女人街是平常不會去的一個地方 但自從朋友介紹了這間羊肉粉之後 好像上了癮一樣 經常都想念這個味道 自己再去了三四次
menu上有羊的不同部位食的 但基本上每一次不愛內臟的我都會揀最普通的羊肉 試過羊肉湯飯 紅油羊肉拌面（好辣）
最好食都係羊肉粉（$45）
羊肉不算好臊 雖然是切薄片 但份量一點都不少
湯底好香羊肉味 而且好清 每一次都好想全部喝掉
米線是試過的暫時最好的米線 比譚仔的粗一點 而且口感好好 好彈牙

最好的是這間是開24小時的 什麼時候都可以食呢
現在一去到附近就會想起他了

友人在這間儲夠了印花 有$250 cash coupon 就來這裏食個晚飯 心想在能在海港城的海景鋪位生存 應該有相當質素......但是我錯了飲品加是日小食是happy hour set $78， 7點前供應 飲品還好的 有 有酒精同無酒精揀
今天的小食是炸魷魚圈 大概有6-7塊  味道還好無特別 起碼是熱的 炸馬介休球 一份好似$78 有大概5粒  正常的味道正常的溫度 食完兩個正常的小食 伏開始來了
炭燒霹靂雞翼（$75）
只有5隻 而且 是凍的 是凍的 是凍的！！
凍之餘肉都是好硬
這樣普通的雞翼從來未想過會中伏葡式肉腸焗鴨飯又是另一個大伏 飯好乾 可能這一種米是這樣的 不怪他
但鴨肉都是非常乾 加上是撕碎的 鞋的不得了  肉腸好鹹 但味道又跟其他的材料撈不埋葡國雞的雞肉一如既往的鞋 又一如既往的有match不了的肉腸
食過這餐只有一個疑問 為什麼這個質素的餐廳還能生存下去
扣掉coupon 一個人都要百幾元
無下次了

從何洪記在舊鋪的時候已經有幫襯了 現在上了希慎 裝修高級了 而且更target 遊客粥品依然好好食 好夠綿而且濃味 這次的及第粥算是多料 不過份量唔算大 炸醬麵的炸醬外表善良但其實頗為辣的 附送的湯好香蝦籽味 沒有平常的撈麵湯那樣只有味精炸雲吞好像餡料少了點 不過味道都OK的  炸兩比想像中的差 腸粉皮有點厚 油炸鬼只有硬不夠脆 沙爹牛肉炒河 河粉一條一條好分明 而且口感彈牙 但少了一點茶餐廳的鑊氣

總結來講 食物好似沒有當年的驚喜了 好像質素有一點對不起價錢 而且食完好口渴 應該幾多味精
不過粥的質素還是好的 在好想好想食高質的粥的時候 應該會再來只食粥的

平常打邊爐都是叫肥牛 今次來到這間有多種不同部位的牛肉的火鍋店餐牌上面有解釋牛的不同部位同各自淥的時間 但其實都不太清楚各部位的分別 然後就靠感覺叫了幾樣 首先湯底叫了牛坑腩鍋（$168）價錢其實有點貴 但裏面有不少的牛腩 等同叫多一碟牛腩的價錢啦 湯底幾清甜 而且越熬越好味 牛腩建議到最後先食 一開始有點太un肉方面叫了以下幾種 份量其實都算多 嫩肉（$48）比較少肥肉而且un 肉味還好
吊龍伴（$88）稍微多點肥肉 但又不是肥牛那種肉跟肥膏融合的感覺 個人覺得還好 不太特別
極品脖仁（$128）這個幾好食 有肉味而且夠腍很易咬 牛肉以外叫了
牛丸（$48六粒）據說是手打的 的確比平常的爽口彈牙  土豆粉（$28）吸湯一流 煮熟後晶瑩剔透而且有彈性 個人覺得必叫喔
鮮菇拼盤（$48）正正常常無特別

另外值得一提就是這裏的豉油好食喔 比平常的甜一點 點牛肉帶出了牛肉的鮮味

埋單大概$300 一個人 這個質素其實都值得 如果多幾個人一起share湯底會抵一點  食厭了任食火鍋的 這裏可以一戰

聽説一芳好像好多人排隊 經過見到不算多人就試下 15分鐘內都有得飲 有位可以坐著等 安排都OK 但店面無show menu出來 只有寫著不同飲品但沒有價錢的木牌 要去櫃檯拿單張先有menu 一開始有點confused 叫了最出名的 一芳水果茶（大$33） 照平常的習慣叫了微甜 但都好像甜了點 想像不到正常甜會怎樣 下次會叫微微甜（2分甜）或走甜 味道其實OK的 但茶味不太出 裡面有百香果 橙 蘋果 和一個不知道甚麼 但好甜的東西 但整體是百香果的味道比較出 有叉提供可以飲完後吃掉生果 都算貼心 總結就是偶爾可以一戰 不過有點家裡都可以整到的感覺

好難得來到鰂魚涌覓食 想食的果間無開 結果在openrice 搵到呢間burger 店
雖說係burger店 除了漢堡包以外仲有賣類似pepper lunch 嘅野 呢個商品的配搭幾有趣
burger的種類感覺類似 burger king 單點飽大概 $2x-$4x 不等 仲可以加錢跟餐  由於唔太肚餓就單點了一個芝士蘑菇和牛安格斯牛肉漢堡（$38）
真係好好食啊佢
據說是和牛的漢堡扒好juicy唔會好硬
新鮮烘的麵包幾鬆軟 脆脆地的
漢堡用左芝士汁而唔係芝士片 芝士味更容易滲入漢堡 而且令整個飽更濕潤更容易入口
呢個價錢呢個質素 真係唔輸俾好多貴價漢堡啊啊啊

