早前喺openrice見到Ruby Tuesday有75折coupon就相約朋友一齊去食飯，原來友人有富邦信用卡7折，實在太好啦，唔去都對唔住自己啦！
揀食物大家都揀得好快，只係揀飲品時大家都心大心細，同埋有啲飲品唔知係咩口味，有個waiter見我哋揀得咁苦惱就推介咗幾款飲品比我哋份量唔算大，豬肋骨好腍身，啲炸雞同炸蝦好爽口，配埋酸辣汁好野味，不過個忌簾汁就遜色咗少少，感覺漏咗啲

Parmesan Shrimp Pasta $198

0

Parmesan Shrimp Pasta $198

當長通粉嚟到o既時候，真係好嘩然啲蝦點可能咁大隻o架？一啖係放唔到入口o架，起碼有十隻八隻蝦呀，重好creamy o添，唔會有漏o既感覺，好正

B. Shrimp Quesadialla $172

0

B. Shrimp Quesadialla $172

我最鍾意呢款薄餅，亦都係以蝦做主打，依然都係咁大隻咁爽口，個汁有少少辣，我好鍾意，唔會好似平時食pizza咁多芝士咁快飽，食兩件都無問題

Classic Lemonade $52

0

Classic Lemonade $52

好多藍莓肉沉喺底，酸酸maymay食到飽飽飲最啱，容易消化
朋友叫咗Fruit Icea Tea $52 & Ruby Refresher $58，完全係迎接夏日o既感覺呀

Chocolate Tall Cake $98

0

Chocolate Tall Cake $98

呢杯朱古力雪糕蛋糕真係勁揪，我哋三個人都食唔晒呀，應該有兩至三個雪糕球，有好多忌簾喺面&少許朱古力醬，重有個勁大o既朱古力蛋糕喺底，好似莎莉蛋糕咁o既味道

好滿足，真係好滿足，樣樣都好好味，我唔係第一次嚟，但今次比我o既味覺係最好
原來身邊好多枱客都有好多discount，有啲重六折甚至半價o添，會員係半價優惠，我無打算入會，怕日日都嚟呢度會厭咗就唔係幾好啦，不如等佢再有credit卡優惠我再嚟重好，我一定會再嚟

摯愛無特別話要同我去邊度食飯慶祝，最緊要食得飽；坐得舒服；又平又開心就夠之前已經留意到呢間餐廳，今次特登嚟呢度食，貪呢度無乜人餐廳係樓上鋪，我哋喺留吓望望有咩食，其實都象徵式做個樣望望餐牌，見到二人餐都幾抵食$84，我哋就手牽手入去食
上到去唔算多人，冷氣好夠凍，起碼有四五部電視安裝喺唔同位置讓食客邊食邊睇電視，左揭右睇最抵都係二人餐包兩個碗湯、兩個小菜、兩碗白飯、兩杯飲品(注意：凍飲係唔駛加錢，試問依家邊間餐廳凍飲係唔駛加錢呀？係咪值得嚟先)

中湯(紅蘿蔔豬骨湯)西湯(羅宋湯)

0

中湯(紅蘿蔔豬骨湯)西湯(羅宋湯)

摯愛揀咗中湯，佢估計係紅蘿蔔豬骨湯，應該係日日唔同o架，而我就揀咗西湯羅宋湯，個湯好稠(所謂o既"杰")唔會好稀，夠味又多渣！

又實又滿O既白飯

0

又實又滿O既白飯

白飯其實無乜必要影，但真係又實又大碗，我就食唔晒lu

XO四季豆炒豬頸肉

0

XO四季豆炒豬頸肉

單叫小菜係$43，估唔到啲豬頸肉同四季豆o既比例係一半一半，好多肉呀，又唔係肥肉，不過就多油咗少少，請廚房師父下次比少啲油呀，唔該

枝竹豆腐火腩煲

0

枝竹豆腐火腩煲

名符其實係有枝竹、火腩、豆腐，全部比例都係一樣，唔會有一款搶晒風頭，枝竹索晒啲汁o既味道，火腩又唔會太肥，正

加$8杞子園肉浸時菜

0

加$8杞子園肉浸時菜

我哋加咗$8點咗個菜，絕對唔係平時去食麵加幾蚊白灼菜o既份量，係酒樓炒出嚟嗰隻o既份量呀，真係抵到爛啦

我唔記得影我哋兩杯飲品呀，因為最後先上枱，摯愛係飲紅豆冰，凍飲唔駛加錢之餘呢款都算係特飲呀，都唔駛加錢，餐廳所謂叫套餐轉特飲都係加$8，而我本來係叫熱朱古力，但嚟咗凍朱古力，我見唔駛加錢就算啦，個杯好大應該有500ml(即大約兩包250ml紙包飲品)

