星期一, 又係兩公婆撑枱腳食早餐時間, 日前收到美心MX寄嚟嘅9折卡, 惠顧任何正價食品, 都可以有9折優惠. 咁今日就去試下啦!
龍蝦湯螺絲粉+魚柳+粗麥多士+熱檸水 $35.00  龍蝦湯螺絲粉--龍蝦湯味濃而且比較杰身, 可以掛喺螺絲粉上, 入口每啖都有龍蝦湯味 魚柳--炸得外面香脆, 內裡嫩滑, 一啲都咁老, 略嫌味道淡了少許. 龍蝦湯螺絲粉+雞扒+粗麥多士+熱奶茶 $35.00--
雞扒--嫩滑夠入味

粗麥多士--新鮮烘起, 香脆有咬口

熱奶茶--係用黑白淡奶, 入口濃滑
總數 $70.00    (9折後 $63.00)

兩公婆食完飯行街拍拖, 心血來潮想食埋糖水先返屋企. 咁就嚟咗滿記.
我慣性地叫椰汁黑糯米, 而老公就食桑寄生蓮子蛋茶
桑寄生蓮子蛋茶 $29.00--隻蛋好大隻呀! 飲落唔太甜, 老公話好好飲喎 椰汁黑糯米 $27.00--一上枱, 我即時低叫起來 "嘩! 係你喇" 話說都好多年前, 我經常會去杏花樓食糖水, 每次都係食椰汁黑糯米,  真係好like. 我鐘情嘅椰汁黑糯米, 係黑糯米飯, 淋上雪白嘅椰汁. 之後杏花樓全線結業. 從此我就搵唔返了! 而其他食店食嘅椰汁黑糯米, 只係稀稀的糖水狀. 滿記嘅椰汁黑糯米, 一樣係黑糯米飯, 但椰汁份量比杏花樓多. 黑糯米飯煙煙韌韌,  內有少許似芋頭嘅粒粒, 配上凍椰漿. 之前嘅feel返晒嚟, 正! 我搵到喇, 以後會嚟encore.

揀平日入嚟長洲係非常正確, 星期六/日/假日必定坐無虛席嘅天然甜品 (就算外賣都要排隊慢慢等)

今日終於可以入去HEA住坐 慢慢嘆糖水了.鮮雜果西米露 $23.00--都有好多生果啊 有西瓜, 蜜瓜, 哈蜜瓜, 芒果, 火龍果...  百厭仔一個人清晒就知yummy啦!栗子豆腐花 $12.00--豆腐花非常滑溜, 加有少許白果腐竹糖水, 配上幾粒粉林栗子, 味道清新椰汁粟米馬蹄露 $12.00--味道唔太甜, 椰汁香, 粟米馬蹄有少許咬口, 掂!埋單$47.00咋 一個字 抵!

下午4:00 食完師妹甜品,唔夠喉, 到喉唔到肺, 就去試下呢間天然甜品
叫左香芒湯圓伏苓膏 $16.00 同埋香芒雪蛤凍奶 $20.00
香芒湯圓伏苓膏--D芒果夠多, 湯圓幾特別, 唔係普通湯圓, 透明爽口的, 伏苓膏唔苦, 唔使加糖水, 好味!
香芒雪蛤凍奶-- D芒果夠多, D凍奶幾滑幾香, 但D雪蛤有腥味, 麻麻地, 下次只係叫香芒凍奶我諗會好食D

呢間價錢唔貴又大碗, 今次真係到喉又到肺喇, 超滿足, 正!

今日去圓玄學院掃墓, 順便落荃灣搵食, 喺鱟地坊食街食咗炸髀, 熱狗後, 再過嚟望下呢間甜品店有無開門,  (幾次行過都摸門釘) 今次真好彩啱啱開門, 今日有緣試到了! 香蕉朱古力窩夫伴朱古力雪糕 $55.00 一上枱當然相機食先啦! 好在佢球雪糕雪得夠實, 影完相都仲很完整 (可能係刻意嘅) 窩夫餅外脆內軟, 連埋雪糕食, 又凍又暖很特別。
厚pancake伴海鹽芝士醬+雲尼拿雪糕 $80.00 疏乎厘 厚pancake很鬆軟綿滑,  海鹽芝士醬咸咸地, 好滋味, 點pancake食一流 埋單 $135.00  有緣嘅話可以再encore

答應咗百厭仔去冒險樂園玩, 所以順道過嚟卓爾廣場食晚餐. 叫咗一客海南雞飯套餐 $52.00: 有海南雞一碟, 一盅例湯, 上湯白蘿蔔, 香茅油飯香茅油飯真係好有香茅味, 飯粒分明, 又夠大碗, 正!

