夜晚大約6:30左右喺外賣平台落定單 好準時7:00就送到 ! 我地揀左個二人餐，貪佢有菜食！ *二人餐 $208.5 (外送平台價)* ～鐵板蒜香炒雜菜 ～自選意粉 2份 ～自選小食 1份 ～汽水 2罐 1. 我地揀左 奶香芝士豚肉意粉 同卡邦尼慢煮溫泉蛋海蝦帶子意粉 意粉同配料嘅份量都好足 我食豚肉個盒 略嫌比較清淡，要自己再加鹽🤣 老公就話Carbonara好好味 2. 炒雜菜有椰菜、翠肉瓜同蘿蔔絲 每件蔬菜都沾上滿滿蒜香，秒清晒呢一大盆菜 !! 3. 小食揀左芝士魚條，有5條～炸得香脆可口 如果芝士再多d既話，會更加正！ 4. 汽水好似有4款可以揀，我地2罐要晒可樂 總結 呢間既食物幾有誠意，會再幫襯！

初頭以為係19 cafe黎.. 入到黎 先驚覺原來係bar+西餐黎 !
環境好型格 ! 暗黑系，但又夾雜咗傳統中式擺設 同天然植物，好有fusion感覺🖤食物 更加unexpectedly地 高 質 !!!
食咗第一啖 已經很肯定 呢一間 要encore☺️🔸Sourdough Bread with Avocado & Lemon Juice Prawn $98
🔹Salted Egg Yolk Single Bone Chicken Wings $88
🔸Spanish Dry-cured Ham Thin Crust Pizza $128
🔹Freaky Meow $68
🔸Strawberry Yogurt Smoothie $68Sourdough 係必叫 !! 成件事好完滿
Sourdough濕潤度、厚度適中～蝦仁煎得夠香，重點係沾咗檸檬汁，配埋牛油果蓉，好夾、好正😋單骨雞翼，係第二個: 必叫
咸蛋黃調味 難得地無煮得太咸、太膩，份量拿捏得剛剛好
雞翼嘅每一part 都平均分到咸蛋黃 😭 感受到廚師嘅用心Pizza 極 多 芝 士 ! 中間嘅配料 巧妙地加入咗 條狀意大利青瓜 同菇菌，減輕芝士帶黎嘅負擔
加上parma hams同火箭菜，口感幾豐富
餅底係薄脆餅乾style，不是鬆厚批喔Freaky Meow係店家嘅signature🍍
桂花烏龍茶底，加粉紅岩鹽奶蓋，加上一片菠蘿果乾，成件事係清香同清新得黎，帶點邪惡而🍓smoothie 相對普通，可取之處 係唔太甜我地見到 餐廳做緊D期間限定優惠 ! 性價比算幾高~~
下次要約埋班frd 過黎chill下 (&食好西) !
影低左MENU比大家參考下::

基本上無約人食飯既話，都係叫呢間既外賣 一人餐勁豐富，女仔既話可以分兩餐食😂 至愛香茅豬扒，又好味又多件數，仲淋左d蔥油係面，更加惹味！ 豬扒下面有青瓜，花生粒同脆脆銀魚 然後仲有一隻荷包蛋～好好送飯 一人餐跟埋小食一份～ 之前試過南乳雞翼，我覺得一般般 反而今次加咗$4要雞肉串燒，更出色😋 呢個餐仲跟埋飲品，雖然都係紙包飲品 但呢個價錢黎講，性價比真係算好高 p.s. 近排屋企無菜食，所以散叫左個生菜！ 連埋蠔油 自己加～

