其實我本人鍾意食西式羊多過中式羊 之前都係食羊鞍多 原來另一個部位羊肋仲過癮 有咬口得嚟又保持到嫩口 皮脆彈性 有羊味但唔羶 雖然唔係好多肉 但食得好滋味 伴碟仲有原粒提子 白酒煮蜆D蜆好滑 有酒香+微辣 直頭係主菜份量 用麵包點埋汁 唔會出現得個殼嘅情況 Pizza簡直無限拉絲 百幾蚊呢個份量抵食 海鮮醬味道好出 鴨夠肉厚 沙律食到2種唔同Prama Ham 高級感即時up 龍蝦湯飄香 質地濃稠度適中 職員亦好nice 留意到我切肉有困難 主動俾把利D啲嘅刀我

一入鋪已經覺得好有儀式感 啲茶壺同啲器具全部都好靚好日式 雞皮餃子考功夫 要夠薄又唔爆餡唔容易 肉吸收左雞皮甘香 一set set定食咁出餐幾精緻 食完都驚嘆漢堡扒原來可以咁好食 招牌菜手打和牛漢堡蘭王蛋丼飯 用咗澳洲和牛 一定一定要叫秘製醬汁 仲要多汁果隻 蘭王蛋、蘿蔔、芥末酸瓜一層一層 除咗colourful賣相好之外 食落口感仲好豐富 爆汁嘅和牛喔 吉列唔一定豬嘅 用雞製作炸漿更脆更薄 但又保持到雞肉肉汁 醬散發淡淡橘香又唔會搶 幾值得一試 順帶一提 沙律用左黑白芝麻粒 好香好飽滿

雖然宜家熱天 但冷氣底下食鍋仍是正 一個2人餐一個煲有成4種食法 由煎肉至煮肉、煮菜 最後加蛋整成雜炊 先將糖焦糖化煎美國極黑牛 有專人夾俾我哋食 點蛋汁食 再加壽喜湯煮埋啲新鮮蔬菜 最後呢步先係精髓 加啲黑松露 將本身已經充充滿牛肉精華 同埋蔬菜甜味嘅汁加蛋加飯 煮成雜炊粥!!!! 濃得嚟有微甜 但食完唔會覺得濟胃 開心果葩菲 係女仔都一定鐘意 每層食材都唔同架 最鐘意係雪糕同馬卡龍部分 香濃又高級 串燒拼盤配墨西哥辣醬 雞翼香料同蜜糖配合 菠蘿特別鮮味唔止齋甜 估唔到明太子玉子燒 細細碟有齊滑、甜、咸

唔好誤會 我唔係食兔兔呀 而係食兔兔最鐘意嘅野 甘筍餐~ 由主菜到甜品都有甘筍架 星期5晚坐無虛席 客路以年輕客人為主 鋪中好多位都有兔兔公仔 Cu te爆~ 復活節套餐 將甘有益嘅食材嘅甜味融入菜單中 其中一樣小食有8-12件雞,好抵! 驚食唔曬所以叫咗生菜包辣椒腩肉 皮肉油脂相間 大醬咸辣+泡菜 試到曬傳統口味 蛋包飯 大大粒甘筍 漢堡好重牛味夠juicy curry汁超多 長通粉 吸收曬甘筍汁 炸豬扒配少少芝士 成個食曬 我order左杯好新穎嘅特飲 從未試過呢個味 賣相似紅白色彩雲 紅豆+蘋果沙冰 酸味甜味都試到曬

落老蘭唔一定要去啲好逼好多人嘅bar嘅 偶爾去下高級西餐+酒吧 有時都幾享受 呢度有巨型玫瑰 同埋識自己演奏嘅透明鋼琴 同另一半共進晚餐 氣氛真一流 自家製嘅麵包 黑麥包有nuts乾果 配黑松露牛油 同肉醬小多士 頭盤採用新界有機番茄 清涼舒服 少少海草墊底 好鮮 升級左個鵝肝tart 焦糖好鬆脆 咸咸甜甜交集 似cream brulee 餐湯有蔥+薯仔 出面比較難飲到 主菜豬面肉 有薯仔同紅蘿蔔蓉 個汁好香甜 煮到腍又不失口感 M9牛灑上鹽花 用酒同肉汁煮的汁 仲有個酥香嘅千層薯仔 加$25已經可以飲到杯法國酒裝嘅紅／白酒 咪話唔嘆 甜品妝飾方面係用餅 睇得又食得 心太軟朱古力暖笠笠 流心部分份量好多

