Lunch去左Basehall食野，見到開左間茶飲，仲幾多人排隊~ 個menu 都幾特別，有坊間少有嘅唔同果凍做配料，包括豆漿凍、杏仁凍、茶凍等，亦有麻糬同斑蘭系列，樣樣都好想飲😻 經店員介紹，原本飲品係由在港台灣師傅研發，而材料都係由台灣直送，招牌珍珠奶茶都係真材實料🤩 最後我揀左蕎麥燕麥拿鐵+豆漿凍, 微甜微冰，雖然睇落全杯都幾白，但又估唔到幾好味🤭豆漿凍個味幾出，比豆腐花挺身，質感嫩滑😋蕎麥燕麥味淡淡地幾清香，微甜剛好，飲完唔覺膩👍 朋友叫左拉絲麻糬芋泥壺奶茶，顏色層次幾靚，芋泥同麻糬好足料，撈均飲味道幾融合，奶茶唔太甜而且幾幼滑，麻糬軟糯有嚼感🧡 少貴但值得encore🧋

發現舊居附近有間幾特別嘅居酒屋，入面充滿住動漫元素，仲有大大隻Spiderman畀人打卡，氣氛一流🕸️ Happy Friday都幾爆場，慢慢食下嘢傾下偈不經不覺叫咗好多嘢食🫄 ✨天神玉子燒 - 玉子燒用咗鰹魚汁+蛋漿+明太子撈均然後煎，味道比較鮮，食到明太子淡香，而且一咬幾多汁👍 ✨章魚小丸子 - 外皮好脆口，面頭用左明太子蛋黃醬，配搭惹味🧡 ✨天婦羅 - 叫左番薯、南瓜、左口魚裙邊、龍躉粒粒，全部用左薄漿炸，配埋柚子鹽食， 幾帶出原材料嘅香~ 第一次見左口魚裙邊天婦羅，好特別😻而龍躉粒粒幾有咬口👍 ✨串燒 - 叫左薄脆雞皮、雞肉脆脆棒配月見汁同埋燒白鱔。雞皮食到師傅嘅功架，又脆又薄一d都唔會膩；雞肉棒好少可整到個皮都有香脆感，係幾出色🤤燒白鱔好肥美彈牙💯 ✨封門柳 - 大概五成熟，燒過之後牛味幾出，沾少少鹽幾提味！ ✨厚切豬鞍滑蛋丼丼飯 - 賣相同味道都冇得輸，好鍾意佢個厚切豬唔會肥，而且幾易咬，個皮夠薄唔會太滯😋 ✨心太軟 - 比想像中大碟，一切即流心，裏面嘅朱古力醬仲係熱辣辣，配埋雪糕冷熱交融好滿足🍫 ✨天神特飲 - 有啲似洛神花嘅味，酸酸地幾開胃🥰 ✨朱古力抹茶 - 抹茶味甘香，望落邪惡但飲落唔太甜🤭

大角咀有間馬來西亞小店，風味十足，平日夜晚去都要等位🤭 ✨原隻炸軟殼蟹蜆肉無味精椰爺秘傳喇沙摻摻 - 真材實料，大大隻軟殼蟹放喺麵上，旁邊仲有好多蜆肉，好吸睛😻軟殼蟹脆卜卜，鮮味十足；叻沙湯底唔太辣又帶點椰香，幾惹味🤤 ✨魚肉片香草椰奶湯摻摻 - 椰味清甜，魚肉片好嫩滑，而且冇骨，啱晒我😚 ✨鮮香蕉流心班蘭椰香手工咖央多士 - 自家鮮製 - 呢個真係大推，平時配牛油我會覺得有d肥膩，而家配香蕉又幾夾幾香，個汁仲係流心，食到停唔到口😋 ✨芒果椰香鮮奶 - 好邪惡但好滋味，飲到滿滿花奶味，仲食再芒果肉🥭 ✨話梅桔仔水 - 甜甜酸酸幾refreshing，夏天飲都幾解渴🍋‍🟩

