北角有間裝修超級靚嘅中國宮廷風火鍋 置身其中，仿似穿越到古代 位於北角的小龍焱麻辣火鍋 門口已經非常驚艷，依家係香港想搵到咁落本嘅餐廳已經買少見少 唔止面門，就連餐廳內部嘅裝潢都一絲不苟 每個細節都彰顯中國宮廷風的特色 餐廳以QR code 落單 份量有全份和半份揀，非常適合2-3人的小聚會，人小小也可多嚐幾款菜。 上菜效率亦非常快，每碟都有放上裝飾，非常有心思 湯底可以揀雙拼，3併 感覺3併好似抵d 四川麻辣（有重牛油和輕牛油)，仲有4種辣度揀 菌菇湯底超多🍄，好香菇味，我直接食哂d菇先開始淥野🤣 胡椒豬肚湯底 胡椒味不太濃，反而有芫茜香，仲有豬肚食添 黎呢度，當然要點上呢個九仙宮 不單賣相精緻，食材都好多樣化 有肉有菜，有海鮮 鵝腸，毛肚 ，蝦，沙巴魚片，牛丸，鴨血，海帶，珊瑚蚌，黃喉 我最愛黃喉和鵝腸非常爽口 牛丸油脂非常豐富 毛肚配麻辣是必須的呀 食麻醉湯底，我鐘意配羊肉 羊肉滑而不羶，必點推介 豆製品也是麻辣火鍋的常客 這個拼盤很抵食 仲可以一次過試哂3款特色豆製品 蓮藕和鮮淮山也點上半份，份量剛剛好 甜品朋友推介呢個滋粑，很有特色 外皮炸到脆，入面煙韌軟糯，仲伴有黑糖醬點食。 係呢度食飯，整個環境都令人很興奮 加上咁有特色的服務，每每有驚喜 食飯，最重要食得開心嘛

同事生日，為表心意，請佢食餐LUNCH ~
網上搵到呢間日式料理餐廳，感覺幾高級，價錢又唔算好離地。 有D 單點仲有50%  OFF~ 
餐廳唔算十分大，約3X 個位
以橙黑色調配上和風設計，配合餐廳以傳統烹調技藝糅合新派元素的風格。傳統中見創新~LUNCH SET 有壽司盛，丼飯，價錢百零蚊，但非常得體，一D都唔失禮~50% OFF 的價錢真係好吸引，樣樣都想點~最終，我地揀左一個LUNCH定食和幾個散點Lunch 定食 L 3 精選壽司御膳 
有10款不同壽司 加湯 / 沙律 / 稻庭烏冬  壽司是廚師發板，嚴選當日新鮮刺身
每舊壽司都係細細舊，刺身剛好包住一舊小小的赤醋飯 。一口一個~ 感覺非常精緻高級~ 
食到刺身的魚香，壽司飯又能中和刺身的油脂  稻庭烏冬 非常有驚喜
入口非常爽滑，即使放耐左都唔會泡到淋，加上清甜的湯底，非常好食半價的岩蠔 都只係 29 蚊/隻
肥美的岩蠔加上獨家醬油和魚子
一啖入口，有鮮有咸有滑有爆口，口感非常豐富~自家製免治雞肉 半價後 $34
很精緻的一個雞肉餅，配上照燒醬和雞蛋一齊食，用黎佐飯一流呀
誰家小孩不吃飯，加這個一定會清碗呀~~ 這裏的手卷非常特別~是以木架盛住
飯不會很多，不過鰻魚的份量也不少呀~ 
這樣的擺位還可以令紫菜KEEP 住脆脆呢~  炸軟殼蟹卷~
飯卷也是很精緻的，細細的，一口一舊。
飯粒是粒粒分明，軟殼蟹即炸即卷，非常新鮮火燙，脆脆的~ 而且一點兒也不油膩呀~  這裏每款菜式都很精緻細膩,，雖然加入了新派的元素，但仍保留到傳統日本料理的精神和味道~
大方得體又價錢合理。
最重要係味道好好，同事很滿意呢餐生日飯呢~

我家附近的宜安街開左唔少新食店，但好多都係大陸風味，全部都係辣辣辣, 小朋友唔太啱食 ~
最近開左呢間日式料理~ 見佢嘅午市丼飯都係街坊價幾十蚊，唔離地，幾吸引，一於試一試佢嘅實力先 店鋪不算大，約二十個位吧，整體感覺是乾淨整潔，坐得舒服。最重要係不會有成陣魚腥味 (很多日式料理店的通病) 先來一個日本蠔 赤穗蠔  生蠔肉質飽滿，口感鮮美，口感帶有小小的creamy，但不會很溜
搭配特製的醬汁，讓您感受到更濃郁的海鮮風味

