觀塘之友生日會，預約在The Lane ，年幾前去過，水準是不錯的，食一個lunch around $150，久不久去下是可以的。

一坐下便會有麵包送上，麵包是酒店級數，熱騰騰的軟包，配香蒜牛油，非常之美味！今天的餐湯是忌廉磨菇湯，好滑，好朋友大讚好味道！

叫左3個lunch set share食︰
牛扒(7成熟)$198，炭火烤起晒格的，配粗鹽或沾芥末都美味！推介！

白汁意大利雲吞$148，有菠菜墊底，吸收晒醬汁的菠菜和其他配菜，食起上來卻不太膩，而份量方面，有10-11粒，份量不錯

海鮮意大利飯 $168，有三文魚件、帶子和青口，煮得相當不錯，乾濕度適中，其實吃完白汁意大利雲吞都飽飽地，好在這個是紅汁，而且好味，大家都吃得下，非常飽足！

最後個餐茶熱咖啡都好好味，唯一不足是奶是凍的，如果有整熱就更好。

風聞舊灣仔街市改建之後，ground floor有一間好得的coffee shop，於是周日去睇睇。
OVO Cafe 就在地下入門口處，非常易找。
一入去最吸引的地方就是超高樓底+ 好綠化的環境，好多花花草草，感覺良好。

試左latte , lemon cake, carrot cake , um.... 點講呢？普普通通咁，同連鎖的starbuck, pacifi coffee 差無幾，無乜驚喜。杯latte 唔係太可口，溫度上差少少，唔係太夠熱(我都唔知點解會咁，已經是即出即飲的了)

食物方面，單就cake + latte 來說一般般，如果是單純覓食就無須再來。最大的attraction都是個環境，令我想起首爾的cafe，很多花花草草的！如果想過一個傭懶的周日假裝在首爾的下午，還是會再來的。

Happy Friday，同事帶我試新野！

又是上樓cafe，但只須要上一層樓梯，一入去，嘩！好大好寬闊噃！時間正是2時許，午市剛過，只有一檯客人，非常舒服寧靜。

侍應先生冷冷的遞上餐牌，嘩！好cool 噃！
咦！我以為是cafe，一定食西式的，原來有魚生飯食！一眾同事餓左日本野好耐啦！(事關觀塘區真的嚴重缺乏好的日本料理店！ )

bill tai tai 是納豆粉絲，但是超級市場的納豆一pack 3盒，而老公大人最怕我在他面前吃納豆，所以這款日本平民美食，我甚少在家吃的！今次點的"納豆海鮮刺身飯" ，沒有令我失望！無錯！就是這個味了！好正呀！！好滾動~~~淚奔~

另外同事點的燒明太子飯，竟然是明太子過多所以咸過頭，她的comment是好味！

此外店舖要改善一下漢堡西冷薄扒，不要用豬仔包，太硬了！而且著條可以比多少少，一個正常食量的男仔都唔夠食！

最後，可以推介下跟餐半價的飲品，叫左mint mocha，好有驚喜！好好飲！mint的味道不化學！

滿足的happy friday!

見有雜誌介紹，和同事拉大隊去HOWE。
甫入店舖，不似CAFE，似傢私舖多D。又幾特別的。

成10個人坐近窗邊的大檯，陽光晒進來將身體晒得暖暖，有一刻似不是一個上班天，像是在外旅行一樣。

以CAFE來說食物都算是合格的，比起食物，飲品會出色一點的。咖啡茶類都見有心意。跟餐配
熱LATTE，很滑，很順口，咖啡的苦澀和奶的幼滑配合得好，很有水準，比起連鎖咖啡店勝一疇的。

不過一碟意粉+ 飲品就要近$100，只可以久不久來吧。

老公大人心血來潮想食韓燒！今日睇報紙知道朗豪坊有新開韓燒，放左學9點上去，7個大人都有位！
正！試新野！

裝修好韓feel，好raw，9點幾都滿左7-8成，原來今日是第1天開，唔怪得大部份店員都生手，只有著西裝的女經理較為上手！

野食方面，一打開個menu有一大版叫做"加拿大自然豬"推介，一於試試，叫左個豬鞍$198+ 豬腩$128。原來豬鞍好大份，2塊大豬扒有骨痴埋，成隻蝴蝶咁，幾靚。

一燒d 豬油係溢出，流左去燒爐的邊位，我地用d 豬油燒虎蝦(2pcs) $88，好正！

講返自然豬，我地用最韓式食法，生菜，蒜頭，包住來食，咦！好鬼正呀！d 肥油燒晒出來，個豬腩有少少脆口，唔油，好好味，無豬"穌"又唔痴牙，值得推介！

我地叫左烤魷魚$88，有驚喜呀！想不到好好味，一來隻魷魚好有份量，二來係燒完唔韌，仲有少少咸味，用來送酒一流！老公的兄弟們都有叫到啤酒$28、真露$70，配埋一齊就真係一流！

另外烤物的另一推介是上級牛肋肉$138，一碟有10塊，油花好均勻，好好食，一定要叫！

熟食我地叫左紫菜飯卷$48 ，有12粒，份量好足，雖然唔係咩野名貴食材，幾好食。此外，叫左炸雞half & half $68，一半辣一半唔辣，辣比唔辣好食，帶少少甜味，水準可以，唯一是原味真的沒有什麼味，差少少。

最後叫左柚子雪糕$15，吃了咁多熱野，柚子雪糕好清新，老公唔好甜的兄弟們都讚好！一定要吃!!

好滿足的一餐！地點方便唔太貴，可以encore!!

