同一大班朋友係泉章居食完飯耳猶未盡，
就諗住去附近嘅甜品點再吹下水，
轉個彎見到Captain Tong就試下啦。

嗯，無期望都可以失望，
個Menu係整得好有特色，
但係甜品真係整得唔好!我點左好普通嘅薑湯湯圓，
啲湯圓明顯係煮個個人心急攪過佢所以表皮有少少爛，
薑湯唔香薑味，
湯圓啲餡都未煮得好透，
無流心。朋友叫嘅Apple Combo (其實係咪Crumble呢？！）
Size好大，所以大家都分黎食，
面頭嘅碎碎完全無Roast過咁，
零香口，
蘋果餡無特別，
仲無餅底，
食落口只有一堆粉末同無乜蘋果味嘅餡，
零分。

黎親佳記都唔係食糖水或者涼粉，
因為B仔涼粉實在太大兜，
兩個人真係食唔到，
而且佢最吸引人嘅，
始終都係獨門雞翼尖！！點左一碟雞翼尖，
咖哩魚蛋同豬皮，
再加一碗馬蹄露。

馬蹄露太甜，
果然黎呢到糖水真係唔係首選。

雞翼尖辣辣地，有蒜香，
真係食唔停口！
咖哩汁都好香口，
辣度適中

不過就真係太迫喇！
坐得唔舒服！

兩口子好鍾意黎呢間甜品店，
其實唔係佢嘅糖水有幾出色，
而係店有種屋企嘅感覺。今晚番風轉冷，
點個芝麻燉蛋白加兩粒芝麻湯圓，
蛋白係新鮮燉起嘅，
芝麻糊都係自己磨，
唔會太甜，但芝麻唔夠香，
冬天真係好鍾意食湯圓，
暖胃一流。

之前上網search醬油蟹個陣都有搵到醬缸，
不過最後食左韓松，
今日有咁橋得咁橋朋友想去食部隊鍋，
於是又黎左呢到！

無book位嘅情況下等左一陣位，
餐廳比較細，位置少，
但係都好有韓國餐廳嘅氣氛，
侍應都有韓國人，
好有禮貌同好攪笑！

三個人點左個部隊鍋、泡菜餅同人蔘雞鍋。前菜有四碟：
﹣冬菇＋燈籠椒
﹣類似中華沙律
﹣泡菜
﹣魚蛋片

四碟味道都好好～
仲無限添食燒餅食完先記得要影相所以無影到
部隊鍋材料好豐富，
唔算好辣好多人都食到，
份量比想像中細，
不過咁都好嘅可以食多幾款餸，
芝士可以再多啲，
因為食到最尾湯底都唔算好厚身／好濃郁芝士香味

人蔘雞鍋隻雞幾滑同稔身，
湯身係偏淡口，
會附埋鹽俾大家添味。

呢間嘅生蟹同生蝦都要兩日前預訂。

突然懷念起係首爾旅行時食嘅醬油蟹，
一直都好想帶男友去試試呢款咁特別嘅佳餚，
於是特別上網搜尋，
搵到韓松韓國料理。

一心去食一餐好嘅，驚去到先無位掃興，
所以book左八點兩位。

韓松有兩層，
下層大概可以坐到30個客到，
上層都可以坐到40個客到，
唔算好刻意裝修但係好有係韓國個陣啲餐廳嘅氣氛，
侍應有講廣東話都有韓藉人士，
好好招呼好有禮貌！

兩個人其實唔食到好多野，
一心要食醬油蟹$400/2隻諗都唔諗就點左，（侍應表示可以點$200/1隻）
有左係韓國食蟹嘅經驗，
推薦男友一定要點多個白飯！

食一碟餸確實有少少寡嘅～
考慮左好耐又怕食唔晒，
不過侍應就認為我地係食得晒嘅就點多個炖牛尾。餐具包裝得好別緻！
包裝紙就係餐紙，
打開仲有instruction教你邊樣野擺邊個位，
好可愛！前菜有六碟：
醃蘿蔔﹣酸度適中，開胃，又唔會嗆喉
大荳芽菜
泡菜﹣少少辣，好脆身
豆腐乾
唔知咩菜
沙律醬油蟹上菜喇～
勁興奮！
唔知係咪冬天蟹季，好多膏！
都好多肉！
呢間整嘅醬油無我係韓國食嘅咁咸，比較甜身，
唔知係咪調較左香港人嘅口味，
醃到透身嘅蟹肉肉質好稔，
同啲蟹膏一樣質感，
男友形容似食緊海膽
嗌白飯真係無錯！
醬油蟹同白飯真係絕配！

不過呢種蟹嘅殼都算硬身，
同好多尖位，
食個陣要好小心，
因住會吉到口燉肉係韓國人另一道拿手菜式，
呢款燉牛尾睇落細細碟，
但都有成8-9件，
肉質非常軟熟，
牛味好香！
好入味～

