呢晚同老公去左深水埗睇玩具,  咁都要食飯架? 經過見到呢間好似新開的餃子店-米亭 好似唔錯, 就入左去試下 入面有幅好大好colorful既壁畫,  幾靚幾sharp醒! 店內仲寫明, 佢地係使用高質本地黑毛豬的呢! 秘製醬脆手撕雞+特濃花膠雞湯米線套餐($63) 個花膠雞湯雖然要加$15,  但真係超值! 個湯超濃厚,  仲有花膠同雞腳! 配米線食一流, 完全feel到啖啖養生! 秘製醬脆手撕雞 呢個都好好食,  d雞皮炸到脆脆的,  再配上手撕雞,  口感豐富有層次! 個底仲有大量青瓜絲同爽脆的蓮藕, 好refresh好健康! 雞湯菜心 ($20) 菜心係用濃雞湯烚的, 特別正!! 芫茜餃子套餐 配特濃花膠雞湯 ($81) 湯底都係加$15要花膠雞, 真係超濃厚冇得輸! 餃子唔算大粒, 但好飽滿 芫茜味好香, 芫茜愛好者必試! 豬肉味濃, 食得出係靚豬肉! 食得出呢間小店樣樣都好用心,  值得支持!

一年一度520日嘛,  當然要同老公出去撐個枱腳啦~ 我地呢晚就去左觀塘食日本野-掌壽司。 裝修都幾特別, 有好多個好靚既時鐘 佢有個二人套餐, 價錢唔貴! 2個人先$796(另加一啦) 而且好似都幾豐富, 所以我地叫左來試! 時令沙律 沙律都幾開胃,  有粒粒帶子刺身肉,  仲有好多蟹籽,  蔬菜都好新鮮, 好食! 刺身盛六點 有三文魚腩, 拖羅, 螢光魷魚, 甜蝦, 油甘魚同日本蠔。 三文魚腩超肥美! 入口一咬落去, 油脂香到爆!! 超滿足 拖羅都好靚, 完全冇筋,  入口即溶!  甜蝦好新鮮, 又超大隻!! YUMMY! 壽司盛六點 個香蔥拖羅蓉壽司勁好食!!! 個蔥好香!! 其他海鮮都好新鮮好好食! 最後仲有個柚子JELLY, 好refreshing!! 日式燒肉 200g 有3款肉: 美國產頂級牛小排 ,日本產A5和牛, 特選牛舌心~ 全部都係靚野呀!! 仲要有店員在旁幫手燒,  完全唔洗自己落手, 爽呀!! 壽喜燒鍋物 燒完肉仲有個壽喜燒鍋! 真係好豐富!! D牛係澳洲M9和牛來, 油脂分佈真係好靚! 豚肉都係北海道的, 都好靚! 最後來返杯HK製雪糕做甜品, 好食呀!! 呢個套餐料靚價錢又唔貴, 真係抵食又好食呢!! 推薦!

呢日放工同老公去左深水埗買野,  買完就搵野食,  去左麵屋黑岩食拉麵~ 門面有好大個日式燈籠好搶眼。 座位唔多, 但都幾闊落。 我地叫左2個拉麵: 黑蒜($82)同海老($82)。 黑蒜($82) 叉燒有2款可以揀: 厚切叉燒同火灸叉燒。 我地2個都叫左火灸叉燒 黑蒜湯好香蒜味,  豬骨湯都好濃郁。 火灸叉燒有火灸過,  有焦香味~ 海老($82) 海老個湯底都好濃郁,  有好多櫻花蝦, 蝦味好出。 日式炸餃子 ($32) HAHA, 本身有5隻既,  畀我食左一隻, 我先記得影相 餃子係炸的, 外皮好脆,  入面有肉汁, JUICY~ 另外我仲加左隻溏心蛋($12) 好入味, 溏心亦整得岩岩好,  蛋黃都係流心的~好味。

