冇諗過會喺旺角用到咁抵嘅價錢食到fine dining 嘅水準！ 亦都好欣賞老闆同店員細心介紹每款食物 呢間隱世香港小店加油！ 今日off menu specials: 鳳梨沙冰 天氣咁熱飲呢個就啱曬！ 望住佢將台灣金鑽鳳梨打成沙冰 冇呃你 飲落冰涼又清甜 「唔係水牛雞翼」真係唔係buffalo wings 炸得好鬆脆 有少少似越式嘅牛油雞翼 但係佢又一啲都唔覺肥膩 又係off menu specials 必食白酒煮蜆 呢個真係好好食！ 啲蜆肉好新鮮 超鮮甜 口感亦好好（唔係稔/晦嘅肉） 最正係佢入曬味 有蒜、酒同herbs 我連碟汁都飲曬 Butcher hanger steak 佢望落紅啲但因為用慢煮香煎 佢一啲都唔覺生 仲超級軟稔 鎖曬啲肉汁喺必面 好有濃郁牛肉味 連側邊嘅配料都好有誠意 好味道 慢煮豬腩肉配蘋果蓉 嘩 佢樣樣都有驚喜！ 呢個豬超稔 入口有溶化嘅咁覺 好滿足 配合自家製蘋果蓉 又好match 個皮仲要係好脆 叫埋個蘭王crème brûlée 用日本蘭王雞蛋慢煮技巧整 嘩 佢個蛋味濃到！ 仲好creamy 好rich ！蛋香同奶香都好勁🥹

好想食海鮮鍋好耐，今日終於有機會可以食全城最靚嘅蟹！ 未有熱食之前先嚟個凍蟹做前菜 凍蟹用上青蟹 好多蟹膏蟹肉 非常鮮甜! 一提嘅係呢度服務好好，樓面有段時間唔係好夠人 但伙記都會逐個海鮮幫你蒸、海鮮同埋介紹， 蒸熟左又幫你夾 好貼心 見我哋食得慢，佢又會停一停唔蒸住等我哋食埋先 呢個餐抵食呀！睇埋下面就知點解 全部海鮮都超級鮮甜 鮑魚好彈牙 龍躉片魚肉好滑 隻蠔蒸完，老闆介紹番叫我哋即刻食，原來咁先至會甜㗎喎，好貼心呀！ 啲蟹新鮮，啲腳先會喺掙扎時甩晒，呢隻未食已經睇到好新鮮！ 啲蟹膏好多好滑又甜，蟹肉超甜又夠大隻，食極仲有肉原來大有來歷： 老闆已經做左40年，識得由菲律賓入口運到呢啲頂級大皇奄仔蟹 (即係未產過卵嘅青蟹）。 1000隻裏面先有5/6隻大隻㗎，呢度食到嘅真係好少見，出面真係食唔到 啲海鮮夠鮮甜正嘅時候，倒埋啲海鮮汁落去個粥底度，最尾食個粥超級鮮甜呀～ 飲飽食醉～打電話訂座仲有燕窩甜品食 一定要再嚟！

家住太子，發現呢間米線鋪成日唔開門，所以只係食第二次。 如題，一間食店嘅服務好緊要，呢度一入嚟就有好不遇快嘅招呼，唔止失望，直頭係嬲！點餸時阿姐超級唔耐煩，明明係我哋想叫嘅餸乜都冇，我哋先要再諗食咩。佢嫌慢 仲要講出口鬧我哋 仲要喵嘴喵舌，態度惡劣係10分 叫咗兩碗4辣米線，都算好辣，不過冇乜麻/香味，但好夠辣。佢落咗好多味粉 所以食時小心chok親 腩肉非常老同韌 完全咬唔到，不過好多嚿 紫菜同腐竹都好稔， 腐竹好食，不過就爛同碎到好似腐竹雞蛋糖水咁囉 雞肉粒係嫩滑的 另外叫咗碗香草雞翼米線 米線質感好硬好似未煮熟咁 啲麵比較粗 要咬多幾啖先吞到 食咗半碗面碟雞翼先來 本身有三隻的，幾好食 拍得住譚仔，香料啱啱好 好新鮮夠熱 皮亦香脆 肉質好juicy 整體而言，服務態度真係好差，加上米線唔好食，所以唔會再來。不過佢啲餸同湯就ok 的

今日約左位係觀塘返工嘅朋友係附近搵好野食 而我又好想食千層蛋糕所以黎左間出名食千層蛋糕嘅餐廳！🤩🤩🤩 首先當然係食返個65度蛋cabonara先啦 個半熟流心蛋撈埋落個白汁之後變得非常creamy 估你唔到咁good!😱😱😱 再黎當然係叫返個千層蛋糕啦 焦糖味非常香 每一層都做得夠哂薄 層與層中間嘅cream都分得好均勻 一齊食落真係好正😻😻😻 另外好鐘意佢地嘅四季春水果茶 超級足料 又唔會太甜 有天然嘅生果味 正！👍🏻👍🏻

呢幾日涼返啲絕對係好時候可以烚下烚下 老銅食過幾次我覺得絕對係高質台式火鍋嘅其中之一 性價比係正常水平👍🏻 今次同兩位食得辣嘅朋友一齊烚 當然係要叫返個鴛鴦鍋啦 養生湯底好足料有好多人蔘 麻辣鍋都有好多鴨血 呢個初頭我以為係麵 原來佢係台灣水蓮 估唔到又幾好食 口感有啲似食緊蔥 但就有菜嘅甜味 醉雞一上就覺得好香 烚耐啲都唔覺得鞋 蝦丸好彈牙 綜合餃全部都皮薄餡靚 呢個牛一睇就知係靚料 最鐘意唔會薄到得塊紙嘅牛 有返咁上下口感之餘仲夠滑同吸汁 炸魚皮平日未必係我至愛 不過呢款咸蛋炸魚皮一定要試！因為真係堅上癮好似新加坡果啲咁 即炸響鈴呢間做得可以話係數一數二咁好 因為個厚度係做得岩岩好 咬落去索哂啲蔘湯精華 真係好

