抱著一試無妨的心態到這家連粵日。

店算是容易找的，就在木球會對面。認同其他食家的評語，這店真的有點像樓上cafe。店不大，只可容納廿人左右。日式裝潢，倒算是下了點心思。食物選擇不多，我們點了以下的幾款菜：

醉溏芯
味道不錯，帶點甜，也有點煙燻的味道。只是「醉」一字略嫌牽強，酒味不足，只能在蛋下的汁中感受點點酒的味道。


蝦多士
當然不能跟最著名的幾家餐廳/酒樓相比，只是入口尚算鬆脆，在千島醬汁的襯托下，仍是美味。

梅子雞翼
炸雞翼上鋪上梅子粉。不太特別。只是粉算是均勻(粉薄一點更好)，炸的時間掌握尚可。


麻香田毗
即田雞脾。每隻都很大。上菜時已嗅到很香，類似孜然粉+花椒的味道。入口的確很香，很快也感受到舌頭和咀唇有點點麻痺的感覺。有趣。


清湯蘿蔔牛腩
全晚最好的一道菜。湯很清甜，蘿蔔也煮得腍。牛腩嘛，尚算可以，但未夠鬆軟。隨煲附上的辣豉油很惹味。

另外我們也點了清酒。值得一讚的是，店主會奉上幾款不同大小受圖案的杯讓我們自行選擇。有心思。

總括而言，這家小店的食物味道尚可，但由於選擇不多，菜也不算做得特別出色，只能說是不過不失，一試無妨。

經食家朋友介紹，男友帶左我黎試一試。

訂左位，但我放工比較遲。遲左15min，我地心裡面都唔好意思，但又奇怪冇人打黎催。心諗，今日happy friday，會唔會冇位ga

點知上到去，係一個寧靜格局。成間鋪應該唔多過5台客，而且起碼有4台都係日本人。

我地揀左bar台坐，因為可以欣賞師傅的鐵板燒。鐵板前有3位師傅，其中一位好明顯係最senior既，係日本人；另外兩個就係香港人。包保可以照顧唔同既客人。

打開餐牌，見佢有好多選擇，有刺身、料理、定食、鍋物等等。我地點左納豆冷豆腐、燒玉子、薄燒牛肉、西京燒銀鱈魚，同埋一個燒醃雪花魚(唔記得左個菜名)。我地發現，呢度既食物多數都係$50、$80左右的價位。(當然，仲有鐵板餐可以揀，有佐賀A5牛食tim~ 價錢幾百蚊一位。見有其他客都係叫set既，賣相都好靚。)

燒玉子。一上場已經係一個「嘩」。以為細細份，點知係一碟6件，仲要係大過往日食果d。味道方面，佢唔係我地往日0係壽司店食果d「甜耶耶」果d，係鹹鹹地，只係用左日本醬油整既味道。我自己就鍾意呢個味喇~睇下大家鍾意甜定鹹啦

薄燒牛肉。強烈推介。只見師傅三兩下手勢將牛肉翻幾翻，中間夾左dd爽脆的菜。

西京燒銀鱈魚。熱辣辣上枱。好味，不過我同男友都覺得其水平同其他日式餐廳差不多。唔算驚喜。

燒醃雪花魚。如果叫佢，記得叫碗白飯伴一伴，真係幾鹹。

納豆冷豆腐。其實兩樣野都考唔到餐廳的「功力」，因為都係買貨返黎賣。不過以前菜/冷盤黎講，呢個菜都叫得過。

呢一次之後，我地仲「食過番尋味」再黎食，仲試埋佢既赤身、酒煮蜆、煮牛肝，全部都令我地有「意外驚喜」，赤身好新鮮，酒煮蜆好淡淡地同埋好香，牛肝煮得好入味又惹味﹗

加埋環境舒服，師傅的介紹又好，值得再去呀﹗

男朋友生日，打算食d特別d既野。入開白泥睇日落，順道就黎流浮山食海鮮。

我預早幾日打黎明記訂位，當我順手問老闆「兩個人應該要叫幾多隻黃油蟹﹖洗唔洗而家訂左先﹖」等問題，老闆都禮貌地逐一回答。仲話「兩個人，一隻好喇」~果下已經覺得老闆唔hardsell~

由於係星期日，都幾多一家大細黎食，訂位冇走雞。環境方面，明記既裝修係一般街坊式酒樓咁，但算係好企理，而且乾乾淨淨。點菜既時候，靚姐仲叫我地出出面既「海鮮檔」一齊揀。