發現銅鑼灣開左間幾正嘅韓國fusion cafe，坐得舒服，上菜快得嚟野食熱辣辣！💯 ✨魚糕串辛辣麵卡邦尼意粉 - 串魚糕好吸睛，面頭仲有脆脆麵碎增添口感🤩辛辣味道碰上卡邦尼，估唔到又幾夾，辣得過癮又食到creamy汁感😋 ✨火炙北海道帶子配海鮮炸醬意粉 - 擺碟有心思，帶子夠彈牙，炸醬甜甜地好惹味😚 ✨醬燒頂級牛肉拌意大利飯 - 撈均食其實幾fresh，配菜夠解膩，牛肉唔會肥，牛味夠香😽 ✨韓風粟米 - 呢個小食好特別，帶點微辣，香口清甜🌽 ✨Unnie炸雞翼 - 叫左蜂蜜蒜蓉口味，個汁好香甜，而且外皮香脆，雞翼都幾大隻添😻 ✨Tofu Matcha Latte - 呢杯有驚喜，每啖都飲到豆腐，同抹茶融合得幾好🍵 ✨焦糖脆脆鮮奶咖啡 - 面頭焦糖脆脆好有口感，配上咖啡好match~ ✨金莎朱古力 - 勁邪惡，質地幼滑，朱古力味香濃🍫 ✨抹茶芝士蛋糕 - 口感幾軟熟，食到淡香抹茶味👍 ✨柚子乳酪慕思 - 柚子味好清新，食完幾開胃🤭

第一次嚟到啟德AIRSIDE，間間餐廳都幾多人，我揀左一間出名食Pizza嘅餐廳食dinner🤩 ✨火腿哈密瓜 - 前菜叫左個清清地嘅火腿哈蜜瓜，呢個配搭咁常見並唔係冇原因😂咸香火腿配上爽甜哈密瓜，一咬爆汁🍈中間仲有沙律菜加添色水，健康又好味！ ✨松露忌廉醬錕鈍 - 個汁好creamy，錕鈍幾有口感👍唔會好易散 ✨Chicken Tikka - 叫左個好特別嘅印度風薄脆Pizza，面頭鋪滿Chicken Tikka，仲有香草汁，賣相好得👍pizza底好脆，易入口又唔會太滯🍕 ✨Gelato - 要左1球開心果味 & 1球coconut味，仲加左個Waffle Bowl 同埋兩款toppings，雪糕球大大個，作為甜品好滿足😻 ✨Matcha Majesty - 杯野幾fancy，好啱小朋友😚感覺豆奶味幾香，有d似milkshake 多過沙冰🤭 ✨English Breakfast Tea - 食完咁豐富嘅野要飲杯茶解解膩，有一壺仔茶慢慢倒出嚟嘆，好寫意🫖

食完lunch行左去去西營盤，發現到有間concept store，有齊晒Ciao Chow、Triple O's 同Yo Mama Frozen Yogurt，可以一次過叫晒3間野食😻 食飽飽嚟到都想食個Froyo, 因為甜品係另一個胃😂 揀左細杯裝，toppings要左mochi & wheat germ，有得自己揀配搭，勁有滿足感🤩 見到佢另一款froyo味係棉花糖，勁特別但又驚太甜，所以今次叫左原味，依然係我回憶中嘅味道，正！

終於有機嚟到呢間復古日式餐廳，裝修真係好靚，好啱打卡😽我哋兩個人叫左個黑牛壽喜燒燉飯套餐，包左黑牛、蔬菜、串燒拼盤、兩個小食、同埋以優惠價加配兩杯飲品，好豐盛🤩 ✨黑牛壽喜燒燉飯 - 有六塊牛牛，用左牛油、糖、壽喜燒汁烤塊牛，好入味，沾埋蛋汁食好香滑😋之後就到疏菜拼盤，吸引左個汁同d牛香，令疏菜更鮮甜🥗最後仲會整埋個燉飯，索晒d精華好濃郁🤤 ✨串燒拼盤 - 有蝦、雞翼、冬菇、秋葵、豬腩肉同燒菠蘿，夠晒多款🥰 ✨明太子玉子燒 - 面頭堆滿蟹籽，口感一流~ ✨炸雞皮餃子 - 雞皮炸得香脆，食落冇咩油膩感，仲好香口👍 ✨宇治金時芭菲 - 勁大杯，層次感滿滿，有馬卡龍、牛奶妹朱古力、抹茶雪糕、白玉、牛奶雪糕、蕨餅、Cream、粟米片、抹茶蛋糕，2-3人食好夠😻 ✨暴打雙檸 - 酸酸甜甜，好fresh好解膩🍋 ✨粒粒蜜桃 - 味道清甜，仲食到粒粒果肉🍑

