呢一晚約左另一半來呢間靜中帶旺的Bauhaus風格扒房， 美倫復古的裝潢加點玩味打卡嘅搶眼餐桌及皮梳化椅的格局， 有二人卡位用餐區劃亦有為一大班聚會的開放式同區域， 橙啡色主題風加每顆獨特照明燈令用餐氣氛變得特別溫暖。 拍拖慢活的浪漫氣氛就岩哂放工來一齊輕鬆Chill下。 餐牌簡潔選擇唔算多，精打細算中選了幾款招牌必點款式。 🍝滿滿蜆肉蝴蝶粉 (雙倍蜆) $198 必試! 推介:⭐️⭐️⭐️⭐️⭐️ 呢個真係重點主角! 雙倍蜆的份量有海量的蜆肉坐陣! 同個菜名一樣真係滿滿蜆肉! 而且個底汁勁Creamy ，香口帶點辣度， 惹味得黎蝴蝶粉掛汁十分理想! 係整餐食極都食唔完嘅蜆肉極之滿足! 🍟甜薯條 $38 推介:⭐️⭐️⭐️ 除左有西餐廳CAFE的薯條亦有呢款甜蕃薯薯條， 見到有後者一定係揀佢比較軟熟又帶甜度，作為小食一路吹水飲野一流。 🥩安格斯Prime西冷 8oz 配烤大蒜 $196 另加芝士龍蝦 $78 推介:⭐️⭐️⭐️⭐️ 另一主角登場嘅係8oz 的安格斯Prime西冷扒配烤大蒜， 雖然作為一間主打牛扒的餐廳無傳統餐廳可以選擇牛肉的生熟度， 但食落塊扒鮮嫩多汁，亦有濃郁牛肉嘅鮮味，火喉到位， 可能亦係店主為特定的牛扒預設一個最好味的生熟度的原因。 搭配烤大蒜增加左味覺嘅香口感之餘， 再加一半張芝士龍蝦作伴，變得吸睛又飽肚。 二人SHARE 一肉一粉加小食十分適合情侶好友聚餐， 飲品LIST 有Cocktail、咖啡或茶飲等 🍹肉桂青蘋綠茶 Green Apple Mojitos $48 🍹蕃石榴白桃烏龍茶 Pink Guava Peach Oolong Tea $48 推介:⭐️⭐️⭐️⭐️ 兩杯特飲各有特式，同餐廳的牆身色彩及掛牆燈打卡特別好Feel!

主打西式料理的Culping Room, 最為人熟悉一定係海港城打卡嘅海景大窗口， 分店由年頭開到來屯門，延續木系主題風格。 餐廳位於V City 對住屯門市廣場方向， 開放式透光空間，最適合假期Lunch Hour 或者Tea Time 用餐， 而家鋪外同時有商場座位，係傾計聚餐唔錯嘅選擇。 🍝香煎大蝦龍蝦汁意粉 推介:⭐️⭐️⭐️⭐️⭐️ 賣相唔錯，與其他分店一樣係高質Cafe 擺盤， 大蝦彈牙，意粉個汁好creamy 而且入味😋 蘆荀作為配料 🍰法式西多熱香餅配雪糕Tiramisu 推介:⭐️⭐️⭐️⭐️⭐️ Tiramisu pancake 好好味👍🏼 pancake 味道唔甜而且口感鬆軟， Tiramisu cream 配手指餅 及 咖啡啫喱 重點係採用自家Cupping aroom Coffee 熱香餅外皮係焦糖厚身脆口，內裡帶煙韌 整體配搭都好好。 🍹朱古力 & 迷迭香檸檬汁 推介:⭐️⭐️⭐️⭐️⭐️ 冇諗過朱古力都有拉花造型， 檸檬汁，開胃清新，飲品整體表現出色。

