因為知道東大街多野食，所以收工約朋友去兜個圈，之前聽同事講過有間雞蛋仔好好味，於是周圍行下搵下，行到附近見到呢間"低調高手"，見到有幾個人排隊就覺得佢地講緊呢間，一於唔執輸試下先...1底$13或2底$24...雞蛋仔同格仔餅兩款都可以落Order後，店員忙於製餅差唔多完成，店員會問洗唔洗分兩開件，可能宜家好少聽到咁樣問，覺得又幾細心喎!:
先講講格仔餅，一般都比較淋身，好少食到格仔餅係咁鬆脆，所以呢個係必食!
而雞蛋仔都好足料，唔會空空的，所以都值得試架!

呢D天氣最啱行山，所以今日就係昂坪至大澳，難得去咁遠緊係上Openrice搵定有乜必食啦，除左炭燒雞蛋仔同阿伯燒魷魚外……最後發現我地係見到乜就食乜，行到呢個大澳小食，見到香妃卷(英文叫China pizza)好似幾特別，嗰日都算多人排隊咁我地班朋友仔都排埋一份試下先。首先加麵粉漿再落一隻雞蛋搽滿表面再加蔥同芫茜(老闆娘會問芫茜要唔要)，之後再落芝麻和菜脯再加醬汁同脆脆條條完成....老闆娘會問你要幾多份，會幫你分好入袋

總結可能因為多人排隊，我地都抱左少少期望，但當咬第一啖就發現同自己想像o既味道有些少出入，唔可以話唔好食，只係唔知邊種材料有陣香料味(但肯定唔係芫茜同蔥)....不過去到大澳乜都要試下，試一試都無妨，都係二十蚊一份，好抵食!!

同事提議食越南野，附近都無乜邊間所以就揀呢間，之前都食過覺得唔錯，...點知今次....有點失望
因為人手唔夠，落Order都等左一陣先落到，最後我揀左生熟牛肉檬，同事就揀左豬頸肉撈檬，落完之後想問多句都要等，真係無咩mood! 問左兩次終於有人應我，只係想問下係咪有得配小食，點知佢話我係檬粉所以無，但我明明有印象上次食都有，不過算啦, 我都唔計較有無小食，都係問下佢話無就無啦...

午餐時候人比較多(尤其星期五)，所以野食都等左一陣，好彩味道總算可以，食到差唔多完杯餐飲都仲未送黎，完全人手不足情況下連水吧都無人，水吧終於忙完安排餐飲了，快速飲完就埋單走人。

緊記如果大家趕時間的話就要預返少少時間，否則應該會食到趕頭趕命!

今日難得媽咪細佬過黎搵我食lunch，就帶佢去試下呢間……
問我有咩好食緊係推介佢地燒味啦，我自己就揀炒河，但最後決定一人叫一碟！必食嘅叉燒煎蛋飯，叉燒肥瘦分明肉汁香口，口感唔會太硬，豉油唔會太咸啱啱好四寶飯就顯得失色，只有紅腸比較多，其餘兩味餸就少左啲！呢碟係我每次必叫真係好香，河粉落埋菜甫一齊炒所以口感食落好爽口又唔會油淋淋，落埋辣醬就絕配了

值得一試的餐廳

長週的星期六必定約埋同事食早餐再一齊返工，今日都不例外，但附近的茶記都吃厭了，原本想去附近酒樓嘆茶食點心，咁啱同事講起呢間功夫點心，就不妨試試……可能星期六關係大約坐左兩三檯，所以唔洗等位！呢本秘笈就係功夫點心紙，有心思，仲寫明係即叫即蒸添，新鮮熱辣辣蟹子香菰燒賣皇-大大粒好爽口
功夫蝦餃皇-不愧為功夫蝦餃皇夠扎實兼充料
鮮蝦菜苗餃-皮夠薄味道還可以，但唔知點解夾起嗰時散哂！
（蝦餃燒賣可以逐粒叫，不過最少叫兩粒）腸粉最緊要皮薄足料，牛肉腸有別一般酒樓，可能加左金菇變得好爽口...而叉燒腸啖啖肉，無咩肥豬肉熱辣辣香噴噴嘅粥，肉丸味道有驚喜，值得一試即係迷你菠蘿奶皇飽，細細隻幾得意，咬下時酥皮飛散，奶皇又香甜，好味道牛肚夠淋同入味，仲有白蘿蔔，都幾香口！