Cafe黎講 佢d set dinner算抵食 兼岩食 (同飽肚) !
我地兩個人 叫一個set dinner + 小食 share ~ 已經好飽😂 餐湯:: 蘑菇湯 配麵包脆脆～ 沙律:: 用個玻璃樽裝住.. 好靚，自己鐘意幾多就落幾多黑醋 !! 主菜:: 香草燒法國原隻燒春雞 $168 真。原隻 !! 呢個價錢 勁抵 !! 啖啖肉
皮燒得剛剛好 微微脆口 ! 肉就好入味
驚喜既係 墊底嘅係 南瓜薯蓉 ! 微微甜 好味呢 半價加配:: 小食拼盤 $128 —> $64 極邪惡 :: 咸蛋黃雞翼、薯角、魷魚、洋蔥圈 前兩者充滿咸蛋黃香，酥脆 好味 !
後兩者 略嫌炸粉有少少厚～ 餐飲:: 凍荔枝白桃烏龍茶 清涼解渴 微微甜 另加飲品:: Hot Matcha Latte $40 抹茶、牛奶 比例適中～ 總結 真係好抵食 😳 座位都坐得舒服 MENU:::

重返深水埗區，發現咗呢間有情調西餐廳
食物勁多款 .. 仲有套餐價，性價比高 !
但最搶眼 一定係門口嘅 巨型閃閃月亮 🌙
連餐廳入面 都掛滿串串吊燈～幾靚主食、前菜都好多選擇，跟餐都幾抵～
以下跟我最喜愛程度排序💓迷你棉花糖焦糖鮮果牛角包窩夫 $58
雖然等呢份甜品 等咗好耐 ….......😑
但食到個刻 又即刻gur晒😂
以為係普通水果，但d菠蘿 用焦糖燒香咗架，好好味😭牛角窩夫中間嘅酥皮 有好多層，口感就偏實在左D～
淡淡嘅牛油香，呢個一人份 食晒都唔覺膩 !!芝士黑松露薯條 +$28
抵叫的薯條 !! $28咁大份 !!! 😍😍 叫任何主食都可以用優惠價加呢 (MENU無寫到.. 落單時 記得問WAITER !!)除咗唔少嘅黑松露之外，仲另上咗芝士醬 ! 不過芝士味唔算太重
薯條 夠熱夠香脆，邪惡好味 😋烤澳洲肉眼扒 $248
烤大西洋比目魚柳 $168
跟餐 +$48 包湯、沙律、飲品、甜品沙律淋上黑醋🖤 南瓜忌廉湯 幼滑
最正係 配湯個塊蒜蓉包呀 !! 滿滿的蒜香～肉眼扒 我地揀咗7成熟～
只能講 呢件扒 我好滿意 !! 滿滿的肉汁🤤
濃郁嘅牛味 🤤 連拌菜都有用心烹調比目魚魚質細滑，底部除咗薯蓉，竟然仲有yogurt sauce !
好特別又帶有清新感甜品升級:: 椰子芒果奶凍 +$38
個樣明明平平無奇 .. 本身都對佢無期望 😂
點知又整得幾好食 ! 椰子同芒果味都好出
餅底有厚度，鬆化！整件都唔算太甜 !總結係 呢間可以encore !! 仲有其他款都想試

