的有home feel。 鹽烤元朗烏頭魚夠晒滑時間啱用好剛熟，必食推介。 我要求的焗大雞脾(一般係炸, 須時等候)，一切開已應到較滑無比，食落口皮脆肉超級嫩滑，口感滑到直頭唔似食雞脾咁，味道清香因為雞脾用蔬菜來醃製，一試大家必定難忘，必食推介。 六分厚煎豬扒，豬扒夠厚肉汁保留到肉質嫩滑，必食推介。 窩筍菜夠幼嫩爽口。 秘製汁炆豬手，皮夠軟滑入味彈性啱啱好不太軟也不太硬一咬即甩，膠質很重黏口非常，豬肉部分都好夠嫩滑，個汁可撈白飯食，必食推介。 炒羊肉粒，軟滑得很，非常滑，沒有羊騷味，我唔食羊都可接受到。 椒鹽豆腐，炸粉皮很薄，豆腐極滑，炸到啱啱好。 總捨嚟講所以餐係全日供應，如要食大條元朗烏頭魚最好打去搵老板娘講聲先，一般是例牌份量，如多人食大條就好抵食，早到有位坐有著數，七點後開始多人爆滿，六點到就最理想，價錢抵食大眾代(只收現金)，老板娘又熱情健談，大家食得好開心，餸菜好有驚喜， 食飽仲可到又新街附近食甜品和糖水。

好食的東西幾款已足夠, 必食推介有兩個孖寶,

1.豬骨鍋湯底, 豬骨味香濃, 湯底壞煲越濃2.象拔蚌刺身, 新鮮清爽甜3.沙巴龍躉, 新鮮抵食4.最後一定要試係"本地手切牛肉:, 爽口彈牙牛味濃, 超抵吃冇特輸

甜品心太軟, 訂位時最好Request埋, 限定出品

我和友人兩人慶祝我正日生日, 於是前一星期已訂位,
我地叫咗一個$898 SET FOR 單人餐+散叫

個餐包括有: 三色拼盤 / 紅燒大鮑翅 / 三十九頭吉品鮑
燒汁乾煏牛肋骨 / XO醬鮮菌炆生麵 / 燕窩蛋撻 / 生果 / 杏人露
然後我地再加兩個散叫, 包括有: 火瞳翅 + 脆皮燒豬釀蝦膠

首先嚟過三色拼盤, 拼盤係有豬耳, 义燒, 海哲頭
豬耳, 好得, 好彈口, 味道剛好
义燒, 好一般, 略帶硬,
海哲頭, 幾好唔錯, 蔴油味香濃, 海哲頭夠多肉,

再上火瞳翅, 湯底清甜, 魚翅份量尚算多, 不過我食出有幾條係假魚翅, 總括嚟講幾好,
在上火瞳翅期間, 服務員比我試味, 因為每個人接受咸嘅程度都唔一樣,
如果味道唔夠咸, 服務員在枱上已放上一碗特濃金華火腿汁, 可自己加咸味,
再嚟紅燒大鮑翅, 上湯芡汁都幾好,
大鮑翅就保証堅料, 絕無假翅, 啲翅好得, 一梳梳程圓形, 食一口好滿足好開心,

再上脆皮燒豬釀蝦膠, 總共有八件, 燒豬皮好脆, 蝦膠非常彈口,
因為係炸嘅關係, 所以有一點油膩, Anyway都係好正呀!
跟住再上卅九頭吉品鮑, 鮑汁味濃香, 冬菇味道極香肉厚, 好得,
至於鮑魚有小小溏心啦, 唔算粘刀, 都幾彈口幾好,

再嚟燒汁乾煏牛肋骨, 我預期會好普通, 不過一落刀,
嘩! 原本好淋好軟滑, 燒汁超香濃,食落真係好得好好味呀!
然後尾門嚟過XO醬鮮菌炆生麵, 我預期都係會好普通,
點知真係好普通, 但炆得幾乾爽,都OK啦!

甜品有: 燕窩蛋撻+生果+杏人露
生果和杏人露, 冇特別,
燕窩蛋撻-好得, 酥皮好鬆脆再加蛋撻簡直係PERFECT MATCH呀!

再講環境, 我地坐卡位, 好正好舒服,
服務好好, 服務員好好禮貌, 仲非常乾淨,
整體嚟講好好, 真係一分錢一分貨呀!

