大圍呢間西餐，食過就知高質，夜晚仲要有人唱歌，氣氛一流環境好舒適，好岩同三五知己一路享受美食一路傾下計 點左個二人餐，計埋加一先千二蚊，幾抵食 生蠔 雖然肉唔算厚，但勝在夠新鮮
味道鮮甜，一D腥味都冇，仲有陣陣海水味巴馬火腿配蜜瓜 咸香既火腿同清甜既蜜瓜，兩者互相平衡，好味蒜香牛油田螺酥皮盒 酥皮又香又脆又酥，餡料有炒過既菇同田螺等等，味道鮮美 蟹肉龍蝦濃湯 好香濃既一個湯
飲落每一口都係龍蝦既鮮味
而且仲真係啖啖龍蝦肉，真材實料香煎日本帆立貝蕃茄醬意大利麵 帆立貝煎得剛好，唔會過熟 令佢鮮味得以保留又唔會硬 蕃茄意粉酸酸甜甜，好開胃

慢煮美國威靈頓牛柳 呢個真係心機菜，每次見到餐廳有都必食 酥皮香脆，而酥皮同牛柳中間果層磨菇炒得夠乾爽
令佢鮮味濃縮晒，最重要係令到牛柳既肉汁唔會搞到酥皮又濕又軟
牛柳用威靈頓牛柳會係比較少見既慢煮，口感好特別草莓慕絲蛋糕、朱古力布朗尼 兩款是日甜品亦好高質
草莓慕絲香甜唔會酸，慕絲幼滑
朱古力布朗尼既朱古力味香濃，令人回味

呢間位於旺角黃金地段既火鍋店
唔單止有勁足料既湯底
仲可以無限時任食
真係完全滿足到食回本既慾望環境非常舒適，好岩慢慢食既然無限時任食，就梗係要點個最貴既套餐食返夠本啦野飲都當然係任飲，最特別係呢到既冷泡茶好，而且仲要好有水準有多款醬料，仲有調配推介添點左個養生姬松茸什菌湯底，勁足料，基本上成個面都係料一般出街食點菇類湯底都好搵笨，淨係塞D下價菇比你
但呢到既姬松茸係勁多勁足
而且佢既菇都好新鮮
你係真係會食到菇類獨有既鮮味點完湯底會送一個小食比你醫下肚
極力推薦食鹽酥雞，炸得好香脆極上Prime Grade霜降牛小排真不愧係Prime Grade
雪花超級平均，令佢食落充滿油脂香得黎，口感又軟熟又唔會膩
口感一流，仲有陣陣牛香
簡直係極品
比多少少錢點呢個套餐真係超值
極力推薦！西班牙伊比利亞黑毛豬又係勁靚既肉品
食落有濃濃肉香之餘一Ｄ肉騷味都冇除左豬同牛之外
呢到仲有多款海鮮等等既火鍋料任叫，超抵食帆立貝好新鮮，食落鮮味十足，煮完都唔會縮白鱔片好有魚香，而且爽爽地口感好正食完仲每人都有甜品
極力推薦呢款Dreyer's既靜岡焙茶雪糕
焙茶味香濃，甜度亦剛剛好

香脆既脆筒同香滑既雪糕，仲有杏仁碎粒，口感同味道都好有層次

車仔麵比人感覺都係求求其其，唔會好食得去邊
但呢間製作既食物全部都好有誠意
一定帶到驚喜比你款式都多，價錢亦唔貴 當中都有D係幾特別，平時見唔到既選擇你可能會問點解湯底黃黃地色，其實係呢到既招牌秘製雞湯底黎，真係未見過車仔麵都咁講究 呢個雞湯真係超正
入口會有濃濃既雞香，仲有股清甜
最難得係雞味咁濃得黎佢完全唔會膩，高質一喜秘製菜肉餃 餃子夠薄，肉量夠多，食完勁滿足特級瀨尿牛筋丸 佢真係還原到星爺套食神既瀨尿牛丸
食落口入面D汁真係爆出黎 牛筋丸更加係爽口彈牙生炸潮汕三寶 勁豐富，入面有汕尾馬鮫豬肉丸，有魷魚的魷魚丸，深海粒粒墨魚丸 其中最推薦就係汕尾馬鮫豬肉丸
因為佢落左D馬鮫魚粉落去，令佢食落口會有陣陣魚香，超回味
有魷魚的魷魚丸亦都真係有粒粒魷魚，食落勁鮮甜 爆料咖哩四寶
呢個咖哩四寶又真好高質
咖哩味比近相近港式咖哩味，但佢唔係一般茶記好hea果種
佢係香濃有層次既咖哩魷魚爽口彈牙 魚蛋鮮味十足 牛柏葉好爽口 牛腩又淋又入味