我地點左一隻黃油蟹、兩隻瀨尿蝦，仲有辣酒煮東風螺同清蒸斑頭腩，仲有。最先上場既係白灼瀨尿蝦。白灼雖然係好簡單既一回事，但要係食材新鮮的店先敢整，0係冇調味料的掩飾之下，食材好醜一食即知嘛﹗而呢兩隻蝦，份量一望已經係重量級，食落去亦十分鮮味，肉厚而香。得意既係我第一次食瀨尿蝦係可以食埋佢個「槓」位，都幾多肉食ga

辣酒煮東風螺同樣好新鮮爽口，辣汁的味道調校得宜，既有dd辛辣的刺激，但又唔係搶左d螺既鮮。清蒸斑頭腩的味道都唔錯，但冇咩驚喜，賣相亦都唔太靚……

最後我地呢個金黃壽宴的主角—黃油蟹終於出場喇﹗ 一打開佢—嘩~真係成隻蟹都係黃色ga~食落去有好濃既蟹同埋黃既味道，蟹肉加埋黃，好rich又好滑﹗果種食到邊都見到黃既感覺亦都好good~ 雖然佢蟹仔細細，但兩個人食，又想叫下其他野食既話，真係食一隻就夠喇~ 老闆果然冇講錯﹗

值得一提既係明記10點鬆dd就唔落新單ga la~要叫其他小菜既話最好就就時間。

食完呢餐金黃壽宴，我地兩個都好飽。靚姐仲會送上薄皮靚橙等大家可以去一去食完黃油蟹的heavy的感覺。0係靚姐們開始執緊野做清潔既時候，仲同我地傾偈吹水tim~

總的而言，呢度的街坊式經營，招呼和食物質素俱佳，價錢合理~食到靚野又食得開心，遠d都係值得既~

因為大家都聽講呢間熟食中心檔仔的食物唔錯，於是我同一班朋友仔0係某個星期五黎試一試。

以下係我地叫左的菜同埋評語：

冰鎮鱔球
唔知點解，鱔只係以常溫的姿態上碟，談不上與冰鎮有任何關連。味道ok，如果真係凍的話應該幾好食既……我地有d失望，因為冰鎮都唔係好難做，實在唔應該hae客……

煎蠔餅
冇咩蠔，d蛋整得勁老

蒸扇貝
冇咩粉絲，d粉絲又碎既，扇貝又係整得老左

椒鹽鮮魷
少鮮魷都算，最離譜係一d椒鹽都搵唔到，d炸漿好厚，炸到好硬，而且係「吉」口果種，男朋友仲食到有dd「益」味

炒通菜
全晚最好食既一碟，d醬好惹味，而菜亦都好爽

旦家雞 (半隻)
算係咁，應該係用新鮮雞整既，不過就唔算滑

咸旦蒸肉餅
不過不失

粟米羹
好稀，食兩啖已經唔想食

熟食中心檔口應該係一個臥虎藏龍的地方，我地唔係要好靚既環境，但我地對食物就有咁上下要求……其實我地叫我野都已經唔係好難整，但真係冇諗過，呢度可以整d咁既食物畀客食﹗失望﹗

剛剛的生日飯，男朋友揀左Brasserie on the Eighth

食物的選擇都算係咁，而且都價錢都算係ok。我同男朋友叫左一個4-course set同一個2-course set (with wines)

4-course set
=龍蝦湯：算幾香濃，但奶/cream味好似重左dd，蓋左dd龍蝦味
=煎鵝肝：賣相靚，整得好香口，食落好creamy
=羊架+大蝦：大蝦肉夠厚，而廚師冇落多餘的調味，食落去有煎的香也有蝦的美味。羊架外層脆脆地，d肉又好夠嫩，廚師將medium的要求掌握得恰到好處。
=dessert sampler：一次過可以食到咁多款甜品，一望已經心曠神怡。有tiramisu、chocolate mousse、雪糕等等，有呢個dessert sampler的選擇真係good!