呢日好姊姊請我食生日飯, 
因為我地2個都中意食日本野, 今次就揀左呢間食炸物既餐廳-Mo Mo Kushiage來食。餐龐內大部分傢俱都係用木做, 
bar位上仲有好多日本酒做裝飾, 
都幾有日本風情。食炸野, 叫返2杯酒邊食邊飲, 
絕對係享受
我地一人叫左一杯,
我叫左淺間梅子甜酒($65/杯), 
朋友叫左京姬柚子x梅酒($65/杯)。
2杯我都試過, 都好好飲。
我個杯就好香梅味, 甜甜地。
朋友個杯就柚子味重, 好refreshing。南瓜沙律 ($48)

嘩! 呢個唔講得笑!
我覺得超好食!
可能係日本南瓜?
好香甜!
成個差唔多畀我1個人食晒
燒魚翅 ($68)

呢個超香口!
我一直以為魚翅都係用來放湯, 
原來可以拎來燒!
好味啵! 好有咬口, 送酒一流!炸雞翼 ($58)

好香口JUICY, 好食!鯡魚子昆布 ($48)

鯡魚子一粒粒的,
好鮮味又有咬口。好食!炸蘆筍 ($28)

蘆筍炸原來都好好食架啵!
第1次食!豚肉卷 ($42)關東煮5款 ($118)

呢個好好食!
同我平時食開的唔同~
唔係個D好深色好甜既湯~
比較清少少~
當中有日本薯仔, 好甜好軟糯~蝦餅三文魚籽 ($48)

好大舊, 三文魚籽好新鮮!原味泡芙 ($32)

最後來多個甜品~
2個人SHARE都可以呀!!


呢間餐廳望打食炸野, 
炸野真係好出色~
喜歡食炸野既人, 真係要來試下!!

近來返工都好忙, 
有時放工真係要食下好西平衡下心理。
呢晚去左旺角食美滋鍋 。
想試好耐喇, 終於來左試。一入到去, WOW!
成個場都係PINK PINK, 
好GIRLY呢!
整體都好明亮整潔,
令人感覺好舒服。膠原蛋白養顏美容鍋/ 滋補養生香辣鍋

湯底我地叫左鴛鴦湯底, 
當然試佢地2款招牌湯底"
膠原蛋白養顏美容鍋同滋補養生香辣鍋啦。
個膠原蛋白養顏美容鍋真係超正, 
店員好貼心咁叫我地飲左湯先, 
因為個湯好好飲, 先再加湯打邊爐~
湯底完全係奶白色, 一睇就知有幾正啦~
裡面有好多菇, 仲有吸晒湯汁既豆腐~
真係好好味!
滋補養生香辣鍋都好惹味~店內有個勁大既自助區, 有好多唔同既醬料!
醬料一D都唔HEA, 有D好特別既醬, 
其中有牛肉碎辣醬同菌皇醬我都覺得好好食!
牛肉碎辣醬就好香牛肉味, 
菌皇醬就好香菇味。仲有D涼拌小食同生果, 可以任拎~美國安格斯牛小排(半份)  ($139)

牛肉的脂肪分佈好靚好似雪花, 
牛肉味濃, 冇渣, 好食!

花雕甘榜雞(半份) ($49)

酒香味有, 但唔會太濃, 
雖然叫半份, 但份量都唔少~墨魚丸(半份)  ($39)

墨魚丸係手打的, 
爽口彈牙。

午餐肉(半份) ($24)

我係午餐肉怪來, 
打邊爐點可以唔叫午餐肉呢。
$24蚊有7片, 好抵!韭菜豬肉餃 (半份) ($39)

豬肉餃好大粒, 
新鮮豬肉, 好食!拉麵 (半份) ($18)

紅薯粉(半份) ($16)

湯底正, 當然要叫粉來食, 
個寬粉勁推薦, 
放麻辣湯好好食!炸魚皮 (半份) ($24)

呢個又係勁推薦, 好好食呀呢個!
放一放落個湯度吸一吸湯再食, 超好味!
紫背天葵洛神花茶 (無限添飲) ($25)

酸酸甜甜好開胃, 
店員仲好勤力REFILL! GOOD!最後店員仲請左呢個柚子雪芭畀我地試
好清新呢!
打完邊爐成口味, 飲呢個正!