我唔知應該點sale呢間餐廳好，喺我同摯愛o既角度真係覺得超抵，平時我哋去廳餐、食米線、叫小菜......都唔止呢個價錢，呢度環境唔差o架，位又多，重有VIP Room，咁平點解都無乜人嚟幫襯呢？定係咁啱我哋呢日嚟&呢個時間(大約20:00)係無乜人呢？and then，呢度重有得睇足球直播o架，最低消息都係每位$60，落bar都唔得啦，呢度又坐得舒服。最貼心係佢會為行動不便人士著想，有專用o既lift，老闆好細心喔
一定要嚟試吓呀，長沙灣都有分店o架~

多謝openrice比機會我參加試食會，我第一次參加咋，收到call時已經二話不說say yes出席啦
7:10pm左右到達試食會，我係第三個參加者到達，雖然周邊人個個都唔識，但可以品嚐美食乜都唔怕啦，為食！哈哈

一坐底我就望吓菜牌有咩食嘩........十二道菜，為咗呢十二道菜我係空肚嚟o架，希望塞得晒入我個肚而又唔會肥啦
比我早到o既兩位先生小姐都係第一次嚟，心裡對佢哋講“nice to meet you”
大約去到7:30pm差不多二十位試食會員到齊，大家都好準時，梗係啦有得食點會有人執輸呢
事不而遲，openrice負責人簡單講講今次o既試食會並介紹名苑酒家負責人及大廚，酒家其中一個經理鄭經理喺我嗰枱負責介紹每道菜o既製造過程同埋食物來源，好似一個大廚咁勁登登登登~~第一道菜出場，咁大個女都未試過食翅要用筷子o架，每人有兩両，啲翅重多過啲湯呀，好過份喔翅好“林”身，原來呢啲就係翅，我真係孤柳寡聞(大笑十聲)呼~~好快就嚟第二道菜，重未見過咁大隻扇貝，每隻好似西餐湯羹咁大粒，食o既時候要用刀叉品嚐，真係超大粒呢，無可能一口食得晒。好爽口，個汁我唔知係咩，但唔會好鹹，啱啱好。聽鄭經理講未煮前重大隻o架，超誇張喔剛開始時，鄭經理提醒我哋食呢個菜時唔可以斯文，一定要用手拿住食至夠滋味。我好聽話，唔理得咁多，一啖咬落去吧！雖然係炸，但唔覺得好油，因為連埋塊生菜一齊食，隻蠔大唔在講，唔會有平時食蠔嗰種少少腥o既味道，不過我就食唔出有什麼砵酒味，我不是食神heheee
食完有一杯飲品係用楊桃汁加檸檬皮製成，酸酸地飲咗無咁“漏”，得好細杯，我想飲多啲都無重頭戲出場啦，大廚喺我哋面前即場煮比我哋，呢個時候openrice負責人出場問問題，如果答啱咗會將三頭鮑升grade成一頭鮑問問題前酒家負責人講解有關鮑魚o既事，若然我無記錯個問題：邊兩個國家o既乾鮑係最貴、最出名呢？我本來心裡估係日本同澳洲，原來答案係：日本同中東(到底我有冇記錯呢)曾經睇無線節目華麗明星賽話靚鮑魚用刀切時係會黐刀......鮑魚唔靭，好容易咬開，玉掌都唔遜色，不過我嫌“林”咗少少，個鮑汁濃得嚟唔會好鹹good！呢個菜有試食會員著眼點並不在於老虎蝦，係裝飾品《麥芽糖》，重要求分配食物o既侍應分少少麥芽糖比佢試，呢位會員好搞笑！原來裝飾品《麥芽糖》係將麥芽糖淋落一舊大冰製成o既，idea好特別。已經唔可以再用大嚟形容食物，巨蝦又係要用刀切，同扇貝一樣好爽口，啲配菜我都唔放過......喂喂，等多陣先上第六道菜啦，我食唔切喔好彩都影得切相，我最鍾意食魚，豪宴果然係唔同係食斑o架，唔會一夾就散，夠實淨食到第六道菜我己經飽飽地，我要再食慢啲，如果咪點頂到去最尾呢奸爸爹