如果想安靜嘆茶同唔洗點等位，不妨試試功夫點心，價錢都算合理！
茶錢每位$4

不起眼的日本食店，可能因為較近巷尾……小小的食店座位不多，午餐時最好先致電留座！
午餐時段有多款午時定食，一向有選擇障礙的我最後選了豚肉烏冬！原本是坐卡位，但因為向住風口位，女店員細心安排調位 日式麻醬沙律，菜很新鮮麻醬也很香甜 刺身壽司鮮甜很新鮮，薑額外向壽司師傅要求添加的原來是茄子，味道很清甜，讚！ 薄薄的豚肉片配上清甜湯底，比想象中好味道，大家不妨一試！

整體來說此店值得試試，價錢還比一般連鎖壽司店便宜，味道也很好而且食材新鮮，真的有驚喜！
當時只有一位女店員，但她也細心招待不會忽略每位客人需要！

哥哥生日唔知食咩好，咁啱有朋友仔試過呢間Tea Buffet, 近近地一於試下啦！
一向對Tea Buffet都無咩期望，今次都唔例外...不過呢個價錢係酒店食自助餐都尚可接受！兩點八已經到左門口，因為清緊場同添緊野食所以無得預早入去，見有時間就周圍遊下，見到有個空中庭園諗住上去望下，但門口寫左只限住客使用，所以就係門口裝左兩眼就落返去...

差唔多夠鐘就開始多人，兩點十一就可以安排入去，襯唔係太多人先影下有咩食先...侍應會不停refill食物同甜品，每人都有一杯餐飲，例牌都係咖啡/茶，不過居然有Latte或Cappuccino，感覺上都唔錯，雪糕就係H品牌，有四款味道(士多啤梨、朱古力、雲呢拿，不過仲有一款無食所以唔記得係咩味)，甜品款式都算多，不過我無食到，但媽媽話啲甜品稍甜，如果無咁甜會好食啲...
總結款式雖然唔多，但對於Tea Buffet黎講其實都算唔錯...

難得早起當然要陪媽媽食早餐，剛好經過美心小品，不知道是否時間尚早未見太多人，所以就選擇了，每次假日路經都發現很多人令我卻步，難得今次不用等位，點能夠錯過呢...哈哈

看看牆上的餐牌，媽媽決定選一份公司三文治，而我呢選了黑醋雞漢堡，飲品方面可選擇加$7 要普通咖啡再加$4 可以升級至Latte 或 Cappuccino ，最後我地選擇加$11要Latte...整體來說也不錯，飲品落單後自取回座位，但食物就由侍應送上...健康之選公司三文治，大大份及味道清新，只是Bacon咸了一點。送上時還是熱熱的稍涼一點才吃，脆脆的雞塊很香口，所以味道OK...Skim milk Latte淡淡的牛奶咖啡配上心型的Latte Art ，感覺更Relax！知道是星巴克的咖啡更喜歡呢

一行四人行山後，想找個可歇一歇的地方，剛好經過市場街，發現這條街有好幾間Café，覺得這間的侍應較熱情，所以決定試試這間，入到店內發現牆上掛了一幅幅圖畫，細看下原來是小朋友畫的，為這間店增添色彩。剛好是下午茶時間有Tea Set，我點了鮮蕃茄司華力腸意粉，餐飲可加10蚊轉果汁，我選了石榴汁… 果汁不是自家店出品，但淡淡的石榴香，也不錯吧! 鮮蕃茄司華力腸意粉 – 食得出並不是用茄膏是用鮮蕃茄，口感不錯又好香，整體來說都OK!

整體來說一試無妨...