以前係呢頭返工，留意到呢間餐廳好耐！

以純白色為主調，感覺優雅舒適
發現佢既晚餐 竟然比想像中平，所以決定同朋友黎試下～
🧡$388一人前 豐富日式晚餐 !🧡
🔸油甘魚伴酸汁水晶海帶沙律
🔸刺身（帆立貝、牡丹蝦、三文魚、油甘魚）
🔸海膽碎蔥吞拿魚腩壽司、火炙左口魚邊壽司、帆立貝黑魚子壽司
🔸茶碗蒸
🔸大蝦野菜天婦羅拼盤 OR 銀鱈魚西京燒 （+$138）
🔸日式叉燒拉麵（豬骨濃湯/ 醬油雞湯）
🔸法式焦糖燉蛋
雖然食物嘅賣相精緻，但放心… 你會食到好飽好飽 …
油甘魚伴酸汁水晶海帶沙律
有精心調過味嘅油甘魚，帶有清新感
配埋有彈性嘅海帶沙律，好開胃
刺身 Default咗係 帆立貝、牡丹蝦、三文魚、油甘魚
但落單時，店員會細心問 有無邊款唔食
佢地會用其他款代替～好細心！
我地講咗唔要三文魚，取而代之係吞拿魚刺身！
四款刺身都夠新鮮，特別鐘意帆立貝🤤又肥美又鮮🤤
海膽碎蔥吞拿魚腩壽司、火炙左口魚邊壽司、帆立貝黑魚子壽司
配搭幾有心思！左口魚邊 有重重嘅焦香味😋
黑魚子配帆立貝，幾夾～
海膽味道 偏向濃郁 ! 有少少蓋過晒吞拿魚腩嘅味 ..
少有地 有小清新嘅 茶碗蒸
面頭有柚子皮～ 蛋漿加入雞湯製成，口感幼滑
呢個天婦羅set .. 我好欣賞☺️ 款式特別得黎 感覺算light !
有大蝦、南瓜、冬菇、紅薯、青椒、茄子
炸粉超薄，食材味道突出，完全唔覺得油膩

銀鱈魚西京燒 (+$138)
一層層嘅魚肉，又香又嫩滑
面層係滿滿嘅香甜味～
食到呢度，已經飽到癲左 …
但係聞到日式叉燒拉麵嘅香味，又會好自然一啖接大啖咁放入口 …
有豬骨濃湯/ 醬油雞湯 兩款湯底可選～
我同朋友一人試一款，總結係豬骨濃湯更出色！
而拉麵嘅口感 值100分 ! 麵條夠晒彈牙
因為甜品係另一個胃既關係 … 我地秒速清晒兩份 精緻嘅 法式焦糖燉蛋❤️
有兩隻口味:: 抹茶味 & 咖啡味 ～
兩者都好正😭😭😭 面頭既焦糖嘅燒得好薄脆！
個人覺得咖啡味更適合做呢款甜品 : )

整體黎講，食物質素偏高，加上殷勤有禮嘅服務，同舒適既環境
我覺得呢個價錢 物有所值～

基本上 我地大約1~2星期 就會黎幫襯一次
除左貪佢夠就腳，仲因為夠平靚正，有時想飲下湯 佢都有~ 雪茄春卷 $15/條 第一次試呢款, 估唔到咁creative 真係成支雪茄咁上枱 !!!  XDD 份量比一般春卷大 ! 春卷皮內, 竟然係白汁海鮮餡 !
幾好食~ 覺得有d fusion感覺 ~ 鴛鴦鮮蝦米網腸 $36 每隔一排 就會想食呢款~ 即叫即炸, 皮夠薄
包住雙色既香脆米紙, 中心係大大粒蝦仁, 口感豐富 : )
想講呢個價錢 真係良心價 ... 整到咁精美咁香脆 仲有成8舊 先$36... 雪山叉燒包 $25 次次黎都必食 ! 熱辣辣上枱, 外皮一層帶有淡淡奶香
包體鬆軟 ~ 整體又唔太油, 真係好好食 蟹籽燒賣皇 $19, 鮮蝦菜苗餃 $20 兩款都係勁大粒, 入面又有爽口彈牙既蝦肉 ~ 不錯 豉椒排骨蒸飯 $45 蒸飯又係每次都會叫 ~ 大約有5-6款飯款
今日想食 豉椒排骨, 其實佢款款蒸飯 D餸好足料, 飯又軟熟
份量係 兩個人分都覺得有D多 : D 茶錢 $6/位, 無加一, 今時今日黎講 真心抵 ! 仲要佢D服務其實唔差, 好主動加茶同收碟
所以 呢度繼續會係我倆既飯堂 : ) p.s. 今次無叫到, 佢地嘅紅棗糕其實都好好食! 同埋佢地嘅 燉湯都足料架 ! 仲有好多人會黎食佢地嘅 瀑布西多士 ~ 我都食過一次 係幾好食但實在太邪惡 ! 只可以偶爾叫黎開心下 : D 環境都光猛整潔, 最重要都係近西鐵站 !!

