車仔麵有 <<<<< 小強腳 >>>>>>> 本來開開心心買外賣 返公司食!!!! 仲要叫咗3個送, 有雞翼 / 有牛丸 / 有水餃 點知食到尾, 淨返 1粒牛丸 1 粒水餃 當我夾起水餃時, 發現有隻小強腳係度 真係好嬲呀!!! 有無攪錯呀!!!  點解可以咁架.................... 好唔衛生, 我以後都唔會再幫襯呢個外賣店!  見到小強腳, 我即刻反胃, 勁想嘔!!!

唔好同我講做廚房攪食物, 呢D好平常
如果呢D响食物, 俾食客發現, 就一D都唔平常
亦唔可以接受! 

是日無煮飯, 又係外出搵食嘅時候
今晚去咗天慈邨間酒樓, 叫做金恒香
平日屋村酒樓都坐到一半人, 應該有啲保證
隨便叫了幾個小菜, 兩碗白飯!
出菜速度尚算可以👍

粟米斑塊❤️❤️❤️
大大舊斑塊脹卜卜再加一大碟粟米羹
酒樓將斑塊同粟米羹分開都好, 因為有啲人唔太鐘意混粟米 或者 唔鐘意太淋😜
佢將啲斑塊分開一邊, 自己鐘意混幾多就幾多!😍😍

菜芯炒牛肉❤️
分量OK, 菜芯都炒得好有鑊氣
牛肉略嫌咸咗少少, 但可以接受😀😀

京都骨❤️
一上菜時我以為係咕嚕肉, 哈哈~  其實佢應該同咕嚕肉個味一樣, 酸酸甜甜咁好開胃😋😋😋

大致都OK, 而且平日又唔使等位, 下次可以再黎食👍
不過酒樓價錢比餐廳叫餸食飯貴
3個小菜+2個白飯就要 三百幾蚊!
間中豪一下都OK嘅😁😁

難得星期六, 出去銅鑼灣行個圈再食埋個DINNER先返屋企啦!
今次去咗大坑個邊, 原來呢度都好多野食架, 咁我就試下間谷媽媽先😁
我見都有幾個外國客人食緊, 睇下有咩特別先!😆

兩口子叫咗兩個麵兩個餸😜😜

肉鬆皮蛋豆腐🤔
正宗百福豆腐, 因為豆腐上面大大隻百福字樣! 🤔🤔🤔 老闆只需要加幾粒皮蛋, 再加肉鬆就可以上碟!😏😏😏
我相信肉鬆都係買現成, 而皮蛋好大機會都係買, 而非自家制!🙄🙄🙄
呢碟肉鬆皮蛋豆腐絕對顯出唔到店舖嘅食物水準!😅😅😅

白菜豬肉水餃😉
一碟有8粒, 但屬普通, 唔會話好想再叫多一碟個種. 因為佢肉汁唔夠, 而皮又唔夠薄😅

上海排骨麵😊
排骨炸得有點過火, 少許燶而且油有點多🙈

擔擔麵😁
可以選擇辣同唔辣! 我就選擇咗少辣
略嫌唔夠花生醬, 其他尚可! 🤗
最後加杯豆漿, 但豆味始終唔夠濃!

整體而言, 唔會特別有期望,
普普通通食個麵嘅心態就可以.

但如果有其他選擇, 我會選擇其他先

今日LUNCH去咗EAT2食, 好耐無黎過呢度食了😊原來多咗好多選擇, 又有菜飯, 又有日本丼, 仲有喇沙😋😋😋 應有盡有, 真係花多眼亂!😍 今次叫咗個蜜汁豬扒菜飯 (燒汁) +熱檸水 當我攞外賣時發現原來有水晶梨送呀! 真係好surprise😆😆😆 打開個外賣, 豬扒同菜飯係分開放嘅, 所以唔會怕D飯淋晒👍雖然豬扒唔多, 得2塊仔, 但係毎燒汁味好濃😊我仲將D燒汁倒落去個菜飯一齊食😜有燒汁包圍住嘅菜飯特別好食😂 下次有機會會試下個日式丼, 雖然佢唔係魚生個D😉但係個牛肉丼好似好吸引!