本命鐵板燒上年到而家開業剛好一年， 由港鐵站 F1出口行4分鐘就到， 約左朋友商廈門口上升降機2樓先知原來係後門 XDD 朋友仔記得街外已有升降機即上到前門啊~ 見網上有好多人bookmark 本命，原來佢係銅鑼灣高CP值鐵板燒的人氣之選。 唔怪得場內有公司老闆聚會又有慶祝生日嘅情侶夫婦。 餐廳裝修日式和風格局實用平實，空間寬敞用餐舒適， 全吧枱分成兩區讓你可以昅實師傅即場表演手藝。 晚市套餐有「本」同「命」兩款，分別可以品嘗到11款菜式， 前者$588，後者$788的海鮮套餐。 重要講左先! 限定優惠期內惠顧滿HK$1500 即送澳洲龍蝦一隻! 即係代表兩位$788 或 三位$588 已經有一隻龍蝦共享! 「命」$788 推介:⭐️⭐️⭐️⭐️⭐️ 11道菜包括前菜、北海道帆立貝、甘鯛立鱗燒、大蝦、鵝肝、黑豚薄餅、鹿兒島和牛、炒飯炒野菜等。 由於平日星期一都爆哂場! 一位大廚都可以為6位客人服務， 而且擺盤精緻，時間管班亦十分理想，十分抵讚。 ❀ 前菜汁煮螺頭 高湯熬煮螺頭肉十分入味夠爽彈，加一片大根更加帶出決汁底的鮮甜香口。 🦞西澳龍蝦 直入重頭戲! 師傅Display今晚的海鮮材料後就開始表演啦! 龍蝦新鮮生猛到拆肉後龍蝦腳仍然會動!! 首先將龍蝦頭及身取出蝦膏，再將透明結實的蝦肉起出。 加入牛油龍醬汁將蝦膏炒成特配醬汁煎香，原汁原味每人三件啖啖肉滿足到暈! 🐟甘鯛立鱗燒 先將甘鯛分開魚皮鐵板上煎熟，再用平底鑊炸到魚鱗酥脆， 口感外脆內軟，魚肉保留到嫩滑可口，配以海膽忌廉南瓜醬特別提升鮮香感。 🦪北海道帆立貝 煎香後加入菠菜忌廉汁令其鮮香軟熟鮮甜。 🦆鵝肝 一大塊鵝肝放上鐵板迫出鵝油香煎，煎至焦脆油香呈金黃色後， 放上一塊香脆多士上，加入黑醋汁平衡開胃感， 配以灑上焦糖再用火槍燒至焦糖的蘋果片， 再用紅石榴藍莓伴碟生果解膩甜酸，入口外焦內軟有份溶化感。 🦐大蝦 先將大蝦蝦頭起膏特製醬汁， 大廚起殼開邊清蝦腸，煎香至紅潤金黃， 最後將蝦膏醬平均放上大蝦，入口質感爽口彈牙，香口惹味。 🐷黑豚春卷豚肉燒 先將黑豚肉片捲起剛煎香的餡料洋蔥薑絲 再用春卷皮包住整塊黑豚肉卷，最後切件上碟。 口感外面軟熟內面口感層次豐富。 🐮鹿兒島和牛 放落鐵板前見到牛的紋理十分平均，兩塊均點了5成的生熟度， 牛味濃郁，如果可以食得再生的話叫三成的軟熟度應該更明顯。 第一件可先試原件入口，第二件可以沾上日本芥辣及炸蒜片一齊食， 然後第三件再沾上海鹽，入口軟腍迫出肉汁，十分滋咮。 🍛炒飯 & 吸物 & 野菜 到最後考大廚功架的一定係炒出均勻的炒飯及炒野菜， 飯粒粒粒分明炒至乾身彈牙，充滿蛋香及蔥香。 炒野菜配鮮香清甜的魚湯及吸物，十分飽肚滿足。 🍨甘味(甜品) 焦糖多士及奶凍，後暫正常表現，反而焦糖多士令我倆十分欣賞， 就有如BBQ時加滿蜜糖方包一樣，板燒起來更加香脆入味。 「本」「命」兩個套餐並不包括飲品， 兩人分別叫了「菠蘿可爾必思」及「日式檸檬茶」$28 價錢唔算貴，想飲返兩杯可以選擇白酒或紅酒。 另外剛好隔離有情侶慶祝生日，餐廳會專誠畫公仔比你影相打卡， 係可以為你留下美好回憶的一餐。