好幾年前嚟過覺得幾有情調，今次心血來潮再嚟feel下個vibe😁 ✨白酒忌廉藍青口配法包 - 個汁好入味，青口幾彈牙~法包好濃郁蒜味，但比較油左d🥖 ✨甜椒慢煮雞胸配南瓜意大利飯 - 雞胸調過味幾香口，慢煮完keep到肉質細嫩👍 ✨喇沙龍蝦汁配大蝦長通粉 - 喇沙味好出好惹味，長通粉可以藏住d汁🤩大蝦新鮮爽口🦐 ✨Peach 1664 Blanc Beer - 杯cocktail 幾特別，飲到清香桃味，有d似果汁酒咁好易入口🍑 ✨豆腐花抹茶拿鐵 - 好特別，個底有豆腐花😂抹茶甘香，整體唔太甜🍵

Weekend同屋企人難得的食西餐，book左去元朗食4-course Lunch Set，坐得舒服，又可以慢慢享受美食，咁先真係叫放假🤭





✨熊蔥牛油酸種麵包 - 個牛油超特別，見到真係用熊蔥打碎而製成，比普通牛油多左種淡香蒜味；麵包熱辣辣，外脆內軟熟，配埋熊蔥牛油好夾🥖



✨栗子杏仁泡沫洋蔥湯 - 個湯一d都唔簡單，質地好creamy，栗子味香濃而會滲出洋蔥嘅清甜，面頭有層杏仁泡沫，成個味道層次好豐富🌰🧅



✨南非鮑魚。竹荀 - 擺碟有心思，鮑魚鮮味又彈牙；竹荀夠爽口🤩



✨立鱗燒甘鯛 - 嚟到主食部分，立鱗燒賣相💯，個皮脆卜卜，魚肉鮮嫩😋下面有洋蔥絲同細滑薯蓉，配搭無得輸！



✨牛肩膀牛扒 - 整得好軟腍，肉味烤得好香，沾埋個汁甜甜地好易入口😽





✨龍蝦帶子海鮮飯 - 二人份量都夠3個人食😂龍蝦鮮甜有彈性，帶子剛熟夠嫩滑，個飯更係精華所在，珍珠米煙韌有口感，亦吸收左龍蝦同帶子鮮味🤤





✨洋甘菊花茶 - 好清新，爸媽好鍾意🧡

✨伯爵茶 - 茶壺仔同茶杯仔好精緻，細細杯咁可以慢慢品嚐~

✨Cold Brew - Fruity口味，帶點果酸，凍飲好啱夏天🥰

✨火熱情果汁 - 酸酸甜甜好消滯🍹



個vibe真係好啱特別日子/慶祝去🎉

今次嚟到嘅係一間超新開嘅傳統關西風壽喜燒餐廳，有打卡一流嘅浴衣體驗，仲有一d日本傳統玩具，挑戰成功仲可以獲得小禮物😂 而餐廳亦有得買淡路島洋蔥嘅唔同產品，我食完成餐都心郁郁想買個洋蔥湯返去😻 食左個“雷神”Sukiyaki Set，勁豐富，可以食到唔同部份嘅近江和牛，超飽足~ ✨Welcome Drink - 係十分清甜嘅淡路島洋蔥湯🧅唔鍾意洋蔥味的我都好快飲晒😋 ✨前菜 - 有胡麻豆腐、海參漬、空豆，勁鍾意佢個豆腐，質地似布甸，而且好香濃黑芝麻味🧡 ✨紫菜蒸蛋 - 蛋香同紫菜味道融合，嫩滑無比🥚 ✨和牛刺身 - 有牛肩位同肉眼部位，夾埋洋蔥青瓜，再沾個汁一齊食，味道好夾👍 ✨野菜 - 當然唔少得淡路島洋蔥，口感爽脆，好juicy，而且好甜，冇平時洋蔥嘅嗆口感覺🧅🍄‍🟫野菜盤底仲蒟蒻麵，幾彈牙又入味！ ✨Sukiyaki - 嚟到戲肉🤩可以食到近江和牛嘅肉眼、西冷、牛肩位，由淡食到濃，感受到不同的滋味💯我最愛西冷，牛味好濃郁，油脂分佈平均，加上糖烤過，極惹味，送飯一流🤤仲有得望住師傅即場整，大飽眼福👀 ✨和牛碎炒蛋飯 - 個蛋可以控制到好滑身，配埋好清新嘅漬物食，又幾解滯🥰 ✨赤麵豉湯 - 飲到少許麻椒味，幾過癮~ ✨黑芝麻雪糕 - 質地好幼滑，食到滿滿黑芝麻味，好滿足🍦