說話小弟係尖沙咀返工，放工8點左右搵下冇咩食，見呢間酸菜魚仲有好多人食緊。咁就梗係去試吓佢啦 提外話我用手機落單，本身想叫酸菜魚既 點知就嗌錯咗姚姚水煮魚。好在個姐姐醒目問一問我check單，唔係就大鑊 呢度有得簡免辣,少麻,少油,少鹽 好多樣野簡 啱晒想食得比較健康嘅人 酸菜魚 我簡咗唔辣少麻 但都好好食，魚冇骨得黎又滑 湯底又唔會太酸，係唯一入面冇寬粉要另加既 麻辣香鍋 少麻,少油,少鹽,少辣, 最少要簡5個餸 我就簡咗牛百葉,脆皮肥腸,午餐肉,芝士豆腐同萵筍片 有驚喜！好好食 望落好辣但還可以 啱晒我唔太食得辣嘅人 香味連旁邊枱個食客都話下次嗌 總結，姚姚酸菜魚唔止酸菜魚好食，麻辣香鍋我都推薦！

今晚朋友帶我嚟中環食中東Fine-dine，呢間餐廳一直bookmark左好耐，餐廳外型好似一間小酒吧，隱藏驚喜菜式。 食之前店員拿著一盒類似雪茄形狀的調味辣粉並細心講解，方便之後菜式可以自行加入去。 Flatbread-Hummus，Spinach Labne 第一次食中東菜當然要試下招牌Flatbread配上特色醬汁，醬汁才是重點！一次過可以試曬2款:乳酪creamcheese菠菜和鷹嘴豆泥，充滿特色。醬汁唔夠喉，仲有超新鮮蔬菜夾住一齊食，紅蘿蔔真係好清甜。 Honey Baked Feta 接下來，呢個蜂蜜烤芝士脆薯條又係充滿驚喜，打完卡記得趁熱食，芝士起絲再加埋幼身脆薯條，鹹甜鹹甜真係好好食！ Charred Broccoli 烤西蘭花都有新搞作，呢個巨型版西蘭花真係功夫料理之一，加埋面層炸過的羽衣甘藍脆脆，好入味，想層次感再豐富d記得查埋乳酪醬。 Lamb rack 最期待的主菜出場！開心果醬焗羊架，超好食！羊架烤得剛剛好，外層焦香，羊肉好嫩滑，完全無overcook，十分推薦 Spiced Rice 番紅花果仁飯好似中東版意大利飯，好creamy濃郁，加埋堅果好夾。 Desserts 食到呢到已經好飽，不過唔可以比佢停，仲有最出色甜品！呢個核桃焦糖醬拿破崙簡直世一，千層酥咬落去鬆脆到不得了，加上焦糖醬和一口雪糕，食完真係好幸福。 今次中東菜體驗真係無可挑剔，食物味道到擺盤都非常高水準，下次一定要試！

Happy Friday放工梗係嚟蘭桂坊食飯飲下酒chill下，所以朋友帶我嚟呢間以紅色宮廷風為主調的餐廳bar食晚餐。 一進入餐廳給我的感覺真的充滿宮廷氛圍，門口左邊放了一架自助鋼琴，自動彈奏音樂，玩味十足，右邊係開放式bar，可以直接見到調酒師調酒，處處都係打卡位。 我們點了一份set dinner，包括前菜，餐湯，主菜和甜品。 點完餐後附送自家製麵包，並提供黑松露牛油和吞拿魚醬蘸上，麵包很鬆軟。 前菜選了焦糖法國鵝肝撻，撻皮脆脆的，充滿牛油味，撻餡料放滿鵝肝，加上面層塗上焦糖，層次感豐富。 餐湯是法式龍蝦湯，湯有啖啖龍蝦肉，龍蝦湯好濃味，但唔會過鹹。 主菜選擇了熟成澳洲紅東星斑柳，呢個東星斑柳充滿驚喜，表層煎得金黃色，咬落去是脆皮的，底層原來包著香煎過的蠔，絕對是意想不到，配合配菜和薯蓉味道很配襯。 甜品選擇了crem brûlée ,面層焦糖，下層是棉滑的慕斯，店家有加入白朱古力，令整個甜品生色不少。 套餐會附送飲品，點了一杯蘋果汁。但嚟到bar點可以唔點酒精類呢，最後在云云cocktail中選擇了呢杯Earl Grey Martini，賣相相當精緻，主調當然是earl grey，加入檸檬、蛋白，gin等調酒，十分推薦呢杯cocktail，味道賣相也很讚！ 下次來蘭桂坊也可以bookmark呢間餐廳，無論環境，食物到酒類都很出色。