銅鑼灣五月新放題餐廳極致推介! 由銅鑼灣站 A/B出口步行3分鐘即到，
位於美食勝地嘅登龍街Midtown 8樓NIKUSA肉佐。
餐廳主打關東風壽喜燒放題任食🥳 無限量將宮城縣產仙台 A5 霜降黑毛和牛放入口!
放題分成5種級別，最平$228起 90分鐘任食美國穀飼牛肩胛🥩
到頂級$598 180分鐘任食山形縣產 藏王和牛! 性價比十分高！
作為壽喜燒放題店，店主專誠請到擁有三十年日本料理經驗的米芝蓮大廚長本輝彥先生親自為餐廳設計壽喜燒醬汁。


集合壽喜燒、涮涮鍋、刺身壽司同海鮮放題，食品飲品種類最高多達117品!!
上到8樓就見到和風裝修日系的用餐環境，揀好放題食品的數量級別1-5之後入座。
有坐得舒適嘅塌塌米房間及卡位，亦有開揚高樓底嘅二至六人檯空間，
餐廳店員會先安排享用關東風壽喜燒🥩然後再迎接享用預先選好的涮涮鍋湯底🍲


首次來幫襯私心建議選L4/L5嘅中高頂級就一定無錯!
180分鐘充裕時間內可任食日本山形縣產 藏王牛的上肉及赤身肉、澳洲和牛牛舌、日本廣島蠔、松葉蟹、日本帆立貝、
藍旗吞拿魚壽司、油甘魚壽司、白身魚刺身和三文魚刺身等，共 115 樣款式。


再豐富D 無問題! 每位加 $100 ，
則再升級至無限量品嚐 日本宮城縣產 仙台 A5 霜降黑毛和牛。更會加送 高質壽司拼盤一份，
包括: 大拖羅/中拖羅、赤身、季節魚、鯛魚、炙燒和牛、三文魚腩壽司各一件，豐富到不行😍



L5餐目一定要推介六款上級任食和牛肉😍
美國黑安格斯牛小排（50g）
嚴選 山形縣產 藏王和牛 上肉（80g）
嚴選 山形縣產 藏王和牛 赤身肉(80g)
宮城縣產 仙台A5霜降黑毛和牛 赤身肉（100g）
宮城縣產 仙台A5霜降黑毛和牛 肉眼（100g）
宮城縣產 仙台A5霜降黑毛和牛 西冷（100g）


食完濃厚油潤壽喜燒就可以打邊邊~ 無限量添加火鍋主材料🤤
餐廳中間還有兩個火鍋配料大雪櫃任選配料打邊爐任食!
自助區比同級的日式涮涮鍋店種類更多!


甜品方面更提供無限追加現場即製日本梳乎厘Pancake😋👍🏼

支持小店系列! 元朗探求新發現，招牌客家人窯燒雞皮脆肉滑， 重要野講左先! 要食到新鮮出爐皮脆肉滑窯燒雞，建議先Whatsapp預約 因為新鮮土雞放落230度的大磚瓦爐窯要焗40分鐘~ 店主務求比你食到新鮮原汁不味的地道窯燒雞，記得提前預約及準時出現啊~ 招牌窯燒雞 $198 推介:⭐️⭐️⭐️⭐️⭐️ 要保持原汁原味的客家風味土雞窯燒十分講求技巧和耐心， 土雞先用左迷迭香及香草醃製，再掛上風乾櫃風乾， 再放入窯內40分鐘高溫炆燒， 雖然土雞比平時黃油雞脂肪比例少，但窯燒方法就令雞皮金黃酥脆， 雞肉嫩滑保留肉汁，食落又香口。 平時元朗街坊要來加餸真心一流! 冰梅醉豬手 $48 推介:⭐️⭐️⭐️⭐️ 店主話豬手係由佢地師傅細心挑選, 在冰櫃浸泡一段時間，令其夠哂入味花雕酒香又開胃， 而且有埋豐富骨膠原Q彈爽口 金羅漢白菊花 $22 推介:⭐️⭐️⭐️⭐️⭐️ 自家製清熱解毒消暑飲品，不添加人工香精、色素及防腐劑， 重點係佢地話所有材料清洗起碼三遍以上，作為小店夠哂誠意。 既解渴、清肝明目又潤肺養顏~ 啤酒1664 $28/罐 店內亦有提供幾款啤酒選擇， 無論小食定係窯燒雞送酒都一流~