活赤貝刺身
原隻活赤貝上，超級爽口，鮮甜。
食刺身就是要這種感覺~ 軟殼蟹卷  很明顯食到是新鮮即製，紫菜脆脆，飯軟糯，加上脆口的軟殼蟹，軟脆相容
大小朋友都鐘意食~
清酒煮蜆
這個清酒煮蜆是我食過最超值的
不要少看這個小兜兜，粗略數過，竟然有成30隻蜆 ~ (接近一斤了吧)  而且隻隻都是肉質飽滿，新鮮。
不得不提個湯底, 佢唔似普通清酒煮蜆咁清，是很CREAMY 的，有奶油香。非常惹味
湯底更提升了蜆的美味，我都直接喝了幾口~
最後來一個串燒
這裏的串燒都很實惠～雞腎雞皮雞軟骨都係 14蚊串
而且即燒即上枱。滾燙熱辣的，香香脆脆的。
調味濃郁，最合佐酒~  是夜沒有飲酒，叫2杯凍檸茶，超大的一杯呢~ 呢度以平民化的價格，便能品嘗到正宗的日本風味。
每一道菜都看到廚師的心思，而且賣相精美，味道鮮美，令人回味無窮，絕對是值得再光顧的小店

神木雖然話係工廠區，識路嘅官塘友就知道，地鐵穿過APM, 一出港貿就到。其實都幾方便架~ 
神木的日式料理好多元化，有刺身，壽司，串燒，仲有燒肉~ 和風設計，地方都幾闊落，坐得舒服, 仲有戶外區~呢D天氣坐戶外，認真爽呀~頭盤先來個牛肉他他，超級好食~ 必點推介~
牛肉半熟，一D都唔嚡，配埋個蔥粒蒜蓉醬，非常惹味~ 
一碟只係88蚊，但有十幾塊，抵食~  神之特上刺身 (6點盛)  

6款時令刺身，每款都有2切。擺位好有心思，連隻蝦都扭哂花

極度厚切上~ 咬落啖啖肉，對於鐘意食刺身的朋友，呢個刺身拼盤一定好滿足~ 串燒來個雞五味盛  
神木的串燒雞是用日本薩摩雞，而呢個雞五味好特別，除左有常見的雞肉同雞翼串燒外
仲有雞心，雞潤同雞軟骨，直頭食勻成隻雞呀~雞心同雞潤嘅質感同鵝肝差唔多，燒過後口感更結實。如果燒得再乾身d 就更有BBQ 風味~ 
不同的串燒，師傳都用上不同的自家調味 ，唔會串串一樣味的。青龍炸蝦卷 
卷物內包住炸到脆脆的吉列蝦 ，外面鋪上了芝士和三文魚籽，再加綠色的海苔，變成一條青龍了。
有芝士又有蝦，仲有粒粒三文魚籽，口感有脆有軟，非常豐富。藍柑乳酸梳打 
士多啤梨乳酸梳打 
2款梳打顏色都好靚，味道非常濃郁，冰唔會太多，飲到尾都唔會淡哂~ 
只係28蚊，大大杯，非常抵飲

很有格調的門面
配上滿牆的黑膠碟
說明這裏賣的是生活的質感
不止飽腹，也能填滿心靈
逝去的歲月不能抓住，唯有以音樂重溫
這裏整晚都有DJ 為大家播放音樂，令大家耳腹都得滿足~
前菜先來一個Green Salad with Param Ham  
份量出奇地的多，超大的一盤，有巴馬火腿手，無花果，蜜柑，ham和甜甜的琥珀合桃，配上18個月意大利黑醋汁，酸酸甜甜，非常開胃。酸奶油烤美國豬柳
這是近年來食過最滿意的一次豬柳
看似超厚的豬柳，竟然一d 都唔嚡，肉質是意想不到的淋，滿滿的開心果仁碎混著酸奶油，3者看似沒有關係，但加在一起竟然有化學效果，效果出奇地夾👍🏻慢煮牛尾蕃茄貓耳朵粉
蕃茄醬汁酸甜度剛好，而且濃稠度都做得好好。沾滿了貓耳粉 但又唔會水汪汪
牛尾非常的淋和入味，就連蕃茄仔都好好食~ 本黎已經好飽，但都忍唔住要叫個甜品
熱情果紅桑子奶油撻
紅桑子醬加上熱情果酪和鮮紅桑子，餅底是係一個奶油撻底
紅桑子中和了熱情果的甜，無想像中咁甜膩，奶油都唔溜，非常高質的一個甜品餐廳以唱片為主
Signature Cocktails 當然都同歌有關
呢杯Sante by 壞特?te
就係用左 壞特?te 的歌 Sante 為主題
有white peach Liqueur, white Rose Tea, White rose tea Syrup, Fever-tree Aromatic Tonic Water 
味道同歌的melody 一樣咁輕快，很清新的感覺，但飲多了，也會像壞特的聲音一樣，有點兒迷幻呀~ 當日病病地，唔敢飲凍野，叫左杯 熱茶 
Lemongrass, Rosemary, Dried Ginger 
迷迭香香茅薑茶
味道很香的茶草茶，可以REFILL 熱水,  REFILL 左3數次，味道都依然還在呢~ 整個餐廳感覺好中產，很有享受人生的感覺
而且食物水準出乎意料的好， 絕對唔係得個樣嘅主題餐廳