2-course set
=starter platter：有幾款appetizer，最令人印象難忘的是鴨肝、帶子同香芒蝦salad。鴨肝伴住麵包多士，又脆又香；香芒汁就好清爽，蝦同帶子都整得好出色，好適合用黎做appetizer
=seabass：個魚煎得好香，但又唔會好油。用刀切落去的時候發現佢d肉仲係好嫩，真係時間校得剛剛好，一熟就上碟。個魚咁厚肉都做得咁好，抵讚﹗

其他
=餐前麵包+sauce：麵包藍放左三至四款麵包，有脆有軟，有厚有薄。食得出全部都好新鮮，搽佢提供的吞拿魚醬更match﹗ 個醬落足料，而且幾開胃~
=一白一紅。兩隻都好順好易入口，白的味道仲好清tim~

服務
=Waiter哥哥好識做，除左基本動作幫我搵野放起d花之外，仲識幫我地精打細算。佢recommend我地叫一個4 courses同一個2 courses，咁生日果個就可以享用4-course set 的半價優惠(HSBC有卡主食既野可以有50% off)，會抵d。
=另外，男朋友訂左蛋糕。佢地都0係適當的時候拎出黎，仲絕不欺場唱埋生日歌~ 之後仲會幫我地分埋個cake，整靚先再上畀我地食﹗
=小小不足之處就係佢地有幫我地影相留念。佢地都好efficient咁兩日後send到畀我，不過係「鬆郁矇」果種……

同屋企人食飯，諗住扒王可以坐得舒舒服服，所以先黎食……

由於我同男朋友遲黎，我地到餐廳既時候屋企人已經食得7788。我叫左個窄身厚切牛柳，男朋友叫左另一款牛扒，我果份要7成熟，男朋友就要5成。

食物勁耐都未送黎，但成間餐廳都只係3成full都冇……上菜之後，我切第二刀時已經發現有好多血水標緊出黎，我男朋友果份都係……於是我地舉手同部長講，佢仲話窄身厚切牛柳係咁……但我諗兩份餐都同5成及7成爭好遠……而且7成熟的窄身厚切應該唔會只係個面7成熟掛……部長唯有係咁say sorry同幫我地換

等左差不多10分鐘份set先返出黎，今次兩份set都差不多9成熟，d肉勁鞋+"un"... 我的焗薯亦都係如圖示咁樣，一啖都食唔到……

如果佢唔係扒王之王，又唔係專食扒的話，我的要求可能唔會咁高……但如果係claim自己d扒係靚的話，請唔好糟蹋d食材，因為茶餐廳幾十元的一個扒餐都仲做得比你好﹗

知道師傅開show，我同男朋友專程黎睇+食。

師傅出馬，人人慕名去食。睇住條咁大既藍鰭吞拿魚已經食指大動，加上仲有師傅親自劏魚，令平日平凡的千兩變得不平凡。

師傅勁快手就劏好條魚，成間千兩大家係咁舉手叫野食，氣氛好好，師傅見到大家吞拿魚，仲會同其他人一齊大嗌tim~~ 後來佢整好左條魚之後仲拎埋出黎sell大家~~~搞到大家都忍唔住一叫再叫，一食再食……原來師傅好惡魔!!!!!

我同男友叫左吞拿魚鮫、大吞拿魚腩同香蔥吞拿魚飯，因為佢地全部都係由呢條即劏的吞拿魚整既。

吞拿魚鮫值100分，好軟又好滑，而且肉質好嫩好鮮美~~~ 大吞拿魚腩的味道相對比較濃，雖然冇咁細嫩，但就係另一種的肥美。Waitress都話先食魚鮫再食吞拿魚腩會好d﹗能夠食到呢兩款刺身，真係不枉此行。

香蔥吞拿魚飯做得幾香，係飽肚之選。

正當我地嘆緊刺身之際，我地發現師傅整緊燒玉子﹗惡魔又出現喇!

只見佢好用心咁整，完全理解d人話淨係學燒玉子都要學好一段時間﹗佢整好左之後，又開始拎住佢既傑作向大家推銷。無論百幾元一碟的刺身，還是這個十幾元的燒玉子，佢都自己出黎sell，真係好有heart!!!

總括而言，呢餐真係大飽眼福又大飽口福﹗

隨著社會的發展，大排檔也被當成了古董般快要搬到博物館裡去，或是被安排「上樓」，搬到熟食中心去。

相信只有在較平靜的新界區，大排檔才有安身之處。

這家嘉華藏身在屋村內，經營的是街坊生意。可能是處於大埔的關係，地方較闊落，可容納70-80人。雖然環境就是大排檔的粗枝大葉，有圓的方的大的小的檯，卻沒有甚麼裝潢和陳設。從大排檔內往外看，看到的是樓景、屋村的球場、花草和麻雀，也倒不錯。

這天點了普普通通的雞翼公仔麵餐配奶茶，還有星洲炒米。雞翼新鮮炸好，一口咬下去還吃到嫩的雞肉，加一點自製的辣椒油更好。奶茶的奶多了點，但茶味倒是香濃的。星洲炒米夠惹味，雖然顏色有點螢光……