bookmark咗呢間 應該有幾年 ..? 😂
終於 安排到 黎大角咀半日遊 可以朝聖 !!6pm一開門 已經有成堆人 一齊入座😂 好彩有book到位☕️二世祖特濃朱古力 (凍) $48
個個都話 必叫 .. 試完 都覺得係～第一啖飲，覺得似細個飲嘅 子母奶，但慢慢 就再有陣 濃香可可味 滲透出黎！
濃香又醇厚，值得encore ! 性價比都高🍦阿祖朱古力心太軟、玄米茶雪糕 $88
呢個心太軟係高汁！熟度同甜度 都恰到好處玄米茶雪糕，好清香！中和返心太軟嘅甜味，很好
( 雪糕 另可選 豆腐味 )🧇自家製芥末洋蔥醬炸雞窩夫 $148
份量大，味道好😋 必點
兩大件鬆軟厚窩夫，兩大件香脆炸雞，加上超燶邊太陽蛋
配上惹味嘅醬汁，仲有花生粒，配合得好完美
( 特別欣賞 食得到淡淡玫瑰花香味 )🍗二世祖雞翼配洋蔥芥末醬 $78
雞翼炸得香脆，本身調味都夠～我覺得唔沾醬 仲好食🍳All Day Breakfast $148
相對其他食物，呢份ADB比較普通
勝在份量夠大，款式亦比平常嘅多～例如松露炒蛋下 有muffin，麵包 亦配有店家自製嘅 草莓乳酪 🍓整體食物質素高, 飲品亦有自己特色, 唔係度度搵得到 ~ 價錢亦合理環境不錯, 幾多打卡位 : D會再encore ~

食過一次呢度嘅油封鴨髀 .. 一直念念不忘 🤤今次特登遠征觀塘 想再食 !
可惜 餐廳話呢排 因為法國個邊有禽流感
暫時有鴨嘅菜式 .. 都限量/暫停供應 😣見到佢地嘅Set dinner都啱食 .. 所以我地叫左兩個Set dinner !
的確係幾抵 ~ ( 其實a la carte亦都唔貴 ~ )餐前麵包:: 餐廳自家製, 一共有三款 🍞
麥香突出, 包體軟熟, 微微溫熱, 即刻秒清 🥰沙律:: 鯷魚沙律
第一次食鯷魚 原來咁鮮 !! 我覺得仲有少少似鯖魚嘅感覺 但鮮味更加突出
個黑醋汁, 都好清新開胃湯:: 燈籠椒忌廉湯
本身我唔鐘意椒 但係佢呢個 我可以 ! 😂
用咗紅椒, 黃椒, 青椒, 忌廉blend成 ~ 整體味道幾清新湯:: 龍蝦湯 +$48
上次有飲過 .. 今次決定一定要encore
龍蝦味極濃郁 相信一定係用左大量大量龍蝦殼烹調 !!😋主菜:: 阿根廷21日熟成西冷牛扒配墨西哥醬 $368
餐廳Default係5成熟, 因為個口感會係最正
但如果有特別要求, 都可以落單時同侍應講聲~一拎上枱 即刻聞到香味 🤤 食入口, 係陣陣炭燒香氣 !!
21日熟成處理嘅牛 個肉質無得輸 ! 超香嫩, 肉汁滿滿.. 牛味突出, 肥瘦比例適中 !!
第一次試墨西哥醬 .. 好輕微嘅辣度, 又帶有蒜同洋蔥嘅香味, 同檸檬汁嘅清新, 配牛扒好夾

