其實只係食過幾次，唔知點解好似變咗熟客仔，個老闆娘真係好好人，幫我地設計了一個情人餐，最重要係價錢大眾化

心心湯碗夠晒浪漫，如果平時都用呢啲碗就好了

前菜係凱撒沙律，可能係因該二人餐，感覺個份量好多，滿滿的一碟菜

芝士焗龍蝦配薯菜，放係心型碟上真係好得意，隻龍蝦都好大隻，啖啖肉，芝士又夠香，不過食隻蚶果陣就有少少難搞，要出動隻手先開到黎食

之後仲有個芝士蜜糖炸雞、和牛、甜品心太軟，不過掛住食都唔記得影相了⋯⋯

炸雞配芝士同蜜糖，初時食有啲怪，又咸又甜，不過食落又幾好食，最適合配酒飲， 可惜我地唔飲嘅

之前有試過晚餐，今次黎食下午茶，價錢都算抵食。今次叫咗個6吋pizza，相比某個連鎖品牌，呢度啲pizza好太多了。首先芝士係用意大利嘅，所以芝士味真係好重，食pizza芝士係好重要，雖然係迷你pizza，但都一樣好足料

可惜下午茶得兩種選擇，晚餐多好多呢⋯⋯

上次食唔到蚵仔煎，今次補回

啲料都算足，每啖都有蠔仔係入面，而且啲蠔仔都幾肥美，成個餅底唔多粉，個汁好好味，不過一個人食真係好飽好滯，食完蚵仔煎已經食唔落其他野⋯⋯

豬腳肉，其實本身舊肉無咩特別，我估個重點係個汁度，酸酸地，甜甜地，好開冑，做小食一流

忙碌了一星期，終於到了星期五，一定要獎勵一下自己先得。



黑松露蘑菇湯加卷卷牛角包，湯比較creamy, 加上淡淡嘅黑松露味，飲完好有充實感


咖哩牛肋條飯，是珍珠米啊
牛肋淋淋的，很入味，裡面有翠玉瓜、紅蘿蔔等蔬菜，感覺均衡一點，食多咗都唔怕



軟殼蟹pizza 配蛋黃醬，睇個樣就已經夠晒吸引，切開餅底烘得比較硬，不過配埋軟殻蟹，感覺都幾特別，又軟又硬又有醬，好食到不得了

無去一排，見門口唔同咗，仲以為換咗老闆，入到去，仍然見到果幾個呀姐，原來係換menu, 多咗好多款式，又有啲輕食啲嘅粉麵餐，感覺新鮮咗。
不過呢日小妹比較餓，都係食石頭鍋飯飽肚啲。
意房菜的相片 - 旺角
牛肉石頭鍋飯，比想像中大碗，一擺低就聽到咋咋聲，好明顯即整夠晒熱，啲配料多到遮住咗隻蛋，所以係好難撈混，要邊食邊撈。
啲牛肉好淋，夠晒味，不過啲泡菜就唔夠辣，最驚喜係食到底竟然有好多脆脆飯焦，好香口，真係好正

無去一排，見門口唔同咗，仲以為換咗老闆，入到去，仍然見到果幾個呀姐，原來係換menu, 多咗好多款式，又有啲輕食啲嘅粉麵餐，感覺新鮮咗。

不過呢日小妹比較餓，都係食石頭鍋飯飽肚啲。


牛肉石頭鍋飯，比想像中大碗，一擺低就聽到咋咋聲，好明顯即整夠晒熱，啲配料多到遮住咗隻蛋，所以係好難撈混，要邊食邊撈。
啲牛肉好淋，夠晒味，不過啲泡菜就唔夠辣，最驚喜係食到底竟然有好多脆脆飯焦，好香口，真係好正

半年前黎食過，當時已經覺得間野點解可以咁底食同咁大碟，想飽死人咩

今日路過見有位，又去食下
雖然係小鋪叫個二百幾蚊嘅黑安格斯牛扒餐好似有啲危，但經過今次，我諗我已經唔可以再去其他地方食了，因為要食翻呢個質素，出面可能要六、七百蚊。


跟餐有湯有包，紅湯味道夠晒濃，杰身，足料
同行友人飲白湯，試咗一啖，都係鐘意紅湯多啲



主菜上場，第一個感覺係，使唔使咁大塊，點食呀
幸好是跟薯菜，如果跟飯同意粉一定飽死
牛扒叫了五成，所以有點生，不過太熟會硬，我諗最多七成熟就夠了
可能之前對塊牛扒都唔係太大期望，因為二百幾蚊，仲想點先，點知食入口，係超呼想像咁好食
首先好重要係無雪味，係無咩調味嘅情況下，塊扒唔單無雪味，係食到牛嘅鮮肉味，食嘅時候最好唔好點汁，落少少海鹽調下味就夠。

上次同老公食完覺得超正，今次帶朋友去食。
三個女仔三個餐，飽到不得了。


無諗過餐廳仔都有羊架食，呢個羊架意大利飯好好食，首先羊架可以自己揀幾多成熟，哈，其實佢唔問我都唔知應該幾多成，最後我地話是但。總之最後出到黎果時係剛剛熟，而中間又有少少生咁啦！朋友話呢個口感超嫩，食到好香羊肉味，而且一啲雪味都無，好欣賞喎。不過小妹唔係特別好羊，所以基本上成碟都係朋友食晒。

話說呢間店自稱係用美國薯仔黎做焗薯，今次終於試到。首先焗薯賣相好靚，開晒花咁，而且好夠熱。食落口有淡淡嘅薯仔香，由於個侍應話可以配海鹽食，所以我地張舊薯切開幾份，有啲配碎蛋沙律，有啲配海鹽。小妹就鐘意配海鹽，因為可以帶出舊薯仔嘅甜味。

情人節陪老公去旺角買野，行到邊就食到邊，
估唔到竟然有驚喜。

首先係紅湯加蒜蓉包
湯嘅酸度同辣度剛剛好，當中又帶點甜味，而且濃度適中
蒜蓉包夠脆，浸湯一流，不過略嫌唔夠蒜蓉


什菌牛柳配扁意粉
牛柳好淋同好入味，個汁就普普通通啦，
扁意粉軟硬度適中，而且本身已經有味，就算唔撈汁都可以


日式吉列豬扒肥牛大碗飯
呢個真係有驚喜，本來以為係普通嘅炸豬扒，
但食入口鬆化又有肉汁，係超超好食


另一個驚喜係呢杯玫瑰花蜜
擺低果時白雪雪，搞搞下就變成淡粉紅色，
飲落口有甜絲絲嘅玫瑰花味，感覺好潤喉呢

無黎二個月，今日去開銅鑼灣，見有時間就入去坐下啦，
點知又有新野喎。


收銀隔離多咗茶嘅樣本，可以睇住黎叫茶飲


最吸睛就係部棉花糖機，咁近距離睇住舊棉花糖捲出黎，加埋香噴噴嘅糖味，實在令人興奮
再配埋雪糕一齊食，正呀
不過就甜咗啲，所以同人分享就會好啲囉。



仲有呢杯70%比利時朱古力，甜中帶點甘苦，面頭啲脆脆同雪糕一齊食，好味！

唔知係咪因為轉咗班哥哥仔，呢期啲雪糕好似大杯咗，感覺抵食番啲