呢間位於觀塘海濱旁的居酒屋，環境舒適，好有日式氣氛，最啱收工同朋友黎食下飯，吹下水，飲番2杯 除左有刺身，壽司，串燒，仲有鍋物 好多日本直送食材，價錢抵食 壽司旬之八點 有8款不同壽司， 包括吞拿魚，油甘魚，章紅魚，蜜柑鯛，三文魚，帶子，海鰻以及左口魚邊。每件壽司上嘅魚生都大大塊。定價 168，非常優惠 串燒嘅價錢都係28，38，份量比預期大份 而且串燒非常夠火喉，睇相都feel到 羊架 68蚊 2件，燒得非常好，熟而不韌，配埋個特製羊架薄荷汁，必食呀 燒蟹膏飯團 蟹膏完全是不惜工本，超大的一團，咸香咸香的。加埋燒香嘅飯團，一軟一脆，一冷一熱， 非常得意的配搭 驚唔夠飽，來多個壽喜燒 98蚊一個鍋物，真係好抵食 （仲可以加20蚊加烏冬） 牛肉有成6塊，牛味很濃，油脂非常豐富 配菜有冬菇，金菇，日本魚蛋，豆腐，椰菜，紅蘿蔔。吸哂牛肉的精華，配埋個壽喜燒湯底後悔無加烏冬添 飲品揀左2款梳打，我鐘意蜜桃梳打呢個牌子，清甜又唔會有藥水味， 好好飲，我次次見到都叫 呢度雖然唔算就腳，但遠離煩囂嘅市中心。頓時感覺節奏都無咁快。食飽飽仲可以去海邊散下步，是很寫意的飯聚點

去海港城影hello kitty 順便食個晚飯，位於玩具反斗城隔離嘅Ohayo by Ocio ，主打文青小清新環境同靚靚甜品。 好啱feel . 餐廳有dinner set $148起 包湯和飲品 仲有得upgrade main course 同飲品添 是晚dinner Ohayo 慢煮鴨胸全日早餐 非常豐富的一個all days, 色彩繽紛，令人食慾大增 慢煮鴨胸好似烤咁，色澤金黃。 肉質非常結實。配上隨碟的牆汁同食，格外滋味。 薯餅非常香脆，蕃茄，腸都有煎過，很香口。 滑蛋很大的一份，亦非常嫩滑。 跟餐的南瓜湯是濃濃的香甜口感 最期待的甜品來了 鑊仔焦糖金寶雪山熱香餅 這裏的甜品最特別的是有個鑊仔盛住出場 超鬆軟的熱香餅，配上雪糕，一冷一熱的口感很過癮。雪糕上還有一隻像真度極高的可食用蝴蝶，好吸晴呀。 甜品當然要來一杯熱咖啡才合襯 這是跟餐的熱咖啡，是不用加錢的😃 這裏環境非常靚，食物也是熱騰騰的上枱。很適合行完街來食個飯，休息下

新開張，晚市同外賣仲有85折🤩
行過路過官塘嘅朋友，一定要去試下🤣



主打手打和牛漢堡丼飯同日式丼飯
價錢已經好有驚喜，68蚊已經有交易🤭
唔使理價錢，想食咩就叫啦😂😂


識食當然要食主打🤭
手打和牛漢堡蘭王蛋丼飯 $128
（已經係全店最貴）🤣
賣相超級靚，高級日本餐嘅視覺
手打和牛用上了澳洲和牛，即點即煎， 外面焦香，內裏肉超嫩，油脂豐盈又唔膩，牛味濃郁，厚厚的一塊，超滿足💓💓