第七道菜係黃金脆皮雞，我覺得同平時去酒樓食o既炸子雞差唔多，無乜特別。成餐飯最少係菜，但$9,888無理由比菜我食o既，菜好難有好多特式。

生拆龍蝦肉西施飯：好飽o添！呢個飯好得意，臨食前要倒泡飯落煮好o既湯飯上，好似就嚟滾卸咁，個個都拿定手機&相機拍攝整個過程。一小碗好熱，雖然好飽但聞到好香點忍得住唔食呢？飯多咗啲，湯唔夠，湯好夠味，料好多。

養顏蛋白杏仁茶：鄭經理話杏仁係自己磨，真係好香杏仁味，加咗蛋白我覺得好滑，唔會好甜。比起平時食o既壽包大兩個碼，最厲害係流沙壽包，最最最勁係裏面有燕窩，可能流沙蓋過燕窩，睇到但食唔出燕窩，不過真係好正呢，飽我都食得晒成個，我最勁kakaaaa

宮廷桂花糕：好多杞子，我最鍾意食，好彩個子唔大，重可以哽得落，如果鍾意食甜嘢o既人會嫌唔夠甜，但我覺得好夠味，yummy！

鮮製呂宋香芒布甸：芒果佈滿成個碗，雖然好味，但我真係太飽食唔晒，sorry！連豐富o既果盆我都無能力品嚐，火龍果係紫色嗰隻，真係好想試

今晚餐飯o既共通點係用刀品嚐，樣樣都巨型size，$9,888係值o架，雖然我未必會再嚟試呢個set，但我要推介比全世界，因為食過你就會知道咩叫做正菜真係唔好意思，上載相片有限，有好多美食未能盡在你的眼簾試食沿途我都同身邊o既會員講我o既感受，佢哋唔會覺得我阻住佢哋食嘢啩，哈哈！
總括呢個試食會真係樣樣都好正好好味，因為我平時都好怕食得太油、太鹹、太甜，呢餐飯每樣都好似為我調味咁，啱晒我口味，多謝名苑酒家，希望我有機會再去其他試食會

今日特意走入天水圍嘉湖銀座嘗試呢間餐廳，睇到推介啲嘢食又平又抵咁，忍唔住要搵摯愛陪我去試試

去到商場都總算易搵，因為個招牌大大隻喺地下。嘩，好多大人細路喺門口等位0添，嗱嗱聲跑去攞位先~~No.454，依家至叫到No.445咋平時我哋好少會等枱食飯，覺得可以去食其他嘢，無必要為咗食一間餐廳而等，今次唔同係因為特登入嚟食，唔等而走好唔抵啫！

喺等位o既期間我哋睇吓餐牌有咩好食，wo~~無論沙律、小食、意粉、飯，每款都唔駛$30，就算係pizza都唔駛$50一客，重有扒揀o添！睇到啲價錢都好吸引，哈哈！不過都預咗份量唔會大~等咗15鐘後終於入得啦~yeah！由於我係十分大食之人，所以決定樣樣都嗌

蒜蓉焗青口配薩爾薩酸菜$20
用鐵板上o架，總共有四隻，唔算好大隻，好多蒜蓉，我覺得唔加個醬汁重好味啲

肉醬多利亞焗飯$22
份量大約係食飯碗兩碗裝滿，我覺得係最好味，好juicy，食多幾碗都重得呀~

菠菜配煙三文魚忌廉意大利粉$26
份量同飯一樣，呢款係摯愛認為最好味o既，煙三文魚都唔少o架，菠菜都好多

煙肉菠蘿比薩$28
芝士將煙肉菠蘿黐埋一齊，同pizza餅好易分開，用手食好容易食晒啲餸都未食到個pizza餅，所以用刀叉食會似食緊pizza多啲，每人兩塊就無lu~~

如果去多幾次好快會食混所有菜式，各種唔超過十款選擇，但真係要去試試，又唔駛加一嗰吓至抵呀嘛~最奇怪一樣嘢係呢度有任飲或者單點，任飲成人$12；小童$8；單點$20一杯，就算全枱只有一個人想任飲都可以o架，奇就奇在我摯愛加咗任飲我無，任飲又係自斟o既，就算我摯愛斟咗番嚟我飲都無問題啦，啲侍應都唔理o既，佢哋亦唔會記得邊個有加任飲邊個無加，就算無加任飲錢照出去自由斟都得啦，哈哈~不過我哋唔會做埋啲咁衰o既嘢，我都係飲咗幾啖摯愛o既汽水啫。

