雖然香港都有gelato,但既然呢間咁出名,即管試一試~

因為啱啱食完安德魯葡撻,又好快食lunch,結果5個人只係淺嘗左一客3球gelato~

試左幾款不同口味,包括主打的檸檬車露,但覺得略嫌酸,所以結果嗌左玫瑰花茶、Mocha咖啡,仲有香橙乳酪~玫瑰花茶好香茶味,咖啡味道都好似,香橙乳酪有de 驚喜,唔會太甜又唔酸,好清新~~三十幾蚊3球值得一試!!

朋友仔話想要杏仁餅做手信,唔想買香港都買到ge 品牌,所以出發尋找呢間"最香餅家"

雖然已經睇完其他人ge 食評,但仍然覺得有de 難搵......幾經辛苦終於搵到,買左兩粒粒柆杏仁餅,一盒肉心杏仁餅,入口好鬆化,好香,有好多杏仁,會有食上癮感覺~~

違規俾客0係室內食煙,坐低無耐發現隔離食煙,已經刻意調到"舞雷公"咁遠,但後來有枱新客又0係隔離食煙,唔覺有分吸煙區,通風又差,被迫食二手煙!

嗌左下午茶餐,apple tart+banana milk tea,個tart ge size同相片相差好遠,有點被騙的感覺(約5x5 cm,盛惠$25,味道一般啦)...banana milk tea 唔覺有banana 味,奶茶味亦偏啖

一句講晒,無下次!

一心希望同朋友仔食餐好的,因為想坐window seat,所以早兩星期前已經打電話預約好今晚去食晚飯。

點知今晚同朋友仔老遠出到中環,鐵板燒就食唔到,換lei ge係食閉門羹!!!!!在餐廳樓下還聽人說它最近星期日休息!!! 實在係太離譜,無諗過呢件事會發生係一間「高級餐廳」上,我地無收過仕何電話通知,結果白行一趟,真係好掃興!

因為之前買落張$20當$40用coupon就到期,所以今日凍凍地都去幫襯下。

之前只係試過Crumbs的froyo,相比之下我覺得呢間差好遠....

先講服務,真係唔鍾意唔係自助,佢鍾意"筆"幾多就幾多,佢知我係用coupon 就連磅都無磅俾我睇,只係"筆筆下"就話"差唔多啦,夠ge la",感覺好唔舒服...

再說主菜froyo,起初揀左原味,後來佢知我用coupon 就叫我揀多種 (佢ge 語氣似係驚我揀好多topping),結果我揀左芒果。但有de 後悔,都係原味好味...

最後係topping,我見要"儲"夠$40,而且見佢每款都係"筆"少少,咪揀多幾款~結果幾乎"脆口"的都有揀,仲有mochi,喜歡脆脆加軟軟的感覺~不過佢無我最愛的crumb,而且原來M&M 同froyo口感 唔係太夾。

下次都係幫襯第二間...

國慶假期前夕,仲驚周圍都要等,幸好呢間唔駛等~

同個frd 各自叫左一個餐,一個意式一個日式~

意式: XXX雞粒紅米飯+"介央"蒜蓉包+雪糕糯米滋+菠蘿芒果雪糕特飲,$4X,好抵食!!!
$4X 一個晚可以有咁多野,仲要每樣都有de 驚喜,好開心~~~

日式: 芝士海鮮飯丸+忌廉湯+蜜桃茶,$52~
相對意式,呢個無咁多驚喜,不過都算幾好食~~

下次有機會要試下"甜品三重奏"!!

同朋友兩個人專程lei 食大閘蟹餐,訂了8:30 枱,8:25 去到已經有得入~

食$338餐,先lei 一小碟腩肉伴肴肉,令人滿意的水準~再來一人一個蟹粉小籠包,整件夾起也不穿,咬了一小口便流出湯汁,鮮甜好味,正~!!

再上便是主角-大閘蟹x3(兩皇一后)!!! 逐隻逐隻上,先上后再上皇~蟹后多羔蟹公肉甜,各有各好味,三隻都係上佳水準!!! 不得不讚服務水準一流,伙計會定時觀察一下我地ge 進度,接近食完先會送上下一隻,確保唔會凍晒~!三隻蟹的蟹羔入口時仍然是熱的!!仲有,伙計會好殷勤地換碟,提供替換膠手套,全部都係自動波,仲有人教點拆蟹肉,真係皇帝式服務!(如果有人拆埋蟹肉就更好~)

拆完蟹已經十點,再來一客雞燉翅,每盅都有兩排翅及雞肉,de 湯好鮮甜,又係一流!

之後仲有蝦仁,糯米飯,還有值得一讚的麻沙滋,皮是糖不甩的味,裡面是流沙芝麻餡,是一頓晚餐的完美句號!!!

8:30 後入座有8折,埋單每人$320 左右,值得豪一豪!!

行開天后,見到有間新舖,成間舖好似都係由一班泰國阿姐主持,有個阿姐0係門口好熱情咁sell,所以便決定入內一試。

set lunch 大約三十幾四十蚊,叫左個泰南椰汁魚柳飯,有湯有野飲。湯有冬蔭功或冬瓜湯,我揀左冬瓜湯,好快就lei 碗湯,但好鹹....

轉頭就有個阿姐拎左碟干炒牛河lei,我話我無嗌wor,佢搵左個waitress,然後佢地就0係我面前展開左以下呢段對話.....

傳菜姐: 個客係咪嗌左魚柳?
waitress: 係呀
傳菜姐: 你無話俾佢知無魚柳咩?
waitress: 無呀...
傳菜姐: (細細聲) 你今日已經落錯好多單 (然後走返入廚房)

最神奇ge 事係,個waitress 之後無行返lei 問我轉咩餐,只係行左去招呼另一枱客........完全無左件事咁......

結果我忍唔住問返佢,係咪無魚柳,佢先好似如夢初醒咁,問我轉咩餐........

最後我揀左個泰式豬脾飯,味道其實真係唔差,好"林",幾入味,雖然份量唔多,但女仔食應該夠~

值得一提的是佈置不錯,幾有泰國feel,有泰王幅畫像,而且用籐椅,如果氣氛悠閒一點會更好~

以呢個價錢及食物質素,0係天后都算係可選擇的,希望服務質素會有改善。

我係無睇食評去的,經過好多次都見到有好多人等位,所以都有de 期望~

叫了炭燒鰻魚烏冬,豬骨湯底。份量不多,但女仔食都應該夠~烏冬真係好滑,雖然只係得四塊鰻魚,但其實剩食烏冬已經覺得好好味~~鰻魚雖然量少,但都燒得幾好味,水準之作~

睇食評見到話唔係手打,有de 驚訝,雖然唔肯定係唔係,但希望真係手打吧,否則有被騙的感覺.....

第一次幫襯,試了蝦肉片麵,湯底是辣的,但不太吃得辣,所以叫了少辣~

沒有雜誌所描述的"可以被香氣吸引找到這店"的誇張,但吃落卻是不錯的~蝦肉很鮮甜,肉片很薄,但很入味,最好味的是湯底,麵條配上這湯底,會令人不自不覺便吃完整碗麵,還要再把湯喝進肚才滿足~!!還有便是叫了少辣便真的是少辣,連我這唔辣得ge 人都可以放膽地食~~

唯一不好的便是實在要等太耐,lunch time 一個人幫襯都要等上20 mins,即使好味也不能經常幫襯...