🍖🍖🍻🍻 大坑依區平時比較少去，但其實附近既環境同各類型小店都相當有特色 今次光顧既串燒店同樣係小店感覺唔錯，最重要係食物好味有質素，非常抵食👍🏻👍🏻 五花腩肉串($28) 我咬落口有勁juicy又唔un，唔會覺得太油膩，上面加左香蔥，味道調配都剛剛好👍🏻👍🏻 安格斯汁燒牛舌($48) 燒牛舌好厚好大件，食落口肉質非常腍，燒完亦唔覺好乾，一串有四件厚厚既牛舌，依個價錢好抵食👍🏻👍🏻 招牌海鮮砂鍋粥($108-2人份量) 小店其中一項推介👍🏻👍🏻一鍋粥話係二人份量，但比想像中多，兩人計每人都可以有3-4碗仔以上 粥既質地好綿，粥既味道好鮮，配料多，有質素，有磯煮鮑魚、蜆肉、青森縣帆立貝同蟹膏，日式煮粥仲要用高質海鮮配料，相信都唔係度度都試到，值得推介👍🏻👍🏻 安格斯牛肉蘆筍卷($38) 牛肉卷中間加左蘆筍非常清新，食落口爽口而且好夾，完全唔油膩 免治雞肉棒($38) 雞肉棒熱騰騰兼啖啖肉，配埋日本蛋食增加味道層次，唔會過份調味 醬爆芝士大啡菇($68-兩隻) 超級香同超級熱，進食時要小心熱會燙到咀 首先菇好大件，係勁爆汁，好juicy，加入左好多蒜係菇入面，再有一層厚厚芝士係面，咬一啖一次過品嚐到菇、蒜、芝士、牛油混合既香，雖然邪惡，但相當好食👍🏻👍🏻

🇰🇷🇰🇷🇰🇷 今次食依間韓國菜主要係想食招牌牛肉Bulgugi 就連在韓國菜集中地尖沙咀，都唔係好見到有得食，專程黎到北角依間試下 全店職員都係韓國人，仲有韓國人排隊黎食，感覺有保證又夠哂地道 山峰烤牛肉($488) 餐牌寫住mountain bulgugi，砌到成個山，入面其實係芽菜，肉既份量都岩兩個人食，仲有麵、菜、菇，肉同芽菜一半燒一半用湯汁煮，好有韓國地道風味，味道👍🏻👍🏻 韓牛質量都唔錯，唔係港式肥牛，所以都唔會太膩，亦都唔會令湯沾滿肥油 雖然價錢略貴，但因為唔係度度都食到，值得一試👍🏻👍🏻 海鮮煎餅($160) 依個海鮮煎餅同平時唔同，佢係料多過粉，但仍然煎得香脆可口👍🏻👍🏻雖然材料多好唔易夾起，但啖啖海鮮好惹味，蝦、魷魚都好大件，落蔥既份量都唔少 Sunrise($38) & Yellow Flower($38) 飲品都唔錯，比想像中大杯，而且最緊要唔太甜，味道岩岩好

❌❌❌ 係香港想食韓國傳統粥，真係好難搵到，search黎search去得果一、兩間，照去試下 都賣成過百蚊，相當有期待，但換來既只係失望👎🏻👎🏻👎🏻 釜山鮮鮑魚粥($138) 薄薄既鮑魚要搵先有，同menu張圖完全唔同 配料又唔算多，好貴好貴好貴👎🏻👎🏻👎🏻 食物送上面前好香麻油味，食落口就覺得麻油過份既多，食完好口渴 同係韓國食既唔同，依度湯同飯都分得開既，完全唔係所有湯都被飯吸收哂既感覺