香港人講食pizza永遠都只會諗起某D大集團既港式pizza
但其實pizza都有分好多種，唔洗下下港式pizza既呢到係用左共享廚房黎做既，所以同一個鋪位會有印度菜，亦有韓國菜，我幾鍾意呢個概念，咁就可以將成本壓低，個差價就可以用黎提供最好既食物比客人 自製披薩 食新餐廳我就一定會點佢地自創既餐點，因為咁就可以最食到佢真正實力 pizza超足料，上面有ham, sausage, pepperoni, chicken, onion, bell peppers, pineapple同香港人食開既pizza有少少唔同，佢係薄D既，亦即係更加正宗

印度雞肉煎餅
既然都食得，梗係要食返D更加地道既食物啦 呢個印度式煎餅香料味超勁，令你食落會覺得好有層次 點埋佢地呢個特色印度醬就更加惹味

香港鰻魚飯專門店唔算好多，呢間就係位於旺角呢個旺區中既一間
而且仲要係更少數既炭燒鰻魚，梗係要黎食佢價錢唔貴，呢個價食到炭燒鰻魚飯，直頭抵 炭火蒲燒鰻魚飯 首先當然要叫呢到既招牌菜啦
果然名不虛傳
成個package都好有去左日本既感覺 呢到既鰻魚係偏爽口少少，食落好彈牙
最緊要係油脂味勁豐富，而且充滿魚香
加上佢惹味既鰻魚汁，同埋有陣陣炭火香
簡直無得彈 食鰻魚飯，飯都係一個重要元素
因為可以最食到醬汁呢個作為鰻魚飯靈魂既一環
呢到既飯都做得唔錯，軟硬適中有飯香
同惹味既醬汁非常之夾
真係淨係食飯同汁都夠食幾碗 其他配菜都唔錯
特別一提係呢個應該係用元貝碎整食既小食超好味，勁鮮，必食必食鰻魚海鮮炒飯 呢個鰻魚海鮮炒飯就更加惹味
每一粒飯都粘滿晒惹味既醬汁
令你每一口都大滿足 呢到除左有七味粉，仲有食日式鰻魚最夾既山椒粉
好有日本風味

商廈區cafe通常質素麻麻，食物似微波食物咁
但黎呢間就一定比到你好大驚喜，仲要有靚view有個落地大玻璃 可惜當日黎果陣係夜晚
如果係下午黎就應該好正食物唔算貴 餐湯幾濃郁，蒜蓉包香脆 無激素雞肉羅勒忌廉意大利飯 雞肉嫩滑，意大利飯食落口感creamy
香濃既忌廉同羅勒簡直就係絕配Season經典手打美國牛肉芝士漢堡配薯條 漢堡勁厚，超滿足 漢堡扒亦好juicy，有陣陣牛香薯條金黃香脆有水準 點埋呢個黑松露醬就更加之正 水牛城雞翼，炸得唔錯，外脆內嫩，味道幾特別 熱蜜桃烏龍 蜜桃味好清香