晨早流流去屯門, 梗係要食返個豐富嘅早餐作為一日好嘅開始!

由於今日目的地係華都, 所以就去咗華都上面嘅餐廳食早餐😊 燉奶佬其實有好多分店, 但唔係間間都好食😅

今次就食華都間燉奶佬啦
由於真係好早, 8點幾所以無乜人, 任坐!

嘩! 好欣賞佢將一個4人座嘅卡位, 改為2張2人座嘅卡位
背對背嘅坐法, 感覺私穩度高咗, 最岩我呢D唔太喜歡搭枱, 又唔好意思一個人坐人地一張4人枱嘅人 😋
既然坐得咁舒服, 就叫豐富啲啦!
雞扒餐配腸仔煎熟蛋 再加個粟米火腿通粉 + 熱華田😝

雞扒腸仔煎熟蛋有少許生菜伴碟, 但係生菜個樣唔夠新鮮, 所以無食到!

雞扒配黑椒汁幾好食, 腸仔同蛋都一般啦~
餐包如果可以加熱就好好多
粟米火腿通粉比較濃味, 可能味精粉多咗D
華田夠味道, 華田粉充足! 

其實對我黎講, 燉奶佬除咗座位安排我好鐘意, 其他都無乜意外驚喜俾我 😎
所以叫做不過不失啦!☺️

有時平日真係好需要relax一下，於是放工就去咗太子，因為我知道太子後面有好多間酒吧可以坐下傾下計😍 今次就去咗一間西班牙酒吧🤗 原來呢間除咗係酒吧之外，仲係一間西班牙餐廳❤️ 坐底咗就即時送上Nut😌 西班牙餐廳就梗係有三角形薯片＋餐廳自制醬汁☺️ 酸酸甜甜好開胃😋慢慢食慢慢叫❤️ 首先叫個Channel 3 公司沙律😊 沙律菜都幾新鮮，最緊要係有餐廳自家醋😍有少少藍莓味💓 西班牙小食併盤前菜，配酒一流👍 辣腸片比較鹹配啤酒真係一絕😍 蕃薯條比較健康，但可以再脆一點 另外兩個波波初初以為係薯仔波波，點知一個係煙三文魚包水牛芝士💋另一個係炸芝士波波💓💓💓 愛芝士就一定要試下👍 蘑菇帕爾馬火腿Pizza Pizza唔算厚，芝士配蘑菇再加帕爾馬火腿不過不失😊 慢煮芝士菠菜雞肉卷 因為係慢煮關係，所以雞肉仍然保留肉汁🥰而且雞肉卷都比較大件😁 其實都好飽肚啖啖肉😇 餐廳燈光少少暗，令人有一種舒服嘅感覺🥰雖然係酒吧，但一啲都唔嘈吵👍傾計好去處😎

有時都會去葵芳食下住家飯，通常食完飯都想食啲甜甜野😊 近排先發現原來美芳街有間甜品店，為食嘅我當然要試下啦😇 可能因為係住家飯，無乜味精所以無咁飽😁可以叫多幾樣野試下😋 香辣豬皮 平時我對豬皮感覺一般般，但見店員極力推介，好啦！就試下🥰 果然，豬皮配上少許辣汁感覺好爽好好食，完全推返一向對豬皮嘅感覺👍 必試👍👍👍 椒鹽雞翼 椒鹽雞翼調味剛剛好，唔會太鹹😋 最緊要係雞翼肉汁仲保留住👍👍👍 食完鹹點要食甜品喇😎 由於出面太熱🌞食個鮮果涼粉刨冰先😍 真係好多生果❤️火龍果，香蕉，木瓜，奇異果，芒果，西瓜😍 再加上椰汁涼粉😋真係好消暑😜 再食個香蕉窩夫配芒果雪糕😝 淨係賣相已經夠靚😍 窩夫又香又脆，點少少芒果雪糕就更爽呀👍👍👍 另外不得不提甜品舖啲店員真係好好，絕對可以令有選擇困難症嘅我，輕鬆叫到好野食🌟🌟🌟🌟🌟