肥天使餐廳呢個名係我改o既，cute嗎？早喺個多月前已經睇到呢間餐廳有coupon $1 pizza，好吸引呀！好多朋友都試過呢間餐廳，人人都話份量好多，最好係一大班人去食。突然諗起好耐無同小學同學食飯，就同阿琪提議。用咗兩個星期約人，最終只有四人回覆我出席，唔通我啲魅力跌晒watt係我從來無魅力啫~~嘻嘻！

定好日子我就早兩日book位，當日餐廳重會打電話double confirm我係人數&時間，高級餐廳係唔同啲o既。我同埋兩個fd一齊去攞位，一入到餐廳好黑暗，如果係情侶去應該更加好feel！由於聽說份量好大，加上我又有$1 coupon，真係唔敢眼闊肚窄嗌咁多！嘩***真係好黑呀，燈光唔充足令我睇menu都睇得幾辛苦等齊人至拍板嗌咩啦

雜錦拼盤$188
其實我覺得呢個拼盤唔抵食o架，不過又無人反對喎！拼盤包括：炸魷魚、雞翼、炸蟹仔~嚟到o既時候熱辣辣o架，平時我唔好魷魚，但真係好好味，唔會太"un"難o趙，而且份量多到食唔晒o添；雞翼每人有一隻夠辣又啱我胃口；我對蟹有敏感所以無試到炸蟹仔，都係得兩隻咁大把

忌廉三文魚闊條麵$128
其實兩個人都食得晒，唔知係咪大家都細食呢？五個人都夠食喎~三文魚同闊條麵比例恰到好處

自選Pizza-雞絲、菠蘿、磨菇$1 (原價大約$138，我唔知有冇記錯)
個批比我想像中無咁厚，同埋唔夠熱，所以個批比較硬身，$1質素都可以好啲啩，求其咗啲囉！

如果唔係有$1pizza，我覺得呢間嘢都唔平，所以有coupon嚟係最啱。聽聞話生日會有蛋糕送，唔會check ID都送o架當晚有好多人生日，啲侍應唔知會唔會討厭咗唱生日歌呢？有個BB生日有好多人同佢慶祝&送上生日蛋糕，其實佢都唔知發生咩事~~呆咗~~重有重有每個小朋友都有個輕汽球玩o架，有小朋友都可以帶埋佢一齊去玩去食

早一個星期已經嚟幫襯過, 今日又再食過番尋味, 因為出面啲火鍋真係唔平~

宵夜時間入席(其實宵夜時間係20:30開始)如果之前入席享受都只係貴$10($68, 未包茶芥, 加一)我一點就點十一樣配料, 永遠離不開肥牛, 生蠔, 魚皮餃.............韮菜餃都好好味, 不過我朋友唔食得蝦, 所以今次無嗌到~好多配料選擇, 菜都十幾款, 粉麵, 丸...........(忠告:唔好嗌雲耳)由於我哋兩個人去, 碟頭都好夠份量, 所以嗌1 round已經嗌飽

飲品都係任飲啤酒(只有獅威), 酸梅湯(我最like), 蜂蜜綠茶, 汽水

有好多幾款湯底揀
-沙嗲
-鴛鴦
-醉雞
-蕃茄薯仔
-清湯
-皮蛋芫茜....................

我兩次都係揀沙嗲, 雖然好好味, 但係會好口渴!

最正係可以自己混醬, 有芫茜, 蔥, 豆瓣醬,辣椒油 豉油, 蒜茸, 炸蒜茸..........鍾意點混都得, 自助架~~哈哈
重有, 啲侍應好有禮貌, 每次埋嚟上菜&執嘢都會講<多謝晒(有笑容架)>, 企足成日都重可以咁好禮貌真係頒個最佳員工獎佢哋啦!同埋呢度唔爆場, 四周圍都睇到電視, 啲冷氣都幾凍架, 如果怕凍應該要帶件外套好啲!

