又係一個温暖既家庭日去必勝客食晚餐。 平時都係叫開叫蒜蓉包做前菜，叫2-3個意粉加一個大批4個人食。今次特別D，想食香口野同新野，我地就叫左燒雞，大蝦Salad 同新出既芝士扭扭批。新鮮出爐，香碎既面包，再加溶為一體既牛油同蒜蓉，真係絕配 。係一個好開胃既前菜 (Good!)今次試呢個燒雞真係冇令人失望，非常入味非常香口，相信Pizza Hut 一定係落左秘製香草!!令人食上癮  。薯條既質素都唔錯，唔會林晒咁，好似即炸咁香!!!有田園既風味!!佢用左Pizza 薄批既砰片做底，好特別既配搭最後到主角芝士扭扭批LA，我地都爭住玩佢個扭扭芝士粒，試過差D拉到去隔離台都未斷，係香濃既芝士先伯做到咁，玩玩批邊再食埋D Toppings ，我地都覺得呢個批"抵玩又抵食"

觀塘有間出名既關西燒, 於是我地就抱住一試既心態去試試.
可能因為真係好出名同好好食,一去到見到人山人海. 最後等左半個鐘先入得
入到去睇到有一份專係for關西燒既menu因為未試過,所以叫左一杯(姐係一個餸)

黎到啦因為我地坐係bar枱,所以可以睇住佢點整,一開始佢會麵粉醬,之後會落菜同餸,最後係底到加隻蛋.再加上特別既燒汁同沙拉醬.
一食落去, 嘩!真係好好食,麵粉醬加上煎蛋既味道,配合埋生菜,醬汁味道濃郁之如,又唔會覺得'留',而且真係好足料,又唔係貴,真係物有所值!之後章魚炒面.比起關西燒係有D遜色既,,但係同樣味道濃郁,又足料,有超多章魚食!~雖然等左半個鐘,但係我覺得係值得等既.真係值得大家一試~~

今日去左紅磡試下開左近50年既香港人漢堡飽, 咁咩係香港人既漢堡飽呢? 
就係尼間時新開既時候,香港係未有快餐店賣漢堡飽架. 果時老闆就引入左外國既漢堡飽,加上自己既整發,
就變成左港式漢堡飽啦.
聽就聽得多,但係今日終於可以試一試.
入到去就覺得有D懷舊feel,唔似連鎖快餐店,佢冇特別既裝修,就好似以前D冰室咁.
好啦,我就叫左個芝士蛋漢堡黎試下.時新計錢就好得意既,一開始就個飽既錢,之後一層就加$2.
由於我唔係幾餓,所以就加層蛋同芝士試下.
之後要簡汁,我就緊係試佢特製既沙拉汁啦.
食一啖,同M記既飽真係好唔同,首先,個飽好脆,真係好脆,平日食果D飽都放係counter到一段時間,
咩口感都冇晒,但係時新個飽底係你叫先整,所以好脆.
之後就係層漢堡,又同其他快餐店好唔同,因為有好多洋蔥,仲有D肉根,所以咬落好好口感.再加上蛋味同芝士味,真係好好食.食完一個會有慾求不滿想食多個既感覺.
香港人平時食外來貨都食得多啦 所以我覺得係要試下D香港味道既!~~

是咁的，今日我就尼到深水埗挑戰明將壽司，甫到店前就見到一班在等候，我想都係同我一樣既不知天高地厚既人，敢用區區人類既軀體去挑戰明將既壽司。但係我其實係一個有多次挑戰明將而且幸存下來既生還者，今日我要挑戰更重口味既野，一於食窮明將。
等左二十分鐘，終於可以入去打大佬，一坐低，就橫掃運輸帶上既壽司，三文魚，鳗魚，蟹籽，中華沙律，味付八爪魚等等，對於我身經百戰既明將戰士尼講，呢d sushi只係一d無名小卒，二三下散手就殺掉。呢d咁既貨色，尼多十萬大軍都遊刃自如。就正如rpg 中既史萊母咁 一刀一隻，完成傷唔到我一根寒毛。打得多小卒都悶傢啦，等我叫侍應尼上番幾碟中boss先，先尼既係倩魚。一口咬落去，唔錯倩魚中帶有一種海洋既腥味，比我一種接近海洋既感覺，咬多下，仲有一種彈牙既口感，彈牙既魚肉，非常好。下一碟係墨魚，明將既墨魚非常有特色，有一種異常既彈性，比得上我食既香口膠，令我食一種食物，有兩種感覺。仲有墨魚咬落一種膠袋味，我想這是墨魚無聲地控訴海洋的污染。接下來到打大佬了，上希靈魚三碟，希靈魚- 是明將令眾人所恐懼既big boss。我一定要打敗你。我吃了第一碟，感覺它的氣味在我口腔同喉嚨擴散開去，我沈著氣食第二碟，視覺開始有少少不清。第三碟食完後，我要用到我既內功阻止其毒進攻我既五臟六腑。回一回功，深呼一口氣，終於戰勝大big boss,還只是險勝。喝下一杯淡如水既茶，一個箭步走到收銀處，放下70元，說：tips來的,不用找，這場戰鬥很有趣，後會有期，然後頭也不回地走出餐廳。
如果係平常既食評家，這些食物一家會被評為垃圾，但識英雄論英雄，我既好評同食物滿分係比這場緊張刺激既戰鬥既！完。