男友仲要點多一個白飯添～

雖然兩個細食嘅人食飯係好難點菜，
但今晚嘅晚飯令我地都非常滿足！

今晚去左食男友最愛嘅綠燈俠套餐
呢排攪嘅超人套餐個包裝係幾靚嘅！
不過老麥依家愈黎愈孤寒！
薯條愈黎愈少今次呢款包有薯餅＋煙肉＋漢堡扒係入面
不過唔係足三両／黑椒漢堡個啲靚啲嘅漢堡扒，
都係普通漢堡扒

個包有兩隻醬汁係入面，
味道其實ok
不過薯餅又唔整餅圓形嘅，
食食下又無晒薯餅

以呢個市道黎講，
老麥係比較平嘅快餐，
都可以俾啲heart掛？！

一個人一碗米線查實岩岩好，
一個人嘅晚餐，譚仔三哥都係我嘅常選之一。今日嗌左腐皮豆卜，小辣
腐樣索晒啲湯，又滑
豆卜就一般，煮得唔夠稔
米線偏稔，但我鍾意食稔身，所以都ok香港地食個飯就算加個野飲都係三十幾
我淨食仲30蚊有找，算係咁啦！

希臘小白屋係呢間Cafe嘅裝修主題，
由情侶拍拖到三五知己聚餐都好合適，
最令我驚喜嘅係呢到嘅食物，
一般黎講“Cafe”嘅食物都有少少貴夾唔飽，
或者係價超所值，
不過呢間ECF Cafe嘅食物真係唔錯喎！我今次點左個羊脾扒set dinner，
有個南瓜湯幾香滑，
送湯嘅蒜蓉多士烤得非常香口！

個Main dish好有份量，我見隔離點嘅ECF四重奏、豬腳都好大碟！

羊脾好稔身，
無咩筋位，
羊味就一般，
不過唔算雪藏肉。

佢個menu仲可以散叫意粉，
有十幾款餸俾你揀，
朋友點左忌廉汁西蘭花雜菌長通粉，
我無試到，不過貌相唔錯。

Friday night又踏入秋冬mode，
梗係去間好啲嘅火鍋店十十下啦～

鬍鬚安係男友嘅至愛，
雖然有少少格涉，
但都無礙我地去大飽大餐嘅決心！散叫永遠都追唔上任食嘅價錢，
但係食物質素就絕對係拋開任食火鍋店幾條街！今日叫醉雞鍋，
一滾起，個陣花雕香味就飄晒出黎手切肥牛例牌
話就話頸脊味濃腩位稔身，
但呢碟頸脊一樣唔韌，
厚薄適中，滾幾秒就食得，
牛味一流呢個蟶子皇必嗌！
咪睇佢咁大隻，滾兩滾已經食得，
爽到不得了！
不枉老細每日親自去街市揀貨，先有咁有保證同新鮮嘅食材！今日試左呢個貝，唔記得叫咩名，好似係“黃蛂”
每隻都再切細片，
伙記們叮囑我地唔好一次過落晒，
要逐塊灼，
味道同口感都似象拔蚌，
不過太細塊唔夠過癮墨魚滑真係不得了～～～～～～～
又係爽口彈牙到唔識形容！！！
唔係講假唔係吹水唔係誇張！
必試！薯仔墨魚丸＋潮式蝦丸
薯仔墨丸係一款幾特別新穎嘅野食，
滾起左啲薯仔會融入粒墨丸，
你就發現原來啲丸溝左薯仔係入面可以咁好食！
蝦丸即刻比下去，
都好食，但無特別我地點菜個陣已經得番半份西洋菜，
老闊好好人俾我地要半份
好彩咋！
兩個細食人差啲食唔晒啲野！

鬍鬚安真係好值得一黎再黎！
佢款式唔算多（想一餐飯食晒全世界嘅朋友唔好去），
但質素一定俾到你！
舖面細細間，但感覺好warm好有細個係屋企打邊爐嘅感覺
男友幾年前係到食過琵琶蝦之後好懷念但之後一直都撞唔到有貨，
伙記叫我地下次早兩日打去訂位＋落Order，
老闊就會係當日落街市揀俾我地，
好期待下一次再黎！

沙律是我今晚嘅target
本來想去Pizza Express但太多人，
行行下就去左海港城嘅Dressed今日揀左個“五星Five Star”沙律有我最愛嘅baby spinage
另外有烤牛柳、Goat Cheese、露筍、煙肉，
令我驚喜嘅係啲提子乾
連埋肉，菜一切食有少少甜味，幾得意
不過個汁就有少少“確”喉
食之前要撈均啲

上次食過個雞肉沙律啲雞肉勁“鞋”
今次啲牛柳就無呢個問題
仲好足料好大兜
我仲想佢多啲菜少啲肉