忍唔住再專程來吃個茶餐
記得以前食過這裡既炸雞脾飯+茄汁都幾好味
唔知道過左咁多年可唔可以保持到水準呢?
好緊張啊!叫了個炸雞脾茶餐拼沙津$22有熱飲
啊! 好味好味好好味呀!
水準完全保持到呢
雞皮脆到飛起
平時一向唔食雞皮既我都禁不住要食埋佢勁脆既雞皮雞脾炸得乾身
雞肉實在
骨肉皮分離此外, 沙津好有驚喜
初頭還以為會好似一般茶餐廳咁只有薯仔紅蘿蔔
但呢個除左薯仔, 紅蘿蔔
我食到仲有椰果, 青瓜, 菠蘿和車里子添呀
真係喜出望外
沙津雪得又夠凍
沙津醬又夠結又唔會出水
正正正~熱鴛鴦都幾好
廚房哥哥親切地叫我拎杯飲品飲住先
佢話雞脾炸好就叫我
好好味食物
抵食既價錢
加埋佢地親切既態度我又再要比滿分了~

位於元朗一間著名的舊式茶樓
口碑很好
深受各方面好評
這天來了下午茶價錢算抵
下午茶大中小點一律$11這個是推介的
雖然黃色的馬拉糕不是我喜歡的那種
但這個有很香奶皇味道卻是我喜歡的唯不夠熱
早知要下面果層啦....絕讚
軟綿綿既透明皮包著滑滑溜既香奶皇
極品好吃大大件
彈牙的粉果透明皮
裡面有一絲絲蘿蔔絲,蝦米,瑤柱好少地方有得吃這個涵料唔油又夠香較大件
入味又夠熱
另外符有沙薑醬自由點

生日飯鴨皮無癡住肥膏, 少見
鴨肉唔肥, 皮脆肉嫰
夾著薄餅皮,青瓜,大蔥,甜醬來吃薄餅皮夠哂薄
唔係用蒸包果隻
食完仲可以加添芝麻烤餅包裹著毛豆肉鬆來吃
毛豆肉鬆多到用來拌完飯都仲有食剩大大碟, 有足料瑤柱
喜歡它沒有加上生雞蛋黃
份外健康咸咸地既乾火腿
雪白味清既津白菜細嫰既芥蘭苗
保留了菜花雖然對炒飯無乜興趣, 但呢碟真係好大大碟三絲竟然用到海蔘, 正呀

除了大碟夾抵食外, 侍應服務亦抵讚
他們全程企係客人左近
介紹食物, 沖水, 盛菜....
一見我們吃完了薄餅皮/甜醬後
就立刻主動地為我們添加

Total 8 菜$625
食完仲有$300 coupon送

今日有幾處食唔到
唔好浪費遠出搵食既機會
所以來了紅磡區暫時唯一想去吃的地方: 媽咪雞蛋仔

買雞蛋仔都要拎籌
是日下午5點幾來到
已有數人排緊籌
但製作倘有效率
即叫即烤
等6分鐘就有得食喇

粒粒朱古力雞蛋仔係這裡既招牌必食
前相:烤成焦金黃色
卜卜脆, 熱辣辣
中間夾雜著半溶朱古力粒粒
味道簡直係完美
雖然有朱古力粒粒
但朱古力味完全無蓋過蛋香味
後相有軟綿綿既感覺
最巧妙係做到每一粒雞蛋仔都有肉心
再三強調, 係粒粒都有肉心
猶如外脆內軟既小蛋糕仔
大大讚
溫馨提示: 要享受脆卜卜既感覺, 就要襯熱辣辣快d食
因為涼左會略淋


食過媽咪雞蛋仔後, 我諗唔會再食其他雞蛋仔了
因為應該無乜邊到地方可以做到磇美於媽咪雞蛋仔
兩個字: 無敵!
再兩個字: 出色!

服務好態度好
一落order就立即告訴客人預計要等既時間
抵讚
雖然$14一底, 比出面既價錢高了一點點
但能夠製作出咁高質素既雞蛋仔
絕對係受之無愧
爆分

一間由印度人開既正宗咖哩屋
閒日都好多人光顧
今日遇正有private party
所以等左一陣Tip: 一定係揀個$38set最抵
Set有: 餐湯, 餐飲, 小食, 一款自選咖哩, 白飯, 烤麥餅
如果散叫一款咖哩都要成五十幾蚊
雖然五十幾蚊既咖哩係多少少
但點都唔夠得$38既化算
因為set裡面既咖哩都好夠食
肉又夠多...