在吃東西的時候，不時看見「樓面」跟熟客聊天，看著街坊把寵物都帶來了，齊齊吃個悠閒的下午茶，這種街坊生意的感覺比連鎖式快餐店的僵化笑容和服務好。

下次到大埔踏單車，不妨到這裡嘆一嘆這大排檔的風味﹗

呢日我同男友終於忍唔住，黎左和幸試試佢既燒肉。

入到去，地方闊落。我地張檯0係通道附近，餐廳就設了一道可移動的木框門，增加了點點的私人空間。

點了一個特選和牛拼盤(忘記了全名，menu上只有兩個拼盤，一個係牛，另一個係海鮮)和厚切上等牛舌。

牛肉拼盤內有西冷肉、牛肋骨肉、肩胛肉、胸腹肉和米沢和牛。拼盤的好處就係樣樣有d，可以試多幾款，而其中的米沢和牛仲係要成$350/100g(最少150g計)tim~絕對滿足曬大貪既我地﹗

我地先開始燒牛舌，waiter哥哥好友善地教我地應該點燒，仲久不久問下我地燒成點tim。牛舌因為厚切的關係，可以燒耐dd，一路燒一路自己「睇火」，都係一件樂事。我地仲發現，愈燒愈好，好爽口。

拼盤黎到之後，waiter哥哥話我地知邊隻打邊隻，仲話我地知我地可以加d鹽落去燒。我地發現，每一隻肉的味道同質感都唔一樣，好似西冷同牛肋骨的味就比較濃；和牛的味比較淡，但係佢既脂肪比例好平均，而且肉汁的味道清d。每款肉都係一熟即食，而且即時送到入口，所以肉汁好豐富；一路食既時候，可以欣賞每一種肉唔同的味道。我地試左伴檸檬汁、燒汁同鹽，發現鹽同肉的味道比較match，唔單止唔會搶左肉的味道，仲令到肉的味道更突出﹗不過，0係試既過程中，都發現牛肋骨肉同燒汁幾襯，而牛舌的確可以用檸檬汁配搭一下﹗

食到咁上下，我地連d燈籠椒同粟米都唔放過﹗自己燒燈籠椒同粟米都幾好玩，仲發現粟米都超甜，大家記得唔好浪費，食埋佢﹗

最後我地叫埋自家製芝士餅，各食家的確冇介紹錯，自家製自家燒，好特別﹗不過芝士餅上檯時甩皮甩骨比較醜樣，老闆娘有見及此都走左過黎講唔好意思，仲親自幫我地燒，當然，自家燒才最易燒出自己想要的芝士餅啦。把餅的外面燒得點點的金黃，看著芝士跟牛油呈略溶的樣子，視覺上已經知道係好味的，吃下去暖而軟，不失為一個令人滿足的甜品。

另外，需要提提的是這裡的服務。除了剛才提到waiter和老闆娘的例子之外，我發現，由我入去食野開始，到我走的一刻，佢地是但一個，每一次同我講野都唔係只係叫「小姐」，仲能夠每次都叫埋我的姓氏﹗呢一樣都係好抵讚的。走的時候，老闆娘仲送我地出去搭lift﹗

食物、服務和環境都令人滿意，這個地方的確值得一去。

見大家的comments都唔錯，上個weekend我都同男友去試試。

地點真係好就腳，0係正朗豪旁邊，正適合行完街的朋友仔。

上到去熟食中心，發現環境都幾企理，而且幾乾淨，仲有好多唔同既食肆畀大家選擇。我地點左咖哩牛柳同咖哩雞肉農夫包。服務好，因為姐姐會將我地要既set送到我地檯上。

先試左個牛腩湯。肉味重而且料足，0係涉度仲可以食到好多料tim~落左dd茄膏煲，所以幾開胃。

農夫包好大個，打開左錫紙就feel到個包真係熱辣辣。

個包真係好得—好脆，而且裡面係好軟的。一邊點佢畀埋的咖哩汗真係一流。餡唔算多，但剛剛好，因為太多的話好易浸到個包爛容容……

由於我好鍾意食麵包，一邊點汁一邊食，我不自覺地仲食得快過我男友，最後仲食曬成個﹗往日0係其他地方食野，麵包通常都係閒角；而為左好好欣賞主菜，我地都唔能夠好滿足咁食……或者，翠苑係一個地方，可以畀麵包呢個閒角漂漂亮亮地做一次主角﹗0係我眼中，呢個包亦都係一個好有特色的麵包。