白蘿蔔夠林又入味

例湯係青紅蘿蔔眉豆煲唐排, 幾夠火候, 唔錯

海南雞已去骨, 味道唔錯. 雖然雞肉有少許鞋口, 但可接受. (而家H7N9禽流感咁勁, 都係煮熟少少穩陣啲)

另外叫咗個鵝肝汁雞扒焗意粉套餐 $48.00: 另包餐湯及熱飲意粉口感煙韌, 食落有一絲絲芝士拉出, 雞扒香口嫩滑

羅宋湯微辣, 味道唔錯

熱華田唔使落糖都夠味埋單$100.00 可以再ENCORE

16/12, 襯百厭仔今日幼兒學校放假, 廿四孝阿爸阿媽就專誠放假陪阿仔衝出新界去食嘢兼睇燈飾係團購甜品自助餐, 15:00至16:30, 任食十多款甜品. 6歲以下免費. 原價$188.00, 團購價$88.00一位.我哋準時去到, 可能係平日啦, 只得兩三枱客.

牛乳芝士蛋糕--試咗焗芝士蛋糕, 朱古力同咖啡. 焗芝士蛋糕好濃芝士味, 朱古力都唔錯, 咖啡就比較苦. 牛乳奶凍--得芒果同綠茶味, 試咗芒果味, 夠滑, OK嘅, 玉子霜淇淋寒天--一個朱古力杏仁, 一個芒果. 將軟雪糕同底下嘅玉子攪勻嚟食, 好味! 牛乳玉子--熱嘅有層酥皮, 好香牛油味, 玉子超滑溜, 我哋ORDER咗三次. 凍嘅面層焦糖頗甜, 都係熱嘅正啲.牛乳慕思--試咗朱古力味, 好濃朱古力味, 又夠滑, 正! 寒天冰淇淋甜點--黑芝麻雪糕好香, 一條條嘅寒天好爽滑, 幾飽肚. 北海道Hanito--一片厚多士加香蕉片加忌廉再加球雪糕, 賣相唔錯. 但FIRST ORDER嘅厚多幾硬一啲都唔脆, SECOND ORDER老公唔信邪再試, 今次好好多, 好味!食到16:07, 職員已問LAST ORDER, 雖然早咗少少, 但真係夠晒喇, 佢仲包杯飲品添, 所以LAST ORDER只係ORDER杯凍檸茶啫. 超滿足

今日行完MEGA BOX,過返九龍灣港鐵站樓下搭巴士, 經過德福廣場, 見到有間新開嘅yoppi yogurt, 見佢寫住$4.5=1安士, 平時食開係以gram計嘛 .都成十點幾喇, 都好多人幫襯, 就買杯試下啦. 埋到去磅先知-原來滿$30.00就6折, 磅果時得$28.00, 見隔離有樽oreal碎, 咪"畢"兩大羹揍夠$30.00囉, 6折咗只係$18.00咋, 超抵!我揀咗原味同朱古力味yogurt, 由於會比百厭仔食, 所以唔落太雜嘅topping.
原味就比我食開嘅酸, 朱古力味就好正, 好似食緊軟雪糕咁! 百厭仔食得津津有味, 連杯底溶咗果啲都唔放過

大澳一天遊--第二站
去到呢間蘇廬 Solo 歎啡,嘆茶
我地坐在騎樓位, 對出係條河, 對山面河, 環境舒適,
當日又唔晒, 仲有微微涼風吹埋黎,好舒服, 好寫意
坐度傾計簡直係享受
越南咖啡 $26.00--老闆攞個咖啡壺埋黎, 問要唔要奶, 全世界都要奶, 好香!
不過我比較欣賞佢隻特式心形杯--杯邊有雙囍, 杯底又有心, 連杯型都係心, 掂!
花茶 $35.00--透明茶壺載花茶, 自斟自飲, 寫意!
咸檸蜜 $15.00--味道唔太甜, 飲落喉嚨好舒服!

唔經唔覺 咁就HEA左個幾鐘喇
我地呢班講是講非吹水友, 細聲講大聲笑, 簡直破壞左咁靚o既景, 真係要同老闆講聲唔好意思, 哈哈!

喺長洲一路行一路掃街, 又行咗上長貴邨果邊, 行返落嚟又係時候食甜品.
但今日真係好奇怪,  上OPENRICE睇地址, 明明寫有開門嘅, 去到竟然摸門釘. 本來想去嘅長洲冰廳, 天然甜品, 全部都無開.  咁反正嚟開, 就過埋師妹甜品望下啦, 竟然有開喎 (OPENRICE寫星期二/三休息架, 今日星期三, 竟然有開喎)
叫咗
焗火焰雪山 $40.00--出面好少食得到, 叫嚟俾百厭仔見識一下. 上面係落咗冧酒嘅蛋白, 下層係朱古力雪糕.  百厭仔對新事物非常好奇, 見墊底隻碟有冧酒, 未阻止得切, 佢已伸脷去品酒, 見到佢個苦樣真攪笑. 心太軟 $40.00--好香濃嘅朱古力味, 又唔太甜, 非常正! 焗梳乎厘配朱古力醬 $28.00--好香好滑, 入口即溶, 掂!埋單 $108.00