睇咗社交平台介紹
睇片好似黎好
但食過先知伏


下晝兩點半黎食
飯都無晒
叫咗碗牛腩鍋 同 手撕雞煨麵 加個煎餃

加錢要個水雲麵
衰過幼麵
講口感又唔彈牙
食落又無乜特別
最差係個牛腩
有圖有真相
除咗無良 我真係諗唔到其他形容詞
結果有一半無食
（我係想食牛腩… 唔係牛脂肪）


呢個煨麵就真係該煨
無味之餘 料又少
不過個麵好過上面加錢果個
唔嗌都嗌咗 費事俾人話西客

叫做最正常嘅係呢個餃
但唔好食

而家YouTube真係好多鱔稿而又唔會光明正大
真係十萬個直升機呀

啲坐位係背貼背
真係貼住人地個背脊 無間隔 無空間
全店得兩個阿姨 一個出餐 一個收銀
收銀做埋點餐同執碗 可想而知幾咁忙
明明間舖清晒人 但都無得入就係因為未執檯
到清晒檯 一堆人入去背貼背

俾錢貼難受 不了

唔知食乜好 求其見到間有位嘅就入去坐低 女士一見到花膠就心心眼都無可避免 嗌完都唔覺伏 食完就覺 因為 唔！夠！飽！ 本身唔夠飽 叫多兩個餸咪得囉 但睇吓張單 我嗌個花膠大米粉 另加雞翼 再加魚皮 最後仲加埋可樂 128！ 係lunch喎！ 可樂玻璃樽 250ml已經係細size 雖然好夠氣 但啲氣超誇張飲半啖已經一胃都係氣 個大米粉一啲都唔大 佢佔個碗三份一咋 兩隻雞翼值八蚊 果舊花膠 始終唔係燘 質感嚡口好多 個湯低可以話算健康？無乜味 加咗個魚皮 個口先無咁寡 不過呢個係麻辣 唔食得辣嘅要注意喇 爽口嘅 但你見佢拍埋碗米粉其實好細碟 價值38蚊…. 可能我真係太窮 呢個伏我中一次算喇 下次見到呢間都要兜路行…

灣仔食野本身都唔平 頹飯都要六七十 所以坐得好少少 都要百零二百 呢間同事推介 香港食炸串本身都係貴 所以比起晚巿 午巿的確抵食好多 上到去門口見到呢個cute cute 公仔 佢有一堆調味料俾你點 佢lunch set個炸串套餐得五串野食（菜多） 感覺好似食完唔會飽咁 所以叫咗個飯 刺身飯果日售罄 所以點咗呢個牛肉飯 可見牛肉半熟 我覺得ok 唔食生野要注意哦 之後我有再次光顧 果次唔太餓 所以試咗佢個炸串餐 試完係比想像中飽好多 起碼唔會餓住走 佢個炸串餐仲跟飯團 所以都ok 不過坐得唔算舒服 始終地方淺窄 但服務態度好好 都值得再黎

兒時想食車仔麵 真係一街都係 落去熟食巿場已經有幾間 仲要好好味 而且價格親民 而家 價錢一間比一間貴 但味道方面好多都越黎越差 呢間車仔麵 門面唔靚仔 但試完有驚喜 因為舖仔細細 望到都感覺坐得唔舒服 所以我買外賣 拎返上樓 打開本身覺得好滿 啲料都算多 味道都正常 一夾起啲麵就不得了 佢啲麵感覺似越食越多 真係好滿足 加咗腩汁 所以湯底都幾濃 埋單六七十蚊 灣仔食飯都咁上下價錢 所以都ok

訂位不易嘅餐廳 更難得係身邊那位的心意 佢訂咗呢間餐廳作為驚喜 我後來先知好難訂到位 有明星效應加乘下 更加難訂位 Set dinner 另外芝士拼盆同Madeleine 先黎牛他他 外面一層薄脆 真係好薄亦好脆 細葱加點清新但唔搶味 好好食 之後啲前菜都細細份 但夠喉兼滿足 加錢落魚子醬 少少鹹香味吊起成碟菜 值得 呢個angel hair係signature 原以為兩啖食完 拆開慢慢細味真係好好食 呢個薯蓉同菇 鮑魚酥好好食 佢個Madeleine都好好食😋