原本今晚相約男朋友試新嘢，兜咗幾個圈依然好多人，所以決定選擇格離川味美食食米線，有位呀嘛

我揀咗酸辣炸醬紅薯寬粉+雲耳+魚皮餃(兩粒)，小辣，好大碗，好多雲耳同配菜，估唔到小辣都幾辣吓男朋友揀咗秘制醬汁撈紅薯幼粉+紫菜+蘿蔔+雞絲，小辣，我哋異口同聲話幼粉好食過寬粉，起碼易夾啲。雞絲切得夠努細，紫菜超多，蘿蔔又無渣，不錯另外叫咗碟通菜$8，唔係加乳腐，唔知係咩醬汁呢？都幾好味。
跟餐重可以加$5有一支豆漿，無錯，係一支咁抵，有黑白揀O添~~

早兩日好"闖咄"咁買咗團購$80共兩張價值$160 coupon，相約好甜品天使去食我先決定買，因為我想約甜品天使食飯之餘又想試呢間。去之前我都上網望吓menu計計數叫邊幾款係around $160

因為無得book位，原本約喺港鐵站等，皆因我遲咗少少，甜品天使就去攞位先。
打開餐牌已經心裏有數叫咩，米比薩一定唔少得啦我同甜品天使都係鍾意食辣之人，有芥辣味之餘唔會"公"鼻，不過北寄貝係切唔開，原隻食都幾和味呀，餅底係用米製成，好似飯焦咁。成個大約8吋，size一開四，細食人士啱啱好。米比薩嚟o既時候上面啲......以前Pizza Hurt出過o既郁郁批嗰啲郁郁北海道冰管酸酸甜甜好似桃味，送兩支太少了，唔夠喉！和風炒野菌什菜：普通炒雜菜，無乜特別，size都係啱細食人士
和風煎焗山葵野菜豬肉餃子：好得意o架，有少少芥辣味，唔點醬反而重好味成餐飯total$170-coupon$160，只係比$10就走得人啦，甜品天使話從來未試過食餐飯只係比$10，哈哈餐飯只係$90咋，有coupon係抵o既，但如果正價去食就要諗諗咯，我係慳妹呀嘛

餐廳由好朋友選擇，相約食聖誕+新年飯，book咗7:30PM，我早到望入餐廳唔大, 已經有兩枱客，但好光猛。入座時，侍應態度已經一般，睇完meun無set 0既？問問侍應，佢話今晚無set dinner，唯有散叫啦！但選擇唔算太多，飲品又貴，我哋決定叫兩個小食+意粉share一齊食。
向侍應落order，一埋嚟完全零出聲，唔理照order，侍應抄都唔駛抄低又唔重覆我哋order內容就咁就走咗去......墨西哥香辣烤雞餅$42
真係即整架，熱辣辣，食物亦放得好別緻，個皮脆卜卜饀真係幾辣，加上酸汁重正香辣鮮蝦蒜片意粉$55
比起烤雞餅意粉無咁辣，汁唔會太多，醬住個口，碟就超大，份量少啲囉威尼斯芝士焗帶子$38
一份兩隻，都算大隻，就算係芝士焗，但都唔覺得滯

食完諗住叫甜品，但款式真係好少，得四款，所以我哋決定去第度食甜品
要加一，埋單時同朋友商討好唔會比tips，所以找錢我全數攞晒，可能侍應見到我同朋友喺度執緊銀包以為我哋摷tips比佢，sorry呀，你諗多咗，服務態度咁差，無禮貌、無笑容重想我比tips...本來想比哈哈大笑，但服務態度扣咗好多分，改善吓啦！

相約兩個好朋友預早慶祝聖誕節兼交換聖誕禮物，一早已經book好lunch食放題燒肉

以為喺正雅蘭中心，點知原來要兜番去另一邊至去到目的地，不過都唔算難搵。
我哋好準時中午12:00入席，可以食到15:00，一個客都未有，員工應該都係啱啱開工。 海鮮頪會用細細錫紙兜盛著，再加細片牛油，燒起上嚟好香，海鮮真係算幾新鮮，我覺得扇貝、魚好正，值得refill 青口就一般了！ 肉頪睇落都好新鮮好正咁，叫晒咁多款都唔識分辨咩肉打咩肉，哈XD
不過樣樣都唔錯，唔會太"UN" 刺身份量唔會大大件，少少哋叫多幾轉都重食得落，感覺抵啲！
不過刺身款的確唔多，講真，如果每位加$30先有得食就唔太值lu~(看看題外話吧！)~ 我喜歡食炸蠔，蝦多士，不過可能凍咗無咁好味

雖然星期日，但到15:00走人時都唔係full，最後重每人送咗杯雀巢雪糕
午市放題每位$138+$30刺身+10%服務費