今日同媽媽一齊係APM Food Court食Lunch

佢本來話想食Pepper Lunch 但我見到Mos Burger有新產

個selling point重要係芝士 身為芝士迷既我 梗係試新野啦

媽媽見到 就話費事麻煩 一齊食Mos Burger喎

媽媽唔食牛 所以選擇唔多

佢就要咗個雞堡 我就試新野 另加兩包薯條

滿滿流流芝士漢堡+脆雞漢堡+厚切薯條$51

滿滿流流芝士漢堡$18有芝士醬 芝士片 漢堡扒同幾粒切碎既蕃茄

芝士醬份量唔少 雖然芝士味道唔太濃 但夾埋一齊食好正

牛肉同麥記既足三兩差唔多厚度 半肥瘦 有油香 好味

脆雞漢堡$19 媽媽食既雞堡我都食過 感覺就係麥樂雞味

媽媽既評語係幾脆幾好食~

厚切薯條$14份量唔多 但夠粗 食到薯仔肉 而且夠熱 都好食~

整體黎講 水準重係Keep到 可能會係多次呢個咁芝士既包~

今日一個人食晚餐 係淘大兜咗一 陣 睇下邊度有平野食~

見到呢間Riso Cafe 可能時間重早 人少少 靜靜地 正合我意

睇到門口既餐牌 野食唔算貴 一於就佢啦~

佢與鄰店Sora ti.te.mo Cafe是互通的

比錢同一位置 出食物也同一位置 但食物格調不同

與Euro Go Go同ME.N.U一樣 都是付錢 拿牌 坐下來等食

我點了個A+B+C餐 即燴飯+飲料+小食 亦只是$32 挺化算的~

單叫一個雜菌蜜糖豆燴飯$26 是最便宜的一款

份量少得可憐 只是三兩口便可吃光

蜜糖豆像未熟 很硬而帶點草青味

飯亦過淋了點 risotto應半生熟帶點硬才正宗吧

汁料倒是不俗 不太多但很濃味 白汁與蘑菇向來是夾味的

味道是挺對胃口的 不過份量真是太少了

加$3有一杯莓子集薈 smoothie單買要$20 很抵飲呢~

飲品最先來到 不太甜 不過太凍 但與燙口的飯同吃則很舒服

味道也挺清甜 但有點草青味 我個人不太喜歡

再加$3有香辣焗薯角(半份) 炸薯是最遲到的 飯吃到一半便送到

吃完飯才吃薯角 還是熱的 微辣 香脆 與沙冰同吃很過癮

還有生果 我選擇了蜜瓜 另有菠蘿 哈蜜瓜選擇

可能是喝了smoothie的關係 覺得它的味道很淡 沒甚麼味道

不過是免費 不能有甚麼意見~

$32 味道是不俗 亦很抵食

但真的不太夠飽 要是飯有得加大就好了

Burger King三種新味既小華堡都出咗一段時間

一直都想去試下 今日經過Burger King 見唔係好多人

就入去試下 諗咗一陣 最後決定都係試新野

紐約芝士小華堡套餐$28

三種味我都想試 但梗係試咗芝士先啦

個包整得幾靚 有生菜 蕃茄 洋蔥 酸瓜 芝士 煙肉 牛肉

汁就有沙律醬 燒烤醬 茄汁 同芥末

咬落去口感好豐富 牛肉唔算太厚 味道其實唔比M記特別好

但靈魂係個汁度 個汁配合到好好 食落去好好味

今次唔記得走酸瓜 好在唔難攞出黎

薯條份量都唔少 條條都脆卜卜 而且調味比麥記好 好係

雖然索價$28 係貴咗少少 但好味 都值得既~下次再試其他~

又係麥記啦 冇法啦 廣告既誘惑....好似好平好抵食咁

兩個和風芥末魚柳包餐$40.5

已經冇用盒裝住 但其實重方便

之前食個陣係有盒冇紙 食既時候有少少麻煩

可能我要求低 食咁多次 都係咁好食

魚柳夠脆 吠落去juicy有油香 好食

芥末都幾辣幾攻鼻 但醬汁唔太多 ok啦~

已經冇脆薯皮 但薯條都唔差啦

今次水準唔錯 唔太鹹又夠脆 幾好食

$20一個餐 唔可以同$35週年既優惠同時使用

不過有得平咪重實際 飽就麻麻地夠飽 之次都要買多杯新地~

最近McDonald's推出咗維持$35日既優惠

今日係星期二 係我最愛既魚柳包做特價 咁就梗係去食啦~

兩個魚柳包加脆香雞翼$30.5

因為都幾肚餓 所以買咗兩侸包加一盒雞翼