🌶️🌶️🌶️ 旺區好似好少有四川菜坐得舒服而menu又多選擇，依間四川菜夠辣又多打卡菜式，值得介紹一下 荔枝蝦球($108) 個個黎到都會order，著名既荔枝樹為打卡菜式，樹下面用左乾冰增加仙氣👍🏻👍🏻製作非常有心機同創意 荔枝有八粒，每粒都算幾大，一粒粒荔枝其實係蝦滑炸成蝦球，外面加左脆米，新鮮炸起好熱好脆，仲有個特製醬沾起令味道更豐富 開胃宜賓涼拌冷麵($38) 小小開胃小食，記住撈埋個底既花椒油，雖然少少油撈埋，但食落口唔覺油膩 炸饅頭($58) 六件炸饅頭同煉奶放係有乾冰既船上，令到外表平平無奇既炸饅頭都變成另一樣打卡菜式 炸饅頭剛炸起好夠熱，外脆內軟，值得一試👍🏻👍🏻 酸菜魚($268) 黎到見到一大碗都相當吸引 魚既份量好多，仲有好多配菜：芽菜、豆卜、菇、萵苣 魚好滑，配菜又夠入味👍🏻👍🏻 要左少麻少酸少辣，個人覺得可以下次要中辣多少少麻同酸 水蜜桃雜果茶($88) 唔好睇佢價錢貴，一見到成Jar上，一路食一路慢慢自己斟都幾開心，我諗份量都有十杯左右 水蜜桃味都幾濃，但味道唔甜，幾個share朋友一齊就岩哂👍🏻👍🏻

🍔🍔🥘🥘 商場附近好多食肆，行過見到有間西餐廳都幾吸引，勝在外面放左好多menu夠多選擇，就入去試下先，果然好有驚喜👍🏻👍🏻 酒香脆皮燒雞($108-半隻) 燒雞好多地方都有得食，但用酒醺既就比較少見，寫住每天醃製八小時 燒雞份量都算大，燒起望落去漲卜卜，食落口真係有陣陣酒香，味道唔錯調味岩岩好，而且雞肉嫩滑，皮好脆👍🏻👍🏻 法式鵝肝多士($148) 鵝肝多士好香，重點係鵝肝好厚，多士同鵝肝中間夾左菠蘿，一啖咬落口，有鵝肝既香味加菠蘿既酸酸甜甜，去除鵝肝既油膩感👍🏻👍🏻 日本刺身帶子龍蝦汁意大利飯($158) 香噴噴既意大利飯，意大利飯黎講份量多，濃汁好有效果，但味道好濃但唔咸，配埋厚厚帶子，相當唔錯

🍗🍗🍛🍛 依間海南雞飯專門店，可以話係香港食海南雞飯以黎最好食既一間，真係唔可以唔介紹俾大家 招牌去骨泰式海南雞飯-油飯($55)👍🏻👍🏻👍🏻 油飯好香但唔會太油，飯面仲加左少少炸蒜 海南雞色澤好吸引，夾起可見係啖啖肉，食落口真心超嫩超滑，感覺係岩岩熟，完全唔老👍🏻👍🏻 平時都驚肥唔食雞皮，但今次反而覺得唔食雞皮既話，會唔係好對得住個飯，因為唔會有厚厚既肥膏 夾埋個醬汁食，真係可以話食過最好味既海南雞飯 泰式墨魚餅(三件$19) 大細正正經經，剛剛炸起香脆可口，有墨魚味，口感比較實，唔算太彈牙 另外跟餐可以有椰子雞湯，今次試唔到，要撞岩時間有緣先會試到，聽聞相當好味 想講講個凍檸茶，茶味岩岩好，唔會太甜太淡👍🏻

🥘🥘🥘

平時旺角都出名多火鍋任食放題，模式大同小異，今次試返一間可謂台灣火鍋吃到飽元祖

平時不論平日定假日，晚上時段都會大排長龍，今次星期六下午過去等開門，4:00時段真係唔洗排隊，攞野飲野食同醬料又唔洗同人迫，二人又坐到大卡位舒舒服服👍🏻👍🏻

澳洲極上和牛套餐($288-19:30前離座，星期五六日、假期及前夕加$10)湯底：台灣鳳梨雞鍋
平時雞鍋好怕油膩，佢既雞鍋有成半隻雞放入去做湯底，亦有薑、菠蘿、苦瓜做配料調配味道，好適合唔食辣、又唔中意湯底太濃味既朋友澳洲M9和牛牛丸
每位只贈送兩粒，的確物以罕為貴，牛丸好大粒，一啖咬唔哂，真材實料無脂肪粒，非常彈牙👍🏻👍🏻澳洲和牛M5牛肩卷👍🏻👍🏻
好腍身，而且食落口好嫩滑，食落口唔覺油膩安格斯牛小排👍🏻👍🏻
肉味重比牛肩卷重，個人比較喜歡依款👍🏻👍🏻而且油花平均洋蔥牛肉汁👍🏻👍🏻必試
平時都好少有醬汁推介，依個係必試項目
有洋蔥薑辣椒香蔥芫茜，好香，加上少少辣，好惹味，完全有助豐富牛肉既味道，相當夾