呢間麵包店經過左好多次嫁啦 不過每一次都剛好唔啱時間 試唔到佢
終於有一次可以幫襯啦 店內有好多平時不太常見的麵包種類 之前有好多種包都可以試食 但宜家好似收起左
行左好耐都揀唔到 因為樣樣都好似好吸引 終於揀左呢個抹茶餐包（$30五個）平均先至$5 一個 比起美心果啲真係幾抵食 麵包的大小大概比美心果啲細少少 其實好耐無幫襯美心都唔太記得清楚啦
雖說係餐包 裡面係有餡的  麵包有淡淡的抹茶味 唔算好出
咬開裡面一啲都唔空氣 充滿住豆沙同麻糬 食一個都有啲啲飽
豆沙甜左啲啲 但都可以接受  麻糬幾大舊 好煙un 好食
以$5 一個的價錢 呢個真係好高質

細個成日食呢間的糖水的 好耐無來西灣河 難得時間又啱 就去食碗糖水懷緬一下
細個的時候家人買俾我食的 雖然唔太清楚價錢 但好似十幾蚊都有交易
宜家食都要20幾蚊了 但比起果啲裝修好好的甜品鋪 都算幾平的了
宜家呢個年代有幾可搵到1字頭嘅糖水呀 今次食細個最鍾意的涼粉西米露（$22）
依然幾大碗 依然幾多涼粉 抵食啊
而且鍾意佢啲椰汁香 但有唔會好傑好漏 感覺食完一整碗都唔會好罪惡好飽
雖然好似無左芋頭係入面 佢依然係好得我歡心啊

難得來到呢頭 決定搵間cafe坐坐
跟住google map 搵左一輪先搵到佢 但發現根本係M記隔離超易搵啊 只能怪我太路痴
cafe 店面細細的 但樓底都算幾高 無咩壓逼感
不過有一個問題就是不知為何店裡回音好好（？）當廚房整緊野食的時候稍微有啲嘈 店員推薦今天唔想飲咖啡的我飲呢個honey earl grey latte($37)
話好多女仔都鍾意飲呢個個杯真係有啲細 加上裡面有個茶包 感覺得兩啖飲... 但我見到其他人的咖啡size 都幾正常的啊 可能係我揀錯野啦 不過佢製作都幾用心的  雖然earl grey 同牛奶嘅顏色好似 拉左花都唔係幾見到 但都拉左一個好精緻的花另外佢用的茶包算是幾高級 呢個加左唔少分喔

食私房菜的次數 一隻手都數得曬 難得有私房菜的機會都幾期待 menu上樣樣都好吸引 真係有啲選擇困難

照著地址搵左一輪都搵唔到 雖說係地鋪 其實門口係向後巷上了幾級 而且門口無招牌 企左係門口打量左一輪先咁禁鐘 禁左門鐘好快就有人幫我開門了

一坐低就送上了 四川辣汁煮翡翠螺個汁比想像的小辣 但都幾香 好食
之後上的是一籃麵包有墨汁 香草 芝士 番茄 四種味 切的細細塊的 不過考慮到後面的份量 麵包淺嚐就夠
其實各種味道都唔係好突出 不過熱熱地夠鬆軟都幾好食值得一提係用來搽麵包的醬料 左邊果個好好食 有一點點的蒜蓉味 幾特別starter 揀左油漬五味吞拿魚配西班牙火腿，日本大拖羅他他田園
parma ham 上面鋪上油漬吞拿魚 在加上大拖羅他他 賣相幾精緻

一齊食其實不太分得出各種食材 但整個配搭是不錯的友人的starter 是 伊朗黑魚子醬，北海道帶子芒果牛油果千層有機田園
不愛生帶子所以無食 不能評價 但底下的沙律好清新 好食餐湯揀了龍蝦湯同黑松露野菌湯
上面的麵包條點湯好好食

龍蝦湯有鮮味 但黑松露湯就無乜黑松露味 不過蘑菇味都幾濃的first main係芝士焗黑松露野菌千層
本以為係白汁 結果跟想像的有點不同

裡面有好多有咬口的菇菌 加上個汁好香 雖然黑松露味不強 但都係食唔停口haha

 一致認為友人的 香煎北海道帶子龍蝦汁燴意大利飯 係全晚冠軍

帶子大大粒煎香了不會差

意大利飯幾正宗 飯粒有粉粉的口感 而且個汁幾夠香濃 來到了main course 揀了香焗龍蝦伴芝士XO醬
本來還在想咩係芝士XO醬 原來係一隻龍蝦切半 一邊加芝士醬 一邊加XO醬

個人比較鍾意XO醬果邊 比較重口味

龍蝦幾大隻而且肉質幾爽口

旁邊伴碟的薯仔調味好好 比起主角我更appreciate 佢另一個是法國牛油香焗珍寶帶子 呢個的賣相比較無咁精美 
帶子食落同之前意大利飯的感覺差唔多

旁邊的薯仔亦然好食甜品係焗肉桂菠蘿金寶伴自家雪糕
菠蘿金寶比起蘋果金寶酸啲 但我鍾意 最神奇的是無菠蘿的口感 比較似不太腍的蘋果

手工雪糕冰感比較重 個人鍾意呢種的 合我口味綠茶拿破崙 
是green tea not matcha 所以是清新的味道 如果是抹茶我會更欣賞

總結來講每一樣course 都幾高質 整晚都食得好開心哦

不過5 courses 對女仔來講多左啲 食完first main已經有啲飽 可以要少一個course