Happy Sunday 沙田街坊到訪新城市廣場6樓同另一半來個法國小聚。 ÔDELICE French Kitchen由法國人主理，門面環境已經有法國街頭嘅園林打卡點。 作為一間親民多元化法餐連鎖餐廳，佢地將傳統法國食譜融入亞洲風味， 炮製出家庭式的法國料理﹔ 門口附近的四人圓枱幾有Feel，座位間算闊落，假日就梗係最重要舒適用餐。 二話不說已經揀好Hoilday Brunch的目標物， 低至$88的早午套餐包哂4選一的頭盤、主菜及飲品。 假期要食得豐富D就可優惠追加4款前菜及法國甜品。 [頭盤]🥗🍄 兩款頭盤揀左牛油果凱撒沙律及炸黑松露蘑菇球，再加左$85巴斯克甜椒煮蜆。 牛油果凱撒沙律份量令人滿意，二人分享都十分足夠， 牛油果配生菜、青瓜、雞蛋及麵包粒，加凱撒沙律汁再灑上大量的芝士粉，香口清新。 外酥內軟的黑松露蘑菇球內有滿滿的黑松露蘑菇，味道濃郁打開胃口。 巴斯克甜椒煮蜆 (+$85)🐚 用巴斯克盛產的紅綠甜椒，秘製出容易掛汁的酸甜微，粒粒蜆肉爽甜， 奈何部分蜆有少許砂，如果處理得更好更值得一試。 [主菜] 🍝蒜香白酒海鮮意粉$155 推介:⭐️⭐️⭐️⭐️ 原隻烤墨魚在頂口感軟腍有嚼勁，上面的蒜香牛油幾惹味。 意粉的油份同份量都好足，味道帶點酸甜。 原來海鮮係蜆肉為主，白酒蒜香味突出比美式嘅烹調方法有d 分別。 如果點呢款嘅話， 建議唔好好似小編咁同巴斯克甜椒煮蜆重覆。 🥩阿根廷安格斯肉眼牛排 $𝟭𝟵𝟱 推介:⭐️⭐️⭐️⭐️⭐️ 7成熟安格斯肉眼牛排配有薯條、黑松露紅酒醬及茄汁 牛肉肉質7成熟仍食落軟腍有肉汁，油份平均，沾上黑松露紅酒醬香口。 🌮榛子朱古力醬煎香蕉可麗餅+$48 推介:⭐️⭐️⭐️⭐️⭐️ 性價比唔錯的一款追加甜品，大量的榛子朱古力醬夾雜在兩邊餅皮上， 香蕉加左焦糖燒香，如果想打卡的話亦可以要求追加更招牌的火焰雪糕可麗餅。 跟餐有指定飲品， ☕️法國熱茶用茶包Refill 兩次亦香濃， 反而用優惠價轉飲的Latte 拉花賣相有點失望，但飲落奶泡幼滑合格。 整體係周末假日值得一試的早午餐Hoilday Brunch 好推介， 建議預早12點前慢活式到店，享受化假日法國小聚的美好時光。

『六六六六』火鍋見其名就一定係主打特色湯底火鍋，
但原來佢背後的手工私房菜先係總廚黃先生的秘密武器~
以鬧市中的私房飯堂為餐廳理念，將傳統菜色變奏出新款式和味道，
由食客角度出發，讓客人預訂特定菜單提前準備，
就為呢一晚四人餐的私房菜揭開面面紗🤤