呢間D湯底好味, 
配料價錢又相宜, 
味道都唔錯。
坐得都舒服, 
絕對有下次

呢晚同老公好奇心驅使下,
去左食人生第1次印度Fine Cuisine
呢間印度Fine Cuisine就係
CARAT Fine Indian and Mediterranean Cuisine。

入到去, 真係覺得好靚, 
靚到嘩左一聲, 
立即覺得自己著得太hea
一入門就見到個好grand既bar 枱~

餐廳的枱椅感覺都好整潔。

旁邊仲有d卡位,
每個卡位既cushion都唔同design, 
好有心思呢!

餐牌係全英文的~
我地叫左湯,主菜, 同包~

Cream of Mushroom with Truffle ($68)

湯有濃濃的菇味, 
質地柔滑, 
同埋是served with bread的~
有2塊蒜蓉包~

CARAT Butter Chicken ($128)

個汁好香蕃茄同香料味, 
好香濃! 點麵包/撈飯食一流!
食到停唔到口呀!

雞肉嫩滑, 而且冇骨的, 
可以啖啖肉~

Sindhi Gosht ($148)

呢個係羊肉來~
個汁就比起butter Chicken辣D~
但都一樣好香好惹味~
用來撈飯/點包食一樣好正!

羊肉都一樣係冇骨的, 
肉質比起坊間我食過的咖哩羊肉嫩~

Garlic Naan ($38)

叫咖哩記住要叫飯/包, 
因為咖哩冇跟的~
Naan 都幾大塊,
一人一塊其實都夠的,
用來點汁食一流~
GARLIC NAAN就幾香蒜味~

Butter Naan ($38)

BUTTER NAAN就偏甜D~
中意甜口D既人可以叫呢個~


呢度食物唔錯, 環境真係好靚~
服務都好好, 有興趣可以試下

呢日陪老公去旺角行街買野,  但附近D野食到好悶呀,  決定搵D未食過既野,  上OPENRICE搵樓上CAFE,  見到呢間R.I.M.K好似唔錯,  就決定試下佢!! 店內裝修好精緻呀,  係令人覺得好舒服既小清新FEEL! 我地2個人就叫左2個MAIN COURSE,  加$48就可以有個SET: 迷你櫻花濃蝦湯+是日精選甜品+餐飲一杯。 我想讚下店員, 係我地點餐前,  店員好用心同我地推介同解釋,  服務好好! 另外仲可以加$1就可以芝士蛋糕放題,  任食芝士蛋糕!!! $1咋啵! 當然叫啦!! 迷你櫻花濃蝦湯 呢個湯真係好~好~飲! 我印象中櫻花蝦多數都係食拉輀個陣見到啦~ 但用來做餐湯都係第1次見! 但個湯真係超濃超香! 好好味! 蟹肉蟹子明太子扁意粉 ($128) 我呢, 都幾中意食明太子既,  見到呢個明太子意粉, 當然就叫左。 意粉係扁意粉來,  掛汁好過普通意粉,  意粉煮得剛剛好,  唔會硬, 又唔會太林(我好怕太林既意粉) 蟹肉同明太子, 令成個意粉都好鮮味。 再加上蟹子, 令成個意粉再多一種口感。 好食! 蒜香辣椒蜆肉意大利粉配軟殼蟹 ($138) 呢個係原個石鍋上, 夠晒鑊氣! 軟殼蟹 係原隻大大隻! 成隻都可以食得! 炸到好香脆! 好味道!! 意粉炒得好乾身, 又唔會太油,  蒜香辣椒份量夠, 好惹味! 芝士蛋糕放題 每人加$1, 就可以任食MENU上的蛋糕!! 本身我都以為係坊間食放題個D一口芝士蛋糕, 好細舊。 點知!!!!!!!!!! 原來係大大舊! 一件件架!! 我地試左TIRAMISU, 柚子日式芝士蛋糕,  朱古力蛋糕同富士蘋果芝士蛋糕。 TIRAMISU好香酒味! 柚子日式芝士蛋糕好清新! 朱古力蛋糕既朱古力味夠香濃。 富士蘋果芝士蛋糕我就最中意喇! 好少見到呢個配搭。 酸酸甜甜, 又有蘋果既清香,  好好味!!
最後飲埋大大杯的餐飲,  呢餐真係好滿足!!! 呢間樓上CAFE, 由餐湯, 到主菜, 再到甜品, 我都覺得好味道! 加上價錢1D都唔貴! 尤其係可以加$1任食蛋糕!! 中意食蛋糕既朋友仔一定要試下!!