記得之前我叫過大蜆炒扁意粉，但係好多沙最後換了第二樣，今次再試過，當然第一口要試蜆先，係無沙的，再食扁意粉硬度剛剛好，係要我嘅嘢，再有蒜片濃香味道，餐湯係西蘭花湯，非常好飲細滑夠健康又夠熱，至於熱咖啡以餐飲嚟講又不須加錢直頭超值，咖啡香濃幼滑即磨即煲即沖，以上嘅嘢絕對有heart，所以值得推介比朋友去食 ^ ^ 😋😀👍👍

我已幫襯了無限次，每次都食佢嘅豬扒，豬扒食落係用薑蔥醃製，一入口好濃香嘅味道已飄出嚟，而且肥瘦均勻又嫩滑，十分夠心機去醃製和煎(須時要15至20分鐘)，河粉夠細滑算標準，另一推介是香脆炸雞中翼須時同上一樣，外面炸粉薄薄的內裡雞翼十分juicy肉汁很多好嫩滑味道很香，最後飲啖凍檸茶，茶味香濃檸檬新鮮! ^ ^ 😋😀👍👍👍 #老板娘健談 好禮貌 轉數快

我已是第三次去幫襯，因為深深被佢嘅紅燒牛鍵麵吸引了，飲落湯底濃爆而清甜，老板落足時間心機去淆湯底，食落個牛鍵好腍而中間啲筋做到溶與未溶之間，剛剛好，恰到好處，而且老板娘服務細心態度非常好，所以推介比各位必食紅燒牛鍵麵和二悅紅燒牛肉麵，如想飲頭啖湯可在下午12點開舖前半小時去排定隊喇 ^ ^ 😋😀👍👍

我已是第3次去幫襯, 老板娘熱情好傾,
第一次walk in去, 以為這小店裝修普通, 求其叫了雞扒, 食落feel到超滑好juice,有驚喜好得, 可介比朋友,  同老板娘傾開原來佢之前喺酒麻地和順記出嚟搞, 於是就傾咗好耐,

第二次專程去試雞肶超滑脆皮好juice, 唔講仲以為係燒豬仔其中一忽, 非常滿足, Perfect ^ ^

第三次去食豬扒, 因為之前朋友試過話好正, 食落豬扒超軟滑好juice, 這價錢是以超值, 又一推介 ^ ^



以上我都係叫老板娘用焗方法, 不是煎或炸, 由於係焗, 要入焗爐所以要等15分鐘以上,  如你趕時間就去番煎或炸, 焗嘅方法出嚟會軟滑和嫩好多Juice好多, 感覺完全唔同, 必定要試一次.  以上三款都是本人推介 ^.^ 

MAY15星期六下午, 我和朋友二人專程到此店幫襯,
到了門口,有幾個人在等位, 於是入店內搵飛等位,
在我搵飛途中(喺咁短時間裏面), 居然有兩個喺外面等位嘅八婆行入嚟,
其中一位八婆大聲同經理講: 我地喺去面等咗好耐(其實佢地唔知要搵飛等位),
問經理要搵飛等位還是排隊等位(冇飛攞嗰隻),
我係有教養同埋有風度,當然主動讓佢地兩個搵飛先啦!
佢地兩個人, 咁大個加埋成百歲, 係咪第一次出嚟搵食呀!
食飯唔係搵飛等叫位, 就係排隊等叫啦, 醒啲丫唔該!(食飯大, 成舊飯咁!)

言歸正傳, 我叫咗個味噌底湯拉麵+义燒+溏心蛋
湯底濃有小小酒香, 拉麵帶少許淋(唔知係咪由於用三種麵粉溝埋,所以帶淋),
但接受到幾好, 好滑,
而义燒一入口有驚喜, 勁軟勁滑勁淋勁正呀!
我去過日本幾次, 連日本啲义燒拉麵嘅义燒都冇咁正咁軟滑呀,
至於溏心蛋就一般, 尚可接受

我朋友叫咗個鹽湯底拉麵+义燒
鹽湯底冇咁濃味, 味噌底湯比較濃,
鹽湯底濃度適中剛好, 而义燒一樣勁軟勁滑!

我覺得價錢都幾貴(淨拉麵$100+10%) , 但係值得,
至於裝修, 比一般拉麵店好唔同, 高級好多,好比美高級西餐廳裝修,
侍應+經理服務都好好, ANYWAY 定大家可以一試呀!

我同朋友去此店試下最出名嘅蝴蝶腩, 點不知原本係咁正呀! (must 試呀!)
味道同顏色真冇得頂,
蝴蝶腩軟滑味香濃,
撈粗麵有意大利闊條麵feel,
再加價錢抵食, 簡直完美呀!
我地又叫咗一個牛腩撈粗, 但係牛腩味道就一般啦, 冇特別, 大家可以唔使試呀!
之後再試酒醉糖心蛋, 酒味剛好, 勁糖心,流晒黃呀, 正呀! (must 試呀!)
最後試埋個無骨雞翼, ok 幾好, 功夫餸, 好呀! (must 試呀!)
anyway 整體嚟講, 好正呀(must 要去呀!)