三文治係一樣好有趣嘅食物，因為甜食又得、鹹食又得，好似咩配料都可以放係兩片麵包之間然後成為一個個神奇嘅味道，唔知大家又鐘唔鐘意食三文治？ 呢間三文治真係每次都有驚喜，叫左遊日懶人鐵板三文治、咕嚕咕嚕脆雞三文治、脆脆芝士蝦球、脆炸魷魚圈、西瓜檸檬特飲🤤 首先講吓兩款三文治先，勁厚，亦都好足料遊日懶人鐵板三文治入面有吉列和牛漢堡、照燒北海道帆立貝、熔岩芝士、脆生菜、他他醬、香蒜檸檬蛋黃醬，一啖咬曬有唔同嘅質感同味道，彷彿有日本料理嘅感覺咕嚕咕嚕脆雞三文治就有咕嚕脆雞、燒菠蘿、烤蕃茄、熔岩芝士、脆生菜、他他醬、特製奇妙醬，👦🏻比較鐘意呢個三文治，酸甜嘅脆雞配上生菜、菠蘿、蕃茄，真係好夾，真係可以自己一個人食晒；小食方面都好有特色，黎一場與別不同嘅三文治約會啦🥰 評分：8 / 10

番工攰到隻屐咁，有時真係想簡單咁食到一份溫暖又好食嘅食物就夠，或者今日要介紹嘅餐廳幫到大家，呢間外賣店位於中環街市嘅食街，鐘意拎番公司、屋企食又得，企/坐係中環街市食又得😋 👦🏻叫左二人餐，揀左和牛羅宋湯、甜粟雞肉豆乳濃湯、牛肉野菌咖哩飯、番茄菠菜芝士雞肉卷、油揚豆腐薑汁豚肉燒、蜜桃紅茶，二人餐黎講無論價錢定份量都好足夠，而且賣相都好正，好日式簡約風☺️ 味道方面都好好食，啲湯好濃厚、羅宋湯嘅牛肉塊都俾得唔少 豆乳湯呢，鐘意飲粟米濃湯嘅朋友仔一定會好鐘意 牛肉咖哩飯係日式咖哩味，撈飯一流；兩個主食都好食；最後嘅蜜桃紅茶一定要試，微甜嘅味道再加蜜桃香，好好飲🤤 評分：7 / 10

終於開放台灣自由行啦🥺但係一定有好多朋友仔仲未咁快有計劃去旅行，咁就岩啦，今日介紹一間炸雞排店俾大家可以一解相思之苦😋 叫左脆皮無骨雞排、甜薯地瓜條、脆皮百頁豆腐，呢間店好有趣嘅係每樣食物都可以混搭味道，最多兩種口味，所以每次都可以試到唔同嘅組合🤪脆皮無骨雞排用上250g醃製過嘅雞胸肉，出到黎真係好厚好大塊，而且外皮炸得好酥脆，好有台灣夜市會食到嘅感覺，海苔x芝士味嘅雞排好正😍地瓜條同百頁豆腐都係台灣直送地瓜條就揀左梅子味，梅子粉同蕃薯真係最夾嘅組合，蕃薯條每條都好厚，食到停唔到而百頁豆腐就揀左椒鹽x辣味，辣得黎好惹味，👦🏻鐘意食百頁豆腐🤤 每次經過都想幫襯，但成日都見到好多人咁點算？其實可以打電話預先落單，咁行到咁上下再過去就最方便啦🙃

唔知咁多位朋友仔有冇去過長洲食過一間港式嘅炸雞店？食過嘅朋友仔都讚不絕口，原來係港島區都開左分店，即刻約埋朋友去再食🤤 叫左Wow豬扒包、原味烤雞套餐（轉左磨菇飯），落左單等左一陣就有得食啦 竹炭嘅漢堡包、夾住一塊無骨嘅嫩豬扒、醃蘿蔔絲、加上酸甜嘅醬汁，味道清爽得黎又帶少少辣味，好惹味😍跟餐附送嘅洋蔥圈好脆口 而原味烤雞真係烤得外脆內軟又多肉汁，完全唔似連鎖快餐店個啲越縮越細又乾又柴咁，大推！ 另外黎得呢間餐廳必食磨菇飯！佢嘅醬汁並唔係連鎖快餐店個隻辣味嘅，而係多左份香味，真係每次黎都必叫嘅item，食厭左大集團嘅一式一樣，不妨試吓一啲小店，或者會搵到驚喜🤩 評分：8.5 / 10

真係好鐘意食石燒肉，因為雖然唔係任食，但係肉質好高質，加上自己燒，可以控制生熟度🤪唔知有冇朋友仔都鐘意呢？ 呢間餐廳充滿日本風味，好多唔同日本feel嘅poster 叫左個牛舌兩食，除左有薄切蔥燒牛舌，仲有原切牛舌芯條，一次過可以食到兩種牛舌質感，👦🏻特別鐘意厚切牛舌芯條，口感好爽，又充滿牛味，正🤩 另外仲叫左個吉列A4黑毛和牛牛小排，一上檯就見到啲肉嘅顏色好靚，燒一燒再食，啲和牛嘅油脂燒左出黎，入口個陣香氣、加上吉列嘅炸皮同軟淋嘅肉質，真係好興奮🤤 另外仲叫左A4黑毛和牛他他，吉列池魚、富士山特飲、橙味汽水；小食方面和牛他他係生牛肉，口感幾有趣 吉列池魚嘅鮮味好出 富士山特飲一定要叫！味道好好飲之餘，影相打卡都一流😍 評分：8.5 / 10