入社會入得耐 差啲唔記得自己係邊個 難得有個地方 可以令小社畜我覺得自己係個小仙女 店舖裝飾認真 花花居然係用鮮花 枱枱都唔同架 奶昔最令我開心 每杯裝飾toppings 都唔一樣 杯杯唔同好有驚喜 仲有特別嘅紫米露味wo 朱古力奶昔好濃 有朱古力碎碎喺底 仲識回甘 大大粒造型棉花糖放面 果然落重本 有漢堡包、鵝等等嘅造型 來一個傳統泰式前菜 濃濃肉味香草味 賣相全新演繹 咖哩飯拌埋流心水牛芝士一齊食 菇質地實在 好多汁 係唔錯嘅素食選擇 意粉用咗食得嘅米紙蝴蝶 幾creative 扁意粉creamy 帶子好甜

日本嘅抽拉麺同沾麵食得多 原來仲有撈麺架？ 真係第一次試咋 食完都幾鐘意！ 全料東京撈麺真係夠曬大碗 既有溏心蛋又有生蛋黃 有雙重蛋香 另外成碗肉味都好香濃 果2塊豬肉油脂入口即融 雖然好邪惡 但都會願意為佢減少一陣肥嘅 試埋另一碗先 原來個底味真係有分別 明太子忌廉撈麺 味道較清新 蔬菜味為主 好鐘意加咗梨子醋酸酸地嘅效果 啲飲品包裝飲品好精緻 有日本feel又夠衛生 兩款latte都係少甜嘅 綠茶就lightD 焙茶就茶味出D香濃D 雞軟骨餃子D雞軼骨切得細細粒 同時不失咬口 做下酒小菜都幾正架

成日出去食飯 有時都會掛住媽媽煮嘅菜 呢度絕對俾到你家的感覺 韓國菜通常都有好多前菜 每間餐廳或者每個屋企 都有自己唔同做法 薯仔原來可以咁爽脆 加咗芝麻好好味 送飯一流 而泡菜都幾辣 無出面賣嘅咁酸甜 感覺健康咗 個牛肉烏冬好家常 好媽媽會煮出嘅味道 牛肉甜甜地 好多椰菜 營養豐富元氣滿滿 豚肉石頭飯加咗翠玉瓜 偏辣但惹味 受熱好均勻 拌勻後每一啖都有飯焦 海帶 湯非常多海帶 煮到好出味 配上韓式麵豉豆腐 清清地唔錯 下次我都試下屋企煮唔煮到俾老公食先

最近都留意到好多內地飲食品牌嚟左香港 其中茶飲真係唔少得 我上親大陸都會飲返杯 更加成日幫襯呢個牌子 因為內地好熱無咩冷氣 要飲飲refresh下 雖然呢個牌子出名苦瓜 但我飲親都係斑蘭薄荷茶 尋日紅日嘅尖沙咀都只係等一兩杯 唔洗排好耐 唯一唔好係 我叫好少冰其實都係好多冰同好凍 但一飲落去同內地一樣甘好味 可惜就貴成倍啦 Feel到職員落單都好快好純熟 要keep到快又有禮貌其實唔易 同埋佢地普通話同廣東話都好流利 唔排除係由內地店直接派落香港店 同內地一樣都有豬豬同麻雀仔送 雖然無咩用 但我每次都唔捨得掉左佢

其實留港消費都有好多抵食選擇嘅 好似$378一個 2人餐咁多嘢 都幾吸引 估唔到生菜包做得甘好 肉粒微辛兼有啲啲肥膏 甘香之餘好想一食再食 我自己食咗3嚿 餐之外我仲叫左湯 因為太鍾意飲了 冬陰功無令我失望 蝦爆蝦膏爽甜 仲有原粒番茄仔喺入面 非常鮮香 海南雞無揀錯 肥瘦適中而且無骨 梗係要配埋油飯 香料味突出 又夠乾身唔黏口 三色冰椰香味重 有齊紅、黃、綠三色 細路見到會好鐘意 生蝦刺身 通透，肉質較爽同厚 職員禮貌細心 即使咁逼人都成日笑笑口 會講「唔該曬」、「多謝曬」