但本人這次就失敗了
因為揀錯左set
一心諗住為左食咖哩和麥餅而來
所以選左個無肉既咖哩雜菜set
點知..........呢個咖哩雜菜正式來講應該是"咖哩(炒)雜菜
因為一d汁都無, 乾巴巴的
無左我想食咖哩汁點麥餅既原意
咖哩(炒)雜菜內有: 薯仔, 椰菜花, 蕃茄, 青豆, 少少洋蔥, 粟米等
用黃色咖哩炒, 乾身無汁既
無得點汁, 只好夾著麥餅來吃
我唔可以話佢唔好食
但唔係我想食果種囉
我本身都唔知呢個咖哩雜菜係乾身嫁
因為餐牌上無寫明有個 "炒" 字
仲以為呢到既咖哩係咁添
食完之後看到坐在對面既人客的咖哩牛就心知不妙了
.....................原來我揀錯左
人地既咖哩牛正正係我原意想食的
ohohoh點又點左, 食又食完, 所以暗啞底要叫番個咖哩牛外賣補數囉...
真係唔開心喇!

問過老闆: 淨叫咖哩牛外賣, 唔要餐湯, 餐飲, 小食, 白飯, 烤麥餅都係照收$38
但可能個咖哩會多d掛?!
咁緊係要set啦

但...
我又錯多一次:
因為外賣佢無比小食和餐湯我
但一心為左咖哩汁既我無去計較
杯齋啡又幫我落左糖, 最後比我倒左....
麥餅我之前堂食時有吃剩返(因為我之前個set唔要飯佢比左兩塊麥餅我)
所以早知要淨咖哩牛可以多d咖哩嘛...
唉...算啦, 怪自己黑仔囉...: 濃既蕃茄味, 唔同出面既一般羅宋湯春卷無肉既, 另外果2件唔知係咩東東, 不過都係無肉既, 食落好香口, 好有香料味2款都係凍既醬, 紅色既甜酸醬都ok, 不過綠色既薄荷醬食落似牙膏feel, 不太like初頭以為同全 "麥" 有關既, 但原來我諗多左, 食落有點韌呢個外賣既
唔好以為係set lunch d咖哩就少d, 其實都頗多, 仲有好多件牛坑腩添, 正

總括而言, 老闆服務不錯唔要白飯既, 老闆都說: "無問題啦", 可以比多一塊烤麥餅
唔要汽水既, 老闆都說: "無問題啦", 可以轉熱咖啡唯美中不足都係自己黑仔揀錯set
建議下次老闆應該要為客人介紹想吃既咖哩
或在餐牌上例明
所以來這裡吃咖哩之前有幾個小貼士
想吃咖哩汁既要點咖哩牛/雞/羊既set lunch$38
所有set都係同價, 就緊係要個有肉既有汁既抵D啦

不得不向外界介紹這間餐店
是一間我細細個已經常常幫襯既舊式快餐店
十年如一日
有少方面改變了
但美味依然, 懷舊依然
好親切好懷念呀

記得我細細個讀小學時
每逢到了考試
媽媽定必帶我和哥哥到這裡吃過早餐
我最喜歡叫朱古力奶+雪菜肉絲米+煙肉太陽蛋+牛油多士早餐
太陽蛋一定會"啜"左個蛋黃先
而牛油多士一定係分比媽媽吃
因為小學生既我總是吃不完這個太豐富的早餐
而哥哥則喜歡叫阿華田+沙嗲牛肉公仔麵+腸仔太陽蛋+牛油多士早餐
當年考試最開心既就係可以到這裡吃早餐了~
因為返下午班的我們平日甚少會早起來這裡吃
除了早餐
我最喜歡的碟頭飯就是沒有沾上炸粉的斑球飯了~
但老闆話斑球太貴少人叫, 所以很久沒有再賣了
還有炸雞脾+茄汁我都很喜歡呢..

喜歡這店既原因除了食物價廉味美外
最重要係其有彈性既特色
可以自由隨客人既喜好/要求更改食物款式
親切得很~
例如:咖哩牛腩飯可以變成咖哩"薯仔"飯
又可以自己創作: 例如鮮茄白豆腐飯(用免炸豆腐)
又可以自由配搭: 時菜/鲜茄/茄子/粟米 (亂搭) 魚鬆/班腩/雞柳等等....
真係應有盡有
盡如客人意
街坊生意,價錢實惠

自從搬走了以後, 幾乎沒有回來這裡幫襯
實在太掛念這裡的味道了
是日早了放工
專程乘車到來這裡重拾舊有味道
最初幾驚呢度執粒左
因為蝴蝶商場真係變得太多
裝修以後已經不是當年既面貌了
在眾多連鎖食店競爭中
仍保留了這間石果僅存既快餐店
新樂快餐店真是無可否認其實力最記得這裡既餐紙係三角形令面既
至今依然存有是日叫了京都豬扒
非常好味
做得有大排檔咁好鑊氣
d汁又夠濃又入味
豬扒又稔
好食過"銀聾"幾呀倍
$32有野飲+白飯
算抵了~懷舊快餐店仍然保持其特色:
自己拎食物, 沒有餐牌, 食物款式貼滿牆上仲見返以前已經有既懷舊食物相十幾年了, 只有門面改了
而廚房師傅和食物味道依舊~