除左牛之外，海鮮都唔錯，沙白同蝦都好新鮮好大隻，另外台式蝦餃都好值得推介，鬼馬松露油條亦都好香同超級脆如果follow 佢地社交平台仲可以有一杯台式飲品，今次係鴨屎香檸檬茶👍🏻👍🏻👍🏻檸檬香味好足，絕對可以消解到打邊爐既油膩感

🐷🐷🐷 假日都有lunch menu around $150一個人，講明有lunch set先會去食，而大menu有少少定價過高 餐廳有餐牌指明會收取每位$9茶錢，包括餐前日本焙茶，以及餐後玄米茶，兩款茶都唔錯，但感覺就好似故意有藉口多收茶錢👎🏻👎🏻👎🏻其實只提供一款茶都已足夠 白飯同沙律可添加，沙律可配西柚汁同紫菜汁，西柚汁比較好味開胃，有麵豉湯，味道普通唔算鹹，食完定食有西瓜 吉列上級豬扒定食($169) 豬扒岩岩炸起好夠熱，厚薄中等，炸粉唔厚，咬落口肉質嫩，但邊位就比較肥👎🏻👎🏻👎🏻配沙律同飯食就唔覺膩 滑蛋吉列豬柳飯定食($139) 比起上級豬扒定食，我比較喜歡滑蛋吉列豬柳，豬柳好厚好嫩，啖啖肉，加埋滑蛋，味道即時豐富左，食落口就唔覺吉列豬熱氣同乾👍🏻👍🏻👍🏻👍🏻

🍝🍝🍝 銅鑼灣有好多西餐廳，有時都唔知簡邊間 今次介紹依間，服務好而且價錢同質素都好值得一試，最喜歡係佢menu 選擇多，特別係小食前菜，而價錢既range都好大，俾返大家自行選擇，唔會好似有d西餐廳淨係一個貴字 香草白酒煮蜆配意式香草麵包($188) 好濃香草味，份量好夠，唔會過份調味而遮蓋了鮮味，主要味道黎自香蒜乾蔥等，醬汁質地似湯多過醬，味道好夠👍🏻👍🏻 香草包好熱，好濃香草同牛油味，外面好脆，裡面好軟身，雖然有牛油，但咬落口唔會有多餘牛油滲出，唔會膩👍🏻👍🏻做前菜小食非常合適 意大利生切牛肉薄片($168) 平時少食到生牛肉片，依碟小食有別於平日配生蛋食既牛他他，反而配左幾款沙律菜同檻欖 一碟有六片，切到好薄身，完全唔韌 單單食牛肉片可以食到鮮味會比較raw，夾埋鋪係面既菜夾雜住食，唔會單單只有肉既口感，菜同沙律醬酸酸地好清新👍🏻👍🏻👍🏻 香煎北海道帶子三文魚籽龍蝦汁扁意大利麵($238) 龍蝦汁超香濃，每條意大利麵麵掛滿醬汁，但唔會太多忌廉令到整碟意粉都好膩，意大利麵好有咬口，唔會太腍身，配埋大大粒帶子同三文魚子，好完美既配搭👍🏻👍🏻

🥘🥘🥘 之前試燒味都食過食間，今鋪大癲，凍凍地見新推羊腩煲，仲加埋有個幾有創意既牛腩煲，結果一次過試哂 日式壽喜燒牛腩煲-配溫泉蛋及白飯($98) 牛腩配壽喜燒都幾特別，牛腩好腍，好入味，但成煲野都太鹹👎🏻👎🏻👎🏻 可能倒左一半湯再加水都已經好夠味 好在有溫泉蛋，食牛腩可以沾下，幫助洗去鹹味 鹹味已經蓋過左一切，愈食愈膩 古法雙冬羊腩煲-配油菜及白飯($158) 個煲好大煲，入面都好多羊肉同冬菇，仲有筍同支竹，聞落香噴噴都幾惹味 細件既羊肉好夠腍同入味，相反大件既就超乾同韌，食到牙胶都軟 食得耐同樣都覺得成煲都同一隻味，而且好鹹👎🏻👎🏻👎🏻 醬汁同整煲份量減三份一，同樣價錢都可以按比例減 相信可以吸引到更多人去試，因為凍凍地有一人羊腩煲有菜有飯，的確幾開心 焗香辣雞翼四隻 晚市惠顧滿$250送小食，選擇左雞翼 趁熱食好脆好香口，辣辣地都唔錯👍🏻👍🏻