平時極少去大埔既我 為左大滾友 點都要黎啦🤩 大滾友出晒名足料又好食 大埔店都幾寬敞 當日有其他客人 一家八口都坐到👍🏻一齊打邊爐好溫馨 先黎返鍋半隻花膠雞先😋雞湯鮮味十足 雞件預先切件 花膠好大塊又厚身 加左花膠同雞落去雞湯 煮滾後可以先試湯底😍包滿意 好濃郁既鮮雞湯 雞件鮮嫩 一啲都唔嚡口 . 🦀蟹黃餃係呢度必點既!!! 皮薄餡靚 一咬開係爆餡蟹肉 仲有香濃蟹黃 香氣四溢 手打鵝肝墨汁墨魚丸加左墨汁 所以全黑的😝 彈牙嘅墨魚丸入面夾住一粒鵝肝 好有睇頭又特別 . 🐂牛肉拼盤有一口牛粒 安格斯牛肉 牛頸脊 牛舌 美國肥牛 牛黃喉等等 牛肉既紋理好靚 肥瘦勻稱 牛黃喉爽脆彈牙 . 伊比利亞橡果豬有豚肉界和牛之稱 肉質細嫩 大理石紋👍🏻完全無平時我好怕果陣豬味 . 夏日炎炎🌞配返渣竹蔗茅根 不會太甜 易入口又清熱氣 打邊爐飲佢就啱晒!

自從搬左去新界西 就開始發掘附近既餐廳有咩好食～～🩷 上星期去咗屯門悅品酒店食自助午餐 佢哋依家做緊泰國料理buffet 鍾意東南亞嘢食嘅你唔好錯過啦🙂‍↕️ . 呢間酒店勁近屯門站 真係行3分鐘就到 一啲都唔難搵 有沙律菜同凍肉頭盤 刺身 熱盤 湯品同甜品 當中我最鍾意食既一定係即切燒汁牛扒 🦀蟹鉗 海中蝦 BBQ豬肋骨🥹 即叫即整既叉燒豬骨湯烏冬都唔錯 刺身bar既三文魚肥美 墨魚彈牙 甜品有好多蛋糕仔 各款雪糕 仲有朱古力噴泉🍫 餐廳職員嘅服務態度都好好 食完開心捧住個肚走🩵

台灣茶王黎到香港啦! 未黎飲之前已經聽朋友介紹過呢間飲品店 話佢哋飲品嘅茶底好香濃 沿用台灣茶葉同沏茶技巧😋 必飲‼️108茶王 用細火慢焙108小時 有淡淡蜜蔗糖香氣 一啲都唔苦澀 但茶底的確好濃 愛飲茶既你必試! . 當代雙Q就啱晒我了!有珍珠又有小芋圓 點了微甜剛剛好 茶底香濃 珍珠同小芋圓Q彈 . 芒果鳳梨果粒茶就最適合夏天飲了! 果茶非常清爽 🥭芒果同菠蘿🍍好夾 甜甜酸酸的🤩生果好fresh 夏日炎炎必備!🌞 . 依家仲有個限定小小活動 ‘5秒大挑戰‘! 只要㩒中5.00秒 就可以有5杯免費飲品!!! 連續5日各有1杯free drink laaaa 快啲去試下啦🏃🏻‍♀️ 佢

上星期同好友去左飲茶食點心🥟一盅兩件 呢間飲茶絕對係我哋嘅首選 嘢食好打卡而且又好味😋 雖然已經一段日子冇食過 上星期食返嘅感覺仍然一樣 🦐蝦餃同流沙包係我最愛 蝦餃皮唔會太厚 入面嘅蝦肉大粒彈牙 流沙包造型可愛 最鍾意拮穿佢之後流啲奶黃出嚟🤣🩷奶黃好smooth 加咗鹹蛋黃令人更大開胃口 . 好友最注重就係養生 燉湯係佢要求一定要叫嘅👍🏻平時佢飲開 果然一飲落就覺得好足料 唔會死咸個隻 飲落好溫和 乳鴿炸得香脆 已經預先一開四件方便食用 滋味十足 🍜四川擔擔湯麵有好多花生碎 麵底好多 因為佢湯底唔算太多 撈埋一齊食感覺似撈麵多啲 好入味 屬小辣🌶️ . 最後當然唔少得甜品 鳳梨酥絕對係不二之選 仲要造型可愛 係鴿子🐦 再放喺鳥籠入邊 酥脆嘅外皮配上軟綿內餡🤤再飲番啖茶 好chill🩵