聞說新麻浦好好味，但晚市條隊由3樓排到地下仲要限時，於是找一天中午來試，12時半大把"吉"檯，各位想試的不妨諗下閒日中午來吃。

前菜︰芝麻汁沙律，野菜非常新鮮，洗得好乾淨，抵讚！ 免費Refill 前菜︰醋汁海藻，個人喜歡醋汁，酸酸的味道，海藻也是本人大好之物，好好味，一共refill了三次！牛/豬肉套餐2 $678(4人前) ︰賣相精美，很"吸睛"，有牛肋肉，豬腩和大蝦，樣樣都好新鮮，不過4個人叫一個這樣的set是不會夠飽的，必須加飯和麵。邊爐蛋︰ 這個蛋比"喜來稀肉"還要好吃，無論加泡菜還是原味，蛋煮出來都是很軟棉，好好吃！推介！ 但這可不是免費refill的！要再吃就要加錢，盛惠$ 28韓國紅豆/豆粉冰沫 (2人前) $ 88 未吃過這個甜品的真的要試，Bill tai tai 今年5月去韓國旅行時還奇怪為什麼韓國如此流行"吃冰"，有什麼好吃？現在回想起真的不禁恥笑自己的無知，被固有的思想限制住，沒有踏出一步試新野，就吃少很多美食。
話說我們一眾同事都"大鄉里"得很！豆粉冰沫來到眼前，攆起一直都以為冰沫內是厚厚的椰絲，直至放入口，才知道那些眼見的"椰絲"原來是冰沫！原來將冰"片"至如此細緻，"口感"是很軟棉的，比吃雪糕還要好吃(我覺得) ，好有趣！而且吃完燒肉再吃這個，燒氣全消了！強烈推介！

數年前於銅鑼灣利園店試過1次，一直念念不忘。
今年生日好友特別相約於金鐘重開的新店慶祝，bill tai tai 非常感動，多謝好友！

原來午市新增了brunch，前菜和甜點都是自助形式，吃的選擇一定是豐富了，
但沒有"冰旋沙律"的表演，有少少美中不足。

前菜有沙律菜、smoked salmon、一款火腿、 onion soup和麵包，選擇不多但勝在夠鮮。

大家都選擇了hong kong cut，５成熟（最好味的！ ）
主菜來了，juicy的5成熟hong kong cut，加上肉汁伴薯蓉，喜歡吃牛的朋友一定會極讚！
久違了的大滿足！

這一餐除了主角hong kong cut之外，原來brunch所提供的甜品亦十分驚喜！
迷你泡芙、曲奇、綠茶卷、杏仁小蛋糕，無一不美味！而最好味，一次過吃2件才夠的是迷你果撻，意想不到!

原來好友安排了生日蛋糕一環，忙著做低頭族的我，完全沒有留意有店員行近，直至他們一同唱起生日歌來！！！ 好意外，好開心呢！店員還幫我們合照即影即有一幅！好有心思！

非常開心的一餐，無論食物、服務、環境氣氛等等都十分讚！

今天跟同事外出工作經過旺角，
見地鐵站外有人派扇，
原來是日牛新店開左，
show 扇有全單9折噃，
於是避開中午繁忙時間，
2點左右先入座，只有3-4檯，
可能新開啦，人少少又坐得好舒服
先講環境，朗豪坊店比起之前去過的鑽石山及東港城店開揚好多，
位處13樓，樓底好高，
感覺好舒服，
唔會太焗促，
傍邊近落地玻璃大窗的位置仲可以直望到地面，驚驚
食物方面都keep到水準，
洗得好乾淨，自助區都好齊，
唔會話無左又唔refill，
唯一是汽水機未ready，
原來店舖是昨天9月1日先新開，
咁就算喇，
都有汽水一jar jar可以自己斟，
終始不夠自己斟咁好。
叫左個雞湯底，清清地都幾好，
同事的辛口赤味噌個味好濃郁，少少辣，
個人口味覺得又肉又濃湯都幾滯口，
肉類新鮮齊整，唔錯！
服務方面，店員都幾殷勤，
睇得出係幾個熟店員帶幾個嫩到爆的新人，
因為我地觀察到新人都唔敢主動埋檯，
叫佢地幫手加湯，都唔及熟店員的反應敏捷，
不過新舊人都好有禮貌
食過幾次日牛，幾次都keep到水準，唔錯唔錯，希望繼續keep住喇！
 

收工一個人唔知食乜好，
心血來潮返去油塘街市的"塘利" 食牛雜！

"牛雜"這一款邪惡之物，膽固醇爆燈！
QUOTA要留俾好食的店！

"塘利"的牛雜好有水準︰

份量︰  (5為滿分)
好似我這類大食妹都覺得大份！

味道︰(5為滿分)
好入味，好味的牛雜店買少見少，塘利都值4分

環境︰ 2.5分(5為滿分)
街市入面，坐位之間超迫，幾乎手臂貼手臂，唔好抱太大期望

價錢︰(5為滿分)
食個牛雜飯加碟菜都要50-60元，今時唔同往日，處處都加價，街市做街坊生意的店子也不會便宜到那裡。

下次各位經過油塘想食牛雜粉麵，可以一試。

見網上食評大多為讚的，
心想也不會差到那裡，
因我只想吃一碗正正常常的拉麵。

問店員有什麼推介，
說是牛舌拉麵
於是叫了牛舌鹽味拉麵
湯的味道像是蔥花鹽水
牛舌也沒有特別之處，不見特別美味，
半熟蛋也是平平的，
整碗麵也就是平平無奇，

這樣的質素跟標價不乎，不會再光顧了，有點中伏的感覺。