拌碟嘅西蘭花炸薯仔, 超特別 ! 仲要好食, 有心思 ❤️主菜:: 烤加拿大豬鞍配蜜桃燒汁 $348 外皮好香脆 … 一咬 就好多肉汁咇出黎 🤤沾上蜜桃燒汁, 減減豬鞍嘅油脂感 底下有紫薯蓉 .. 綿密香甜 ~
幾款車厘茄 都鮮甜, 加上黑醋 好好味, 整體很滿意甜品:: 栗子蛋糕, Macaron
( 其實未上甜品 都已經飽到攤咗係度 )
作為一個跟set嘅甜品 … 呢個一d都唔hea
首先 第一眼即刻spot到條焦糖香蕉 .. 排到勁靚 ! 😂 微微焦糖香
栗子蛋糕 鬆軟唔會太甜, 入面 勁多合桃肉 Macaron 估唔到 都唔錯呢Mocktail:: Flamingo +$38, Colada +$38
前者係 cranberry+orange jus + Ginger Ale
後者係 椰奶鮮奶菠蘿汁

超級鐘意呢兩杯 特別係Colada !!!
椰奶+菠蘿汁 真係絕配黎🍍 香甜椰香中帶有菠蘿嘅清甜, 呢件事太開心
題外話.. 有位女侍應 真心好nice
除左會主動睇我地有咩需要, 比椅我地放手袋, 問會唔會太凍之外
亦會向我地簡單介紹食物
同時又唔會黎得太頻密 令我地可以享受用餐時光, 服務很好 ~
絕對會encore x 3, 希望下次再黎可以食返油封鴨髀 !! 😭

呢間 真係食完會想ENCORE, 一黎佢係 太和, 夠晒近屋企 !!
呢區 都無乜呢類型既 餐廳選擇 ..
二黎 佢地既食物 真係幾高質, 不論味道 定Presentation 都好吸引
三黎 環境都好靚 ~ 走高雅路線得黎 感覺都舒服 ~ 大大盞水晶燈 好靚呢🥂LOVE $88 (薄荷士多啤梨牛奶), YOU $86 (薄荷青檸梳打)
呢度好多酒類供應 ~ 但因為我同媽媽都唔太飲酒, 所以揀左2杯MOCKTAIL ~
估唔到除左賣相靚, 味道都很不錯 ! 🤩
特別鐘意媽媽個杯 “YOU”, 飲到好清新既青檸味道 ~
我個杯有別於平時既士多啤梨奶, 多左陣薄荷既清新感 ~🍞香煎法國鵝肝多士 $188
先食一份前菜開開胃, 係我地都好鐘意既 鵝肝多士 !! 鵝肝肥美, 油脂香之中 帶少少清香, 唔會太咸
重點係拌碟既 焦糖蘋果 ..!! 香甜解膩 ~ 🐮低溫慢煮封門牛柳 $298
肉質鮮嫩, 牛味突出 ! 然後, 中間既蒜香菠菜 都唔可以忽視 !!
勁重蒜味, 同牛肉一齊食 都好夾😋🖤黑松露鵝肝威靈頓牛柳 $398
因為同鵝肝一齊食, 所以餐廳建議揀5成或7成熟 ~ 唔Prefer太過生 我地揀左7成熟 ~ 結果感覺過熟左少少, 但味道上 仍然很推薦
酥皮外層鬆脆, 肉質方面 仍然係好軟腍 !
每一啖 係口腔都爆發juicy肉汁 + 鵝肝同黑松露既香氣🤤
係極上享受 ~🍟牛柳配埋 薯條, 黑松露醬 ~~ 脆條香脆 好食, 份量也不少 另外 配菜同埋吱得勁靚既薯蓉 味道都好啊 ~~整體黎講 成個用餐體驗都好好 👍🏻
重點係 食物真心高質啊, 估唔到連飲品 都做得唔錯 ~
雖然價錢略貴 .. 但偶爾同家人黎食下好西, 或者黎食慶祝飯 都幾合適呢 ~
我覺得門口都已經令人好想入去試下 ~