上星期六晚回家途上口渴, 所以買了杯西瓜底鮮什果冰, 走芒果, 亞姐好好, 換了幾粒士多啤梨比我, 不過是酸的。其中的哈蜜瓜,蜜瓜和西瓜就幾甜喇!

今天掃東大街, 外賣了1隻鍋貼, 回到家嘆已經是微暖, 但味道都不錯, 皮不厚。推算熱食更隹

姐夫外賣了幾款沙嗲(豬,牛,羊,熱狗腸)+印尼炒粉絲。沙嗲ok,不過sauce就偏鹹; 炒粉絲都可以

今日下午來, 是小店形式, 全部是不同餡料的雲吞。現在上網才知道可叫鴛鴦, anyway, 下次再試啦
共要了
1) 香芹鮮肉雲吞+麵
2) 淨蜆肉鮮肉雲吞
雲吞皮薄, 香芹味比較好
另外賣了下火和南瓜味(生的), 店員附上的cooking的時間表, 回家煮就不會太老或不熟。
下火雲吞, 皮蛋味好出, 但芫茜味就不夠喇!
南瓜鮮肉雲吞, 有南瓜的清甜, 也出到肉味, 都不錯

其實上次同家人幫襯過, 已經唔識欣賞, 兼被家人埋怨。不過友人誠意推介它的紅豆沙,ok啦, 試試啦!
紅豆是起沙, 但味道總是有點怪,不夠甜(但朋友說ok)。其中1個朋友也認同, 好像有很微的苦味, 但她的老公就feel唔到

突然間改變策略, 由攻九龍城轉移目標去大角嘴的神廚館晚飯。一行4人, 我先殺入舖頭(大約7.15pm), 嚇然見到全間舖只得2張小摺檯, 心想點做堂食呀, 細成咁!
不過無客, 坐得落, 照食(因是看網友的好評來試)。在沒有做功課(只做了九龍城)的情況下, 我們真記不到應叫什麼菜, 牆上寫滿菜名, 正頭"岳岳"之際, 亞姐已經說網上通常話食的是什麼, ok照跟, 食了:
1)招牌煎蛋海苔窩燒墨魚餅飯:正, 剛剛煮好, 熱辣辣,不油膩, 好彈口, 除墨魚膠外,又有大墨魚粒, 增加咬口。不知如果加入馬蹄粒, 會不會更好呢?
2) encore了淨煎蛋海苔窩燒墨魚餅
3) 冰梅山渣煀米鴨配飯: 鴨肉很"霖", 又夠味
4) 咖哩牛筋腩飯:朋友很欣賞咖哩汁和牛腩很"霖", 同意, 內有蘿蔔, 但不是"mon"到好"霖"果種
5) 飯餐跟了魚湯:奶白色, 有紫菜和豆卜, 證實了還有加奶, 好好味
當落完單後, 亞姐說其實她們已收市, 不過見到我們4人, 所以做埋先!朋友立即說我很遠來幫襯, 亞姐好開心。不知是不是這個原因, 亞姐"豪"了1個湯和1碟菜比我哋。另外還端了1碗淨咖哩汁比我哋送飯, 不時還問要不要添飯
臨走時和大廚亞哥吹水, 似乎亞哥還有絕招, 因他叫我哋下次有幾個朋友來時, 先致電, 到時他會準備一些更好的菜式
這晚跟朋友食得好開心, 服務很warm,只是第一次來, 就feel到像熟客般招待,可遇不可求