. 荃灣有間開咗好耐嘅正宗韓國料理 真係由細食到大 以前住荃灣都成日同屋企人去食^_^ 今次帶埋老公嚟食😋 見到Menu有好吸引嘅芝士排骨同埋滷水豬手 即刻二話不說就叫咗 我好鍾意食韓式卷 就叫咗牛肉卷 另外叫咗芽菜同海帶小食 老公當日好想飲豆腐湯 同叫埋泡菜煎餃子🥟 估唔到豆腐湯都幾大碗 而且好足料 仲配咗白飯一碗 份量十足 本身都好怕食唔晒 但食食吓又OK 煎餃子煎到勁香脆 點少少酸汁食好惹味 . 我最期待嘅芝士排骨到啦！一上枱店員就溫馨提示，盡快芝士捲好排骨 因為如果芝士凍咗就會變硬 到時就好難捲了 鹹鹹嘅芝士勁拉絲 排骨好入味 啲肉好易就同骨分離🤩必食！ 另外滷水豬手仲配咗生菜 蒜片同埋豆瓣醬 可以用生菜夾住豬手嚟食 咁就唔會咁膩🩷 呢餐真係勁滿足呀！

平時好鍾意由中環坐船去尖沙咀 上星期經過見到有間韓國小店 即刻試吓佢先搭船😋 雖然係碼頭位置 但都有少量座位 而且係有冷氣㗎!🩷 . 🍗炸雞都有好多種唔同口味 少少哋叫咗六件 配埋薯條同飲品 價錢非常實惠 我揀咗蔥蒜醬油炸雞 咬落好脆口 外脆內軟 蔥蒜味好夠但又唔會好咸 韓式魚糕係由魚漿整成 帶點煙靭 即刻令我諗起之前喺韓國路邊攤食嘅魚糕🥹 . 韓式泡菜蛋炒飯平時好少食 酸酸辣辣好香口 非常惹味開胃 平時食炒飯好驚會好濕 但呢個加咗泡菜都冇呢👍🏻面頭嘅滑蛋炒得好靚仔 🌞夏日熱辣辣配返罐粒粒蜜桃汁 裏面有好多果肉 解渴解熱🤭正啊～

又到食燒肉既時間啦😚今次黎到柞木炭家 有限定牛舌menu 即刻叫返幾款～ 燉牛舌好入味好腍身 仲加入左南瓜🎃青椒等等既配料一齊煮 檸檬鹽花牛舌味道清新 食完都唔會膩 口感爽脆 蔥蒜牛舌就會重口味一啲 好啱大愛蒜既人士 一定滿意🤩用大塊薄牛舌包住大量蔥蒜 好滿足。 . 韓牛肉眼扒🥩一上枱真係嘩一聲 好大塊 而且厚切 就咁望已經見到啲油脂比例好靚好平均 店員全程都幫手燒 好貼心咁會根據返客人想要既熟成程度 我地要medium 果然燒得好靚 肉眼扒好juicy 牛味香濃 一食就停唔到口🥰 . 如果怕太多肉 最啱就係叫返個生蠔石頭鍋飯🦪 有飯焦脆脆地好正 一啖肉眼 一啖飯 正好balance返 . 最後當然少不了🐱舞動喵甜品🤣呢個名好可愛 一上枱就知點解了!! 佢係牛奶布丁 成個造型好Q彈 一郁隻碟 貓貓就會震震下咁 好睇又好食 希望可以出多啲呢款甜品既造型啊🥳🫶🏻

