是日晚餐係亞姨請佢家姐(即係我老媽子)
一行5人.早2日訂位黎到都要等幾個字.

一入坐,矛頭直指一蚊雞,另加左一個4人餐同埋生炒骨,雞絲粉皮.

雞絲粉皮----似雞皮河粉多d.....
生炒骨-------好厚粉,唔夠色.
湯-------------味精湯
魚-------------普通
孜然骨------賣相差d,但都ok.
一蚊雞------其實都冇乜要求,但都總算唔係搵苯,有哂成隻雞.係鞋口少少.
芒果布丁---冇芒果味,超甜........

冇加一茶芥,
柢食.

星期六補返同老媽子食生日飯.
一行六人叫左半席$1380 "魚翅,海鮮,龍蝦"全包宴

先黎個乳豬------肥左少少,同埋同平時食果隻切法有d唔同.
雞絲翅------------非常一般嘅貨色,好難先搵到幾條翅
千島帶子卷------同我平時飲茶食果d扮海鮮卷一樣
蒜蓉開邊蒸龍蝦-咬落去就已經知係咩貨色...
XO醬爆鮑螺-----算係幾好.幾惹味
芝麻黃油雞------普通
蒸魚---------------幾大條,都係一般野,
乾燒伊麵---------呢個算係最好,起碼夠熱.
壽包---------------好鬼大個,足料.

$1380,睇落好似好柢,但完全係將貨就價.
如果裝修都食得落肚就可能值嘅,

琴日同2個friend搵野食.
佢話想食台灣野.
我之前都聽聞過呢間野d食評唔係太好.
所以叫左一人一爐諗住唔會太衰啦.

湯底係南瓜魚湯底
個爐好臭,加埋d煙入眼已經唔想食.
d料黎左-----牛肉我幾小塊(仲要唔知點解包住d苧頭),墨魚4小粒,
油麥菜,娃娃菜就幾多.

冇野飲跟,半價($1x蚊)加一杯珍珠奶茶(一般)
飽係飽,但唔係好滿足果隻飽囉

太座生日,一家六口原本想去北角東寶食飯.
但東寶要食18:00,費事趕頭趕命,唔想貴又唔想諗,就決定去六國.

19:00去到,差唔多入哂座.
野食唔太多,熱盤都幾少下,大概10樣左右.
燒牛肉鞋口.其他冇乜點試
仲有刺身壽司(款唔多,都係3-4樣).螺,龍蝦仔,蝦果d.
不過甜品幾好,有H記嘅雪糕任食同埋班戟,格仔餅,朱古力噴泉.

服務態度好好,一食完就有人走埋黎收碟.
唯一唔好就係多細路,走黎走去,仲要有幾個著滑板鞋,係個場飛黎飛去.好鬼危險.
同有2個肥仔.竟然攞d檸檬玩完之後擺返落去.
佢亞媽係格離都唔話下佢. 好野!!!!

埋單位位$218包加一,幾柢.

今日同老婆2個人的早餐:

6隻窩貼,2個菜肉包

窩貼10蚊3隻,同窩x大王果d10蚊5隻分別唔大,就係大隻d.
菜肉包皮幾厚.

如果唔係柴灣得佢一間真係唔會幫襯

禮拜六同同事踩單車,之後燒野食.
體力勞動前一定要補充下先.
門口真係麻麻地,d位又窄,地下又濕.

見到下午茶有個咖哩牛腩飯加凍檸茶$24+$2.
個飯黎到,細到丫......
仲要得3-4舊當中有2舊係牛根....
味道一般.

經濟差姐,唔使咁慳呀....

禮拜六燒完野食出返黎,幾個港島人去左明記食埋糖水先散Band.
去到見到門口有一大堆人,諗住冇啦.
點知原來係等外賣.
入到去,坐係樓下,陣榴槤味真係好勁.
我自己叫左個芒果涼粉($22)偏貴.
但比起柴灣樂軒台果幾間不堪入口嘅糖水好d.
幾大碗.同埋算足料.

但晚晚都咁多人就真係唔知點解.

一早計劃好同成班同事禮拜六放工後入大圍踩單車去大埔再燒野食.
佢地星期六冇任食,有最低消費,每位$60.
可以叫套餐或散叫,總之有10個人就叫($60x10)$600就ok.
我地叫左一個6人set $398

西汁雞扒 1磅
蒜茸雞中翼 1磅
洋蔥豬扒 1磅
黑椒牛仔扒 1磅
咖喱魷魚翼 半磅
芝士腸 半磅
玫瑰紅腸 半磅
廚師腸仔 2包
什丸 1磅
獅子狗卷 半磅
方包 1包
汽水或蒸餾水 6罐/支

再加左---6支綠茶($10支),黑椒牛仔扒 ＄62/磅 , 雞全翼 ＄40/磅,西汁雞扒 ＄50/磅.

野食睇落唔算多,一盤裝哂,但都差d食唔哂.
有亞姐幫你開爐,又唔使拎餐死.
食完拍拍羅友就走得.

80蚊,都ok嘅.

上個禮拜同老婆行旺角.差唔多8點去到金太郎樓下間莎莎.唔得,好肚餓,要醫左肚先.

扮日本嘅裝修.座位好迫,差唔多同格離唔識果個妹妹打車輪咁滯....
食食唔算得上好,但真係好柢,
十蚊三件三文魚壽司同鰻魚壽司我起碼食左6-7碟.
可能流量大,所以d野都算幾新鮮.
不過d飯散散地.

至於d面就真係麻麻.
去開旺角想食平價日本野可以一試.

係金葉食完飯,意猶未盡.
一定要食埋甜品先安樂.
去左滿記.
環境唔錯

我要左芒果白雪黑糯米.
白雪係雲喱拿汁.加埋黑糯米撈埋一齊.食到停唔到.
芒果已經係次要.