最初係想黎弼街食媽咪朱古力粒粒雞旦仔
但新進駐百度半店既媽咪雞旦仔已經無賣了
可能無乜人知道而無人買掛
所以黎左金華買菠蘿油食
初頭以為係巴士站旁果間鴻X冰廳添

最初黎到幾驚d菠蘿包賣哂
因為望左一輪先見到入面放左一盤只剩幾個既菠蘿包
但唔使一分鐘
搬出了一盤再一盤剛剛出爐既菠蘿包呀
嘩正
我覺得第一盤色水白d焗得唔夠燶
但眼見阿姐將一個個入了紙袋又好快有人買
所以我膽粗粗的指住第二盤較濃既話想要果d
哈哈, 阿姐好好人, 佢真係肯比我要第二盤果d喎
我要了菠蘿油$6
阿姐就係第二盤焗得較濃較靚當中夾了一個入去放鮮牛油

差唔多分分鐘都有新出爐菠蘿包
因為賣得太快了
賣完一盤又一盤
新出爐一盤又一盤



真係好食到不得了
熱烘烘的
新出爐真係新出爐
我好似第一次食到真正剛剛出爐既菠蘿包乍
(係剛剛,剛剛出爐...)
就因為剛出爐
d鮮牛油好快就溶哂了
溶左既鮮牛油香香滑滑帶少少咸味既感覺
菠蘿包包身夠乾夠鬆化
咬落去軟綿綿壁左包裡d空氣出來扁左

感覺唔同其他店果d實的的似一大舊麵粉咁
金華菠蘿油真係超棒
菠蘿皮夠闊夠厚夠脆
食落去有d曲奇加蛋香既味道
真係好好味呀!
人地話菠蘿包正宗食法係壓扁來食
有人告訴我這是因為壓扁可以避免咬落去令菠蘿皮掉落
之後再買左個外賣下午茶
老板好好人, 都成6:00pm都仲有得賣
下午茶: 五香雞翼+酥皮蛋撻+熱鴛鴦少奶 $24 唔使加$1
就係因為個五香字而賣既炸雞全翼
本身想買炸雞脾(無左個五香字)
雖然老板話炸雞脾都有五香味
佢仲透露兩樣都係鹵水左之後再炸
但穩陣d都係試左雞翼先
因為只有雞翼先寫左"五香" 呢個詞

真係有陣類似五香粉既五香味喎
超香, 味道都佳

酥皮蛋撻: 酥皮夠酥, 唔散
蛋槳夠黃, 有蛋味
熱鴛鴦少奶: 都係一般茶餐廳質素
帶酸酸地味既咖啡味
茶味ok香濃
除了即磨咖啡
我都係不喜歡一般茶餐廳既咖啡, 因為帶酸味
菠蘿包$4
菠蘿油$6
炸雞脾/雞翼$14
以呢個價錢有咁既質素係旺角區係超值!

長期人氣蠔餅店，前排肥姐囡囡有病，來幫襯既人龍更長，今天我也來力撐肥姐吧！
5pm開鋪，5點幾去到已聚集7-8個人客，學生也佔部分。
叫了一份蠔餅外賣$24，要芫茜和辣汁。
在沒為意下錯給了肥姐一個＄10台幣當一蚊，離開了一回之後才發現折返！
原來肥姐將我那個＄10台幣找續給客人時發現了袋起左，我折返問肥姐和道歉時，肥姐回我：「唔緊要啦，唔知味當下次我去臺灣旅行用囉，哈哈!」
當我正想補返肥姐一蚊時發現銀包裏只得$100和$500紙幣，肥姐把$10台幣還給我，並說不要緊，無一蚊就下次先比啦！雖然只是一蚊，但就令我很感動，肥姐真的很好人！
外賣回去的蠔餅我用焗爐返熱，吃上去也脆口，吃到大大粒蠔仔，很足料，肥姐秘整辣汁就真的勁辣，是嗜辣的我的最愛！

我特別喜歡吃一些非白米既飯
這裡既飯糰就最合我心水
因為採用了多穀健康米:紫米, 五穀米,紅米,糙米,小麥胚芽米, 冰湖野米
我選了雙色飯糰
因為可以試到兩種味紫米+冰湖野米$20
紫米飯很香,唔硬,混入了被染了紫的白米飯
冰湖野米是糯米+長型黑色既有殼野米
糯米飯稔稔地, 黑色野米有穀有咬感可選6種餡料
有些要另外加錢選了魚鬆+ 牛蒡絲+木耳絲+珍珠瓜+幼荀+素沙茶雞+$1
另加小麥胚芽粉+$3滿滿既餡料一口咬下脆卜卜, 很滿足既感覺呢
味道調得剛剛好
唔會太淡
現場仲有d已經計左卡路里既飯糰
夠哂健美

又再尋找色澤深色既豬扒
今次來這裡點了淨小食香茅豬扒$28
雖然$28得2塊價錢似乎高了點
但如果係下午茶平市來吃就可能大減豬扒既份量了~色澤較深色見到真係有加左香茅絲
再加埋蔥蓉和乾蒜
好香好野味
豬扒夠瘦
唔算好稔
好味過果間連鎖店越"戔"啦裝修左靚左