餐廳樓高兩層，二樓特設三間VIP房，
除左可以唱K、睇波重可以嘆雪茄認真不得了。
包場的話大約可以容納到20幾人開P聚餐，
唔講咁多! 直接開餐介紹下😋


前菜🥗🫕
螺旋小黃瓜、麻辣燙花甲、意大利黑醋漬豬手
精緻刀工配上川式傳統手藝再配搭中西合壁的調味經驗出品三款前菜，
前者將考驗手藝將青瓜切到螺旋形狀入口更加爽口新款，
燙花甲中的麻辣醬，令花甲粒粒入味開胃，
加埋後者豬手酸甜彈牙，加上少許甜醋香味更加醒胃。

迎春花🌸
呢款係總廚黃先生專誠為我地4位送上的誠意之作!
將蘿蔔細節上切絲卷起包住中間紅椒片形成花朵造型，
精緻迎春花酸甜開胃，令人賞心悅目。


刺身帶子伴牡丹蝦🦐
打邊爐都可以叫嘅極新鮮刺身!
刺身帶子四人分享每人都有兩粒函哂誠意!
大大隻牡丹蝦加蟹籽超級新鮮! 前菜已經好大滿足~


黃金南非鮑魚拌酥炸桶蠔🦪
巨型桶蠔同鮑魚炸粉夠哂薄! 南非鮑魚咬口煙靭鮮美，
大廚級火喉將肉身鎖起緊緻口感，
桶蠔更加係一致極滿意，咬開一半那份Juicy筆墨形容唔到!


濃湯菜膽花膠湯🍲
再來一個女士最愛的花膠濃湯! 每碗片片花膠足料奉上，
黃師傅話呢個湯正正就係點解要早一日訂餐的理由，
因為燉湯需要功夫心機同時間，情況就如Omakase一樣，
務求要客人感及到餐廳準備功夫的細膩。


煎安格斯牛小排粒🥩
一上枱牛氣撲鼻! 牛小排每件肥瘦均勻，
尤其牛肉的中間排位入口即溶感覺，
牛小排的邊位有少少筋，如果能夠做到件件軟腍就完美無疑!


雞湯蟶子浸雙脆🍲
呈現大廚刀功技術的一味菜，薯仔絲萵筍絲成為爽口雙脆，
雞湯與花膠湯的湯底前後呼應，蟶子同樣入口新鮮爽脆，
調味上並做到掛湯鮮美入味，給人弓種清潤純樸的品菜享受。


老壇酸菜龍躉斑🐟
差唔多尾聲來一客重量級龍躉斑塊浸泡在老壇酸菜湯底中，
比起平日的老壇酸菜魚片的滿足感大增一倍有多!
大量酸菜配菜在其中，如果想酸味平均D 可以將龍躉斑隔開再拌勻湯底，
避免攪碎班塊又可以令每小碗湯汁平均~ 好正!


薑酒花蛤煮龍崗雞🐔 + 堂灼烏冬🍜
最後壓軸嘅係用火鍋底上的秘製龍崗雞，
將原汁原味的雞及花蛤加入薑同酒一齊炆煮，
龍崗雞除滑溜程度好有驚喜，味道再加一層海鮮甜香!
最後再加手打烏冬落鍋! OMG! 完美咁吸哂湯汁精華! 滿足到不行!


六福糖水🥣
最最後一個滋潤足料甜品糖水，
有蓮子、百合、南瓜、圓肉、紅枣及淮山，甜絲絲中有多重口感。Cheers!