脆香雞翼$14.5簡咗全翼 其實我個人黎講係鍾意麥樂雞

但係琴日麥樂雞買一送一 今日先買太笨啦

雞翼微辣 肉質幾滑 好食過KFC 但都幾貴

魚柳包$8係多人食既關係吧 感覺上都幾新鮮

魚肉嫩滑有油香 又夠香脆 亦幾厚肉 唔錯

沙律醬唔算多 但反正我唔太鐘意佢呢個混有瓜既醬

只要食落唔太dry就可以了~

呢一餐$30.5 唔貴唔平咁啦 但都叫有飽又好味~

係電視睇到必勝客出咗三文魚批

媽媽同家姐不嬲都鍾意係三文魚 所以叫個餐一試

海陸至尊必勝批套餐$219

一打開個批 唔係呀話 一片三文魚都見唔到

可能係繁忙 所以唔記得咗啦

本來係可以打電話番去投訴既 不過費事啦 又唔知要等幾耐

撇除三文魚唔講 個批味道都唔錯既 不過就冇咩特別

有蝦 魷魚 青瓜 車厘茄 冇味既薯蓉 醬汁係千島醬

成個批批邊最好食 因為係芝士最rich既地方

因為好多肚餓既關係 媽媽好好人咁比埋佢個塊pizza我食

但可能冇咩料 所以食完三塊薄飯都冇飽肚感覺

因為爸爸同媽媽唔係芝士白汁 所以盒海鮮寬條麵我同家姐一人一半

芝士汁唔算好多 但都好夠味 我覺得好好食

家姐感冒唔食得雞 所以6隻秘製雞槌3人分剛好

雞槌微辣 幾惹味 但比較鞋身

燒排骨係送既 份量少得可憐 得三條 又係家姐自動放棄唔係

骨多肉少 但其實味道唔錯 送既就冇所謂啦

整體黎講 冇味特別 價錢偏貴 尤其冇咗最貴既三文魚

好耐冇黎Buddha Hut開餐啦

今日有事要到九龍灣 雖然淘大開咗好多新食店

但兜咗個圈 價錢始終都係呢度比較經濟 都係係度食Lunch算

豆腐扒飯配蓮藕湯$26

我都係始終如一 次次都係叫豆腐扒

貪佢煎到外面有少少脆 但係入便好軟滑 好食呢~

炒菜有娃娃菜同椰菜 幾清甜 份量都唔少 但今次炒得比較油

餐飲我要咗老火湯蓮藕湯

都幾足料 有蓮藕 紅蘿蔔 花生 眉豆等等 味道唔差架~

$26 話平唔平 話貴唔貴 但食得飽 算係咁啦~

爸爸同家姐都唔番黎食飯 咁就費事煮啦

見到報紙賣廣告 M記連新出既芥末魚柳包餐都只係$20

咁抵食 一於同媽媽一齊去食

叫咗兩個和風芥末魚柳包餐$40.5

和風芥末魚柳包用盒唔用紙 食落反而冇咁方便 係為咗環保??

Wasabi都幾攻鼻辣口 唔差既 但我自己本身唔鍾意wasabi

魚柳脆卜卜 咬落去 油同汁都噴出黎 好正好好味

個包係有芝麻個種 食落係會香口D 但如果包身帶脆就重好~

脆薯皮似新鮮炸起 熱辣辣 脆卜卜 食到薯仔肉 好食過薯條勁多

呢個餐真係好抵食 薯皮又唔洗加錢

原價$26.8 薯皮再加$3.5 即係$30.3 而家只係$20 好抵呢~

朝早食完蛋批同蕃薯糖水咁豐富既早餐之後

Lunch既時間都唔係好肚餓 唔係好想食飯一於食麥記啦

McDonald's不斷咁加價 諗過度過 都係買兩個包食化算

魚柳包+麥香雞包$22.8

魚柳包今次賣相麻麻 味道都冇咁好食 魚柳冇咁多汁 冇咁有油香 失望

反而麥香雞就幾有水準 脆卜卜 又夠熱 好食

$22.8 唔算太貴 因為唔肚餓 叫夠飽啦~

今日戚起條筋 好想成家人係KFC度叫桶餐share食

雖然好想試下新出既狂野燒雞 但係個餐要$148 而且冇葡撻食

所以考慮咗一陣 最後都係叫番$138既四人桶餐算~

個餐包括8件炸雞 4件雞翼 4杯汽水 4個飯 4件葡撻 格格脆薯塊 巴辣雞粒

今次既炸雞幾新鮮 食既時候重出煙 肉夠滑 皮又香 好味~

葡撻熱辣辣 蛋漿好滑 因為爸爸同媽媽唔敢食甜野

所以我同家姐可以每人兩個 超滿足

薯格份量都唔少 外脆內軟 好好食

今次既飯有進步 汁夠多 飯亦唔會硬到未熟咁 算係咁~

雞粒帶辣 夠熱但唔夠脆 一般般咁啦~

講真 飽就唔多夠飽 但滿足下口癮 都唔錯呢~