今晚係上環做完gym諗住係附近食個輕盈晚餐，行過幾條街見到呢間專食poke bowl的餐廳，即刻入去試下。近幾年都好流行poke bowl，可以自選自己鍾意食的配料、醬汁、飯底等，夠曬度身訂造又係健康之選！ 由於太多配搭自選關係，今次直接揀左店家人氣之選組合-Creamy Baby，飯底配左糙米飯。呢個Creamy baby組合好豐富，包括三文魚粒粒、牛油果、雞蛋絲、青瓜、豆腐和蟹籽、我仲額外加埋新鮮車厘茄，夾埋真係超多配料！面層上面仲加左木魚絲和炸蒜粒，增加層次感。醬汁方面呢個組合用上芥末乳酪沙律醬，原來同三文魚好夾，果然係招牌poke bowl。
 抹茶高蛋白飲 飲品方面跟餐加錢可以再揀茶類/奶類等，今次我揀左抹茶高蛋白飲，好少餐廳會特別注重埋protein drink選擇，見到menu有即刻叫黎試下，味道仲有我最愛抹茶，抹茶味好濃郁，飲落有小小似抹茶豆乳咁，甜度唔會好甜，十分推薦。 蜜糖希臘乳酪 食完仲想食甜品，就點了蜜糖希臘乳酪，外型好似雪糕，乳酪真係綿滑creamy，加小小蜜糖更加昇華。 下次想食自選poke bowl推薦你黎呢間試下，份量和配料款式都好多。

尖沙嘴出名多韓國餐廳，今日黎到呢間海陸空韓國餐廳，座位十分寬敞入到去已經播緊行國流行音樂充滿韓式氛圍，店舖出面還有韓印紅超市。 餐牌食物款式眾多，除了炸雞，燒肉還有多款韓國正宗菜式，一應俱全。 點餐後店員也陸續奉上不同韓式小食，每次食韓國餐看到這個佈局已經覺得好豐富！ 石板韓式海鮮炸醬麵 我們點了招牌韓式炸醬麵，餐廳選用石板方式令到炸醬麵溫度保持，配合海鮮如蝦和魷魚炒特別惹味！值得一提的是這家的炸醬麵醬汁不會太濃稠，十分喜歡。 韓式糖醋肉 今次選擇了韓式糖醋肉，平時睇韓國綜藝看到已經很想嘗試，今次終於一試。感覺就像韓式咕嚕肉，外層炸到金黃色，酸酸甜甜十分分開胃！ 特選韓牛膝骨湯 最後我們點了韓式湯飯，清淡之選建議點這個韓式牛膝骨湯，滿滿都是骨膠原，這個牛骨湯很清甜，感覺很正宗！ 下次來尖沙咀食韓國餐，建議你來這裏，一次過品嚐多款韓式菜！

我真係好耐冇食過任食放題啦，講起任食呢一間算係高質！因為真係有心做生意，服務態度良好啦，地方清潔 首先宜家有個3週年套餐，如果早3日經online訂座可享3週年限定優惠升級到4個鐘既用餐時間！食到飽呀一定（星期五六日要＋$20） 首先，任食日本A4五品和牛絕對是一個亮點。高品質和牛肉質鮮嫩，口感豐富，每一口散發濃郁肉香！ 另外，任食刺生級生蠔，無論係原味加上一點檸檬汁，或者熟食都爽皮啦！ 甜品愛好者既話不得了，任食Haagen Dazs雪糕！盡情食哂你最愛既味道！ 最後，任飲Asahi啤酒讓整個用餐體驗更加完美。清爽、口感順滑既日本啤酒 任食放題唔試佢仲可以去邊？真係唸唔到仲有邊間囉！

南昌vwalk商場原來新開了一間粉紅色酸菜魚餐廳，少女心爆棚，今日放工一於試吓外賣，雖然是小店，但是人流不斷。題外話外賣餐具全部都係粉紅色，好可愛。 天花頂酸菜魚 我們選了招牌酸菜魚，還可以細心挑選辣度，晚餐還包括小食涼菜和白飯。這家的酸菜魚是偏酸，特別適合食唔到好辣的我。呢份酸菜魚份量超級多，除了鱸魚，還有很多芽菜、萵筍和酸菜辣椒等配料。 麻辣燙 另外我們也點了麻辣燙，雖然聽過好多次但食真係第一次。今次湯底選擇了藤椒湯，相較冇咁辣，配料和配菜也可以各選三款。分別點了 巴掌肥牛、牛柏葉、魚片頭、萵筍、鮮豆皮及大豆芽。呢個麻辣燙很出色，湯底但有少少麻，主食建議搭配寬粉，可以吸取所有湯汁精華，一個價錢食到咁多種配菜好抵。 黃金脆炸小酥肉 另外小食我們點了黃金酥肉，外層炸至金黃色，食落其實係炸豬肉粒，面層帶一點點椒鹽。 紅糖糍粑 當然唔少得甜品，必點招牌紅糖糍粑，外層炸到脆卜卜，入面好似年糕煙靭，加上面層有點黑糖，甜甜的滋味。 飲品點了紫米豆漿和黑豆豆漿，全部都係低糖，十分健康。 下次經過南昌一定要試吓呢間酸菜魚店，驚喜滿滿。