位於銅鑼灣的小街的沛公甜品以白色和青色的配搭，以及落地玻璃窗，凝造出簡約而且空間感十足的氣氛。 燈光、室內溫度都適中。食物的掛畫拼湊出一幅滿有美感的特色牆。1. 青檸芝士千層班戟
賣相不錯，做到千層的效果。
有淡淡的青檸香味，十分吸引。2. 榴槤脆軟軟的榴槤餡料，與脆卜卜的多士皮 是絕配。
味道和口感與預期相約，唯因即叫即做，等的時間就較長... 

平時食飯固然食咩都無所謂，但平安夜同情人過當然要搵間好少少既餐廳啦！平安夜已經決定左去尖沙咀海旁行下，所以都預左係附近搵間餐廳食晚餐。平安夜間間餐廳都好多人，所以等左一個鐘先入到去食，特別日子依個等候時間都合理啦！

叫左個dinner set，有湯有飲品，仲有一份前菜，三份主菜加埋甜品。個湯係羅宋湯，入面既菜唔多，味道唔似平時咁濃，算係幾清淡。前菜係三文魚沙律，三文魚幾新鮮既，佢有特別既醬汁，所以個沙律既味道都幾有特式。主菜比較上濃味，有麵有份鐵板餐加個菠菜煎餅，個麵既忌廉味好重，而鐵板餐加左好多茄汁酸左少少咁多。不過個菠菜煎餅都值得推介，唔會太焦同太乾，唔會好似出面既煎餅因為煎太耐變得好硬好乾，加上鐵盤上可以保溫，味道方面又唔會太咸。飲品唔係得汽水，我地就叫左橙汁同牛奶抹茶。甜品都有兩三個選擇，我地就選擇左芝士餅同焦糖燉蛋，餐廳有特別裝飾下個碟邊，雖然份餅相對真係好細份，芝士餅味道無特別，個燉蛋唔錯，唔會話太老，又唔會好甜。大致上，餐廳既氣氛真係幾適合平安夜，侍應既服務質素都幾好，縱使平安夜好忙，但都保持微笑。食物既味道都唔錯，多人食既時段但都唔會hea整。咁既日子中等既價錢，可以食到full dinner set都算合理啦。

同朋友約左去食韓燒，本身覺得有D貴。但係食完就覺得幾正我地叫左個雜綿煲，酸酸辣辣咁幾開胃幾正。
個煲都好足料好惹味，入面有豆腐有菜有肉，個個都岩食。最後我地就梗係有食韓燒啦～！
幾香口幾好食但係個人認為份量有D少，食肉獸朋友可能會唔夠食。我地六個人都叫左四五碟。

我同一班朋友都唔太食辣既
但係呢度既食物都可以滿足到我地既味覺
佢既芝士蛋卷好似食緊冇飯既蛋包飯😋😋
蛋入面有勁多芝士
另一重點推介係芝士薯條
熱脆既薯條加埋芝士粉真係好正
佢既麒麟干好似魷魚絲做米酒既下酒菜一流👍👍

打邊爐為了可以食耐少少，唔洗比人趕走又可以搵到個地方落腳傾計。平時平平地會去吉野家，但今次係慶祝生日當然要搵間好少少既。以前都試過食旺角個間，但個間經常都好多人排所以都相對比較嘈。黃埔依間比較靜，兩個人橕枱腳依間相對上會適合少少。依間本身都係sell牛，所以牛肉都唔錯。但牛涮鍋既特別係湯底上，有一個好特別既壽喜燒湯底，不過唔夠膽試。而佢既打邊爐材料都同酒樓有少少唔同，例如芝士丸係炸魚蛋入面有芝士，而且食物款式唔算少同埋都算既新鮮。而飲品上面，唔止有汽水，仲有提子汁。最特別甜品，有泡芙，仲可以自制雪糕。大致上，環境適合二人世界，食物都唔錯，侍應既服務態度都幾好，會定時收盤走。

上個星期同朋友去左鑽石山既別府食野，叫左兩款野食。一個係石頭鍋飯，而另一個就係一個西式pizza。本身覺得係日式餐廳食pizza好似有D奇怪，但係食落口又幾好食。味道酸酸甜甜，幾開胃，而且個人偏好薄底既pizza，薄脆既口感一流！！！而個石頭鍋飯亦都整得唔錯，一上檯熱辣辣咁，飯同D餸都燒得好香~~~