今日忽然間好想食海鮮, 我記得朋友有提過元朗有間食蒸氣海鮮幾好, 於是就走入去元朗搵食先😁
由於係平日, 8點入座都唔算太多人, 唔需要等位就入得. 但如果係假日前夕或者假日最好訂位, 因為唔算多枱! 
試個黃金套餐❤️

當季奄仔蟹 1隻
澳州龍蝦 半隻
鮑魚 1隻
北海道元貝 1隻
南海貴妃蚌 1隻
象拔仔 1隻
海蝦 2隻
澳州青口 1隻
蔬菜籃
瑤柱粥底
汽水 1罐

睇到個餐牌好多野食, 即刻就ORDER!
店裡面個姨姨好好招呼 👍
首先幫我地放好奄仔蟹, 蒸6分鐘! 香噴噴嘅奄仔蟹就食得!😋
奄仔蟹入面除咗有好多膏, 仲有好多肉! 所以我連腳都唔放過! 蒸出黎真係好鮮甜!😘

之後就到龍蝦, 又係蒸6分鐘!  龍蝦肉真係又爽又甜! 
跟住姨姨將元貝, 貴妃蚌, 象拔仔, 青口 一齊蒸! 好似係3-4分鐘咁上下! 😍 又係一陣陣香甜海鮮味, 蒸先可以保留最原整嘅味道! 😋😋呢一輪嘅貝殼類海鮮, 可以配一下大廚自家調配嘅豉油! 豉油少少偏甜, 但同海鮮嘅甜味配合得幾好😍

蒸海鮮最後一輪就係鮑魚同海蝦, 今次我記得係蒸2分鐘☺️ 好快就食得! 鮑魚剛好離殼, 海蝦啲肉又好彈牙!

最後, 蒸埋個蔬菜籃就大功告成, 蔬菜籃有南瓜, 娃娃菜, 粟米!😊😊😊

主菜黎喇!! 海鮮瑤柱粥😍

嘩! 你真係唔會估到, 第一輪蒸嘅奄仔蟹, 原來好多膏都流咗入啲粥入面!  好似食緊蟹膏粥! 真係正到一個點! 👍 再加少少菜圃, 增加口感!🤩

今餐真係好滿足! 不往我山長水遠入黎食飯!

大家要注意一樣野, 哈哈~ 就係要留足夠嘅時間食飯呀!  因為蒸海鮮需要時間比較長, 留多啲時間就可以慢慢欣賞每種海鮮原味道! 🤗

有時返工返到悶悶地，真係需要一啲甜品嚟沖喜一下😊 剛好知道附近開咗間新甜品舖，幾個同事夾好去買糖水食😇 揀左幾樣普通甜品😊 但你要知道普通才有難道呀🤣 玫瑰蜂蜜花茶🌹 打開個蓋已經聞到好清甜嘅蜂蜜味😍 真係好香❤️ 再加上有兩粒玫瑰花點綴😊 真係有花香嘅清優👍 芝麻糊 最鍾意個外賣盒😎 因為係紙盒夠環保👍 隔熱功能仲好好👍 芝麻糊味道唔太甜，正合我意❤️ 而且隱約聞到芝麻香😚 紅豆沙 紅豆沙係起沙個種😍😍😍 都係少甜😚感覺無咁肥😇 下次真係要試下個椰皇🙈 今次去到賣晒🙈🙈🙈

今日走到去太子，但由於時間趕急只可以係附近搵間茶餐廳e肚😊 响聯合附近有間叫香港站嘅茶餐廳，見到有好多野選擇☺️於是就走入去試下啦😇 如果我唔係好肚餓，食茶餐廳我都鍾意揀常餐，因為有麵有奄列又有野飲✌️不過而家啲常餐越來越貴🙈 要$49 🙈🙈🙈 常餐 豬扒米線＋奄列多士＋熱奶茶 奄列多士最有心♥️ 因為多士上面有滿滿嘅牛油，而蛋奄列唔乾有蛋汁👍 豬扒米線都可以，但湯底唔算濃，還可以啦😊 奶茶算係我鍾意個種，因為奶味唔重😇