呢間位於沙田既西餐，不論係食物既質素定係賣相都係一流Iron Grilled Flank Steak先來個主菜，呢塊Flank Steak煎得相當唔錯
剛剛好七成熟，可以見到入面仲係粉嫩既肉色，咬落去有少少咬勁但係唔會韌，而且好juicy點埋佢呢個好惹味得黎唔會太濃味，又可以吊到牛肉味既燒汁就更加perfect就算係配菜都一D唔馬虎，瓜類燒到焦香，但落落去都係爆汁辣味芝士牛肉汁薯條薯條金黃外脆，食落唔會乾晒，仲食到薯香
芝士牛肉汁濃而不膩，茄汁都唔洗點Christmas S'more Waffle呢個窩夫有 朱古力醬、自家製棉花糖醬、士多啤梨、雪糕
外型係用棉花糖模仿聖誕樹，打卡一流
味道亦都好好
窩夫好香脆，配埋棉花糖同雪糕一齊食好正Earl Grey Pancake
Earl Grey醬有濃濃既Earl Grey香，但唔會苦
同鬆軟既Pancake好夾士多啤梨奶昔
奶味香濃，口感creamy，有陣陣士多啤梨香

呢間位於荃灣既泰菜都幾有驚喜，比起一般香港既泰菜新派D，味道亦唔錯選擇都幾多，價錢亦唔貴
飲品同甜品係一般香港既泰菜唔會有既，都幾特別阿薩姆鬼椒香辣炒飯超抵食既一個炒飯，個份量大到兩個男人都可以食得飽
最重要係佢味道相當唔錯，好惹味
雖然我只係叫左小辣，但係都可以食到阿薩姆鬼椒特有既層次冬陰功海鮮湯湯底好有層次，有多種香料既香炭燒牛肉串燒燒得剛剛好，牛肉軟熟唔會燒到韌晒
食落仲有少少焦香馬拉盞炒時菜
好惹味既一個炒通菜，馬拉盞味咸咸香香咁好送飯，通菜亦好爽口百香果X笆樂X綠研茶
都幾特別既組合，估唔到百香果同笆樂又幾夾喎流金歲月丹麥厚吐司
好邪惡好吸引既一個甜品
丹麥厚吐司香酥，唔會硬邦邦，口感一流
同朱古力醬同埋雪糕好夾

日本野未必岩晒個個香港人口味
但係呢間就將日本菜既口味好好咁調整左，成為左好岩香港人口味既日本菜
野食唔貴，好多野食不論個名同外型都好特別，岩晒好似我呢種，即係貪新鮮既香港人火山 上菜會燒一燒，打卡一流 入面有帶子、青瓜、牛油果、蟹柳
所以口感都幾多元，而且味道唔錯龍卷風沙律 沙律菜都幾新鮮，同埋都幾足料，有好多蟹柳日式章魚小丸子(6粒) 外脆內軟，岩晒香港人口味 蜘蛛 炸軟殼蟹新鮮炸起，口感香脆
仲有Ｄ青瓜、牛油果、蟹柳

呢間壽司店都出晒名高質，依家難得開到黎大埔，一食之下果然冇失望地方唔大，但係勝在乾淨企理，坐得好舒服 除左壽司之外，仲有唔同既定食，好似我咁大食都唔怕食唔飽 什錦壽司盛合 呢份壽司盛合價錢就最相宜，但係質素一樣高
每樣食材都好新鮮
火灸三文魚燒得好香極上壽司盛合 極高質，不負極上之名既盛合 中拖羅油脂味豐富，食完可以係口腔到口味 海膽鮮味十足 珍寶填蝦鮮中帶甜 最正係呢個火灸左口魚邊壽司
燒得好香，同時鮮味都保留得好好什錦角切魚生飯 呢個角切魚生飯係今日最大驚喜
佢大碗到一上台已經嚇親我
仲要係有勁多魚生
魚生更加係粒粒都好大粒
呢個份量真係一個正常男士齋食一碗都夠飽，而且會好滿足 螢光尤魚沖漬
食落會爆漿，好有趣既口感炸富山灣小白蝦 炸得好唔錯，金黃香脆，咸咸地，食到好想用黎送啤酒，肯定勁正三文魚軟殼蟹卷 軟殼蟹新鮮炸起，所以包係入面都好脆
同三文魚兩種食材既鮮味合而為一深海池魚刺身 食完之後有深海池魚獨有類似血味既鮮味係口入面迴盪，正