臨近聖誕男朋友帶我去Musea食午餐，今日食的呢間日式燒肉店主打日本靚牛，選用百年肉店提供的和牛，所以品質相當有保證。店內裝潢充滿和風格調，唔講唔知以為去左日本。 食燒肉之前，定食會有茶碗蒸、前菜等。茶碗蒸也好吸引，蛋好滑溜，蒸的晶瑩剔透，上面有蟹肉絲、菇等。還有昆布湯，喜歡昆布湯的清新，加上豆卜絲。 極上A5黑毛和牛燒肉盛合定食 呢個燒肉盛合一次過可以品嚐到四款不同部位的A5和牛，分別有牛柳、三角腹肉、特上牛小排，肩胛等，店員仲要好好人一邊幫我地燒一邊講解牛肉。我自己就鍾意特上牛小排，油花滿滿，咬落去唔會過厚。如果鍾意食比較有口感，就要試下牛柳，肉味亦較濃郁。 醬汁薄燒A5黑毛和牛 另外我們也點了份薄版醬汁燒和牛，有齊三款靚牛，分別有肩三角、三筋和黃爪條，每一片牛色澤都有小小分別，我好鍾意腍的口感所以比較鍾愛三筋，偏粉嫩，油脂會較重，一食落口已經好juicy。 甜品係抹茶蕨餅，淡淡抹茶香加上蕨餅口感煙煙硬硬，好Q彈，十分喜歡。 食燒肉講求品質的你下次可以試下呢間正宗日本牛燒肉店，會令你留下深刻印象。

講到大角嘴拉麵來來去去都係個兩間最出名嫁啦，又多人排隊。今日得知有新店進場，梗係要去試吓啦！ 味道未評論之前，價錢方面已經嚇我一跳 $50左右就有一碗，跟香港大部分既拉麵價位黎得平！ 晚上7點，已經差不多滿座 入一間第一次食既拉麵店，梗係問店家有乜出名！濃厚雞白湯是招牌，咁一定嗌啦 先上沙律，其實冇唸過有沙律 因為本身價錢已經夠平 食拉麵前開開胃先 低温雞白湯拉麵 55 好老實如果你要同座X個啲百幾蚊相比的拉麵，實力係不及既 但佢以小店拉麵同價位就超越水平。 湯底濃厚又不感，麵質剛好唔會煮太淋or硬身。雞肉都嫩既 糖心蛋就基本啦！ 仲有紫菜木耳芽菜作配 豚肉叉燒拉麵 58 叉燒大大塊，湯底揀咗鹽味 但都順口既！ 總結，以平民價錢食到呢個質素既拉麵 我冇任何投訴！

今晚係荔枝角收工，朋友帶我嚟億利工廠大廈食晚飯，最後決定揀呢間泰國餐廳，見到餐牌好多選擇而且價錢相宜。 金不換炒魷魚，燒豬頸肉 首先我們點了一份炒魷魚配燒豬頸肉，份量超級多，先試左個金不換炒魷魚，加上泰式秘制醬汁酸辣風味十分惹味。燒豬頸肉香口，配上辣汁，回味無窮。 黃咖哩牛根腩 配蒜蓉包 食泰國餐必點之一莫過於咖哩，今次揀左黃咖哩牛腩仲配上即烤蒜蓉包，黃咖哩汁辣度適中，椰味香濃，牛腩肉炆到好腍，加埋醬汁一齊食勁脆口蒜蓉包，十分滿足。 泰式炸蝦餅 另外仲點了一份泰式炸蝦餅，泰國嘢食炸物真係無得輸！呢個炸蝦餅份量大大碟，每一啖都係蝦肉包圍住，外層炸得金黃色，口感彈牙，大推大推！ 飲品方面點了熱泰式青檸蜂蜜和凍青檸檬薏米水，兩杯都蘊含青檸元素，十分清新，幫助解膩。 椰皇三重奏 甜品方面點了呢個椰皇三重奏，夠曬椰！外型用上原個椰子外殼，入面有椰絲、椰汁糕、啫喱組成，層次感十足。 下次嚟荔枝角可以試下呢間高性價比泰國菜。