呢晚去左TST行街,
突然想食喇沙~
就去左K11 Musea呢間Chatterbox Café食晚餐~呢度環境都好明亮整潔,
座位都坐得舒服。主食我地叫左文華海南雞飯同招牌大蝦喇沙。文華海南雞飯($118)

海南雞飯可以加$10轉雞脾, 
但我冇加, 想試下唔係雞脾既質素,
(因為如果高質的話, 就算唔係雞脾肉, 都一樣可以好滑架嘛!)飯係油飯來, 口感都唔錯, 
唔會太林, 亦唔會太硬, 
粒粒分明。

醬料有3款, 甜豉油, 辣醬同薑蓉。
幾款醬料的味道都唔錯。雞肉, 都係去左骨的,
全部都可以就咁放入口食, 
啖啖肉。 雖然唔係雞脾肉, 
但肉質都滑嫩, 一D都唔鞋。
而且雞肉偏瘦, 唔會好多肥膏, 
健康之選。
雞肉份量都唔少,
2個人SHARE食都可以。招牌大蝦喇沙 ($158)

呢度除左海南雞飯出名, 
喇沙都係另一熱門, 當然都要試!大蝦有3大隻! 真係好大隻!
而且都已剥好晒殼, 食起上來好方便!! 讚!!
(我好怕個D要自己剥殼既..
浸住係喇沙湯仲要自己剥殼, 搞到手好污糟..)
蝦肉食起上來都好鮮甜彈牙, 好食!然後成碗野我最欣賞係個喇沙湯底, 
個湯底真係好出色, 
好香好好味! 椰香味出!個粉配埋個湯食, 味道一流!

食完主食, 我地再叫左2個甜品,招牌椰子雪糕 ($98)

椰子雪糕係用上原個椰皇呈上,
外表好靚, 打卡一流!
椰子雪糕椰子味濃, 口感順滑, 好食!
雪糕上仲有核桃同去核龍眼,
 去核龍眼好清甜。星洲彩色刨冰 ($58)

呢個真係好得意!
唔同顏色有唔同味道, 
冰底下仲有紅豆, 涼粉同提子味爆爆珠, 
口感勁豐富!
刨冰上面黃色既係粟米來, 
好似粟米肉粒飯既粟米咁, 
但原來配刨冰食又幾好味架啵!!
呢個刨冰真係味道豐富,
而且味道其實唔錯, 
有興趣既人可以試下!

呢日長周, 返半日, 
放工後同老公行一陣, 食個靚LUNCH先返屋企。
去左觀塘工業區, 最後決定食呢間台灣野:哈豆。
雖然呢間野係工廈上面, 
但裝修一D都唔馬虎, 
好小清新好舒服。

牆上仲有台灣唔同名勝既壁畫。
呀!! 睇到我好想快D可以再去台灣旅行呀!!

而我最欣賞既係近收銀處既呢個角落, 
有一排黑板, 上面用粉筆畫左好多台灣劇既劇照劇名, 
好多都係我想當年追既劇呀!!
真係回憶返晒來!!