四人餐總價HK$2688 (另收加一服務費) 三位好友一致認為係值回票價的豐富晚餐，
如果作為家人節日慶祝，又或者將近媽媽爸爸節聚餐，
呢到一定係孝敬兩老的推介好地方! 更加係適合公司、親戚包場聚會的不二之選🍽

Pause it 全港現時有3間分店，呢晚約左朋友來到 The Forest旺角分店晚餐， 餐廳屬於同區鬧市中少有的落地玻璃休閑寧靜咖啡店， 以純白色裝潢，搭配木系枱櫈，休閑舒適度十分滿意。 特別要留意中間有張超大的雲石檯，有種想叫埋一班同事開大會的職業使命感XDD 樓底高而且空間感啱哂同朋友傾計又或暫一個人慢活， 早午餐有日光通透餐廳，日夜用餐會有兩個唔同感覺。 進店已留意到佢地有舉辦咖啡拉花班以及有自家品牌咖啡豆買， 純白色MENU餐桌簡潔樸素有種十分蛋烈的文青氣息。 Cappuccino $40 & Victorian Earl Grey $42 人馬座拉花用心製作，加埋餐具裝坐修整體氣氛十分治癒。 兩款味道到位，咖啡豆偏香少運許回甘， 皇牌伯爵紅茶一向著重茶味香濃的朋友仔都十分滿意， 原因好簡單，佢地係用茶葉浸泡而非普通茶包沖泡，細節滿有誠意。 鹹蛋黃單骨雞翼 $68 Salted Egg Yolk Chicken Wings 推介:⭐️⭐️⭐️⭐️⭐️ 鹹蛋黃香味十足落足份量， 每年雞翼都被蛋黃醬緊緊包住，邪惡得寸來入味滿足， 而黃香更加多到放滿雞翼山之上，粒粒金黃誘人，旁邊有沙律菜及番茄仔解油膩，係性格比唔錯的小食。 煙文魚班尼迪克蛋 $84 Salmon Eggs Benedict 推介:⭐️⭐️⭐️⭐️ 薄切煙三文魚帶煙燻鹹香，上面放滿荷蘭醬作為班尼迪克蛋的底盤， 打破傳統之下班尼迪克蛋下放有酸種麵包，口感變得更煙韌。 炙燒過的班尼迪克蛋質相吸睛，不過水波蛋略為熟左少少， 一件微微有蛋汁另一份有點過熟，配埋伴碟的柚子醋沙律菜， 以上兩款伴碟都有新鮮沙律so fresh，所以建議如要點沙律菜先視乎返主菜小食的份量配搭。 鮮茄龍蝦汁香煎大蝦螺絲粉 $128 Tomato & Lobster Bisque 推介:⭐️⭐️⭐️⭐️⭐️ 重點主菜作為今晚中心主角，性價比合理，原因螺絲粉份量真心比一般Cafe偏多， 咬口軟硬適中，螺絲粉及大蝦上灑上芝士粒有少斗卜許拉絲香口感覺， 濃郁的龍蝦汁帶少許蝦膏平均拌勻在每條螺絲粉，三隻大蝦新鮮煎香， 鮮茄亦同樣新鮮，開胃得來令人食唔停口，十分推介。 埋單時贈送印花卡，Buy Nine get One Free， 平日Tea Time或者假日經過旺角The Forest 值得一試。

上星期有機會來到南昌站V Walk工作， 放工探店一訪呢間十分 Pink Lady 的小店， 口麻天辣MOTO MALA 門面牙形造成fancy Cafe， 就連堂食上檯都是Cafe 級的鳥籠放盤👍🏼 🍽抵食晚市特盛1人晚餐 一個價錢包括了主茶、是日小食、是日涼菜及白飯。 點了兩個晚市套餐加班同事一齊食， 每個set都跟主菜＋是日小食＋是日涼菜＋白飯🍚小食就係： 椒麻鳳爪口感滑嫩有彈性，微辣前菜夠開胃。 涼菜反而係甜品款😆 紅糖糍粑， 一個餐有兩條炸香脆條味道唔錯。 唔好話外賣就一定求求其其，佢地十分有誠意就連外賣盒都同堂食一樣， 全部有貼合返PINK 主題的粉紅色外賣盒，觀感上誠意抵讚。 🍲酸甜清新番茄魚 $128 魚肉嫩滑無骨👍🏼 番茄湯底酸甜爽口令人越食越開胃， 之後睇返佢原來係姚姚酸菜魚旗下分線店， 難怪魚件咁好食份又ok😋 🍛秘醬口水雞 $118 嫩滑雞件軟熟度剛好，半份雞件有雞髀雞翼， 底汁少麻辣醬油加面頭嘅芝麻同香蔥， 正常表現，下次會試水煮牛肉送飯可能更惹味。 🫕麻辣牛𦟌 $38 牛𦟌有微麻辣味，份量合理性價合格。 🫕黃金脆炸小酥肉 $28 川菜皇牌小食必點，香酥惹味，呢款真係食唔停口。 🥤手打檸檬茶 $33 青檸檬輕輕打爛浸泡檸檬茶， 清新香味，酸甜同茶味帶回甘，特別解渴。 低糖五穀米漿 $18 樽裝健康解渴。 🍧彩虹冰粉 $38 賣相方面以外賣來睇一定無堂食咁吸睛， 但算係足料甜品，豐富配料有豆黑、黑芝麻、青提子乾、花生粒及芋圓， 加上糖水清涼爽口。甜度剛好幾潤喉。 朋友仔經過可以揀堂食又或者apps 叫外賣屋企慢慢嘆。