最頂嘅蘭王蛋，橙黃橙紅，好吸晴， 味道甘甜，完全無腥味，係生蛋撈飯的首選👍🏻

特色醬汁有3款（秘製漢堡汁/白咪噌汁/日式咖喱汁），仲可以揀配料（日式泡菜/芥辣酸瓜）

我揀左秘製漢堡汁同酸瓜，漢堡汁濃淡適中，唔會搶走和牛的牛味，酸瓜+蘿蔔蓉，非常清新的配搭。
寫明用日本米，粒粒飽滿，混埋d汁一齊食，好快就清哂🤣🤣


是日廚司推介
日式叉燒溫泉蛋飯$78

一睇塊叉燒就知係堅野。
日式叉燒製作係將d豚肉紮起成卷，再落醬汁煮到，有時仲要浸幾日架。
呢幾塊叉燒， 一睇就知係師傅落左好多心機嘅成果。肥瘦相間嘅豚肉，入哂味， 入口柔軟，一d都唔膩。入味又唔會好咸👍🏻
日本米飯加隻溫泉蛋同叉燒汁， 又係清碗組合🤣


跟餐的小食甘栗紫薯餅，只係$18蚊，但外皮炸到好鬆化，紫薯甘甜， 抵食👍🏻

白桃烏龍茶 成套茶具上， 即刻好有儀式感🤭 15蚊， 點黎打卡都抵🤣

另外跟飯加5蚊就有柚子蜜，好大杯，好抵飲。隻杯仲好有特色添。


餐廳雖然新開，但在平日工廠區夜晚竟然有7成滿， 現今世代真係好難得
咁抵嘅價錢食到咁高質嘅日式丼飯，相信呢度好快會大排長龍👍🏻

餐廳採用日式設計，環境乾淨舒服，位置好闊落 牆上面有一幅超長嘅懷舊動漫人物打卡牆 我都認唔哂咁多角色🙈 串燒方面，有肉類，海鮮，蔬菜。價錢親民 佢哋係即點即燒，每款串燒上枱時係熱辣辣，仲會幫忙切開碎上， 方便大家share, 非常細心 先來個雞泡魚乾，好香脆。送酒一流。 肉類方面，特別推介羊肉串同埋羊架，味道濃郁，但係又唔會太羶。調味適中，好惹味又唔會太咸。 豚肉荔枝卷，豚肉燒得香荔枝好Juice爆汁 金菇牛肉卷 小小辣，多多惹味 燒蔬菜 點左大啡菇 燒韭菜，仲有燒金菇 大啡菇有煙肉同好濃郁嘅芝士。 燒金菇上面鋪咗一層厚厚嘅蒸海鮮嘅蒜蓉，超惹味呀😋😋 一口甜薯加上了糖漿和芝麻， 更加美味 呢度嘅串燒夠火喉之餘又唔會燒到乾，即使蔬菜都依然keep 到好多汁🫰🏻 最正係d調味料，唔會太重手，款款又不同配搭， 食到不同嘅味道👍🏻 下次夜晚搵地方同朋友傾計食飯，好推介匠森 老闆話呢度仲有私房菜添

想試呢間雞駅好耐，但次次都錯過 今次終於可以試到啦 餐廳唔止全場爆滿，外面仲有人排隊，今時今日喺香港，呢啲場面真係好少見 餐廳是雞肉米線為主打，但用上多款養生食材，除咗主打嘅花膠雞，仲有藥膳黃酒湯底，人蔘雞，姬松茸竹笙花膠，仲只是平民價錢，難怪咁旺場 胡椒豬肚雞米線 湯底非常濃郁，滿滿嘅胡椒香味，但又不嗆喉，先來一啖湯，全身暖洋洋 加埋嫩滑雞件，超淋豬肚，好味又飽肚 麻藥雞撈麵 上枱已傳來一陣超香嘅麻油味，麵條混醬汁非常惹味。麻藥蛋超超超正，蛋入哂味，又滑，溏心蛋黃正。 蜜糖雞翼炸得非常香脆，皮脆肉滑，加埋蛋黃醬，好味👍🏻👍🏻 麵食加4蚊有熱飲，加8蚊有凍飲，好抵飲。 每張枱仲放有骨碟，好細心呀 真係好味到清哂架 呢店食物水準高，味道好，價錢抵，絕對會再回訪