唔知有冇朋友仔記得👦🏻好耐之前都食過呢間呢？🙈因為鐘意食牛肉所以想介紹多次，睇吓過咗咁耐，究竟味道有冇改變？結果係點，睇到最後啦🤤 醬汁區一樣有好多特別嘅選擇，例如有秘製牛肉汁、牛油豉油、金桔，估唔到沾上呢啲醬汁出到嚟嘅味道係令到牛肉更加鮮味同好味😍 揀左牛雜湯底，煮耐左嘅蘿蔔真係好好食，加埋唔同部位嘅牛內臟，其他配料未黎都唔會好餓 牛肉方面大多都係$48-$68一碟，好抵食，有齊唔同嘅部位，仲有檯面教左大家每個部位需要淥幾耐嘅時間，鍾意食牛肉嘅朋友仔真係一定要去試勻晒咁多款牛肉😋 味道方面，梗係無變，都係咁好味❤️ 評分：8 / 10

唔知大家係唔係一個好鐘意食生果嘅人？👦🏻就係，基本上90%嘅水果都鐘意食，所以有真水果嘅食物、飲品👦🏻都會想試😍 今日要介紹嘅茶飲店最近先開張，主打鮮果、乳酪，亦有好多唔同嘅飲品，成日行過都想試吓🙈 最後的起心肝試左紅火龍果果酪、超級水果茶（四季春）、奶蓋泰式奶茶，落單嘅時候店員話佢哋嘅甜度比坊間一般茶飲店低，所以怕甜嘅朋友仔都可以盡情飲🤤 紅火龍果果酪嘅漸層好靚，紅火龍果同乳酪嘅味道好夾超級水果茶嘅水果好澎湃，味道都調得好好泰奶加埋奶蓋係另一個口味，為獨特香氣嘅泰奶帶來多一陣奶香味😋 評分：8 / 10

可能好多人都鐘意食雪糕亦都鐘意食咖哩，但係唔知呢兩樣完全唔相關嘅食物會點呢🤪 👦🏻因為係小新fans，有日行過呢間餐廳俾佢門口嘅圖片吸引左，見到成個雪糕筒放咗係咖喱飯上面更加好好奇會係點嘅味道🤩 叫左究極雪糕咖哩吉列豬扒飯，可以揀唔同嘅辣度，👦🏻揀左中辛，呢個set仲包埋腐皮壽司同一杯特飲雪糕同咖喱嘅味道其實好夾，令到呢個日式咖喱嘅味道更甜更突出，吉列豬扒都炸得好脆，成個飯都不錯另外仲叫左鰻魚玉子和牛丼，和牛肉質軟淋配埋香甜嘅鰻魚同嫩滑嘅玉子，一啖飯有唔同味道得黎又好夾，好好食😋 鐘意蠟筆小新嘅朋友仔一定要去啦，因為除左呢個雪糕咖喱飯之外仲有小新精品，好多都好可愛🥰 評分：7.5 / 10

科技越嚟越發達就會令到食物變得越有趣，點知咁講呢？因為今日要介紹呢間cafe就係將科技融入食物，變成一個人人都黎打卡嘅嘢 叫左個焗豬扒飯、羅非魚意大利粉、玫瑰荔枝蘋果梳打、榛子朱古力、栗子撻；如果點左熱咖啡、熱朱古力，店員會問想打印啲咩圖案係飲品面，好有趣；食物嘅味道都唔錯即焗嘅豬扒飯味道偏酸，但係豬扒肉質好淋，好正😍羅非魚意大利粉嘅香氣好特別，香草、忌廉、魚子……嘅味道好融洽，好好食😋 如果想揀一間餐廳同朋友仔放鬆下、食下美食嘅，呢間餐廳真係一個唔錯嘅選擇🥰 評分：8 / 10

最近嘅天氣真係幾岩食串燒、同朋友飲番兩杯又食下串燒，傾下計咁又一個晚上，今日又同大家分享下食過好好好食嘅高質串燒店😍 總共叫左汁燒牛舌、爆醬芝士大啡菇、芝士蒜蓉包、雞六盛、五花腩、原條燒茄子、脆燒白鱔、安格斯牛柳串、燒賣、海鮮砂鍋粥、焦糖菠蘿 👦🏻就揀幾款特別介紹下，爆醬芝士大啡菇有兩件，都好大件，濃濃嘅芝士醬一咬就爆曬出嚟海鮮砂鍋粥非常真材實料，用上鮑魚、蜆肉、帶子、蟹膏黎煮，鮮味十足🤤；脆燒白鱔好大件，肉厚，必叫！ 另外雞六盛都好有趣，一個價錢包含六款唔同嘅雞肉燒物，岩曬選擇困難症嘅朋友仔，👦🏻就好鐘意呢間餐廳嘅調味唔會過鹹，而且份量多又多選擇，係時候約埋一班朋友去食串燒啦 評分：9 / 10