然後我地點餐, 叫左:
豐盛台灣牛肉湯麵, 台式滷水拼盤, 拉絲蛋卷吐司配甘梅蕃薯條。 

豐盛台灣牛肉湯麵 ( $78)

呢碗牛肉麵的配料好豐富, 
有牛肉, 花枝丸, 同貢丸~
仲有半隻滷蛋~
岩晒我呢D貪心, 咩都想食既人

湯底是牛肉湯底, 
有濃濃的牛肉味, 帶點微辣~

麵底是關廟麵, 
幼幼扁扁的~
掛湯一流~

牛肉是切成一片片的牛展, 
筋肉層層相間, 
而且炆到好林好入味,
口感軟燸, 肉味濃郁。

台式滷水拼盤 ($49)

有牛肉, 雞翅, 豬腳, 豆腐, 滷蛋。
牛肉都係牛展來, 配上滷水汁, 味道更香濃。

豬腳呢, 係起左肉的了, 
食起上來更方便, 啖啖肉呢!

豆腐是一口豆腐來, 
一口一件剛剛好~

拉絲蛋卷吐司配甘梅蕃薯條 ($70)

薯條係蕃薯條來, 比起薯條多左份香甜味, 
再配上甘梅粉, 酸酸甜甜好開胃!

吐司呢, 係台灣魚酥同煎蛋卷, 
配上火烤mozzararlla芝士。
d芝士多左瀉晒出來, 
吐司也烤得好香脆. 
啖啖都係滋味! 正!

食肆終於可以開晚市喇!! 呢晚約左好朋友出來食餐晚餐， 順便畀埋利是佢(新年未見過佢呢, HAHA) 我地就約左去蟹仙海鮮蒸氣鍋食蒸海鮮!! 一入店內, 座位都是卡位, 坐得好舒服! 夠闊落!! 然後係我地睇緊食咩個陣,  店員已好貼心咁, 將我地來緊要用既餐具放入蒸鍋入面加熱, 用蒸氣高溫消毒~ 然後我地叫左每位$499的至尊海鮮套餐， 貪佢有海鮮又有肉類 等緊食物來期間,  老闆娘好熱情咁送左一碟岩岩新鮮整好既魚皮畀我地食,  佢話魚皮係自家製的! 好脆好香口! 最先上的是深海海星斑~ 2個人半條~ 即蒸即食,  魚肉好滑, 少骨~ 然後主角來了!! 個蟹既食物盤真係好可愛!! 打卡一流! 日本大元貝!! 大粒! 同埋真係好新鮮, 好鮮甜! 平時呢, 我唔食橙色個內臟架! 但呢度個舊係好棉滑好甜! 我當然食埋佢啦!! 跟住本身個餐係包紐西蘭刀貝蚌的~ 但老闆娘話換左日本產的畀我地~
佢話係無污染的水源生長,  食落真係好鮮甜, 半粒沙都冇!! 好味!! 仲有越南大虎蝦! 超大隻! 啖啖肉, 正 跟住到我最最最期待既蟹!!! 因為呢個餐係可以每人一隻蟹,  所以兩款蟹我地各叫左一隻,  咁就可以兩款都試到啦 有越南頂角膏蟹, 同罕有大黃奄蟹~ 兩款都爆晒膏啦!! 正到爆呀!! D膏多左爆晒出來!! 超級鮮甜!!! D蟹肉都一樣, 都係好甜好好食呀!! 接住就係肉類同丸類~ 黑安格斯牛肉同濟州黑毛豬肉油脂比例都唔錯~ 肉味濃~ 而且肉質唔會鞋~ 有蟲草花雞件，芝心小籠包， 星爺醬爆瀨尿牛丸，蟹仙蝦蟹棗， 豬骨濃汁貢丸~ 蟲草花雞件雞味重, 雞油同肉汁蒸完流落粥底~ 令粥底加添鮮味~ 芝心小籠包其實食落似芝心丸~ 彈牙~ 星爺醬爆瀨尿牛丸同豬骨濃汁貢丸同樣咬落都充滿肉汁,  好味道! 最後蟹仙蝦蟹棗, 彈牙香甜! 食完海鮮同肉, 當然就到粥底啦! 所有精華都集於一身!! 店員會幫忙加蔥花同菜甫增加風味~ 而粥底本身都有粟米, 芋頭同排骨~ 最後, 老闆娘仲送左糖水我地食!! 係椰汁雪燕燉官燕!! 唔太甜, 好好味! 食完真係好滿足呢!!