荃灣大鴻輝6樓「真」夜繽紛又食又玩到凌晨3點! 每晚有Live band駐場表演比你點歌到10點， 之後就任你上舞台唱K大展歌喉，好啱一大班朋友來飲酒放鬆盡興! 全場以拉斯維加斯娛樂場為主題，樓底夠哂高裝修非常夠心思， 係超有氣氛9000呎正宗重慶烤魚店漁樂場讓你霓虹燈聚餐打卡。 餐廳主打重慶烤魚、東北燒烤、港式炭烤、燒海鮮、串燒、牛扒、燒物及特飲&酒精飲品， 貼合近期港人北上的熱潮，場內朋友仔一致認同綜合色香味價錢性價比十分高， 難怪平日夜晚都Full house爆場，用餐氣氛十分好。 山城毛血旺烤魚(江團魚)$328 推介:⭐️⭐️⭐️⭐️⭐️ 份量超級大份，江團魚已預先煎香，一盤夠晒二至三位享用， 湯料底香辣得黎魚肉又嫩滑，上檯之後烤煮8分鐘瞬鮮味香濃 毛血旺用料有鴨血、午餐肉、蓮藕片、毛肚百葉等， 烤魚一直翻滾著，越食下去會感到魚肉味道越濃郁入味😋。盤內還附有洋蔥、蓮藕片等配菜🧄。 食完滑一滑嘅烤魚亦有其他火鍋配料加單， 多人就可以繼續加料加邊爐慢食飽飽! 新西蘭肉眼排200g 配薯條 $168 推介:⭐️⭐️⭐️⭐️⭐️ 本以為佢只有重慶東北中式餐點就錯左，難得有埋西餐款比你開心一下， 肉眼排火喉有誠意，而且切割埋比你方便Share， 一路聽歌一路嘆牛扒薯條夠哂Chill，價錢亦十分合理，抵食的。 當晚叫左三款唔同嘅串燒，每檯都會準備好一個暖窩爐為串燒保暖 推介:⭐️⭐️⭐️⭐️ 燒大大茄子 $36 必點之物，川燒惹味合格，大大份吸睛美味送酒一流。 黑椒豬頸肉(2串) $28 & 魷魚鬚(5串) $28 孜然粉味道入味香濃，如果多人一齊食就可以試多幾款唔同款式。 超級水果茶 $45 & Maisel's Weisse Original $98/500ml 推介:⭐️⭐️⭐️⭐️⭐️ 水果茶勁大杯，同啤酒杯有得Fight!，裏面仲有足料生果真材實料， 另外啤酒款選擇 特飲還有手打鴨屎香檸檬茶可以一試。 重要野講多次，現場live band 會表演到22:00 晚飯宵夜， 完左之後更有#Vsing 時段透過Apps點歌唱歌， 更可以玩到凌晨3點包保盡興! 整體氣氛一流勁啱同一大班朋友聚餐慶祝。