上星期去咗間好懷舊嘅火鍋店☺️
除咗裝修同用具 店內仲播住啲好懷舊嘅歌 好有feel🩷
一路食雞煲同打邊爐就最適合不過。
呢間店最出名嘅就係雞煲 2個人叫左半隻雞 小辣 配上惹味黃蜆 好入味! 雞肉嫩滑 份量都唔少
食夠之後就再加雞湯打邊爐 🍲

🐂牛肉拼盤有好多唔同嘅牛部位 包括 一口和牛 手切牛肉 牛柏葉 胸口油等等 每款都有6,7片 牛味香濃 愛肉人士必點!

.
另外叫咗🐟脆鯇片 勁新鮮!!! 下湯20秒左右食 好鮮好脆 有好少嘅細骨 但係脆到我係食埋的🙂‍↕️

.
五香肉丁餃🥟係店家自家創 好有香港風味
咬開係爆餡嘅五香肉丁 唔會太鹹 口感實在
.
🥙雜菜拼盤大家一定要點! 包括大部份嘅蔬菜 非常豐盛
粟米 蓮藕 雲耳 淮山 蘿蔔呢啲可以先下湯 令到個湯更甜
食到咁上下就可以落埋油麥菜 娃娃菜 生菜等等
食完真係飽到上心口🤣大滿足

.
配埋鹹檸七解一解膩 造型超可愛 好vintage
係六七十年代嘅漱口杯造型🤩有時光倒流嘅感覺。

💁🏻‍♀️超平高質tea set在中環! 好耐冇食過性價比咁高嘅下午茶啦😋地點竟然仲要喺中環! 價錢相當平 連埋加一 兩個人只係要300頭🩷 總共有10款咸點甜 仲有每人一杯飲品☕️ 我哋揀咗breakfast tea同咖啡 🫖英式茶好香濃 用透明茶壺裝住 好有氣氛 配甜點就最適合不過。 店內裝潢有復古感覺 吊燈風扇好vintage . 首先由最上層開始食起～ 🐂澳洲和牛他他同三文魚籽撻絕對係我既最愛! 沖繩海葡萄同三文魚籽鋪係薯蓉撻上面 咸咸地好開胃口 和牛他他配上脆包 好香濃🫶🏻 🍅油漬車厘茄巴馬臣芝士🧀好match 不會太膩 Parma ham x 艾曼塔芝士果種食完仲係口入面帶有嘅咸香味好正 🧀芝士控一定要黎☺️ . 甜點都有4款 我個人本身比較鍾意咸點多過甜點既tea set 依家6:4岩岩好 甜點有馬卡龍 鮮果芝士撻 拿破崙同朱古力蛋糕🍰 鮮果芝士撻好好味!外脆內軟 藍莓🫐好新鮮好脆 芝士香濃 馬卡龍咬落好有層次 外層帶點脆脆 不會太甜 拿破崙中間夾住既吉士同士多啤梨好夾 好耐無試過咁滿意份tea set啦🩵

早2日同老公又去葵廣食孖寶車仔麵啦 呢間由我讀緊書嘅時候已經開始食 好有回憶 一如以往 平日夜晚都好多人 即刻叫返兩個車仔麵set😋 價錢仍然都好平 $52有三個餸再加熱飲 我叫咗豬大腸 牛雜 瑞士雞翼米線 而老公就揀咗牛雜 蟹籽丸 瑞士雞翼 豬紅粗麵 個人認為呢度嘅牛雜同埋瑞士雞翼都係必食嘅👍🏻 牛雜雖然加$5 但真係有好多部位 牛腸 牛肺 牛心等等 全部都好入味🩷 瑞士雞翼都煮到好腍好入味 仲記得以前讀書都會買淨雞翼嚟食 絕對係呢間店嘅王牌