偶然工作經過這間酒家, 總覺得係比較高檔的餐廳, 完全不敢入去查詢.
終於等到老細請食飯, 訂了位一入去就有一位風韻猶存的阿姨帶位, 見到我老細笑騎騎之後同我地班兵就黑臉神懶酷咁.
鮑汁荷葉飯無鮑汁味, 用料上乘, 除了蝦同乾瑤柱雞肉粒外還有荀片和薑片, 水份稍多.
鮑魚雞粒酥的酥皮不夠脆, 水份稍多, 味道一般. 春風蝦腸, 油條內釀了蝦膠腸粉皮嫩滑.
蝦餃燒賣, 皮薄, 肉彈牙且鬆軟有肉汁, 可以. 長春卷一般, 野菌餃, 爽口.
五層燒腩仔, 精細而好食. 話梅涼瓜, 酸酸地很開胃. 蓮藕湯不錯.
福建炒飯一般. 小米遼参小米熱辣辣甜甜地幾好味, 遼参好爽口鮮甜.
如果服務生唔係咁大細超的話, 這是一間很不錯的酒樓. 另外員工係後面講是非細聲一點會更好.