餐廳在外邊望未必會非常吸引，但呢間家族餐廳絕對有服務同真心待客同埋售價超平！ 開業故事： 老闆一家人，因爲個女嚟香港讀書，搬來香港時亦將家鄉廣西美食亦一齊帶來香港，feel 到佢真心做廚，亦帶來非常正宗嘅煮法 醬香手抓骨： 呢個小食喺大陸就有食過，香港真係第一次！個肉亦煮得非常入味，好淋，熱辣辣，超好味！ 廣西米線： 朋友叫咗碗「老友米線」，老闆解釋老友係個湯，即係酸辣，仲講埋家鄉故仔我哋聽解釋名字由來 廣西米線口感亦不同一般米線，唔淋，反而爽口彈牙啲，我好鍾意！如果叫外賣更加唔洗怕浸住湯太淋 呢碗我試咗川味腩肉米線，要揀辣度同老闆講就得～ 自家製任飲涼茶： 傾開計問老闆點解會冇賣飲品，原來老闆係想幫客人慳番啲錢，冇汽水嗰啲供應，取而代之就有自家製任飲「羅漢果菊花涼茶」亦因爲食物全無味精，根本唔需要飲汽水嗰類飲品解味，好自信大家記得要飲曬，唔好攞咗嚟洗筷子啊！ 香港地生意難做，希望呢間小店可以用真誠留得住啦，加油！

個個星期都會來長沙灣學畫畫， 今日先發現開左一間台式飲品店，我呢個珍珠奶茶粉絲一定要試吓啦！講真呢度附近都冇乜台式飲品，開心一試～ 呢個招牌黑糖珍珠椰汁，好靚，影相一流 記得要搖勻先好插飲管去飲！如果唔係就好難攪均架喇 呢杯竟然冇想像中咁甜！黑糖珍珠本身已經有微甜，仲有椰汁，椰汁香味濃郁同會令杯嘢厚啲，而加埋甜度適中 椰汁味超香，珍珠亦唔係好膠嗰種，每粒淋得來煙韌！ 個人亦相信凍飲會好飲好多，另外我平日入牛奶都會肚痛，所以用椰汁就冇問題喇～對牛奶敏感嘅人嘅恩物～唔洗羨慕周街嘅人飲黑糖珍珠牛奶

水果茶 好多水果水果味不太濃 建議不要叫少甜 叫咗個小食拼盤，份量雖少，但每樣有啲，抵食過散叫 薯角新鮮炸出，外脆內軟，熱辣辣 炸雞個皮很脆，又唔厚，入面嘅肉好滑 蒜香蜆肉意粉 兩個意粉都加大咗，只係$10就可以加大，好抵！ 啲蜆都算多，炒得好乾身唔會好油，又唔溜。意粉煮得啱啱好，唔會太淋太硬 海蝦羅勒醬牛油果意粉 好少見羅勒醬加牛油果去煮，咁樣加埋一齊食有幾好食喎！另外，加咗牛油果，個汁仲再濃郁啲！ 呢隻汁好飽，不用加大份量都絕對ok 整體嚟講所有嘢都ok，服務不錯，啲嘢食叫完十分鐘內就到齊

好耐無食過高級西餐廳 今晚黎到呢間出名生蠔menu嘅當然要試一試佢嘅蠔啦 餐廳環境清靜 啲枱唔會痴得太近 適合情侶撐枱腳 最鐘意食啲有口感嘅蠔 呢款法國嘅majestic就啱哂我 爽得嚟又鮮甜 仲買一送一非常抵食 忍唔住一人叫左一杯sauvignon blanc襯一襯佢 帶子兩食有生有半熟 生帶子好好食 口感好順滑溝左香草同埋橄欖油個味好清新 煎帶子中間係半熟 非常突出到原材料嘅鮮甜 我個蘑菇湯入面充滿細細粒既菇 好足料 個湯好有口感又濃郁 豬鞍好厚切 煎得夠香唔會過熟 岩岩好 入面仲有啲粉嫩 唔會乾身食落口感鬆軟 上甜品既時候好驚喜 因為伴碟嘅畫好靚! 經理仲話可以按主題配合番畫啲乜 真係岩哂黎慶祝既食客 值得一讚 整體服務食物同環境都十分良好 可以encore

經過九龍城，嚟聯發茶餐廳，試吓佢最出名嘅滑蛋䓤花叉燒飯..... 已經係夜晚8:30先來食飯，見成晚都冇乜客，叫咗個飯之後，竟然要等40分鐘先有飯食！ 見其他枱都係差唔多時間一齊嗌嘅，約十五分鐘內都有，仲已經食咗一半! 咪跟吓單囉，佢仲話自己有落單架喎..?! 但都係再等等等，等到9點幾呀大佬！餓死人！漏單再即刻煮都唔係要咁耐呀嘛？？ 呢個個湯好咸 叉燒唔靚仲好多鑊撈，不過好大碗 40分鐘！嘅滑蛋叉燒飯！ 好大碟，呢個炒得好滑，叉燒雖然唔靚但撈埋啲蛋都接受到 可以自己落豉油，所以唔會太咸 燥底嘅一餐。唔會再來。