聖誕時節 又係聚會嘅時候 Business lunch好推介 中價 唔會得失老細又食得開心 可惜book唔到吧枱睇住師傅整 四人檯都方便傾計 唔想諗食乜 叫個四人餐就最方便 先黎前菜 蒸蛋的骰 上面有幾粒三文魚籽 沙律不過不失 都係啲一般套餐沙律 板燒鮑魚 上檯都嚇親 好大碟 不過諗起其實係四人份 咁又好似啱份量？ 個汁好好味 牛口粒 唔似出面果啲牛肉粒咬唔爛 加上調味料多樣化 總有一樣啱你食 燒龍蝦好好食 調味唔會太鹹 肉質彈牙 主食有得揀魚/鵝肝之類 仲有個炒飯 不過無影相 我份銀鱈魚正常 唯一一樣最唔ok係甜品 佢俾一球普通雪糕我都仲好 呢件咁嘅野 唔好食呢

重拾年輕的時光 還在讀書的時候才盛行Cafe 想約舊朋友 暗裡目的想同朋友慶祝生日 一早問定可否在餐碟上寫上生日字句 聽電話的跟我說可以還寫下備注 我到步後亦跟她再次確認 但當我點了聖誕餐牌，她忘了這回事 還要我加錢才安排另外甜品 勁呀 成間餐廳得三張枱 每張枱都係得個三四個人 到我哋點餐嘅時候左邊的飲品已經剩下最後一杯 聖誕大餐有一份沙律 正正常常 可能是沙律 所以啲雞都係凍 牛肝菌忌廉湯 很不忌廉 而且冷冰冰的 炸魚漢堡包 個炸魚有驚喜 幾好食 水汪汪的薯蓉 要等到差不多30分鐘後才變正常的薯蓉 新奇刺激嘅感受 窩夫本應是甜點 而家是鹹點 雪糕好強勁香精的味道 很不天然的味道 檸檬芝士批有待改善 總括嚟講 果然是讀書的味道 但價錢上來看很不讀書的時候 呢個餐$488 因為個餐淨係包兩個湯 所以另外加湯$28 另外因為店員嘅過失沒有生日的配備 另外亦收我$28 可能會適合一些大學生 中學生應該負擔不起這種消費

同朋友慶祝聖誕節 聖誕節是一個很好的機會和朋友坐下聚一聚舊 餐廳環境燈光偏昏暗 不算太擠擁 但座位有限，大概只可以容納20人左右 每台都會有一袋麵包 貌似法包但食落偏軟身 咬落很煙靭 因為只有兩位女士 所以點菜只能點三兩樣 一份主菜兩個sides 還點兩個甜品 Pollo Grillado Creamed Spinach Mashed potato Crème brûlée 同木糠布甸 整體術服務都很好 老闆還曾在日本居住過 所以一口流利日文 但問到他能學會廣東話 他耍手兼擰頭 笑着說 very difficult 看到隔籬枱點了牛扒 賣相唔錯 有機會可以一試

聖誕節留港消費 一早已經預約咗間高級扒房慶祝聖誕節 Rosewood扒房比起其他酒店扒房佢算新 但水準公認數一數二 今年聖誕寒冷 等一步入Henry 基本上一定要除大褸 開放式廚房 個火爐一覽無遺 聖誕set dinner 1688 +10% per head 因為個set dinner乜嘢飲品都唔包 我哋另外嗌咗兩杯酒 先來頭盤 本身上枱有一隻蠔爛咗一半 讓我主動向佢哋要求換過第二隻 淨係第一個菜都已經好失望 說好的數一數二高級扒房呢？ 牛肉他他，有即刨芝士 蟹肉沙律 佢隻蟹腳啖啖肉 呢碗洋蔥湯 但肉味太重 Pastry 本身有芝士 但係冇額外芝士 所以一定要浸 主菜揀牛扒同火雞 （聖誕節要食火雞嗎？） 因為慢煮火雞，所以唔嚡 牛扒好好食 佢跟三個sides 黑松露薯蓉 烤蘿蔔羽衣甘藍 仲有Mac and cheese D sides 好好食🤤 黑松露仲要現場新鮮刨 甜品未上枱已經好飽 但甜品一上枱就覺得 自己個胃應該仲有空餘嘅位置 呢餐聖誕大餐 很滿意

聖誕節 又有藉口出去食一餐好嘅 呢間炸豬扒餐廳都唔係第一次幫襯 不過呢間分店反而第一次來 晚上8:30依然很多人在等位 不過眼見很多都係一家幾口 攜老扶幼 但唔需要等很久 就有位可以入去啦 在餐廳出面以為餐廳很細 原來佢還有一條通道通入去裡面 白飯同沙律菜，依然都係任添 沙律菜，我依然好鍾意用紫菜汁 白飯用的是「一見鍾情」米，很好吃 至於主菜 點了限量發售的極上豚 同豬柳配吉列蠔 極上豚很軟腍 正宗外脆內軟 可惜撞正有筋 有幾件比較難咬 有對比之下豬柳好硬好嚡 吉列蠔很好吃 另外點了兩杯梳打 偏甜 飯後還有一杯西瓜 但不好吃的😅